رواية الحربايه والثعبان الفصل الحادي والعشرون 21 بقلم منة محمد
رواية الحربايه والثعبان الجزء الحادي والعشرون
رواية الحربايه والثعبان البارت الحادي والعشرون
رواية الحربايه والثعبان الحلقة الحادية والعشرون
في منزل عائله آمير يوم التعارف
رياض لجمال: يابني بتشتغل ايه؟؟!!
جمال: انا بشتغل في شركه مام , استراد وتصدير , الأثاث المودرن والكلاسيكي
رياض: بارك الله فيك
سولا بأبتسامه: من اول ما وصل من امريكا هنا , ضغط نفسه في الشغل , ودخل مشروع تقيل وقرب ينتهي منه , والحقيقه مريحني جدا
ناني بهمس: امال مراتك فين؟؟!!
آمير بنفس الهمس : مش عارف !برن اشوفها (قام طلع بره يتصل) انتي لسه مجهزتيش كل ده يا دعاء ،معقول
دعاء ردت عليه: انا جايه خلاص ،اديني بس دقيقه
آمير: دقيقه
دعاء: حاضر دقيقه
آمير: اخدتي الدواء
دعاء: ايوه اخدته قبل ما البس يله هتأخرني سلام
آمير دخل وسولا بتابع كلامها: كنت محتاره مع نفسي قبل ما اجي هنا, كنت بقول ياتري البنت الي خطفت قلبي ابني شكلها ايه, بس الصراحه مبسوطه بعد ما شوفتها , هي جميله جدا والحقيقه هبقي سعيده اكتر لو وافقتوا ع ارتباط جمال برحاب
ناني: احنا كمان حبينا ابنك كتير, بالمناسبه فين والد جمال
سولا: هو مش عايش معانا , اتجوز واحده تانيه من خمس سنين , وعايش في امريكا مع عائلته الجديده
رياض: تمام وصلت
سولا: فيه اي اعتراض ع ظروفنا
رياض: لاء طبعا بتقولي ايه ،ده قدر ونصيب
سولا ملامحها ارتاحت: يعني اعتبر طلبنا مقبول
الجده: طبعا ابنك دخل البيت من الباب , والاولاد عايزين بعض مينفعش نقول لاء
رياض : اكيد
سولا: الف شكر لحضرتكم ،امال فين مراتك يا آمير نفسي اشوفها
ناني: هي فوق في اوضتها ،اصلها حامل فتعبانه شويه
جمال وشه اتغير من عدم وجودها وآمير فضل يرن عليها لانها قالت له دقيقه ونازله
سولا: عايزين نعمل خطوبه قريب ،ها ايه رآيكم
ناني: الرآي لرياض والجده
رياض: الي تقوله امي انا معنديش اي مانع فيه
الجده بسعاده: انا رآي نعمل الخطوبه بعد اسبوعين
رياض: ودلوقت كلنا نقرء الفاتحه
تمت قراءه الفاتحه وجمال لبس خاتم لرحاب وبعدها استأذنو ومشيوا
ناني بصتله وانفعلت عليه: هي مراتك مفكره نفسها مين ؟؟ بتحاول تثبت ايه ؟؟ بتكرر نفس الغلطة
رياض: وهي كانت عملت ايه
ناني بغيظ : ارجوك يارياض , انت بتقف دايما في صفها, بشكل غير معقول, واضح انها عندها حساسيه من سعادتنا, ولا ليه منزلتش الناس تقول ايه قرئنا الفاتحه واخت جوزها مش مهتمه
رياض: محدش هيفكر نفس الي في دماغك ياناني بجد كلامك غير منطقي ولا معقول
ناني: دي واحده منافقه عندها ضغينه جوه قلبها اسألها ليه بتبعد انها تشاركنا فرحتنا رغم هي فرد من العايله صدق المثل عمر مراه الابن ماتبقي بنت حماتها ابدا
رياض: ناني كفايه
آمير مشي بضيق من كلامها وطلع لدعاء لقاها مرميه ع الارض نخ عليها: دعاء ,,دعاء,, فوقي
آمير شالها حطها ع السرير وفضل قاعد جنبها لحد ما فاقت خفيف وحكتله انها داخت وهي بتلبس ووقعت
