رواية الحربايه والثعبان الفصل الثالث والأربعون 43 بقلم منة محمد
رواية الحربايه والثعبان الجزء الثالث والأربعون
رواية الحربايه والثعبان البارت الثالث والأربعون
رواية الحربايه والثعبان الحلقة الثالثة والأربعون
في منزل عائله دعاء
معمر بنبره عتاب: ليه روحتي لوحدك ياختي للدكتوره
ميسر بتريقه: يعني هي هتلم الحاره معاها
دعاء : يا ابيه هو انا كنت محتاجه اشتري حاجات من السوق
معمر: برضو كان لازم تقوليلي, وانا اشتريلك كل حاجه, انتي محتاجلها
ميسر عوجت شفتها بسخريه: ايوه اصل اخوكي مش بيعملي اي حاجه , هو بيعمل الي تطلبيه منه
دعاء بصتلها بضيق وقالت بهدوء: ابيه مفيش داعي تقلق عليا ,مش عايزه اتقل عليك ولا عايزه ازعج حد , كفايه من كرمك سمحت لي اعيش هنا, لكن مش عايزه ازود الحمل عليكم بسببي
معمر بضيق: بتقولي ايه ده بيتك
ميسر بستفزاز: ازاي بيتها يعني, اخدت نصيبها وداغر عطاها مبلغ مش شويه
معمر: هو حر اخوها وعطاها , زي ما انا اخوها وحقها عليا تقعد في بيتي وتفضل هنا, وبعدين هي مش هتعيش هنا للابد , ان شاء الله آمير هيجي ياخدها , وقريب
دعاء: ابيه اليوم ده مش هيجي ابدا, لان انا مش ناويه ارجعله ابدا
معمر : ليه بس قرار مستعجل كدا
دعاء : ابيه مفيش داعي تقلق انا قادره اهتم بنفسي , واتحمل مسؤليه ابني ,واطمن مش هرمي العبئ عليك عن اذنك
معمر بصلها وهز دماغه بضيق: لايمكن تتغيري يا ميسر لايمكن
ميسر عوجت وشها ورفعت حاجب باستهزاء
…………………قصص منه محمد كاتب…………..
وقف قدام الفيلا بقلق وكلم نفسه: دلوقت رحاب مش هتصدقني وهتروح تشتكي لمام -ضرب الدركسيون بغل وصرخ_ ايه الهبل الي عملته يا جمال
فتح باب العربيه ونزل وداخل جنينه الفيلا سولا ندهت عليه
جمال رحلها: نعم يا مام
سولا: الحارس الي انت عينته ده غير مسؤل , ولا له لزمه ليه وظفته
جمال بقلق: ليه حصل منه ايه ؟؟!!
سولا: بقولك مستهتر ,وبيتغيب عن البوابه بأستمرار, واليوم اتكلم بأسلوب وضيع مع الموظفين بسبب مشكله بسيطه
جمال: سبيني انا هتكلم معاه
سولا: مفيش داعي للكلام , انا طردته, لانك عينته بدون داعي
جمال: مفيش مشكله ,زي ما تحبي , خدي راحتك
جمال دخل غرفته واتصل بيه تلفونه مقفول اتعصب: مقفول ايه الهبل ده
رحاب دخلت: جيمي
جمال عيونه ع الموبيل : هممم
رحاب: ايه الي حصل ليه نرفز كده
جمال انفعل: ليه مش بيرد ع اتصالي الغبي
رحاب: انا بتكلم معاك وانت مشغول في الموبيل
جمال بصلها: عايزه ايه تسأليني ان اخوكي شافني مع دعاء
رحاب وسعت عيونها: ايه انت كنت مع دعاء
جمال: انا مكنتش مع دعاء روحت اشتري سجاير قابلتها صدفه هناك
رحاب ردت بحده : وليه قابلتها
جمال: عادي كانت طالعه من المستشفي وحبيت اسألها هي بخير
رحاب: سواء كانت مريضه ,ولا تبطلع في الروح , انت اخر واحد في الدنيا يقف يسأل عن سلامتها
جمال: يالله رحاب لو شوفت اي حد معرفوش تعبان بروح اسأله مالك بما لك هي اعرفها
رحاب: عايلتي كلها مزعوجه بسببها ,واخويا بيتألم بسببها, وهي عملت كل حاجه وحشه معايا لازم تغير طريقك لما تشوفها, لكن انت وقفت تسأل عن صحتها
جمال: اوكيه هعمل كدا آنا آسف جدا, مش هتتخيلي حاولت تعمل معايا ايه؟؟!!
