رواية الحربايه والثعبان الفصل الخامس 5 بقلم منة محمد
رواية الحربايه والثعبان الجزء الخامس
رواية الحربايه والثعبان البارت الخامس
رواية الحربايه والثعبان الحلقة الخامسة
في بيت عائله آمير
آمير: امي اقفي اسمعيني ارجوكي ردي عليا
ناني وقفت وزعقتله: اسمع ايه انا لحد اللحظه عمر مافيه اي حد كلمني بالطريقه الوضيعه دي زي الي حصل اليوم , بجد دي ست مش محترمه
الجده: ناني هدي نفسك الزعيق مش هيوصلنا لحلول
ناني بعصبيه: ماما انتي الي بتقوليلي كده , مشفتيش معايا الي حصل , متوقعتش انهم ناس من الدرجه التالته ومنحطين كدا
رياض قرب عليهم: في ايه ؟؟ليه رجعتوا بدري بسرعه وليه منفعله ياناني؟؟!!ايه الي حصل هناك
ناني: اسألنا ايه الي محصلش هناك , احنا اتعرضنا لـ اكبر اهانه , لاتحتمل لدرجه مش قادره اتكلم عنها
رحاب: مامي ازاي يتجرؤ
ناني بصت لامير بغيظ: كله بسبب اخوكي وسكت عشانه هو وبس
رحاب: كان لازم تعرفيهم مقامهم
الجده بشخط: مالكم انتم الاتنين’ هي منافسه مين يبقي وقح اكتر
آمير: كان غلطي كان لازم اقولكم مين هي ميسر!!
الجده بهدوء: يابني لو رفضوك كان لازم يبلغونا
آمير: ياجدتي الامر مش كده , هو حصل سوء تفاهم والا كان داغر بنفسه قالي
ناني اتعصبت منه : كفايه بعد الي حصل انتهي موضوعك البنات المحترمه ماليه الدنيا
أمير: وانا قولتلك لو مش دعاء مش هتجوز واحده تانيه ابدآآ _لف يطلع_
ناني بزعيق: آمير
رياض منعها بهدوء: اهدي هو مضايق نتكلم بعدين مش وقته
………….
في بيت عائله دعاء الي طبعا بكت لما خلصت كل خزانات الدموع
داغر لميسر: ايه رايك في نفسك, مين انتي عشان تتكلمي معاهم بالطريقه الوقحه دي
معمر : ايه اللهجه الي بتكلمها بيها دي
داغر: نفس اللهجه الي تستاهلها , عارف هي عملت ايه مع عيله آمير , طردتهم ومشتهم من البيت
ميسر: انا مطردتش حد, قولتلهم الصراحه الي انتم مخبينها عنهم , معمر اسأل امك واخوك ليه مرفضوش الموضوع لحد دلوقت
بهيه: يابني هي متدنيش فرصه للكلام , دخلت فجأه وبدئت تهين في الناس ,وكنت هقولهم قرارك
ميسر: الكلام ده تخدعي بيه اي حد تاني, عارفه انك موافقه ع الجوازه من مده طويله والا كنتي رفضتي عن طريق التلفون لما طلب منك معمر
داغر بصوت عالي : احنا مش رافضين , ومين انتي عشان تتكلمي في قرار مصيري لـ اختي ’ انتي مين عشان تفرضي ارداتك علينا , امي بس الوحيده الي تقدر تقرر جوازه دعاء
معمر: تمام لو ده قرار امها’ انا اخدت قرار واحد مفيش غيره , انا ومراتي ملناش اي علاقه بيكم كلكم
داغر بنظره ملامه : ده تسلط ولا عناد’ ازاي تكون اناني بالشكل ده
معمر وزع نظراته عليهم: اه انا اناني ‘زي ما كنت اناني طول السنين الي عدت ‘اتعامل معاهم خلينا نشوف هتعمل ايه
داغر بقهر: هو انت مفكر مش هقدر اهتم بيهم, هم مش عبئ عليا
دعاء صرخت فيهم: بس كفايه بالله عليكم كفايه لو مش عشاني عشان خاطر امي المسنه, حد مهتم هي بتحس بأيه وهي شيفاكم بتتخانقوا بالطريقه دي
داغر : دعاء
دعاء شاورت له بتحذير : خلاص انا مش عايزه الجوازه دي , ومش هنفتح الموضوع ده تاني
دعاء جريت تبكي وداغر حضن امه وهي بتعيط ومعمر مشي مضايق اما ميسر فرحانه فرحه المجنونه انها وصلت للي هي عيزاه
………….قصص منه محمد كاتب…………..
