رواية الحربايه والثعبان الفصل السابع والثلاثون 37 بقلم منة محمد
رواية الحربايه والثعبان الجزء السابع والثلاثون
رواية الحربايه والثعبان البارت السابع والثلاثون
رواية الحربايه والثعبان الحلقة السابعة والثلاثون
بالليل الساعه واحده بعد منتصف الليل جمال جاب تورته وطلع خبط ع باب دعاء
دعاء فتحت وهو دخل خطوتين وقالها: هابي بيرث داي
دعاء: انت بتعمل ايه ,بتعمل ايه
جمال ببرود: تورته عيد ميلادك ‘انتي نسيتي عيد ميلادك اليوم ‘سبينا نحتفل بيه ‘مفيش حد موجود في البيت _طلع علبه_ ودي هديتك
دعاء: انت منحط وقذر ‘انت مفيش كلمه الا لما تتقال فيك ‘الجده في المستشفي وانت بتتصرف باللانحطاط ده
جمال بكل برود: فيه ايه مش عيد ميلادك
دعاء ضغطت ع اسنانها: عيد ميلاد ايه’وزفت ايه ع دماغك ‘معقول في الظروف دي’ ليك نفس تغني وتحتفل ‘غور في داهيه بتورتتك ‘وهديتك ‘اخرج يا وقح
جمال: افهمي انا بعشقك اكتر من آمير الاناني ‘الي مش مهتم غير بشغله وسايبك حتي مهتم بأخته ملكه الدراما الحزينه الكئيبه استني لحظه هو ريكي حاجه مهمه شوفي منستش السكينه ودلوقت يله نطفي الشمع ونقطع التورته
دعاء اخدت منه السكينه ووجهتها ع قلبه : بقولك اخرج , والا هرشق السكينه دي فيك, اخرج من هنا ,واياك ترجع
جمال وهو ماشي قدامها لبره: اسمعي بس يادعاء
دعاء حدفتله السكينه وقفلت الباب بالمفتاح وأأعدت وري الباب تاخد نفسها
جمال من وري الباب: حبيبتي دودوي عيد ميلادك, ليه انتي مقفله كده, انا هقطعها عيد ميلاد سعيد ياروحي
دعاء قامت اخدت الموبيل واتصلت بيهم في المستشفي لكن محدش بيرد
…………قصص منه محمدكاتب……………
في فيلا عائله آمير في التراس
ناني ماسكه بين عيونها: يارب دماغي هتنفجر من الصداع
آمير: بابا مسمعش كلامي
ناني: كان عنده وجهه نظر انت لسه راجع من السفر وجسمك محتاج لراحه
آمير بضيق: لكن يا ماما
ناني قطعته: ملكنش حبيبي هم ساعتين ويطلع النهار خد شور واستريح والصبح لما تصحا روح المستشفي
آمير هز دماغه: اوكيه
ناني: امال
امال جات من غرفتها: نعم يا ست هانم
ناني: التورته دي بتعمل ايه هنا؟؟!!
امال: كان عيد ميلاد الست دعاء والتورته عشانها
ناني بحده: خديها_بصتله_ شايف مراتك بتعمل ايه انت مش في البيت وجدتك في العنايه وهي بتحتفل بعيد ميلادها
آمير: امال
آمال: افندم آمير بيه
آمير: هي دعاء الي طلبتها ولا حد من اهلها جابهلها لحد هنا
امال: لاء يا بيه جمال بيه هو الي اشتراها
آمير بتعجب: جمال هو الي جابها
امال: ايوه انا شوفته وهو داخل بيها ولما خرجت من اوضتي اشرب لقتها محطوطه هنا
آمير: تمام روحي انتي
امال: تأمرني بأي حاجه
آمير: لاء شكرا
………….
آمير بيفتح الباب لقاه مقفول خبط : دعاااء
دعاء قامت جري فتحت الباب ووشها مخطوف ودخلت في حضنه اوي
دعاء: وحشتني يا آمير الحمد لله انك رجعت
آمير خرجها من حضنه بجمود وبصلها
دعاء مشت وراه: رجعت أمتي
آمير: من ساعتين
دعاء: انت جاي من المستشفي
آمير: ايوه
دعاء: جدتي صحتها عامله ايه؟؟!!