رحاب: عملت ايه الحثاله دي
جمال: حاولت ترمي اللوم كله عليا قدام اخوكي اتعصبت, واستخدمت كلمات الي قدامها يبصم بالعشره انها اكتر براءه في العالم
رحاب بحقد: مفيش حد عارف ذكائها قدي
جمال: معاكي حق لكن انا ع يقين ان آمير هيرجعها
رحاب: مش هسيب ده يحصل
جمال بترقب: هتعملي ايه
رحاب: مش انا مامي هي الي هتعمل , مامي مش عايزها , عشان كدا هتبعد آمير عنها
جمال برتياح: اوكيه خلينا نشوف
رحاب: مهما كان آمير عايزها مش هسمح له يرجعها العاصفه الي واجهناها بسببها هحول العاصفه دي ناحيتها
جمال بينه وبين نفسه: كنت عارف انك هتخلي مهمتي سهله…… نفس كل مره ……وبعترف ان آمير واخته اغبي اتنين في العالم
………………قصص منه محمد كاتب…………
آمير كان نازل جات له مسدج ع الموبيل وقف وفتحها بصلها شويه وهو بيفكر !!!
ناني بتعجب: آمير ايه الحكايه فيه حاجه حصلت
آمير كشر : ايوه جت لي رساله من البنك, بأن الشيك الي كتبته لدعاء, اتصرف
ناني: طبيعي فلوسها
آمير: مش ده الي شاغلني قابلتها وكان جمال معاها
ناني: مين؟؟! جمال مع دعاء يمكن صدفه
آمير: وفيه احتمال يكونوا متفقين سوي
ناني: ازاي ده يحصل
آمير : زي ما قولت لك يا ماما جمال مش بالبساطه ولا بالبراءه , الي انتم متخيلنها, ومهما قالكم امبارح ,بقت كدبته واضحه , اكتر من نور الشمس
ناني: آمير انت دايما لما الموضع يبقي ناحيه دعاء تفكر بعواطفك بدل عقلك , لكن المره دي مش هسمحلك تثق في دعاء, ثقه عمياء
آمير بزرجنه : لكن يا ماما جمال بيتظاهر انه شاب محترم , وصادق , واخد رحاب معاه, ليه قابل دعاء ليه
ناني: اي ان كان هتكلم مع اختك , بس دعاء مبقتش جديره بالثقه بعد كده, لو كانت صادقه كانت حكتلك كل حاجه ليه خبت عنك كل ده
آمير بصلها نظرات كلها قهره و اخد بعضه ومشي
…………….قصص منه محمد كاتب……………..
علي الموبيل
داغر ضحك بأنبساط: كويس انك بهدلتيهم , كل شئ له حد
دعاء ضحكت معاه: جبت اخري ياداغر, اصل آمير غاظني لما قال _قلدته _ كل شئ ممكن يتغفر الا المساس بسمعتي, لا يمكن اتسامح معاه ولا يمكن ارجعله , خلاص صفحه من حياتي وقطعتها
داغر: سبيني ارجع , وانا الي هقف لجمال بنفسي , ده واحد سافل, وقذر, ورغم كل الي حصل, لسه بيطاردك , الكلب الوضيع
دعاء: مهما كان الي بيعمله انا مش مهتمه بعد كده بس اكتر حاجه وجعاني , هي فكره آمير عني
داغر: اتحملتي كتير, اتحملي القليل ,انا بحاول اخلص شغلي ,وبكثف عشان انزلك الاسبوع الجاي , ونغفلقها ع الكل كليله
دعاء: ياسلام ونعمل عصابه حماده وتوتو
داغر ضحك: وكل حاجه هتتصلح لما ارجع
دعاء: ايوه الامر يبقي معاك انت آمير بيحاول يتصل بيا, بس انا مش بعبره خالص
داغر: تمام هتكلم معاه, وهاخد بالي منك , لحد ما يعرف غلطته في حقك
دعاء اتكلمت بألم الدنيا : انا كل همي اثبت برائتي وبس, لكن رجوع له انتهي بالنسبه لي ,انا عايزه اتعلم اهتم بنفسي, لحد امتي هفضل عايشه عاله عليك وع ابيه ,غير كدا عندي مسؤليه جديده الطفل
داغر بزعل: هو انتي معتبراني غريب عنك, وانك عبئ عليا الله يسامحك
دعاء: حبيبي انت اخويا نور عيني , واقرب حد ليا ,وعارفه اني مش ممكن ابقي عبئ عليك لكن لازم اتعلم اعيش بشكل مستقل, ايه فايده التعليم ومذكره وسهر السنين, لو كنت اخرتها هقف انضف واغسل مواعين, قررت اشتغل واتحمل مصاريف بنفسي
داغربضحكه: ازاي اتحدي اعتماد اختي الجميله ع نفسها, اوكيه اعملي ده, اشتغلي مش عيب ها لقيتي الشيك
دعاء: لو لقيته كنت قولت لك
داغر ضم حواجبه بضيق: ازاي يكون راح يادعاء
دعاء: هو مش راح هو اتسرق
داغر: روحي بلغي معمر لازم يعرف , اياك تسكتي عن ميسر سامعه , وانا هتصل حالا بأمير يوقف صرف الشيك عشان متقدرش تصرفه
دعاء: هو ده ممكن
داغر: ايوه يله اقفلي هتكلم معاه
دعاء: تمام
داغر قفل واتصل بيه بدون مقدمات: آمير ياريت توقف الشيك
آمير: الافضل كنت اتاكد من دعاء قبل ما تتصل بيا, اختك سحبت الفلوس ازاي الغيه
داغر: آمير الشيك ده كان مـ
آمير قطعه بقهر: داغر دعاء مبقتش محتاجه لا لدعمي, ولا فلوسي, ولا حبي
داغر بص للموبيل بغيظ : غبي بيقفل قبل ما يفهم , اختي عندها حق مترجعلكش , ياغبي
………..قصص منه محمد كاتب…………….