في بيت عائه آمير
رحاب قربت منهم وأأعدت حطت رجل ع رجل وتلعب في خصل شعرها : بابي مامي عايزه اتكلم معاكم في موضوع
رياض: قولي يا بنوتي خير
رحاب: اصحابي في الجامعه نظموا رحله للساحل الشمالي , لمده اسبوع وانا قررت اسافر
رايض ببتسامه: نايس
ناني: اسبوع انتي عارفه ان اخوكي حالته وحشه, لازم تبقي جنبه وانا واثقه لما تقعدي معاه هيرجع لطبيعته
رحاب: مامي آمير مش عيل صغير , وبعدين انتي ليه قلقانه عليه بالشكل ده , ماخلاص اهل البنت دي رفضوا علاقته بيهم , واظن ده كويس لينا كلنا بابي جيب لي التكت من فضلك
رياض: حاضر ياعيوني هجبهولك ع المعاد الي تحدديه
رحاب قامت: ميرسي بابي يله باي
ناني: رحاب ع حق آمير هيزعل شويه وبعدها يتحسن
رياض بضيق : انتي ايه حكايتك اعجبتي بالبنت وانبهرتي بيها , ازاي تغيري فكرك لسبب تافهه زي الي حصل
ناني: اظن انت عارف اني روحت عشان خاطر ابني’ اه منكرش اعجبت بالبنت جدا , بس تعمل ايه لو هم رافضين
رياض: احنا مسمعناش ابننا لما قال عن الست الي اهانتكم
ناني اتنرفزت : مطلوب مني اعمل ايه اقع تحت رجولهم واجبرهم يوافقوا ع ابني
رياض: انا كل الي طلبه منك متقوليش كلمه واحده , آمير عنده عزه نفس وكرامه , لو لقي الرفض جاي منهم هيبعد اما بقي لو اخدتيها ع كرامتك انتي هيعاند معاكي
…….قصص منه محمد كاتب…………
في عائله دعاء
ميسر بره في المدخل: شوفتي الحيه, بت في منتهي الذكاء حاصرت صاحب اخوها وطلبت منه يجي يتقدملها ولما كنا خلاص هنرفض هي رفضته بنفسها انا فاهمه ذكائها تقدر تخدع الكل الا انا
الفت: انتي كمان مش مدياهم فرصه يستريحوا ومعمر رفض من غير سبب, الاحسن لو اتجوزت ومشت هترتاحي من حملها وبعدها يجي دوري
ميسر بحقد : انتي صح عايزها تغور من هنا في اسرع وقت بس كمان مش عايزها تتجوز عريس غني ومتريش وترتاح , دي هيبقي عندها عربيه بعد ما كانت بتتشعبط في الاتوبيسات, وانا بقي احس بنار عارفه بفكر اجوزك آمير
الفت: ايه الي بتقوليه ده ياميسر لا طبعا مش عايزه اتجوزه
ميسرمدت بوزها : عشان حماره هو انتي تعرفيه يابت ده غني اوي
الفت: الله الغني انا مش هتجوز غير من الراجل الي بحبه
ميسر رفعت حاجب: يعني ايه هو انتي ع علاقه مع حد
الفت : هقولك ليه مستعجله يله نشرب عصير وانا هعملهولك بنفسي خليكي قاعده
ميسر بينها وبين نفسها: البت دي مخبيه عني حاجه
الفت اتسحبت ودخلت غرفته : بتعمل ايه؟؟!!
داغر نط من الخضه: جيتي تاني ماتقعدي تكني في بيتكم
الفت: بحس بالسعاده لما بشوفك
داغر: بطلي كلامك الخايب واخرجي من اوضتي
الفت: ليه مش قادر تشوف حبي
داغر: انا عارف حظي اسود شويه لكن عمري ما كان اسود زي دلوقت
الفت: عارف لو مش بحبك كنت رديت ع كل كلامك كويس جدا
داغر بتحذير: سيبك بقي من العشق والهبل ده , وسبيني في حالي واطلعي من هنا , والا اختك ما هتصدق تمسك عليا فرصه لاهانتي
الفت بتقرب منه : سيبك من اختي هقنعها بسهوله خالص انت بس ابقي ليا
داغر رجع لوري : ابعدي عني
دعاء دخلت: داغر الفت بتعملي ايه هنا
الفت اتوترت: كنت بدور عليكي عندي صداع فظيع ممكن برشامه
دعاء بتعجب شويه: حاضر
داغر حب يعطلها متخرجش: دعاء فين قميص اللاسود
دعاء: جوه متعلق ع الشماعه جوه الدولاب
داغر: مش لقيه
دعاء: استني اشفهولك
داغر بص لـ الفت بغيظ وهي فضلت واقفه مكانها
دعاء طلعت: اهو القميص مالك يا داغرمتوتر كدا
داغراخد القميص بعصبيه: خسرت عقلي
الفت لدعاء: يله نطلع
دعاء: اه البرشامه
…………قصص منه محمد كاتب…………
في بيت آمير تحديدا ع السفره
الجده: رحاب وصلت بالسلامه
ناني: اه اتصلت بيا
الجده: الحمد لله ربنا يحفظها
رياض: امين !! هو امير ليه مجاش يتعشا معانا
آمير دخل من بره : مساء الخير
الجده: مساء الورد
ناني: كنا لسه بنتكلم عنك اقعد كل معانا
آمير مكشر : انا مش جعان (لف مشي)
رياض نده عليه: آآآآمييير هو ماله؟؟!!