آمير: لو كنتي قلقانه عليها روحي شوفيها بنفسك
دعاء: آمير مكنش حد موجود في البيت عشان ياخدني
آمير: كنتي روحتي مع السواق او حتي ركبتي مواصله عامه ده لو عايزه, وبعدين هو انتي مش كنتي بتركبي مواصلات قبل جوزنا
دعاء: بس انا كنت هنا مش بلعب قعدت اعمل اكل لوالدتك ووالدك وفضلت اتصل كل دقيقه بيهم لكن محدش بيرد
آمير: دعاء بمجرد ما نزلت من الطياره روحت جري ع المستشفي اخدت امي ورجعت ع هنا والامر متعلق بالي بيديه الشخص من اولويه وكانت اولويتك تحتفلي بعيد ميلادك مع جمال ده الاهم
دعاء حركت دماغها بسرعه: لاء ياآمير انا محتفلتش بأي حاجه, هو جاب التورته لحد هنا و
آمير قطعها بغيره: ها انتهت معركتك معاه
دعاء: لاء
آمير : كويس انا هغير وراجع المستشفي
دعاء: طيب ع الاقل خد شور وكل لقمه
آمير: انا مش جعان اتأخرت عليهم
دعاء: اوكيه هنزل اعملك اي اكل تاخده معاك, انت هتقضي يومك كله في المستشفي
آمير نازل السلم: قلت مش جعان, وحاله جدتي لسه تعبانه
دعاء نازله جنبه : هتتحسن ان شاء الله, بس كلكم هتتعبوا بالطريقه دي, حتي والدك رافض ياكل
آمير وقف وبصلها : تمام هاكل اي حاجه في المستشفي
دعاء: طيب ممكن البس واجي معاك, اطمن عليها
آمير: هتعملي ايه هناك؟ غير كدا مش مسموح غير بمرافق واحد بالدخول , هاخدك المساء ,سلام
دعاء: سلام
ناني قربت عليها بسؤال: هو آمير برضو صمم ومشي
دعاء بتنهيده: ايوه صمم يروح
ناني: اكل حاجه
دعاء: لاء قال هياكل في المستشفي, يله تعالي افطري
ناني: تمام حطي
دعاء بعد الفطار طلعت غرفتها لقت بوكيه ورد وجنبه علبه ع السرير اخدتهم وفرحت بيهم اعتقدت انه هديه من آمير بعيد ميلادها فتحت العلبه وعجبها الخاتم الالماظ جدا
………….قصص منه محمد كاتب………………..
في غرفه رحاب بتدور في الدرج ع العلبه
جمال اتسحب من وراها: بتدوري عن ايه؟؟!!
رحاب لفت بخضه: ليه خوفتني ,كنت بحاول القي حاجه
جمال: ادور معاكي
رحاب: لاء مفيش لزوم, بس ليه رجعت من الشغل بدري اليوم؟؟!!
جمال: حبيت ازور جدتك
رحاب: لكن دعاء مشت مع آمير ,وانا هروح المره الجايه
جمال: افتكرت كان عندي حاجه مهمه لازم اعملها , ممكن اروح اخلصها, وارجعلك
رحاب: شور روح
جمال: ميرسي حياتي باي
رحاب رجعت تنكش في الدرج: افتكرت انه اشترالي الخاتم…… وانه نسي يدهولي لان جدتي تعبانه …….هو الخاتم ده مكنش ليا ولا ايه؟؟!!
………..قصص منه محمد كاتب………….
في المستشفي
آمير نزل تحت شافه: جمال بتعمل ايه هنا؟ فيه حاجه حصلت؟؟
جمال: جيت اطمن ع الجده هي فين اوضتها؟؟!!
آمير:الدور التاني رقم اربعه
جمال: الدور التاني وهي عامله ايه حاليا؟؟!!
آمير: الحمد لله احسن ,وخرجوها من العنايه, لكن الدكتور قال خروجها نهائي من المستشفي هياخد يومين, انا رايح اشترلها علاج, تقدر تطلع وانا راجع ع طول
جمال: اوكيه
اما دعاء دخلت تطمن عليها وقربت منها: ياجده اتحسني قريب, البيت من غيرك وحش اوي عارفه كأني يتيمه من غيرك والكل قلقان عليكي, آمير وعمي ,وطنط , ورحاب, كلنا عايزينك ترجعي البيت قريب , من فضلك اتحسني
الجده بدئت تفتح عنيها وبصتلها
دعاء بفرحه: انتي فوقتي انتي كويسه طيب!؟
الجده شاورت تنزع جهاز الاكسجين ودعاء رفضت عشان حالتها لكن هي اصرت تنزعه ومدت ايدها وشالته ودعاء ساعدتها
الجده بتتكلم بالعافيه: انا كويسه يا حبيبتي ,عايزه اتكلم معاكي
دعاء: عايزه تتكلمي عن ايه انا سمعاكي؟؟!!