في فيلا عائله آمير
ناني : كويس انك جيتي كنت عايزه اتكلم معاكي في موضوع مهم ومكنش ينفع اقوله ع الموبيل من يومين آمير شاف دعاء مع جمال
رحاب بهدوء: ايوه عارفه جيمي قالي انه قابلها
ناني استغربت منها: يعني انتي عارفه
رحاب: ايوه طبعا جيمي مش بيخبي عني حاجه
ناني: آمير كان متعصب وكان بيقول ان جمال كدب علينا كلنا
رحاب اتحركت بنزعاج: وايه رآيه في مراته ليه مش قادر يشوف كدبها كانت بتكدب عليه طول الوقت لكن قادر بس يشوف جيمي اهانت جوزي في مكان عام وهو مرفعش ايده يضربها الوضيعه ازاي تتصرف مع اسيادها بالوقاحه دي حتي بعد خيانتها وكمان رمت اللوم كله ع المسكين جوزي
ناني: ليه جوزك بيقابل دعاء
رحاب اتعصبت: مامي دي مشكلتي , سبيني اتولي الامر بنفسي اقلقي ع ابنك ليقع ويبقي ضحيه لفخ دعاء مره تانيه
رياض دخل وبحزم: انتي شايفه اننا بندخل في حياتك الشخصيه يا بنت
رحاب قامت برتباك: لاء يا بابي مقصدش المعني ده خالص
رياض: احنا اهلك وهو اخوكي لو شاف جوزك مع اي واحده تانيه لازم يقلق
رحاب: بابي مقلتش حاجه سبق وشوفت جوزي مع بنت غير دعاء
رياض: دعاء شافته وقالت
رحاب: هي منحله لكن جمال مش كدا ‘هي عايزه تشوه سمعته وشعارها تبعدنا عن بعض ‘ويطلقني
رياض: انا لحد دلوقت مش عايزك تثقي فيه بشكل اعمي ‘واطرش’ يابنتي شوفي واعقلي الامور وخدي قرار مناسب للوضع وانفصلي عنه
رحاب ربعت ايدها وبتحدي: ولو مسمعتش كلامك
رياض بصلها وبصرامه شديده: تمام اتحملي اي عواقب تحصلك بس لوحدك وواجهي لوحدك محدش فينا هيساعدك
ناني: رياض
رحاب: اوكيه مش محتاجه مساعدتك ولا مساعده مامي هتعامل مع الامور بنفسي _خطفت شنطتها وطلعت تجري ع بره)
ناني جريت وراها: رحاب استني يابنتي استني
رحاب شدت نفسها منها وبدموع: سمعتي الي قاله بابي سمعتي
ناني: قال من زعله ليه تاخدي كلامه انه جد
رحاب: الكل هنا عنده مشكله مع جمال وبمساعدته اتفضحت دعاء الي محدش قادر يشوفها لو هي مش متورطه في ده ياتري كنتم هتتعاملوا مع جمال بالقسوه دي
آمير قرب: الموضوع مش متعلق بمحاسبه جمال هو ليه بيقابل مراتي في السر حتي بعد الي حصل
رحاب بحقد وغل: مراتك هي الي بتقابل الرجاله في السر وجمال قالي انه قابلها صدفه ووقف معاها عشان شاف كيس الدواء في ايدها انت مش عارف الوش التاني لشخصيه مراتك هي بتكدب وتخدع لدرجه تقنع الشخص الي قدامها انا وهي كنا في الكليه هي كدابه مريضه وانت واثق فيها وبتفضلها مش كدا
آمير كشر بستياء: هي بنتك دي انسانه طبيعيه متأكده انها طبيعيه
ناني: انسي دعاء وغيري مودك تعالي ندخل انتي هنا بعد ايام ومسألتكيش عن احوالك
رحاب: لانك ع طول بدئتي تشتكي من جمال في اللحظه الي دخلت فيها
آمير تابعهم وهم داخلين واتنهد بخنقه من وضعهم هم الاتنين..!!!!