ناني وقفت: كل انت انا هقوم اشوف ماله
الجده حطت الشوكه : استناه يارياض
ناني راحتله: امير
امير لف ع اول سلمه: نعم يا ماما
ناني: لحد امتي هيستمر وضعك كده
آمير: عايزه تقولي ايه
ناني: يابني روحنا ووافقنا عشان اصرارك , بس رفضوك نجبرهم عافيه , هم اهلها من حقهم يقبلوا او يرفضوا
آمير بهدوء: ماما انتي مش فاهمه السيناريو الحقيقي , دي مؤامره حقيره من مراه اخوها ميسر واستفزت معمر اخو دعاء
ناني: يابني دي مشاكلتهم الشخصيه واظن بلاش تدخل ما بينهم
آمير عيونه بتصرخ برجاء: طيب قوليلي حاجه واحده , هنروح تاني لو اخوها معمر وافق عليا
ناني: امير وبعدين
آمير مسك كف ايدها برجاء: ماما ارجوكي نروح تاني عشاني
ناني بستسلام لرغبته: حاضر لو وافقوا معنديش اي اعتراض , يله بقي تعال كل عشان ابوك وجدتك منتظرينك
امير بفرحه: روحي انتي وجاي وراكي
ناني: اوكيه متتأخرش
…………قصص منه محمد كاتب………………..
في شغل معمر آمير رحله يقدم عرضه تاني
آمير: معمر كنت جاي عايز اتكلم معاك
معمر: اه اتفضل
آمير أأعد قصاده : ممكن اعرف سبب لرفض طلبي؟؟!!
معمر فتح ملف يكتب فيه : مش عايز اقدم اي توضيح للرفض
آمير: معمر انت عارفني من سنين , وانا بحترمك زي اخويا الكبير, ومش عارف ايه الي شوفته مني عشان ترفضني
معمر: انا مشفتش منك اي حاجه وحشه
آمير: اقسملك انا عمري ما دخلت بيتكم بنيه سيئه , انا اغير ع كرامتك وشرفك لانهم من كرامتي وشرفي , ولما نويت الحلال دخلت البيت من بابه , لكن اترفض بدون سبب , بجد انت غلط في حقي غلطه كبيره قولي ع الاقل سبب واحد للرفض
معمر بأحراج: انت معملتش اي حاجه غلط , انت شاب محترم , بس دخلت بيتنا سنين ولما تتقدم لاختي اظن عارف كلام الناس هيقوله ايه
آمير: معقول تحرم عليا السعاده عشان كلام الناس, اهلي عايزين يجولكم تاني بعد كل الي حصل وليا طلب واحد تتخلي عن عنادك واؤكدلك مش هتلاقي اي شكوي مني ابدا في حق اختك
معمر: تشرب شاي ولا قهوه
آمير: اي حاجه
………….قصص منه محمد كاتب………………
في بيت دعاء في المطبخ
بهيه غطت الحله: شهلي اخوكي زمانه جاي مش شغله
دعاء: حاضر قربت اخلص اهوه
بهيه: الفراخ استوت كمان , اعملي سندوتش لابن اخوكي زمانه جاع
دعاء: حاضر يا ماما
معمر صرخ من بره: يمه
بهيه خرجتله: ايوه يامعمر
معمر بتسامه: عامله ايه ياست الكل
بهيه ابتسمت : بخير كنا لسه انا واختك في سيرتك
معمر: يمه كنت عايزكم
بهيه بقلق: في حاجه حصلت يايني
معمر بص لدعاء وابتسم: اطمني كله تمام , النهارده آمير جالي الشغل واتكلمنا ,ووافقت ع طلبه
بهيه: ربنا يريح قلبك ويسعدك
معمر بص لاخته الي وشها ورد ورجعتله الحياه ومعمر فات من جنب ميسر الي ولعت نار واتغاظت لما دعاء جريت تضم امها بفرحه
ميسر بنفعال: جرالك ايه ليه فتحت الموضوع تاني لما رفضناه
معمر: عشان راجعت نفسي لقيت اني اتسرعت في رآي
ميسر مقهوره منه: قصدك ايه؟؟
معمر: آمير شاب ذوق وخلوق , وغرضه شريف ولو مصر بعد كل الي حصل , فهو احسن مننا, وبالمناسبه صعب نلاقي نسب محترم الايام دي زي عايله آمير
ميسر: اكيد اجبر اهله والا ليه رجعوا تاني
معمر: ايه العيب لو بيحبها ماحنا اتجوزنا عن حب وهروح انا وامي نعتذرلهم كمان