رحاب قعدت ع حرف السرير: يظهر مراتك اتحسدت , عين بصلها , من اليوم الي عرفنا فيها انها حامل , وهي ع طول عيانه , طلع صدقه بأسمها , اصل نناه بتقول الصدقه تنجي من البلاء
آمير بحزن: مش عارف مين الي مستكتر علينا الفرحه
رحاب مثلت الحنيه: دعاء لو حاسه انك تعبانه اوي نتصل بالدكتوره
دعاء بوهن: انا كويسه
آمير مسح ع خدها بحنان: نامي حبيبتي شويه , انا راجعلك تاني, عايزه اي حاجه اجبهالك معايا
دعاء شاورت له بـ لاء
آمير: رحاب تعالي معايا خليها ترتاح
رحاب بخبث: انا جايه روح انت هغطيها وانزل وراك
آمير نزل ورحاب بصتلها: ارتاحي وحاولي تروحي في النوم
دعاء لفت الناحيه التانيه وراحت فعلا في النوم ورحاب اخدت عليه الدواء بسرعه وخرجت لقتها في وشها
رحاب برتباك: مامي
ناني: اسفه يابنتي معرفناش نحتفل بيكي بسبب التوتر والي حصل لمراه اخوكي والاكان البيت كله في حاله سعاده
رحاب: محصلش حاجه
ناني: مش عارفه ايه السبب وليه دعاء بقت ع طول مريضه كدا كل يوم تواجهه مشكله صحيه
رحاب: اظن فيه مشكله معاها او ضغينه او بتتدعي المرض عشان تلفت اتباهنا
ناني: الله اعلم يابنتي بقيت محتاره
رحاب: ولا تحتاري ولا حاجه يله تعالي هي نامت
ناني دخلت جناحها ورحاب جريت فوق الروق وبعزم قوتها رمت الزازه في الجنينه الي جنبهم
………..قصص منه محمد كاتب…………
في غرفه آمير ودعاء
دعاء عماله تدور ع ازازه الدواء مش لقياها
آمير دخل وسألها: دعاء بتدوري عن ايه؟؟!
دعاء بتلف بحيره: راحت فين انا حطيتها هنا امبارح
آمير بصلها بسؤال: ممكن تقوليلي بتدوري ع ايه؟؟!!
دعاء بحيره : ازازه الدواء من امبارح مش لقياها
آمير: سألتي امال؟ يمكن حطيتها في حته وهي بتنضف , هي دايما تنقل الحاجات في مخبئ سري واحنا ندوخ لحد ما نلاقيها
دعاء: سألتها متعرفش
آمير: خلاص يبقي هتلاقيها هنا , وياستي لو مش موجوه هاتي الروشته نجبها , وبلاش تتوتري ويله اجهزي عشان هنتأخر عليهم
آمير اخد عاء ودخلوا المول مع جمال ورحاب , ورحاب سحبت آمير معاها ع شنطه,, ودعاء بعدت وراحت لصطاف الملابس الحريمي, وجمال لما اطمن انهم بعدوا راح وراها وشد فستان
جمال لدعاء: ليه متجربيش اللون ده؟؟!!
دعاء: اللون ده؟
جمال: بليز متقولليش انك مش بتحبيه , كتير جيتي بيه الجامعه, يعني لونك المفضل , وهو لايق ع لون بشرتك كتير , حتي لبستيه في اليوم الي ضربتيني فيه
دعاء: انت ليه بتقلب في الماضي القديم, برغم قولتلي انك نسيت كل حاجه , ليه بتتكلم فيه تاني
جمال ابتسم: انا بهزر اهدي
دعاء بجديه : اسمعني كويس ياجمال, انت ورحاب داخلين ع بدايه جديده , معرفش مشاعرك ناحيتها لكن هي بتحبك اوي
جمال: وانا كمان بحبها
دعاء: العلاقه بيني وبينها حساسه جدا, كانت صحبتي قبل كدا , لكن الوضع اختلف وسعادتها غاليه عليا جدا, لانها دلوقت اختي
جمال: نسيتي حاجه مهمه , ان رحاب البست فريند المقربه منك جدا, والبيست فريند المحببه ليا, وانا مهتم بيها جدا , اكتر ما بتهتمي انتي بيها
دعاء: ده كويس جدا
جمال بتنهيده: اتس اوكيه جربي ده ممكن
دعاء: بس مبقاش استايلي من الفساتين
رحاب قربت : هاي كنتم بتتكلموا في ايه؟؟!!