…………قصص منه محمد كاتب …………
قدام مدرسه للبنات
جمال سأله: انت واقف بتعمل ايه هنا!؟
العامل: مراتي بتشتغل هنا, فراشه في المدرسه
جمال: والمطلوب مش حذرتك قبل سابق ان مام مش هتتحمل مواقفك المقرفه ,وانت اسأت التصرف مع الموظفين قدامها
العامل: هم كلموني بأسلوب مش حلو اسكتلهم
جمال: اوكيه لو مش هتحافظ ع لقمه عيشك ,انا عملت الي عليا عشانك, متستناش مني حاجه تاني
العامل عوج جسمه واتكلم بثقه: ازاي يابشا تسبني كده, نسيت مساعدتي سمعت كلامك وعرضت نفسي للخطر
جمال: واخدت فلوس مقابل الي عملته
العامل بتهديد : نفذ كلامك وابعت لي مرتبي من غير ما اروح الشركه انت قـ تلت الست
جمال اتحرك بنزعاج وقلب عيونه بضجر: انا مقتلتـ هاش هي كانت مـ يته, واقفل بؤك خالص
واياك تقف تبتزني
العامل: هقفله لانه مش هيفرق معايا سواء اتسجنت ولا لاء, بس لازم استفاد
جمال: اوكيه هبعتلك مرتبك كل اول شهر
العامل بجشع: المرتب بس ميكفيش عيش حاف الايام ,دي اللحمه بقت غاليه اغلي من المخدرات ولا البطاطس بعشرين جنيه وكل يوم تكاليف المعيشه فوق للسما ,وانا عندي كوم عيال
جمال: تمام هديك اكتر ما تستحق لكن افضل ساكت وهادي امشي يله
العامل: سلام يا بيه
جمال: انا لازم اخلص من الورطه دي وبسرعه
جمال ركب العربيه وحركها لمح دعاء خارجه من المدرسه بسرعه ساق ولف يوتيرن ووقف العربيه ونزل منها وهي وقفت وبصتله بكل هدوء
جمال: اشتغلتي teacher عارفه فكرت انك هتجذبي اعجاب امير بحوارك العاطفي لكن ع ما اظن كان ع الفاضي ع الاقل اطلقي منه وخدي نفقتك سيبك هو مش هيديلك حاجه ومفيش داعي تشتغلي هنا مهما كانت تكاليفك خدي مني اي مبلغ اظن قادر اتحمل كل حاجه
دعاءبصتله بقرفه: اه بس متقدرش تتحمل مصاريفي, تقدر تصرف ع البنات الضياعه الواطيه الي زيك وشبهك بالظبط ,ازاي طفيلي زيك تقدر تتحمل مصاريفي ,الوضيع الي عايش حياته كلها ع الكماليات بسبب ثروه امه حاسه بالاسف ع اهلك عطولك المال لكن لو ربوك بشكل كويس بشرف واحترام
جمال رفع ايده وصرخ فيها بغضب: دعاء الزمي حدوك
دعاءبصتله بنظرات من فوق لتحت وبتحذير: سيطر ع ايدك ولا هتتكسر
حارس المدرسه قرب منها: فيه حاجه يا آنسه قوليلي لو بيضايقك
دعاء: لاء ياعم تقدر تروح انت
الحارس: يعني مفيش مشكله يابنتي
دعاء: لا تقدر تمشي (بصتله بتحدي بعيونها ) كان في امكاني اطلب منه يضربك علقه موت لكن لو قربت مني في يوم تاني ورحمه امي لشتكيك بتهمه التحرش ,مش هقدر اثبت انك قتـ لت الجده تغريد لكن انا ممكن ابعتك السجن بتهمه التحرش للبنات
في منزل عائله دعاء تحديدا ع الموبيل
داغر :كنتي فين فضلت اتصلت بيكي مش بتردي
دعاء: مش قولت لك رايحه اقدم ع وظيفه….بتقول ايه ازاي الشيك اتصرف
داغر: قولي لـ اخوكي متكستيش سامعه
دعاء: تمام اقفل ابيه وصل هكلمه سلام
معمر قرب منها مسح ع شعرها: السلام عليكم عامله ايه يا دودي
دعاء مبتسمه: انا الحمد لله احسن بكتير
معمر: امال فين ميسر
دعاء: راحت تزور والدتها
معمر ابتسم: هي بتطلع كده فجأه
دعاء بأحراج: ابيه عايزه اقولك ع حاجه مهمة
معمر: اه طبعا اتكلمي بس الاول ميسر زعلتك
دعاء هزت دماغها: لاء مقلتش حاجه لكن الشيك الي عطتهولي ضاع
معمر: ضاع ازاي يعني هيضيع في البيت
دعاء: معرفش انا شلته في الدرج اليوم الي حضرتك عطتهوني والصبح مكنش موجود
معمر: مايمكن اتحط في مكان تاني دروتي كويس
دعاء: ايوه عملت كدا
معمر: ده شيك بمبلغ كبير واي حد يصرفه لانه لحامله
دعاء: المميز ويقلق انه فعلا اتصرف
معمر تنح شويه ودماغه راحت لميسر وقرر يسالها بشكل غير مباشر
…………قصص منه محمد كاتب……………
في منزل عائله ميسر
امها: الحمد لله انك اخيرا افتكرتي امك النهارده
ميسر: يالهوي يماما انا ع طول بفكر فيكي, لكن انتي مش بتهتمي غير بواحده من بناتك, ع سيرتها هي فين؟؟!!