الجده: عن جمال والكلام الي كان بيقولهولك, انا سمعت وقاحته معاكي , حاول يقل ادبه عليكي
دعاء:هو دايما وقح , وسافل معايا كدا
الجدة: لكن ليه يابنتي واكيد بقاله فتره
دعاء نزلت دموعها: ايوه هو بيضايقني كتير ,وواخد رحاب سلمه يفضل بيها في بيتنا ,عايز يطردني من بيتي
الجدة: ليه بيعمل كدا؟؟
دعاء: لانه بينتقم مني عشان رفضته زمان ,وضربته, عشان مد ايده عليا , في الجامعه
الجده سعلت بشده : ايه
دعاء: هو عاوز يطلقني ويدمرني
الجده اتكت ع كف ايدها: دعاء اوعي تقلقي ؟ هتكلم مع رياض في الموضوع
الممرضه دخلت: بتعملي ايه هنا؟؟ ممنوع الجهاز يتشال عن المريضه
دعاء بتوتر: انا متأسفه جدا
الممرضه: مش شايقه حالتها اتدهورت خلال فتره قصيره اخرجي ولما اديها علاجها ابقي ادخلي
دعاء: حاضر
دعاء خرجت وجمال الي اصلا سمع كل كلامهم مثل انه لسه واصل وطالع ع السلم
جمال قرب منها: دعاء مش هتسأليني بعمل ايه هنا
دعاء: مش عايز اتخانق معاك, و لو كنت جاي تشوف جدتي قبل ما تواجهه, افتكر انها عرفت وشك الحقيقي
جمال: مين الغبي الي يجي يشوفها انا جيلك انتي
دعاء: احترم نفسك , وبطل وقاحه, لان ده لا الوقت المناسب , ولا المكان المناسب لكلامك الدنيئ
جمال: وللسبب ده بطلب منك نتحاور بالعقل , فيه كافتريا كبيره تحت خلينا ننزل نقعد, ونتكلم والنقاش هيحل, كل مشاكلنا
دعاء :آمير
آمير قرب عليهم وجمال سأله: جبت الدواء
آمير بضيق: ايوه (بصلها ونبره فيها حده ) بتعملي ايه هنا ؟؟مش قولت لك خليكي جوه مع جدتك
دعاء: الممرضه طلبت مني الخروج
الممرضه طلعت: اشتريت العلاج
آمير: اه اتفضلي
الممرضه: رجاء محدش يرفع عن الحاله جهاز التنفس, ولا تخلوها تتكلم, لو مش هتتبعوا التعليمات وتبقوا حذرين, ازاي هننجح في علاجها
آمير بتعجب: حصل ايه؟؟!!
الممرضه: المدام خلعت الجهاز للمريضه ,واتكلمت معاها وده زدو السوء لحالتها, والدكتور محذرنا ممنوع ننزع الجهاز من غير موافقته, لانها بتعاني من صعوبه كبيره في التنفس, ليه مش بتفهموه الي بنقوله؟!
دعاء: انا آسفه جدا
جمال ابتسم بينه وبين نفسه وآمير راح قعد ع الكرسي ودعاء قربت من غرفه الجده
………………قصص منه محمد كاتب…………….
في منزل عائله دعاء
معمر: داغر اتصل بيا
ميسر: بجد وقالك ايه
معمر: قال انه وصل بالسلامه الامارات
ميسر: هنعمله ايه؟ المفروض كان اتصل بلغ مراته!
معمر: قالي انه اتكلم مع آمير , وآمير بلغه ان جدته تعبانه اوي
ميسر مصمصت شفايفها: هي لسه عايشه
معمر: مالك ياميسر؟ ده متعلق بأهل جوز اختي ولازم نروح نطمن عليها
ميسر: مالي انا, هو انا وظفتي اروح اتنطط في كل مكان ,وبعدين هي تعبانه مش ماتت , واخوك مش مكسوف ع دمه محاولش يسلم ع الفت قبل ما يسافر, كل الي همه دعاء وجوزها
معمر: هبقي اتكلم معاه واحاول افهمه
ميسر: لاء سيب الموضوع متعلق زي ماهو, مهما وصل, انا عن نفسي مش ناويه ادخل في حياتهم, بعد كده
معمر: كلامك صحيح , ده ميهمكيش, لازم نحافظ ع المسافه بينا
ميسر: بالظبط كده
معمر بقتناع: تمام كده
………….قصص منه محمد كاتب…………………..
في الجنينه واقف بيكلم نفسه: دعاء حكت كل حاجه للجده …وهي هتشفي قريب لو مكنش النهارده يبقي بكره ….وهتكشف الحقيقه قدام الكل ….ده انا بذلت جهد رهيب …ولما قربت خلاص من قدري …فجأه كل حاجه تنهار…. لاء مستحيل تخلص ع كده…. مستحيل تنتهي كده
رحاب: كنت واقف بره مده طويله بتعمل ايه
جمال: ولا حاجه
رحاب بشك: وليه متوتر كده؟؟!
جمال: متوتر فين بالعكس انا فرحان, اليوم جدتي ببتعافي
رحاب بحزن: عارفه كده لكن لسه في المستشفي..!
جمال طبطب ع كتفها:متقلقيش, هتبقي كويسه, اطمني
رحاب: عارف مامي يما حذرتها ان جيوبها الانفيه بتزيد للاسوء, ولازم تعالجها ,كانت بتستخدم جهاز الاستنشاق قبل كده, لكن لما ترجع البيت هتاخد اكسجين, انت بتفكر في ايه وانا بتكلم؟؟!!
جمال انتبه: انا
رحاب: ايوه انت
جمال :اه بفكر ياتري اخدتي علاجك ولا لسه؟؟!!
رحاب: لاء لسه
جمال: كنت عارف لازم تاخديه في معاده, يله قدامي تاخديه حالا
رحاب وهي طالعه: نسيته خالص
جمال طالع وراها: مش ممكن ده يتنسي
…………..قصص منه محمد كاتب……………..
