رواية الحب ليس كافي الفصل الأول 1 بقلم إسراء ابراهيم عبدالله
رواية الحب ليس كافي الجزء الأول
رواية الحب ليس كافي البارت الأول
رواية الحب ليس كافي الحلقة الأولى
هو: أنا عايز أتجوز تاني
هي: مفيش مشكلة بس قبل ما تتجوز تكتبلي الشقة دي باسمي أو تطلقني وهاخد عيالي معايا ومش هتشوفهم تاني
بصلها بصدمة من اللي قالته: أنتِ بتقولي إيه؟ هو أنا أول واحد يتجوز على مراته
فقالت ببرود: ما هو دا اللي أنتم فالحين فيه، لكن ماتعرفوش حاجة عن إزاي تعامل الإنسانة اللي اتجوزتها وجبتها من بيت أهلها
هو بضيق: ما أنا بعاملك كويس كل طلباتك عندك والعيال بيتعلموا كويس إيه تاني؟
بصتله بضيق: هو دا أقصى طموحك ومعرفتك عن الزواج ومعاملة زوجتك وعيالك، ماتعرفوش في الدين غير التعدد بس إنما تاخدوا رسول الله قدوتكم لأ إزاي؟
قال بعصبية: مش وقت محاضراتك دا اللي عندي ودا أسلوبي وطريقتي
قالت ببرود: اعمل اللي تعمله بس قبلها تعمل اللي قولتلك عليه
بقلم إسراء إبراهيم عبدالله
قال بضيق: مش هينفع أعمل حاجة من اللي قولتيها
قالت ببرود: ماعنديش خيارات تاني إلا إنك تتراجع عن قرارك اللي ظهرلك لما الفلوس جريت في إيدك، وواحدة خبيثة لفت عليك وأنت ماصدقت تريل زي العيل الصغير عليها وتقع في فخها وتخرب بيتك
القرار عندك وماتخلنيش أعمل حاجة مش حابة أوصل لها
خلصت كلامها ودخلت أوضتها، وهو فضل قاعد مكانه بيفكر
جت له مكالمة من الست اللي عايز يتجوزها، فكنسل عليها
عند نوران قاعده في أوضتها ماسكة دفترها وقلمها وبدأت تكتب: الحب مش سبب كافي لإننا نكمل مع أي شخص!
الجمله دي أدركتها مؤخرا…
الحب مش سبب كافي لأي حاجة بالمناسبه يعنى
يافرحتي لما تبقي بتحبني بس مش فاهمني، بتحبني بس مش عارف تخليني مبسوطه، بتحبنى بس ممكن أنام كل يوم معيطه، بتحبنى بس بتعدلى عدد المرات اللى كنت فيها معايا كويس عشان أسكت فيها على الإهانه وقلة الضمير، بتحبني بس مش عارف تكتفي بيا ، بتحبني وبينا مشاكل ملهاش حل!
التفاهم أهم من الحب، الأمان أهم من الحب، الثقه أهم من الحب، إنك تبقى مطمن إنك مش هيتغدر بيك وتتساب مع أول مشكله أهم بكتير من الحب، إنك تنام وأنت تعبان وعارف إنك هتتشال فوق الرأس أحسن من الحب، إنك تبقى نايم عارف إنك لا هتتخان ولا هتتهان دا أهم من الحب، إنك تبقى مرتاح في طريقتك لا بتتصنع ولا بتترسم ولا في تكاليف على أسلوبك دا أهم من الحب، إنك تقف قدام المراية حابب نفسك وواثق فيها عشان وراك حد بيدعمك دا أهم من الحب
الصفات دي كلها هي اللي بتنتج الحب جواك…
قفلت دفترها لما سمعت خطوات جاية ناحية الأوضة
بصت عالباب مستنية دخوله
فتح الباب وبصلها وقال: أنا خلاص أخدت قراري
نوران بترقب: واللي هو؟
يا ترى إيه قراره؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الحب ليس كافي)