امها: هتكون فين في اوضتها ,وكنت بفكر اجوزها اول ما تعدي ,شهور العده
ميسر: وهي هتوافق ع كده
امها نبره غيظ : وترفض ليه لحد امتي هتفضل حزينه ع الملعون داغر
ميسر: ماما خالي الفلوس دي معاكي
امها مسكت الظرف وبتعجب: جبتي الفلوس دي كلها منين ماتشليهم مع معمر ليه معايا
ميسر: انتي عارفه قلب معمر الحنين ناحيه اخواته عشان كده بدهملك ويكونوا في امان
امها: انا زعلانه من معمر, لانه خلاه اخته معاه , لو اخ تاني كان طردها بره ع العموم, جبتي الفلوس دي منين الي بتداريها عن جوزك
ميسر ارتبكت : حوشتهم بقالي سنين بعمل جمعيات , وجبتهم لحسن معمر ياخدوهم يديهم لدعاء
امها: هو معمر مجنون ‘هيدي اخته كل الفلوس دي
ميسر: حد عارف بقي يمكن يتجنن , وبصراحه ناويه اشتر ي عربيه ليا داغر عنده عربيه واتعودنا عليها ولما يرجع اكيد هياخدها من اخوه اصلي مش ناويه ادخله البيت تاني ولما يرجع هبعت معاه اخته يعيشوا في سعاده سوي ابني نفسه في عربيه حمره وانا يما اتمنيت ده
امها: رينا يحققلك امانيكي, متقلقيش كل الظروف هتتحسن, وهشلك المبلغ ده في الدولاب
ميسر: اقفلي عليه يا ماما
امها: متقلقيش قومي, اعمللنا كوبايتن شاي
……………قصص منه محمد كاتب………………
علي الموبيل
ناني: عامله ايه يارحاب؟؟!!
رحاب: ثانكس مامي بخير وايه اخبارك عندك
ناني: لسه زي ماهي
رحاب: ماتقفلي بقي موضوع دعاء , قولتي هتجبري آمير يطلقها
ناني: انتي عارفه انه مينفعش لانها حامل
رحاب: معني كده انها هتفضل في حياتة سبع او ثمان شهور جاين
ناني: نعمل ايه مضطرين لكده
رحاب: وهتعملي ايه لو حاولت توقع اخويا, في الشهور دي ناحيتها ,وتستخدم البيبي, انا عملت اقصي حاجه عشان تخرج من حياته,ومن الاخر مش عايزها في حياته
ناني: انا عايزه نفسك بس بأيدي ايه اعمله
رحاب: تعملي حاجه واحده, تجوزي آمير وبسرعه
نني: وهو هيوافق ع كده ده حتي مش بياكل كويس ولا بينام كويس ولا بيلبس زي الاول بقي مبهدل و شياكته اتبدلت خالص اول مايقوم من النوم يجري ع شغله ويرجع متأخر وبدء يدخن وهو عمره ماداقها في حياته
رحاب: متقلقيش هينسي لانه مش هاوي, فكره نهال
ناني: مش دي صاحبتك في النادي
رحاب: ايوه قابلتها بعد ما رجعت من اسبانيا ,ايه ريك بجوزها لـ امير, لو ضغطي عليه انا متأكده انه هيسمعلك
ناني: موافقه ’ هضغط عليه
………….قصص منه محمد كاتب…………
معمر: ميسر شوفتي الشيك الي عطيته لدعاء الي كتبهولها آمير
ميسر: اشوفه فين ,هو مش مع اختك
معمر: هو مش معاها ,شالته في الدرج , وملقتهوش فيه
ميسر: وانا هعرف مكانه منين؟!
معمر: ميسر ده مبلغ كبير واتصرف
ميسر: انا متأكده انها هي الي صرفته , هي كل بره البيت وبتصرف وتبعزق , ومش عامله حساب لبكره
معمر: دي قلقانه بسببه ,وداغر اتصل يلغي الشيك لكنه اتصرف امبارح
ميسر: هو انت بتحاول بالايحاء اني صرفته وبتتهمني بالسرقة
معمر: بتقولي ايه يا ميسر
ميسر: هو ده الي بتحاول تقوله انت بتحط عليا عشان كلام اختك
معمر بصلها بحده وهو ضاغط على اسنانه: انا مش بحط انا بس بسألك
ميسر: وليه تسألني, ما تسأل اختك اكيد هي الي صرفته, بس ليه تسألها وهي الي غوت صاحب اخوها واتجوزته
معمر بعصبيه وصوت عالي: اسكتي عندك فكره عن الكلام الي بتقوليه
ميسر شخطت فيها بغضب : هتخوفي بعلو صوتك, لو عايز تزعق روح زعق في اختك, لسه بيتصل بيها حبيبها اكتر من مره في اليوم, حتي بيجري وراها في الشارع, ولو مش مصدقني روح اتأكد من تلفونها
معمر بيتخانق مع خطواته: دعاء
دعاء قاعده بتنقي الرز وردت في منتهي الهدوء: نعم يا آبيه
معمر: هو جمال لسه بيتصل بيك
دعاء: ايوه ومش بس بيتصل ,هو متابعني ع الخطوه كمان بيوقفتي في طريقي كل ما يعوز وحكيت لداغر كل حاجه عنه
معمر: طردك من البيت عايز ايه يقـ تلك
دعاء وقفت في مكانها: هو بينتقم مني, وحضرتك عارف السبب ,وقرر يعذبني ويضايقني
ميسرحبت تقلب الموضوع بسرعه: وانتي بتنتقمي مننا كلنا الاول, خربتي بيت اختي ودلوقت اتحولتي عدوه ليا ,اهتميت بيكي من اول ما حطيت رجلي جوه البيت , لكن مش قادره تتظاهري بشويه مجامله اخرتها تتهيميني اني حراميه