في غرفه دعاء لبست الخاتم وفرحانه بيه لانه من اميرها: ها حلو عليا
آمير: امم جميل
دعاء بأبتسامه عريضه: عجبني اواي , حبيته حلو الصراحه, متوقعتهاش منك
آمير كان شارد في حته تانيه بين الشك والغيره وصراع مع نفسه: ازاي اتحسنت الامور بين دعاء وجمال فجأه وهي طول الوقت بتسيئ له وكانت رافضه جوازه من رحاب بس فجأه
دعاء حركت ايدها قدامه:أمير
آمير انتبه: هممم
دعاء بتعجب: ايه الي حصل ‘ضيعت مني فين, انا بتكلم معاك
آمير بضيقه: ولا حاجه انا معاكي بس كنت بفكر اني لازم اسافر ,بعد ما تتحسن صحه جدتي
دعاء بقلق: هتسبني لوحدي تاني وتسافر
آميربحيره: اعمل ايه انا مضطر ,هم محتاجني هناك وفي نفس الوقت مطلوب هنا كمان ,بابا مش بيروح الشركه بقاله ايام, لازم اهتم بكل حاجه
دعاء: انا كمان محتجالك جنبي آمير انا مسؤله منك
آمير وقف بنرفزه: هو انا امتي اتخليت عن مسؤلياتي, وده وقت يعني ينفع فيه شكوي , عارفه كويس ان عايلتي بتعاني من التوتر والقلق , وده الي هنتكلم عنه
دعاء وقفت قصاده: انا كنت بتكلم بشكل عشوئي, ايه الي حصل!؟
آمير اتعصب جدا: لاء مش كدا ,عارف بتستهزئي بيا ,وتتهميني اني مش مهتم بيكي
دعاء: الامر مش كدا مكنش قصدي كده
آمير: عارف الي تقصديه كويس ,والي بعده
دعاء بنفعال: مفيش بعده , واضح انك ناوي تتخانق معايا ,وتطلع غضبك المتعلق بجدتك وشغلك, همشي من قدامك, انا آسفه
آمير راح مسك العلبه وهو مستغرب جابته منين وده ثمنه غالي جدا
…………….قصص منه محمد كاتب………………
في الجنيه دعاء مغمضه عيونها ورايحه جايه جمال لمحها لف راحلها وهي جايه كانت هتتصدم بيه
جمال رفع ايده لفوق: انتبه انتبه ولا هتخبطي فيا وتلوميني ع كده
دعاء بنظرات كلها احتقار: ماشفتش في حياتي , شخص مقرف زيك
جمال مط شفته بهدوء: وده الي عايزه ,انك متبقيش شايفه غيري
دعاء صرخت: جماااال
جمال رفع صوباعه ع شفايفها من بعيد: هش بتعملي ايه لو شافتنا رحاب سوي هتعمل عليكي ليله طويله, اسمعي تعالي نسافر سوي والله هتتمتعي , يله تعالي نحضر شنطه ناخدها سوي ها قولتي ايه
دعاء لفت ورفعت صوباعها بتحذير انه بس يفكر يقرب منها!!
جمال: اوكيه, اوكيه اهدي هروح احضر لوحدي, ونروح سوي المره الجايه ,حتي تدي وقت لـ آمير يرتاح منك يله باي
آمير كان نازل وراها يراضيها لكنه شاف جمال بيتكلم معاها …. آمير وقف مكانه يتابع من بعيد لكنه مش فاهم ايه الي بيحصل بينهم……… استغفر وطلع غرفته
……………قصص منه محمد كاتب………………
الساعه 3 الفجر قدام المستشفي واقف بعربيته مستني الاشاره من العامل ولما شاورله طلع واطمن ان رياض نزل الكافيه يشرب قهوه فتح الباب ودخل بصلها بهدوء مريب وبكل خسه شال القناع وكتم انفاسها لحد ما اتأكدت انها ماتت طلع بكل هدوء وغادر المكان .
في نفس اللحظه في غرفه دعاء الي نايمه زي الملاك وآمير قاعد قدامها ع الكرسي بيفكر
آمير نفض دماغه وقال في سره: ايه الي بتفكر فيه..لاء مش ممكن مستحيل …..مراتي مش كدا عندي ثقه كامله فيها…ربما تكون حسنت علاقتها مع جمال عشان خاطر رحاب…. او لاني طلبت منها كده…ورحاب كمان عنيده وبتزعل عليه من بصه
فوقه من تفكيره رنه الموبيل العاليه الي صدعت في المكان ورد : الو خير يا بابا…..ايه الي حصل للجدتي….ايه لكن ازاي دي كانت بتتحسن
دعاء قامت من عز نومها مفزوعه ع بكائه: فيه ايه حصلت حاجه, لجدتي
آمير مش عارف يقول او مش مصدق الخبر: دعاء جدتي
دعاء هزته من كتفه بخوف: مالها؟؟ ها مالها جدتي؟؟
آمير نزلت دموعه بصدمه: جدتي ماتت
في منزل عائله ميسر الباب خبط
امهم: خير يابني
الشاب: انا عامل البريد ياحجا معايا جواب
الام: لمين؟؟!!