آمير بص للفستان وقال: انتي الي اخترتي ده نايس
رحاب بغيره وحقد لانها عارفه ان جمال كان بيحب اللون ده ع دعاء وقالت: ثانيه اوعي تقوليلي انك اختارتي اللون ده , اصل لازم نتخلصي من استيلك القديم دلوقت
آمير: رحااااااب
رحاب: انا أىسفه امير, لكن اللون مش سبيشل, وبلدي جدا , سبني اجبلها حاجه ع ذوقي (سحبت فستان) ايه رايك في ده
آمير طبطب عليها بحنيه: مش وحش يله ادخلي قسيه هيليق عليكي
رحاب بصت لجمال ورجعت بصتلها بحقد كبير!!!!
دعاء بستسلام : حاضر
………….قصص منه محمد كاتب……………..
تسريع الاحداث يوم الخطوبه في افخم القاعات
ناني: امير
آميرساب الضيوف وقرب عليها: نعم ياماما
ناني: فين اهل مراتك
آمير: الفرح لسه بادء وزمانهم ع وصول
ناني بعصبيه خفيفه : يعني هيجوا بعد ما الفرح يخلص, دول عالم مش بيهتموا بأي حاجه, طبعا طبقه متوسطه يعرفوا منين البروتوكول , ع الاقل يهتموا بمنظر بنتهم
آمير بخنقه من طريقتها : فيه ايه يا امي ؟؟ بجد فيه ايه
ناني شوحتله وهي ماشيه بنرفزه : مفيش حاجه
أمير اتنهد ومسح جبينه : لاحول ولا قوه الا بالله بجد
دعاء قربت بأحراج: جاين اكيد في السكه , وواضح الطريق زحمه , هتصل بيهم تاني
آمير: اوكيه
دعاء: هروح بره عشان الدوشه
آمير سلم ع الضيوف وطلع قرب عليها: ها فينهم
دعاء بحزن: محدش منهم بيرد عليا يا آمير
آمير طبطب عليها: مفيش اي مشكله , اعدلي مودك وتعالي معايا (حط ايده ع كتفها ومشي بيها) طنشي ماشي حبيبتي
الكل وقفوا حوالين العرسان لما جمال لبس الشبكه لرحاب والكل بارت وهنئ ولقطوا بعض الصور لذكري!!!
دعاء راحت تشوف ليه امها مجاتش وعرفت ان داغر رفض انهم يحضروه وصمم ع امه
جمال قرب منها: ليه واقفه لوحدك هنا؟؟!!
دعاء لفت وردت بهدوء : ولا حاجه دماغي صدعت من المزيكا , فـ جيت هنا
جمال: صدعتي ومليتي بالسرعه دي الفرح لسه مبدئش
دعاء: مبدئش الفرح قرب يشطب
جمال بمكر : انا مش بتكلم عن الفرح قصدي علاقتنا بدئت حالا
دعاء قفلت ملامحها بستياء : افندم
جمال توه الموضوع ورفع ايده بالدبله وقال: بقيت خطيب اختك , خليكي مستعده هطلب منك خدمات كتير , انا بحذرك , عشان متزهقيش في المستقبل
دعاء: متقلقش انا بهتم جدا بالنوعيه دي
جمال: تمام يادعاء ياتري انتي سعيده بالخطوبه دي
دعاء: اكيد سعيده جدا كمان ليه بتسأل
جمال: اصل رحاب قالت لي ان اخوكي كان عايز يتجوزها
دعاء: حصل لكن رحاب بتحبك انت وانا متفقه العيشه مع الانسان الي بيحبك علاقه ناجحه مينفش تعشها مع شخص مجبور عليه. وانا بجد سعيده وفرحانه لرحاب لانها اخدت الانسان الي بتحبه حتي شوفها ازاي سعيده جدا وجميله جدا
جمال بصلها : عارفه ان قلبك كبير اوي , لو هي مكانك مكنتش قالت عليكي كده , بس انتي مذهله عشان كدا انتي تستاهلي المدح , واه نسيت امدحك انك بجد جميله جدا واللون اتعمل عشانك
دعاء بضيق : شكرا
جمال : انا بتكلم من قلبي انتي جميله يادعاء وبتحلوي مره بعد مره
دعاء كشرت والود ودها ترفع ايدها وتلطشه قلم بس اتملكت نفسها وردت بخنقه: تمام
جمال : اشوفك تاني
آمير كان واقف وسمع اخر جمله وهو بيتغزل فيها وبيقولها انها جميله وبدء الشك يراوده من ناحيه جمال
…………..قصص منه محمد كاتب…………..
