رواية الحب والحياة الفصل الثالث 3 بقلم ندا

رواية الحب والحياة الجزء الثالث

رواية الحب والحياة البارت الثالث

رواية الحب والحياة الحلقة الثالثة

برة كان اسماء وآدم بصين باستغراب لحالة ندي اللي اتبدلت تماما اول ما جات سيرة الخطوبة اما مني فاتنهدت بحزن
أسماء : انا اسفة بجد مكنتش اعرف انها هتزعل كدة
مني : لا انتي مش غلطانة بس هي اللي مجروحة
اسماء : هو لو مفيهاش احراج ممكن تعرفينا يعني اي اللي حصل
مني : النهاردة كان يوم كتب كتابها
اسماء : بجد الف مبروك
مني : لا ما كل حاجة انتهت
اسماء : هو انتي مش بتقولي ان النهاردة كتب كتابها
مني : كان بس هو طلع حقير وميستحقهاش خانها امبارح قبل كتب الكتاب بيوم واحد
اسماء : ربنا معاها بجد بس هو في بجد شباب لسة كدة
مني : ربنا علي الظالم واللي كان سبب كسر فرحتها
آدم : بس علي فكرة هي كدة غلطانة انها تزعل نفسها ع واحد زي دا ميستحقش حتي انها تفكر فيه مش لازم تزعل علي حاجة زي دي المفروض تفرح ان ربنا خلصها منه
مني : والله انا اتكلمت معاها بس دا ميمنعش انها هتزعل لفترة حتي لو غصب عنها
اسماء : انا هدخل اتكلم معاها شوية
مني : تعالي ندخلها
آدم : وانا هروح الشقة ع ارتاح شوية
خرج آدم من شقتهم وراح باتجاه الشقة التانية اما مني واسماء فدخلوا لندي جوة
🌹🌹🌹🌹🌹🌹🌹🌹🌹🌹🌹🌹🌹🌹🌹
عند تقي كان اخوها قاعد وهو بيفكر في حاجة لوقت ما دخلت هي وخضته وهو حس بالغيظ
تقي : مالك ي برو زعلان ليه
سامح : ع شوفتك
تقي : مقبولة منك ي سوسو الا قولي بجد كنت قاعد زي الوحدة المطلقة ليه كدة
سامح : ابو شكلك انتي كدة دايما دبش مفيش فايدة فيكي
تقي : ما تنجز ي عم بقي وتقول بتفكر في اي
سامح : اقولك وفيكي مين يكتم السر
تقي : انت مش واثق فيا واللا اي ي سوسو
سامح : وانتي وثقة في جملة وحدة دي تبقي مصيبة وبعدين اي سوسو دي ي بت
تقي : بدلعك الله ومتقلقش مش هقول لحد
سامح : انا عارف اني هندم علي حكياني ليكي بس اسمعي
تقي : كلي آذان صاغية
سامح : انا بحب وحدة
تقي : ايوة بقي ي جامد وناوي تخطبها امتي
سامح : ي بت اتهدي هي اصلا متعرفش
تقي : طب وايه اللي خلاك متقوليهاش
سامح : خايف انها تكون بتحب واحد تاني او ترفضني وقتها يبقي اي الحال
تقي : سامح حبيبي اسمع مني الكلام دا انت طول ما انت متردد مش هتبقي من نصيبك مش ممكن تكون هي كمان بتحبك ومستنياك تتكلم وييجي واحد تاني ياخدها منك وتفضل طول عمرك بتفكر فيها
سامح : تفتكري
تقي : ايوة طبعا لازم تصارحها بدا ع مترجعش تندم وتقول ياريتني كنت قولتلها انت فاهمني
سامح : ايوة فاهم بس بردوا حاسس بقلق
تقي : خلاص ي سيدي لو انت خايف تقولها كدة قولي انا وانا هعرفهالك وهعرفلك كل تفاصيل حياتها
سامح : ما انتي تعرفيها وكويس كمان
تقي : اعرفها هي مين دي ياض تكونش البت سارة المسهوكة ينهارك مش فايت مش لاقي غير دي
سامح : سارة مين اللي هبصلها ما تتهدي بقي
تقي : اومال يعني هتكون مين
سامح : ………..
🌹🌹🌹🌹🌹🌹🌹🌹🌹🌹🌹🌹🌹🌹🌹