الشاب: للسيده الفت وقعي هنا
امهم وقعت: شكرا
الشاب: العفو
الام: ده المرسل داغر
دخلت بالظرف شافت الفت بتتصل بحد ع الموبيل وعامله تنفخ بضجر
الام: لازم تلفونك يبوظ بستخدميه طول النهار
الفت: بحاول اكلم داغر واتس مكلمنيش من ساعه ما سافر
الام: امسكي بعتلك جواب كبير, ده شكله محوش كلام كتير, ساعي البريد جبهولك
الفت بفرحه: جواب من داغر
الام: اه ياختي منه
الفت بتفتح في الظرف وبغرور: اكيد بيتأسف لي عن الي عمله , عشان كدا متصلش , كتب جواب
امها: الحمد لله انه سأل, وطلع بني ادم , ميسر كانت ع حق لما قالت هيعرف قيمتك, لما يسافر بره
الفت برقت عيونها: امي
امها: ايه الي حصل
الفت بدموع: امي
امها كررت السؤال بعصبية : يابنتي انطقي فيه ايه الجواب
الفت بدموع بحرقه : داغر طلقني
امها لطمت صدرها: نهار اسود طلقك
الفت عضت على شفايفها في انهيار : داغر سابني يا امي, سابني
امها بغيظ: اه الحقير, الدون ,مسبش اي باب للصلح, ياربي اعمل معاه ايه دلوقت
الفت فضلت تصرخ وتعيط بهستريا
امها بزعيق: انا مكنتش موافقه ع العلاقه دي ,وقلت لك مش نافعه, شوفي الي حصل
الفت فضلت تصرخ وتشد في شعرها بجنون
امها ضمتها : اهدي يابنتي ,خليكي جامده ,اهدي هتصل بأخوه الكبير هو الجواز هزار بالنسبه له ,متعيطيش
الفت مبرقه بعدم تصديق: داغر طلقني
امها مسكت الموبيل واتصلت بميسر
ميسر ردت : اهلا ياماما
امها: ربنا يهلك داغر ,يحاسبه ربنا ,واخته تعاني من نفس المصير ,هيشوف اخته هترجعله بنفس الطريقه
ميسر فتحت اسبيكر: ماما حصل ايه ليه؟؟ بتعيطي عمل ايه داغر بس؟!
امها بعياط: دمر حياة بنتي
معمر رد: حصل منه ايه فهميني
امها بنرفزه شديده: افهمك ايه ؟انت واخوك متورننيش وشكم تاني, وان شاء الله يحصل لـ اختك زي الفت
ميسر: يا امي فهمينا ايه الي حصل لده كله؟؟!!
معمر بنفعال: عايز افهم ليه بتشتمي اختي ؟ وداغر عمل ايه!؟
امها ببكاء: اقولك ايه؟ انا حاسه اني روحي طلعت مني ,مفيش حاجه تتقال او تتعمل خلاص اخوك طلق الفت وبعتلها ورقتها ,وتقولي بتشتمي ليه, انا هصلي كل يوم ,وادعي عليه , ومش هيفلت من ظلمه لبنتي ‘الله لايكسبه ‘ولا يربحه
معمرحرك شفايفه بذهول: داغر طلق الفت
…………قصص منه محمد كاتب……….
في منزل عائله آمير الكل في بكاء وحزن شديد
جمال دخل ورسم عدم الامبالاه: هالو يا سيدات
رحاب قامت: كنت فين؟ اتصلت بيك كذا مره, وانت معندكش فكره عن الي بيحصل, في البيت
جمال: جرس الانذار في فيلتي رن بالليل, وكنت مشغول مع عمال شركه الامن, وبعدين ايه الي حصل بتعيطي ليه؟؟!!
رحاب بكاء: نناه اتوفت امبارح بالليل..!!
جمال مثل الدهشه: ايه دي كانت بتعافي
رحاب بعياط: معرفش بابي ومامي راحوا المستشفي ,واتصلت بيك الف مره, كنت ع الاقل اتصل بيا
جمال: انا آسف (ضمها) اهدي اتحكمي في نفسك
رحاب: الله يرحمها
جمال بص لدعاء بمغزي: هيرحمها هي في مكان احسن بكتير
………….قصص منه محمد كاتب……..