في جناح آمير تلفون دعاء بيرن وهي بتفرش الملايا ورافضه ترد
آمير دخل وبص للرقم وسألها: ليه مش بتردي ع امك؟؟!!
دعاء بقمص وزعل: زعلانه منها ومش عايزه اتكلم معاها
آمير بهدوء : ليه مش عايزه كدا هتقلق عليكي
دعاء: عشان مش قد وعدها هي وعدتني انها جايه الخطوبه لكن مجاتش
آمير: اكيد داغر رفض تيجي انا توقعت كدا فده مش ذنبها
دعاء : لاء ذنبها انا مش حابه كده , ع الاقل تراعيني قدامكم ليه متقلهوش هروح عشان خاطر بنتي وآمير..!!
آمير: ع فكره انا مزعلتش , لانه امر تافهه , والا كدا هخاصم كل الناس , وغيابها موقفش فرحتنا , والحمد لله الامور عدت ع خير(اخد الموبيل ومدهولها) اتصلي بأمك واياك تشتكي منها والا هتزعل وتتعب يادعاء
دعاء لفت ايدها حوالين رقبته: نفسي افهم , البني ادم بيضعف لما الموضوع يبقي متعلق بالحب , زي ما يكون حبك لوحده هو اكبر قوتي , وانت بتدعمني في كل مره
امير ضحك : ده المتوقع من علاقتنا حياتي , وانا مش بساعدك الا لما تحتاجي لده
دعاء: وفي عز زعلي من الدنيا تحضني وتقولي انا معاكي , والوحيد الي بتقدر تخرجني من خنقتي
آمير بغمزه: معني كدا اني مسيطر, وكلمتي ليها مفعول سحري عليكي , واظن انا من يوم ما حبيتك وعدتك واظن بوفي
دعاء ابتسمت عليه: دايما يا امير, وبجد بشكر الله ع نعمه وجودك في حياتي , عشان كدا مستحيل اتنازل عنك , وهكبر العلاقه دي بكل طاقتي
آمير ابتسم لها بهدوء : اتصلي بامك زمنها قلقانه , وتعالي بعدها عشان محضرلك مفاجأه حلوه
دعاء انهت المكالمه وراحتله في الليفنج وبصت للحاجات الي فادرها: كل الحاجات ليه لونها ازرق ده لون صبياني
امير : عشان كدا اشتريته
دعاء مبتسمه: وانت عرفت منين يا فصيح , ان ابننا هيكون ولد , طيب افرض طلعت بنت
امير : قلبي قالي انه ولد , وانا عارفك اكتر ما تعرفي نفسك , هيكون ولد زي بالظبط
دعاء ابتسمت : والله لو كان زيك هبقي في متتهي السعاده بس ياخد مناخيري
آمير : لاء الا مناخيرك
دعاء: اشمعني
آمير شد انفها بمرح: عشان كبيره ومستفزه اوي
دعاء زقته في كتفه : طب ابعد قبل ما اعمل فيك حركه غبيه واخاصمك تلات ايام
آمير ضمها وضحك: اعملي اي حاجه انما تخاصميني حرام , وبعدين يابيبي انا بعشق كل حته فيكي
دعاء: وانا مش عايزه غير حنيتك عليا , وتكون لي الكتف الي بسند عليه , انا مش محتاجه منك غيرك أمير
آمير ضمها عليه: وانا طول عمري بدور ع واحده زيك , تفتح بيت وتعيش وتقدر قيمه الراجل الي معاها , ووعد عليا هفضل شايلك في قلبي وعنيا
دعاء: قلبي ياناس
……………قصص منه محمد كاتب………
…
يوم جديد بخطه من الثعبان لدعاء
سولا رحاب اشترتلك الهديه دي
رحاب : ميرسي ياطنط
سولا : اتمني تعجبك
رحاب: لو ع ذوقك , انا متاكده وواثقه , انها هتعجبني جدا كمان
سولا : عسوله
ناني : رحاب مش بتحب الشوبنج ابدا عايزه الي يتسوق لها
سولا : معقول بس ذوقها هايل
جمال : هو امير مش هنا؟؟ حتي دعاء مش ظاهره
رحاب اضايقت انه بيسأل عنها وجمال اخد باله وده المطلوب اثباته للخطه والحبكه
الجده : امير خرج لشغل ودعاء اكيد هنا
ناني : هي في المطبخ بس قوليلي ياسولا جمال قالي انك مشغوله الفتره دي
سولا فعلا خمسميه حاجه لخماني بجد يومي بقي زحمه جدا ولو قعدت امل وازهق بحب الشغل هو حياتي
ناني فعلا الحركه حلوه
سولا وانا متاكده ان بيتك مليان بالهجه والحركه
……………….قصص منه محمد كاتب……………
في المطبخ ع الموبيل
دعاء : آمير انت فين ليه مرجعتش البيت؟؟!!