دعاء: انا متهمتش حد
ميسر: عارفه نفسك معمر يطلقني
دعاء بهدوء: ليه, ابقي عايزه كده, ليه
معمر بصلها بضيق: انتي ليه بتقلبي الامور
ميسر: وهتفضل مقلوبه لحد ما تقرر يا تبقي هي هنا او افضل ,انا مقدرش اتحملها بعد ما اتهمتني اني حراميه
معمر سكت وبصلها ودعاء حبست دموعها
ميسر: اختك هي الاهم بالنسبه لك مش كدا تمام همشي انا
دعاء: لاء خليكي ده بيتك متسبهوش بسببي
ميسر بحقد: بعد ما حرضتي عليا اخوكي ,ودلوقت بتطلبي مني ممشيش ,ارتاحتي مش هفضل هنا دقيقه واحده
معمر شخط فيها: جرالك ايه يا ميسر, ليه نتهمك انا واختي بالسرقه, ماهو الشيك راح فين
ميسر: ماتغور بفلوسها هي امر واحد ومحسوم يا هيا يا انا غير كدا انت وعدتني هتقطع اي صله بين دعاء وداغر
معمر: ميسر اختي مش هتروح في حته ع الاقل لحد ما داغر يرجع
ميسر بتصميم: مستحيل اتحملت اهلك بما يكفي, لحد ما وصل المطاف تتهموني بالسرق يأما تطردها يأما انا الي همشي اختار حالا واحده فينا
معمر بقي واقف محتار وصعب عليه يطرد اخته في الشارع!!
دعاء كتمت دموعها: ابيه انا الي همشي
معمر: دعاء استني
دعاء: أبيه متقلقش هعرف ادبر اموري بنفسي
معمر: ازاي هتمشي وتتولي امر نفسك
ميسر عوجت شفتها بقرف: لما تقول هتقدر يبقي هتقدر, اكيد فيه مكان في دماغها, ليه تقلق عليها
معمر بنفعال: لكن ميصحش ياميسر
ميسر: ادخلي لمي هدومك وامشي يله ,معندكش اي فكره عن مراتك وابنك , وكل الي همك دعاء ,دعاء, دعاء, لما زهقت منها
دعاء بصتله وابتسمت بقهر ومشت وهو جري وراها: دعاء خليكي هتروحي فين بس
دعاء بتلم الهدوم في الشنطه: عملت كتير عشاني ,اكتر بكتير من الي توقعته
معمربقهر: انا مقدرتش اعمل اي حاجه عشانك
دعاء ابتسمتلو: بس مبقتش قادره اتحمل وانا شيفاك بين نارين
معمر: طيب هتروحي فين؟؟!!
ميسر: اكيد عندها مكان تروح له وعشان كدا طارت ولمت هدومها في ثواني, اكيد ليكم معارف والا اخوكي يجيله ساكته قلبيه بسببك , وهي مش هتخسر انا الي هخسر
دعاء: ربنا يطولنا في عمره
ميسر قلبت عيونها لفوق: امين
دعاء : انا ماشيه سلام يا آبيه
دعاء سحبت ايد الشنطه في نفس اللحظه داغر كان وصل ورايح بكل شوق ولهفه ع بيتهم يطمن ع اخواته وخصوصا حبيبه قلبه دعاء هي مش بس اخته هي بنته وصاحبته وامه
دعاء شافته جريت اترمت في حضنه: داغر اخويا
داغر ضمها وباس دماغها: دودو وحشتيني , بس انتي رايحه فين , واخده هدومك, ايه الي حصل
ميسر طلعت بندفاع : انت ازاي تتجرء وتدخل البيت
داغر بشده: ده بيتي ولا يمكن حد يمنعني ادخله
ميسر: معمر شايف بيبجح فيا ازاي
معمر: كويس انك جيت اليوم
ميسر: معمر ليه مش بتطرده من هنا, بعد الي عمله في الفت ,مقدرش اتحمله في البيت معايا
داغر بحتقار: عمري ما كنت قاسي ع حد’ انتي عارفه الي عملته, الفت في امي
معمر بتعجب: ايه ؟؟! ايه عملت ايه الفت في امي
ميسر بلعت ريقها بخوف : دي طرقهم القديمه, يحبوا اللعب القذر ,يعني مش عارف هو مكنش بيحب الفت ابدا وبعد ما سابها بيفتري عليها, انت هتطرده مع اخته ولا لاء
داغر بقوه: قادر اقول الحقيقه لمعمر حالا, ونشوفه هيطرد مين, بس انا هنا عشان دعاء, لو هو عايز يعرف يجلنا وانا مستحيل ادخل لتخدي انفاسي زي ما اختك عملت في امي , الحمد لله اني جيت في الوقت المناسب خلاص مش قادر تتحملها دي كلها ايام بسيطه وانت عارف قد ايه محتاجلنا دلوقت لكن لسه بتطردها
معمر: داغر انا بمنعها ومش عايزها تمشي هي ماشيه بأرادتها
داغر وشه احمر جدا: مراتك الوحيدة الي حقها بس تقعد في البيت مش كدا
ميسر نبره كلها كره وحقد وغيظ: ايوه انا بس الي ليا كامل الحق مش هقدر اسكت بعد ما اتهموني بالسرقه
داغر: بالنسبه للشيك الي اتسرق مش صعب ولا مستحيل نعرف مين الي صرفه يا ميسر قريب اوي هنكشف الحقيقه عشان كدا متقلقيش ابدآآ مش مستحيل نعرف يله يادعاء تعالي
…………….قصص منه محمد كاتب………..
