رواية الحب ام الانتقام الفصل الثامن 8 بقلم أسماء طلعت
رواية الحب ام الانتقام الجزء الثامن
رواية الحب ام الانتقام البارت الثامن
رواية الحب ام الانتقام الحلقة الثامنة
نكمل الاحداث في بيت سليم وملك
سليم: انا اسف مش عايز منك غير فرصه واحده وهعوضك عن اي حاجه عملتها علشان خاطري يا ملك سامحيني انا بحبك
ملك:مش بالسهوله دي يا سليم بعد اللي عملته النهارده مش عارفه هسامحك ازاى
سليم: انا هعمل اي حاجه علشان تسامحيني اي حاجه تطلبيها
ملك:عايزه اعرف الاول يا سليم انت عايز تنتقم منه ليه وايه اللي عمله فيك وف اهلك
يحكي سليم لملك كل ما فعله محمد الحريري به وب والديه
ملك بعياط:دا مش بني ادم ازاي قدر يعمل كل دا انا قرفت منه اكتر واكتر بقيت احتقره اكتر ومستحيل اسامحه حتي لو كان فعلا بيموت
سليم:وانا مش هسيبه وهخليه يندم علي كل حاجه عملها معايا ومعاكي بس ممكن تهدي دلوقت وتفهميني ايه اللى حصل في بيت مامتك الصبح وايه اللي قاله بالظبط
ملك:ماما لما كانت هنا امبارح قالت ان هي عايزاني ضروري واتفقت معاها ان اروحلها النهارده ولما روحت لقيته هناك ودي كانت اول مره اشوفه من 11 سنه وحاولت اطرده بس كان مصر ان اسمعه وقال ان عنده كانسر وانا قولتله ان اكيد مش هصدقه ف طلع تحاليل واشاعات اللي بتقول ان فعلا عنده كانسر وبعدين مشي دا كل اللي حصل
سليم:طيب فين التحاليل والاشاعات دي
ملك:عند ماما في البيت
سليم:تمام هنروح بكرا نجيبها بس دلوقت ممكن تسامحيني علشان خاطري يا ملك مش محتاج منك غير الفرصه دي وتقفي جانبي
ملك:انا هقف جانبك يا سليم وهحاول علي قد ما اقدر اساعدك تاخد حقك بس مش هقدر اسامحك بالسهوله دي
سليم: وانا هحاول اعمل اي حاجه علشان اخليكي تنسي اللي عملته وتسامحيني
ملك:سيب كل حاجه للوقت يا سليم
وتذهب ملك الي غرفه النوم وتنام ويظل سليم في الريسبشن يفكر في خطه جديده لينتقم بها ثم يخرج هاتفه ويتكلم معا شركه الطيران
عامله في شركه الطيران: مرحبا بك انت تتصل بخدمه حجوزات الطيران ازاي اقدر اساعد حضرتك
سليم: لو سمحتي عايز احجز تذكرتين طيران ل مصر
العامله: ذهاب بس ولا ذهاب وعوده
سليم:ذهاب وعوده هقعد يومين وارجع
ينهي سليم مكالمته معا عامله شركه الطيران
في الصباح………….
في منزل سليم………
يذهب الي الغرفه ويوقظ ملك ويذهبوا الى منزل والدتها
يصل سليم وملك الى منزل منال
وتدخل ملك الى منزل والدتها لتحضر التحاليل والاشاعات التي احضرها والدها وينتظرها سليم فى الخارج وبعد عده دقائق تخرج ملك لسليم ومعا التحاليل والاشاعات ثم تقول لسليم: هو انت عايزهم ليه يا سليم
سليم:هقولك بعدين بس المهم احنا هنروح المطار دلوقت علشان عندنا طياره هنرجع مصر
ملك:طيارة ايه يا سليم وراجعين مصر ليه مش فاهمه حاجه
سليم:هفهمك كل حاجه اما نوصل
ملك:هو كل حاجه هفهمك بعدين يا سليم
سليم:على ما ارتب افكاري كلها وهفهمك كل حاجه والله
ملك:طيب وهنروح ازاى ومش حضرنا اللبس اللي هناخده وهنقعد قد ايه هناك
سليم:انا حضرت كل حاجه في شنطه في العربيه فيها لبسنا انا حضرتها الصبح وهنقعد يومين ونرجع
يذهب سليم وملك الي المطار ويدخلوا الطائره ويجلسوا في مقاعدهم وبدأت ترتفع الطائره ويظهر الخوف علي وجهه ملك وتغمض عينيها فيمسك سليم يد ملك ويطمأنها ويتذكروا اول لقاء بينهم ويبتسموا
وبعد عده ساعات تصل الطائره الى مصر ويذهب سليم وملك الي الفندق
في الفندق…….