دعاء :جمال اقف
جمال: بيقوله متوقفوش واحد مرفوض يحصله حاجه مش كويسه لكن متباشر بالخير لما سمعت صوتك بيناي بأسمي
دعاء بشخط: اسكت عملت ليه كده
جمال بستعباط: انا عملت كتير بتلمحي ع ايه ياقلبي
دعاء :انت الي نزعت الجهاز عن جدتي
جمال ببرود: ليه تتهميني, ليه اعمل كدا بس
دعاء: كنت فين الفجر امبارح
جمال رفع حاجب: هو انتي بتسأليني زي مراتي, لازم تعرفي انا مخنوق من رحاب , عشان اسألتها
دعاء صرخت فيه بغضب : اخرس خالص , معني كدا انك عملتها قتـ لت جدتي ياحقير
جمال شافه وهو نازل عليهم وقال بخبث: دعاء سيطري ع نفسك, عارف انك حزينه جدا عشان مـ وت الجده هديها يا آمير
آمير نزل ووقف جنب دعاء وهي حاولت تسيطر ع اعصابها
جمال بمنتهي البرود : هي زعلانه جدا, سيطر عليها شوف حالتها
آمير طبطب ع كتفها بحنيها: كلنا زعلانين جدا حتي رحاب عماله تعيط
جمال: سيطرت ع والدتك, واختك كويس جدا, سيطر كمان ع مراتك المسكينه, ارجوك اهتم بيها ع كلا انا ماشي, نتقابل المساء ,خدي بالك من نفسك يادعاء
آمير ليها : هدي نفسك
…………قصص منه محمد كاتب…………..
رياض ضغط ع كف ايده لما افتكر انها كانت بتحاول تكلمه وهو رفض يسمعلها
#فلاش
الجده بصتله وشاورتله بأيدها
قام ميل بجسمه عليها: عايزه حاجه يا امي
الجده بتحاول تنزع القناع ورياض رفض: لاء مقدرش اخلع الاكسجين الدكتور منبه عليا بشده اني اعمل كده انتي محتاجه تنفس هتبقي كويسه والله
الجده بتشاورله انها محتاجه تتكلم وهو قالها: لما تخفي نتكلم زي ما انتي عايزه نامي عشان صحتك انا هنا معاكي
#باك
رياض شهق وحط وشه بين كفوفه يعيط
آميرطبطب على كتفه متوسل : بابا وحد الله , هيجرالك حاجه لو هتفضل زعلان كدا ,هتتعب
ناني: ده الي انا بقلهوله ده عمرها ومكتوب, كل واحد فينا له اجل ونهايه
رياض بصوت متهدج من بين دموعه: وفاه امي حصلت بسبب الاهمال ,سبتها نايمه يادوب روحت اشرب فنجان قهوه, رجعت لقيت كل حاجه خلاص انتهت
ناني بحزن: فعلا صدمه, معقول محدش اكتشف ان الجهاز مفصول عن الكهرباء, مين جاله قلب يعمل كدا
جمال اتوتر وحاول يداري وقال: عمو عنده حق , ده اهمال من ادراه المستشفي, الكهرباء قطعت في الغرفه والجهاز اتفصل عنها, لازم نشتكي المستشفي يا آمير , لازم اجراء تحقيق في المستشفي
رياض بنفعال: لازم يتم اجراء تحقيق كامل عن الاهمال مش هسيبهم
جمال بهدوء غريب: رجاء ياعمو لو كنت بحاجه لمساعدتي انا موجود في الخدمه دايما , والد صديقي لواء كبير في الجيش, يمكن يساعد كتير , لان انا كمان عايز المجرم ده يتعاقب بشده
رياض: شكرا يابني
جمال بص لدعاء الي بصاله بنظرات كلها حقد ومشت قبل ما تمسك في زماره رقبته
……………..قصص منه محمد كاتب……………..
دعاء شافته واقف في الجنينه وشها احمر من شدة الغضب و اندفعت ناحيته بشراسة : بتعمل الشويتين دول بعد ما قتلـ ت جدتي
جمال رد ببروده المعتاد: دعاء وطي صوتك, انتي غير مسؤله كدا خالص ,كنت مفكرك ذكيه طلغتي غبيه , ده حديث نتكلم عنه هنا, تعالي ندخل جوه ونتكلم
دعاء بصتله بحدة وصرخت فيه: اخرس وقف كلامك الي زي صفيحه الزباله
جمال عقد ايده ع صدره و قال بسخريه: تمام قفلت, يله ابدئي ارمي اللوم عليا, بس ياريت بدليل اوكيه
دعاء عضت على شفايفها وضربته نظرات قويه وهو ولا اهتم بيها من اساسه
جمال تابع : من الاخر عايزه ايه؟ انا جوز بنتهم الي بتموت فيا ياغبيه, ولو موتها, هـ موتها
كدا بدون تخطيط, هو انا بالغباء الفاحش ده , ها
دعاء بصتله بقهر وهو ضحك بستفزاز ودخل المطبخ وراها
جمال: دعاء شوفي بلاش تهدري طاقتك بشكل غير معقول, شوفتي بنفسك نتيجه الخناق ,بسببك الجدة مشت من الدنيا نهائي, عايزه ايه تاني تحصل مصيبه اكبر
دعاء مسكت السكينه ومن كتر الغل جرحت نفسها
جمال بخضه: كدا جرحتي نفسك
دعاء اتكت ع اسنانها وعيونها بتشع شر هينفجر من وشها: اسكت, اسكت
جمال بخوف حقيقي: دعاء صوباعك بينزف , مش تقطعي الخضار براحه
ناني وآمير قربوا من الصوت لقوه ماسك ايدها وهي بتشدها
ناني بتعجب: ايه الي بيحصل هنا؟؟!