لقت نفسه مسدوده عن الناس عن اهله وحوارتهم عن المعافره الي بقت ع الفاضي حاجات كتير حصلت استنفزت كل طاقته وغياب دعاء خالته ملوش نفس للاي حاجه ولا مستني حاجه فبقي ساكت اغلب الوقت لان الي جواه اكتر بكتير من انه يحكيه و ابتسم لما افتكر اوقاتهم السعيده سوي
#فلاش
دعاء: انت كنت فين كل ده؟؟!!
آمير معاه صنيه: كنت بجبلك اكله بسيطة وسريعة اللذيذة وخمني مين عملها
دعاء: مين
آمير بغرور: انا
دعاء: لايمكن انت تعملها
آمير: عملتها
دعاء : لاء متعملهاش
آمير رفع حاجب بغيظ : ليه
دعاء: عشان انا مش مصدقاك
آمير: طيب دوقيها الاول
دعاء: ما اكيد هدوقها _ اكلت بتمعن_ واو بجد انت الي عملتها
آمير: ده تقدير ولا اهانه
دعاء: تقدير طبعا, شوفت وانا رسمتك ها ايه رايك
آمير بص للورقه اوي: بجد انتي الي رسمتي دي
دعاء: بتقدرني ولا بتهني
آمير مسك الورقه ونزل ضحك جامد
دعاء بصتله بغيظ: بتضحك ليه فيه نكته ع وشي بزمتك مش حلوه
آمير : ما هي المشكله انها حلوه
دعاء مسكت الريموت :والله الواحد ميعبرك ولا يرسمك
آمير: انتي هتعملي ايه
دعاء: هتفرج ع التمثليه
آمير شده منها: مين دي الي هتتفرج ع التمثليه
دعاء شدته منه : انا هتفرج نص ساعه وهيخلص
آمير شده منها تاني: هو المسلسل اهم مني
دعاء: طيب خلاص ربع ساعه طيب
آمير بنرفزه: ردي عليا المسلسل اهم مني
دعاء: لاء طبعا مفيش اهم منك في حياتي بس وسع كدا شويه
آمير مثل القمص ووسع عيونه: بتزقيني عشان تمثليه , منا لو ضربتك علقه علقتين تلاته سته ,من جوزنا مكنتش هتزقيني الزقه دي , كدا
دعاء: آمير انت بتهزر صح
آمير : لا بستعبط وخلي يومك يعدي ع خير بدل ما اضعف واضربك
دعاء: طيب قرب هصالحك
آمير: طيب يله صالحيني قبل ما اشقك نصين
دعاء باست خده: انا اسفه جدا سامحني, مكنتش اقصد اخليك تتنرفز ياجميل
آمير ضمها من وسطها: بتحبيني قد ايه
دعاء لفت ايدها حوالين رقبته: اممم بحبك لدرجه مش هتلاقي حد يحبك زي ما حبيتك , وعمري ما فكرت اني ابص لحد غيرك, ولا هبص, ده انا كنت بحس لما ببص لحد بالغلط اني بخون الثقه , و الي متأكدة منه مليون في الميه اني حبيتك زي مانت ومشفوتش فيك عيوب
آمير دخل في نوبه ضحك: وانتي كتله طيبه وهبل متحركه ع الارض
دعاء ضربته في كتفه بغيظ: يعني بتستهيل عليا
آمير لعب حواجبه: أه
دعاء قامت وراه: طيب تعال بقي هعضك
#باك
ناني فتحت الباب وبنرفزه: آمير عايزه أعرف بتعاقب مين بموقفك احنا ولا دعاء
آمير بصوت محسور قهره: ماما ربما بعاقب نفسي
ناني: ليه ده مش ذنبك ان دعاء كدبت عليك
آمير: ماما لو سمحتي , بلاش تقولي كلمه عنها قبل ما تفكري فيا , اولا لانها حامل في ابني غير كدا جايز الي شوفناه مش هو الحقيقه
ناني: انا مش متفقه معاك اطلاقا دعاء خاينه
آمير: مش قادر اصدق مش قادر
ناني: هو انت مبتفهمش , عملت المستحيل عشان تخرب بيت اختك, هي بتنتقم من رحاب
آمير: ليه عشان ايه
ناني: عشان حقوده ,حسوده , بتغير من اختك , ومن وضعها, وعيشتها وانا عارفه
آمير: ويمكن جمال هو الي بيلعب اللعبه كلها
ناني بدفاع: مش واثق في اختك لما قالت ان دعاء عملت علاقات كتيره مع شباب في الكليه الله اعلم العلاقات وصلت لفين , اه لو رحاب قالت لي ده من الاول عنها , كنت مستحيل اسمحلك تتجوزها ابدا كفايه حزن عليها, ليه بتعذبنا اتجوز يابني
آمير بنزعاج: اتجوز
ناني: انت ابني الوحيد ,عايزه اشوفك مبسوط, لو احتفظت ده جواك هيبقي له اثر سلبي ع صحتك
آمير: ماما كفايه لزومه ايه الكلام ده
ناني :حاضر هسكت ,بس توعدني تنسي دعاء, وسيب الحزنه عليها , وابدء حياه من جديد
…………..قصص منه محمد كاتب……………..