آمير ابتسم : انا ع الطريق هوصلك بعد عشر دقايق الضيوف وصلوا
دعاء : ايوه هنا يله سرع شويه
امير ضحك: زي ما تامري جريت وهوصلك اهوه
دعاء :مع السلامه حبيبي
آمير: سلام يابيبي
دعاء قفلت واخدت صنيه القهوه وطلعت مع امال تدم واجب الضيافه
دعاء لسولا اتفضلي
سو بحترام عامله ايه يادعاء
دعاء الحمد لله كيسه
سولا الحمد لله حبيبتي
دعاء اخدت فنجان لجمال وراحت تدهوله: اتفضل
جمال اتعمد يدلق القهوه ع ايده ودعاء اتخضت وقالت بتوتر: انا آسفه مكنش قصدي
رحاب زقتها : انتي عاميه مش شايفه جمال انت كويس
جمال بهدوء مفيش حاجه اهدي رحاب بليز
سولا : ايدك اتحرقت
جمال بينفخ في ايده : لاء مام انا كويس , هغسل ايدي بميه بارده , انا الغلطان مسكت الفنجال غلط
الجده : الحمدلله جات سليمه
ناني بغيظ : دعاء خدي جمال للتوالت
دعاء: اه اتفضل معايا
جمال بمكر : اكيد
دعاء وصتله للحمام ولنفسها: الصدفه بتحصل مره واحده بس ليه عمل كدا وقدام الكل
امال ناني هانم بتقولك نحط الغداء
دعاء اه يله تعالي
في نفس اللحظه آمير كان وصل وعرف ان جمال ايده اتحرقت
جمال قرب : آمير كنت فين؟؟!!
آمير سلم عليه: كان عندي شغل شيكت عليه ورجعت , ايدك ايه الي حصلها
جمال: القهوه اندلقت عليها
آمير: اتفضل اقعد
رحاب : ايدك اتحرقت جامد
جمال بينفخ : لاء بسيطه
سولا : لازم تحط مرهم عليها
رحاب : فعلا هقوم اجيبه حالا
آمير: ماما فين دعاء
الجده : في المطبخ
امير بص لناني بضيق وقام من مكانه: بتعمل ايه هناك لما كلنا قاعدين هنا
……قصص منه محمد كاتب…………….
آمير: دعاء مش قولتلك متشتغليش
دعاء: امال بتشتغل لوحدها قلت اساعدها
آمير : سبيها ده شغلها امال!
امال جات: ايوه ياآمير بيه
آمير: خدي دي منها
امال اخدت الاطباق من ايد دعاء ومشت..!!!
آمير لدعاء: فيه ضيوف في البيت, وانتي بتشتغلي يقوله ايه تعالي
دعاء دخلت وجمال مرفعش عينه من عليها لكن دعاء مندمجه في الكلام مع آمير لحد ما اخدت بالها من نظرات جمال عليها ورحاب هتطق غيره وحقد!!
بعد وقت لطيف الا ع دعاء الكل قام وطلعوا بره قدام الفيلا
سولا: شكرا ع مقابلتنا الجميله, جه دورنا في الزياره , وكلكم تيجوا حتي رحاب
رحاب: افكورس جايه
جمال بلؤم : يظهر نسيت موبيلي جوه
رحاب: هدخل اجبهولك
جمال: هجيبه انا وهطلع في ثانيه
رحاب اوكيه
جمال دخل لقاه دعاء واقفه ع ايد امال بتطلع البقعه من السجاده
دعاء خلاص يا امال اغسلي الخرقه وارجعي امسحي اخر مره لمين الموبيل ده
امال مسكته تشوفه معرفش
دعاء اخدته منها روحي انتي وسبيه انا هعرف لمين
جمال قرب واخده منها تلفوني نسيته هنا بالمناسبه البقع مش بتطلع بسهوله (رفع ايده ع الحرق) زي البقعه دي لايمكن تتمحي ابدا حتي اوقات بتكون غير مرئيه شكرا ع الموبيل
جمال مشي ودعاء ايقنت انه بيرتب لها لحاجه كبيره ولازم تاخد حذرها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