جمال اتوتر: جرحت صوباعها كانت بتقطع الخضار, آمير الحقها بتنزف كتير
آمير سحب مناديل كتير ولف صوباعها
ناني: حاجه بسيطه بتحصل احيانا ,واحنا بنقطع بالسكينه يابني
جمال: لاء دي غلطتي انا, حصل بسببي طلبت منها تقطع خضار زياده , عشان نطبخه, نطلعه صدقه للفقراء ع روح الجده تغريد, اتعصبت مني
دعاء برقت بشكل هستيري: جمال
جمال قطعها بسرعه: حصل خير, تمام هشتري جاهز, بلاش تعصبي نفسك, آمير لو سمحت اهتم بحاله مراتك
آمير: تعالي معايا يادعاء, نعقم الجرح ,واحطلك لازق طبي
جمال هز دماغه: مسكينه موت الجده مأثر ع اعصابها
…………قصص منه محمد كاتب…………..
في غرفه دعاء
آمير جاب علبه الاسعافات: هاتي ايدك
دعاء: خلاص آمير حاجه بسيطه
آمير شد ايدها بلطف : لاء مش بسيطه, الجرح عميق جدا ,لازم نروح للدكتور, الدم مش بيقف اكيد محتاج لغرز
دعاء: مفيش داعي لدكتور هحط عليه بون, دي اول مره اتعور وانا بشتغل
آمير: اه بتحاولي تقولي اني مش مهتم بيكي
دعاء: امتي قلت كده
آمير: ده الي تقصديه, قولت لك كذا مره متعمليش شغل البيت, حتي كلمت ماما, بس انتي بتعاندي ومش بتسمعي الكلام , بتعملي الي يحلالك انتي وبس!
دعاء: بعمل ده لاني بحب اعمله ,لاني بهتم بالكل, ومكنتش اعرف ان جمال جاب خضار, عشان اعمله ع روح جدتي
آمير: وطبعا عشان مش حابه تعمليه, جرحتي نفسك
دعاء:آمير امتي قلت ده, ليه عمال تفسر كل كلمه بقولها بشكل سئ , ايه المشكله الي عندك
آمير رماه المناديل في الباسكت وقام ع حيله : قومي نروح للدكتور النزيف مش بيقف
دعاء : مش رايحه في حته
آمير سحبها من ايدها السليمه عافيه: يله النزيف مش بيقف بلاش تبقي عنيده
……………..قصص منه محمد كاتب…………..
ناني من منظر جمال وهو قريب من دعاء وماسك صوباعها ونظره الخوف عليها مريب وزرع الشك في قلبها
رحاب: مامي انتي كويسه شكلك قلقان مالك
ناني: لاء مش قلقانه ,كنت بفكر لما يكون هناك ناقوس خطر ,وهينتج عنه حريق, طبيعي الانسان بيخاف من ضيق النفوس
رحاب: تقصدي ايه مش فاهمه
ناني بحيره: ازاي اشرحلك
رحاب: مامي ممكن تتكلمي بصراحه, ووضوح اكتر معايا, انا بنتك النار, وحريق ونفوس
قصدك ايه من المعاني دي
ناني في سرها: المشكله مقدرش اقولها…. لانها بتحب جمال بتملك ….. لو اتخانقت معاه
ناني: رحاب
رحاب: نعم
ناني: انا شيفاكي بتتحسن صحتك مش كدا وخصا بعد ظهور التحاليل , انك طبيعيه شايفه مفيش داعي تفضلي في البيت ,هنا اطول من كده
رحاب بضيق :بتحاولي تقولي ,اني لازم امشي من البيت
ناني: بصراحه سولا سألتني اكتر من مره وهي بتعزيني في وفاه جدتك ,وقالت لحد أمتي هتفضل رحاب وجمال هنا
رحاب: يعني حتي وهي بعيده مش مريحه نفسها ,وشاغله دماغها بينا, لو مفرضتش وصيتها مترتحش
ناني: يابنتي ليه تبقي مش عايزه ابنها ومراته مش مبسوطين, انتي لازم تفهمي, الست لما بتتجوز ملهاش غير بيت جوزها, مملكتها
رحاب :مامي انا مكنتش مبسوطه في العيشه معاها, كانت بتدخل في كل حاجه ,ودلوقت انا هنا ولسه مش راضيه وبتدخل
ناني: يا بنتي حاولي تفهمي, لما العلاقه بتكون قوية بين الزوج والزوجه , مهما ادخل حد بينهم مش بتفرق بالنسبه لهم
ناني : بتفرق!! مامي احنا كلنا بنمر بصدمة الايام دي, ووضع بابي منهار, ازاي اسيبه لوحده في الظروف دي وامشي , بليز متاخدتيش تعليقات مامه جيمي ع محمل الجد, ممكن تطمني
ناني: طيب
…………..قصص منه محمد كاتب……………..