في شقه شيك ومستواها راقي نوعا ما داغر حط الشنط ولف ايده ع كتف دعاء ومشي بيها الطرقه الطويله!
دعاء: ليه مقولتليش انك راجع؟!
داغر : قولت لك راجع بعد يومين, بس قدرت انجز الشغل وجيت
دعاء :الشقه دي لمين
داغر :دي شقتي اشترتها بالتقسيط, الفت كانت عايزه بيت لوحدها و انا قبل ما اسافر حجزتها , بس انتي غبيه ازاي تخرجي من البيت عشان واحده زي ميسر
دعاء :كانت بتهدد اخوك انها هتسيب له البيت بسبببي وانا مستحيل اوافق ع كده
داغر: لما يعرف الحقيقه هيطردها للشارع بأيده
دعاء: بلاش تقوله حاجه فكرت في بيبو ذنبه ايه يتشتت بين امه وابوه
داغر بضيق: ماهو للسبب ده لحد يومنا مقلتلوش , والا كنت فضحكت الاعيبها المزدوجه من زمان ع كلا متقلقيش بأي حاجه محتاجه تركزي ع نفسك اوكيه دي شقتك ورتبيها زي ما تحبي وع ذوقك بس دلوقت مطلوب منك حاجه واحده تتكتبي ورقه لطيفه زيك بأنواع الاكل والخزين هنزل اجبهوملك من السوبر ماركت الي تحت وناكل ونلغوص زي زمان
دعاء ضحكت : عنيا
داغر قرص خدها بغمزه : يله هدخل اخد شور تكوني فعلتي يا فتاة
………..قصص منه محمد كاتب…………..
في مكتب آمير قاعد ومعاه كلاينت بيتكلموا في الشغل!!!
داغر فتح الباب ودخل ووشه مكفهر جدا
آمير بصله بهدوء: داغر ممكن نتكلم بعدين انا في اجتماع
داغر اتعصب منه: الفي الاجتماع كلامي اهم
آمير بلغه بتحذير: داغر
داغر خفف حده صوته: لازم نتكلم وحالا
آمير:اوكي نأجل الاجتماع في يوم تاني اكسيكوزمي
الناس قامت وخرجت من المكتب وهو بصاله: ليه بتعمل مشهد؟؟!!
داغر: مشهد ,وايه المشهد الي عملته مع دعاء, ايه ندمت انك اتجوزتها فصدقتش تخلص منها
آمير: انت الي بتقول كدا انت عارف قد ايه بحبها
داغر: سهل جدا تعلن حبك, لو مش واثق فيها مكنتش اتجوزتها من الاول ,يارتني سمعت كلام معمر وكنت رفضت اختي تتجوزك بدل منا واقف محرج
آميروقف مكانه: وانت ليه محرج, ها سألت اختك ليه ببتصل بجمال, بعد كل الي حصل ليه واقفه تتكلم معاه ايه العلاقه الي تربطها بيه
داغر: ليه اسألها واحساسي مش غبي زي احساسك, لدرجه اشك في اختي , انت ازاي تتهمها انها رخيصه للدرجه
آمير: داغر عارف ايه الي بين دعاء وجمال
داغر زعق: مفيش بينهم اي حاجه , ولا اي حاجه الا الي سمعته من القذر ووقعت في كدبه وادعائه ع اختي, هو مش بس بيضايق في دعاء , هو كمان بيخدع رحاب
آمير: شوف رحاب ليها ارادتها الخاصه , لو هي عايزه تعيش مخدوعه, انا مقدرش اعمل اي حاجه حاولنا انا وبابا نخليها تفهم وانتهي
داغر بصوت حاد : انت جنسك ايه يا اخي, انت لا بتحمي اختك ,ولا بتساعد مراتك, بس اول ما تشوف وش جمال الحقيقي هتحس انه مش بس كداب ده مجرم, واخر كلمه هقولهالك اختي مش عيزاك , حتي لو جيت مع اسفك واعتذارك حتي كفنك وتطلب منها الغفران هي برضو مش هتسامحك ولا ترجعلك ابدا
استوب وظهور جيسي وصراع مع رحاب وانتقام الفت من ميسر ومن نفسها ومن امها ليله طويله اوي علينا واحداث ناريه غير متوقعه اطلاقا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