ملك:ممكن بقي تفهمني احنا جينا هنا ليه
سليم:بصي احنا متفقين ان باباكى معندوش كانسر
ملك:اه بس ممكن متقولش بابايا
سليم: تمام احنا لازم نتأكد ان التحاليل والاشاعات دى سليمه ولا لا لان لو مش سليمه يبقي فى خطه محمد الحريري حطها وبيلعب علينا وانا كلمت دكتور هنا كان صاحب والدى وهيقابلنى بكرا وهتأكد
ملك:طيب ممكن نروح نزور جدى بما ان احنا نزلنا مصر
سليم:من عنيا نغير هدومنا وننزل
يبدل كلا من سليم وملك ملابسهم ويذهبوا الى منزل جد ملك
شخص ما يقف امام الفندق ويري سليم وملك وهم يخرجوا من الفندق ويتكلم في الهاتف ويقول :هما وصلوا الفندق من شويه وخرجوا
الشخص الاخر:خليك بتراقبهم
في منزل جد ملك…….
ملك:جدوووو وحشتينى اووووى
جد ملك:حبيتى انتى كمان وحشتينى اوى ودا اكيد سليم جوزك
ملك:اه يا جدو هو
يذهب سليم ويسلم على جد ملك
ثم يتابع جد ملك كلامه قائلا: في حد جوا هتتبسطى اوى لما تشوفيه
يذهبوا جميعا الى الداخل وعندما دخلوا كان يوجد شاب اول ما شافته ملك جريت عليه وحضنته وقالت:وحشتني اوي يا دوومى
ادم:وانتي كمان وحشتيني اوي مش قولتي ليه انك جايه
ملك:مش كنت اعرف ان نازله الموضوع حصل فاجأه
كل دا وسليم واقف هيفرقع من قرب ملك وادم ومش عارف مين هو ادم دا
يذهب سليم الي ملك ويشدها من احضان ادم ويقول بعصبيه لها بصوت واطى:متتحركيش من جنبي يا ملك ثم يكمل كلامه ويقول:مش هتعرفيني
ملك:دا ادم ابن خالتى ودا سليم جوزى يا ادم
يسلم سليم وادم على بعض وسليم مش طايق ادم ومضايق من تقربه الزائد من ملك
الجد :انتوا هتقعدوا معانا النهارده
ملك:بس يا جدو…
يقاطعها جدها قائلا:انا خلاص قولت اللي عندي هتقعدوا معانا النهارده بس انتوا اكيد تعبانين من السفر ف اطلعوا ارتاحوا في اوضتك علي ما الاكل يجهز وتنزلوا
ملك:حاضر يا جدو
يصعد ملك وسليم الي الغرف
واول ما يدخلوا الاوضه يمسك سليم ملك ويقربها منه ويقول:مين دا بقي
ملك باستهبال: مين
سليم:متستهبليش يا ملك
ملك:ما انا قولتلك ادم ابن خالتي
سليم: ما انا عارف بس ازاى تحضنيه وايه قربك الزياده منه دا
ملك:انت بتغير ولا ايه
سليم بعصبيه:اه بغير ومش هسمحلك تقربي من حد تاني غيري
ملك بكسوف:خلاص اهدي دا ادم ابن خالتي واخويا في الرضاعه
سليم بحنيه:حتى لو مشوفكيش بتقربي من اى راجل تانى غيري
ثم يحضن ملك
ملك بدلع:استنى بس انا لسه مش سمحتك
سليم:واعمل ايه علشان تسمحيني
ملك:فكر
يذهب سليم وملك للنوم
في الصباح………
يستيقظ ملك وسليم فتجد ماك نفسها نائمه في حضن سليم
سليم يقول بحب:صباح الخير
ملك:صباح النور
سليم:انا هقوم البس دلوقت يا حبيبي وامشي علشان اقابل الدكتور وهبعتلك لوكيشن تقابليني هناك علشان عاملك مفاجأه
ملك:مفاجأه ايه قولى
سليم:مش انتي قولتلى فكر هتصالحني ازاي وبعدين لو قولتلك المفاجأه هتبقي مفاجأه ازاي
يذهب سليم ويلبس ملابسه ويغادر
في كافيه ما……..
الدكتور :بس كل التحاليل والاشاعات دي مزوره يا سليم
سليم:انت متأكد يا دكتور
شخص ما يراقب سليم والدكتور ويتكلم في الهاتف ويقول:سليم عرف كل حاجه يرد عليه الشخص الاخر ويقول :خلاص نفذ اللى اتفقنا عليه
خلص سليم كلام معا الدكتور ورن على ملك وارسل لها لوكيشن المكان اللى هيتقابلوا فيه وظل ينتظرها لكي تأتي وعدا عده ساعات ولكن ملك لم تأتي وظل سليم يتصل بها ولكنها لا تجيب
يذهب سليم الى منزل الجد ويسأل الجد على ملك فيقول الجد:هي قالت انها خرجت تقابلك يا بني
سليم:هي خرجت بقالها كتير يا جدو
الجد:اه يا بني بس هو في ايه ايه اللى حصل
يا تراا مين الشخص اللى بيراقب سليم وملك؟؟
يا تراا كان ايه الاتفاق بين الشخص اللى بيراقب سليم
وملك والشخص اللى بيكلمه في التليفون؟؟
يا تراا ملك راحت فين ؟؟
نعرف البارت الجاي سلام 👋
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحب ام الانتقام)