في منزل عائله دعاء ع الموبيل
معمر بصرامة: حالا دلوقت تقولي ليه عملت كده
داغر: ممكن تهدء وتسمعني يا خويا
معمر بعصبيه: اياك تقول اخويا, انا مليش اي علاقه معاك, ومتورنيش وشك مره تانيه , سامع ازاي تدمر حياة بنت عشان مشكله تافهه, ازاي اصلا تطلقها
داغر: انت مش عارف الحكايه كلها اصلا
معمر: ايه الي معرفوش كلنا بنغلط اثناء الخناق, لكن ده مش معناه تطلقها وتدمر حياتها
داغر :كنت هسامح لو الامر تافهه ع قولتك, ضغط عليا اتجوزها ورغم كدا كنت هكمل باقي حياتي معاها, لكن مراتك عارفه كل حاجه اسألها
معمر بصلها: ميسر عارفه ؟؟ عارفه ايه
داغر قفل الخط لانه فاقد الامل اصلا فيه
معمر: داغر بيقول انك عارفه سبب طلاقه من الفت
ميسر: وانا هعرف منين؟ هو مش عايزها من الاول ,وماصدق خلص, وكل ده لان دعاء طخنتها في دماغه
معمر بتعجب: دعاء انا مش فاهم ليه انتي وامك دايما تلعنوا وتشتموا اختي
ميسر: احنا مش بنفتري عليها من غير سبب ,هي وراه كل ده عايشه في بيتها مرتاحه , واختي بيتها اتخرب
معمر: ازاي
ميسر: داغر بيشاركها في كل حاجه وبيسمع لها , ده حتي عطاها مبلغ كبير اوي, اخد رايك طبعا لاء لان الاتنين بيخططوا لكده ,وبقولهالك تقطع اتصال بيهم من النهارده, والا هسيبلك البيت وامشي
معمر : طب داغر عشان الفت لكن دعاء مالها
ميسر: لو بتحب اختك, انا كمان بحب اختي كتير, اتصل بأختك واخوك يجوا يهتموا بيك, وبأبنك انا ماشيه
معمر: بطلي شغل جنان , دعاء في بيتها وقولت قدامك لداغر هقطع علاقتي بيه, ليه نخرب بيتنا عشان شخص تاني, لو مش عشاني فكري في ابننا ذنبه ايه في كل ده. ليه انا اعاني, وانتي حره اعملي ما بدالك
…………….قصص منه محمد كاتب………………….
رياض قاعد ووشه محتقن احمر صهد
آمير عقد حواجبه وبقلق: حصل حاجه يابابا؟ ليه متعصب كده
رياض صرخ بعصبيه ووشه احمر : مش هرحم الناس دول هعلمهم درس مستحيل ينسوه ابدا
آمير: بتتكلم عن مين ايه الي حصل؟؟!!
رياض قال بنبرة حادة : اداره المستشفي
آمير: بابا من فضلك أأعد واهدء, دعاء هاتي شويه ميه
رياض بعصبيه: ده وقت قعاد عارف بيقوله ايه؟ ان ده مش خطائهم اربعه موظفين كانوا منوبين ع نفس الدور طول الليل , حتي الدكتور بيقول نفس كلامهم كلهم كدابين ,مهملين مجرمين
آمير: يمكن حد وقف الجهاز عن طريق الخطاء ,خلاص نطلب منهم كاميرات المراقبه, عشان نعرف مين دخل الاوضه , وفي اي وقت
رياض بنفعال : ماهي دي المشكله برمتها ,مفيش كاميرات مراقبه ,قال كان فيه خلل في النظام ازاي ده كلام مجانين, مش هرحمهم هتصل بالوزير فورا, يضغط عليهم ,وبعدها هنكشف مين الي اهمل وامي ماتت
رياض بكاء بحرقه ودعاء جات بكوبايه الميه وهي متوتره لانها عارفه مين الفاعل
آمير: بابا اشرب شويه ميه, هروح معاك المستشفي, متقلقش هنتكلم معاهم
رياض: يله هستناك في العربيه
دعاء لنفسها: جمال بيخطط هو اعترف لي انه قتل الجده لانها كانت عارفه الحقيقه عمري ما تخيلت انه يعمل فعل منحط وضيع ثعبان خطط بدقه وعنايه كبيره قال وانا بقلل من قدراته اذا كان قدر يتجوز رحاب ويستغفلها
أمير: انا رايح مش هتأخر
دعاء: آمير عندي حاجه مهمه لازم اقولهالك
آمير: دعاء انا مستعجل جدا نتكلم لما ارجع
دعاء مسكته برجاء: والله العظيم موضوع مهم جدا, من فضلك اسمعني
آمير بعجاله: يادعاء بابا هيمشي , وهيتخانق مع ادراه المستشفي ,مش عايز الوضع يخرج عن السيطره, حاولي تقدري, نتكلم لما ارجع, الدنيا مش هطير
دعا ء تابعته وهو خارج: حاول مره تقعد وتسمعني يااخي, انت وعمي بتتخانقوا من غير هدف والمجرم رايح جاي, معاكم في البيت, بيتحرك بكل حريه
$$$$$$$$$$$$$$$$$$$$$$$$$$$$$$$$$$$$$$$$$
استوب وانتظروني وكشف السر وانتقام دعاء من الكل حتي نفسها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