…………….قصص منه محمد كاتب……………
في الكافيه
آمير: كنت عايز اتكلم معاك من اليوم اياه
داغر: بس متكلمتش
آمير: اعتقد زعلان مني
داغر: هو انا ممكن ازعل منك
آمير: داغر
داغر قطعه: مش محتاج تقول اي حاجه , عندي ثقه كامله فيك , ولا يمكن القي زوج افضل منك لدعاء
آمير بسعاده: ثانكس لثقتك
داغر: مفيش شكر بين الصحاب وانا بعمل كل ده عشان سعاده دعاء عايز حياتها الي جايه هاديه , ع فكره اختي بطبيعتها ملهاش لسان ولا طلبات بسيطه جدا , عشان كدا ليا طلب واحد اهتم بأختي وكتير
آمير بصدق: داغر اوعدك لايمكن اكسر ثقتك واخذلك
داغر: وانا حقيقي مضايق من ميسر مش بتقعد ساكته
آمير: انت ليه هتقلقني انا اتكلمت مع اخوك ممكن تعمل ايه تاني
داغر: متستهونش بيها تقدر تعمل كتير, عشان كدا لو تقدر تتم الجوازه بسرعه ,يعني ده رآي لان ميسر ممكن تخلق اي مشكله وتبوظ الجوازه ,وهتحاول بكل طريقه تمنع العلاقه ,وانا قلقان ع دعاء مش عايز اي عائق يقف قدام سعادتها انت ايه رآيك
آمير: اطمن الجوزاه هتم في اقل من اسبوعين, هتكلم الاول مع بابا , وانا متأكد مش هيكون عنده اي اعتراض
داغر: ربنا يقدم كل ماهو خير
……….قصص منه محمد كاتب…………….
في بيت عائله أمير منتظرين عائله دعاء تدخل وأمير عرض ع ابوه ان الجوازه تتم بسرعه
رياض رد وقال: وماله يابني انا موافق وهقنع امك
آمير: بابا حصلت امور كتير وميسر اهانه دعاء بسببي , وانت عارف عملت ايه مع جدتي وامي وانا اقنعت ماما بصعوبه , بس لو حصلت اي مشكله تانيه مش هتوافق ابدا
رياض: فاهم يابني انك مش عايز الفتره تطول , متقلقش ياعريس هنقولهم عايزين الفرح في خلال اسبوعين , عشان تخلص بسرعه , وانت عندك كل حاجه يبقي مفيش لزوم التأخير عشان متخلقش مشاكل ازيد
آمير: ربنا يخليك هم شويه وجاين
رياض: خلاص اطمن بقي ابوك في ضهرك اسد
بالفعل لحظات والكل دخل واتجمع
معمر بحرج: انا بعتذرلكم عن الي حصل وبعتذر اكتر اني اخدت قرار متهور وعرفت انه كان قرار غلط
رياض ببساطه: يابني احنا بشر وبنغلط وبنتسرع بس خلاص نقفل الي حصل ونتكلم في الي جاي
معمر: بجد انت كريم وعظيم مكنتش اعرف عن عيلتكم انها اخلاق كدا وبجد احنا محظوظين اننا هناسب ناس طيبيبن وذوق زيكم واحنا موافقين ع طلبكم لبنتنا
الجده بفرحه: مبروك علينا وعليكم ربنا يسعدهم يارب
رياض: بالمناسبه الحلوه دي اعتقد اننا نحدد معاد الفرح دلوقت
ناني: احنا مش عايزين فتره خطوبه احنا عايزين دخله ع طول
بهيه: ايوه يامدام ناني بس احنا محتاجين وقت نجهز بنتنا
ناني: مفيش داعي يابهيه احنا عايزين دعاء من غير اي حاجه’ ابني متكفل بكل طلباتها ولوازمها
معمر: كلام حضرتك ع دماغي ‘لكن لايمكن تيجي اختنا بيتها من غير جهزها
رياض: احنا كل الي علينا ندعلهم , تكون حياتهم مع بعض مستقره وهاديه , ودعاء خلاص بقت بنتنا وهنتكفل بكل حاجه
معمر: زي ما تأمر حضرتك
الجده: ناني هاتي شربات
ناني بسعاده نابعه من قلبها : اكيد امال شربات
استوب ياتري ايه الي هيحصل في الاحداث الجايه
تعالوا بقي في اول لقاء بين امير ودعاء رومانسي للغايه ونحضر فرحتهم سوي بس كالعاده نشقلب الاحداث
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