في بيت اميرة كانت قاعدة في اوضتها وبتذاكر لحد ما سمعت صوت من برة وعرفت مين هو خرجت واول ما شافته حست بخوف لانه كان بيغني وباين عليه علامات السكر الشديد اول ما شافها قرب منها وهي بعدت عنه
الاب : مالك خايفة ليه ي حلوة
اميرة : انت مش هتبطل الهباب اللي انت بتشربه دا
الاب : تؤ انا مش متعود علي النبرة دي منك فين خوفك مني
اميرة : انت اي ي اخي عمرك ما هتتغير ممكن اعرف انتي خلفتني ليه ع تقهرني وتذلني وبس
الاب : بقولك اي صوتك ميعلاش واللا انتي عاوزاني اقطعلك لسانك الحلو دا
اميرة : هو انت اي نوع من الابهات عمرك ما هتتغير هتفضل سكري دايما انا مبقتش قادرة اتحمل خلاص
الاب : وهتعملي اي يعني تكونيش هتهربي وهتروحي فين انتي عارفة ان مفيش حد عاوزك ولا بيحبك
اميرة : لا انا في كتير بيحبوني في صحابي اللي بيخافوا عليا وفي اهاليهم اللي بيعتبروني بنتهم انت اللي ملكش حد ولا حد بيحبك
قرب منها بغضب من كلامها ومسكها من شعرها جامد وقال : انتي نسيتي نفسك واللا اي انتي ازاي تكلميني بالطريقة دي اشتقتي للضرب بالسرعة دي
اميرة : مهما تعمل انا مش هتحملك بعد كدة ولا هسكت انا زهقت منك ومن مشاكلك
الاب بغضب : اخرسي خالص مش عاوز اسمع صوتك انتي هتخليني افوق واللا اي ولو فوقت مش هيعجبك اللي هيحصل
بعدت اميرة عنه بصعوبة وقالت : قولتلك اني مش هسكت بعد كدة علي معاملتك دي
الاب : بت انتي اختفي حالا من وشي لاني لو مسكتك هقتلك
اميرة : انت مبتعرفش تعمل حاجة الا الكلام دبس بس طول عمرك هتفضل جبان ومش هتعمل حاجة
مسكها تاني من شعرها بس المرة دي اقوي ونزل فوقها ضرب وهي مقدرتش تدافع عن نفسها كان لسة هيجيب الحزام وهيكمل استغلت الفرصة ودخلت علي الاوضة جري
الاب : افتحي الباب دا حالا والا هكسره ووقتها هتندمي
اميرة : لا مش هفتح انا مستحيل اقعد معاك بعد كدة حتي لو علي موتي
كان وشها كله دم وهدومها اتقطعت وخلاص حاسة انه هيغمي عليها مسكت تليفونها بسرعة واتصلت علي ندي اللي ردت عليها بقلق
اميرة بصوت هادي : ندي الحقيني
قالت كلامها واغمي عليها ومحستش باي حاجة حتي صوت ندي اللي باين عليها القلق ولا حتي صوت الخبط علي الباب
🌹🌹🌹🌹🌹🌹🌹🌹🌹🌹🌹🌹🌹🌹🌹
كانت ندي خايفة عليها ومش عارفة تعمل اي جاتلها فكرة انها تتصل بتقي لانها اقرب لاميرة منها
تقي : في اي ي بنتي
ندي : تقي الحقي اميرة بسرعة
تقي : هو في اي
ندي : معرفش انا لقيتها بتتصل وبتقولي الحقيني وبعدها مردتش عليا
تقي : طب بس قوليلي في اي
ندي بخوف : مش وقته ي تقي روحيلها بسرعة وانا هجيلك دلوقتي
قفلت المكالمة وطلعت برة علي طول بعد ما لبست حجابها لقت مني واسماء مع بعض
مني بقلق : في اي ي ندي
ندي : اميرة ي ماما مش عارفة اي اللي حصلها اتصلت وبتستنجد بيا
مني : اكيد ابوها عملها حاجة انا قولت انها مينفعش تفضل مع الراجل دا مسمعتوش كلامي
ندي : مش وقته ي ماما انا لازم اروحلها حالا
مني : مينفعش تروحي لوحدك ي ندي
اسماء : انا هخلي ادم ييجي يوصلك بعربيته
ندي : بس بسرعة والنبي
راحت اسماء لادم بسرعة وعرفته اللي فيها وندي نزلت معاه وكل تفكيرها في صاحبتها اللي متعرفش هي فيها اي دلوقتي