رواية الحب الخالد الفصل الثالث 3 بقلم هايدي أحمد

رواية الحب الخالد الجزء الثالث

رواية الحب الخالد البارت الثالث

رواية الحب الخالد الحلقة الثالثة

و فى ذاك المساء كانت جالسه على سريرها ترتدي بيجامتها الورديه وتمسك بهاتفها تتصفحه وهى تلاعب قدميها وفجأة هبت واقفه حين اتاها اتصال نعم انه هو المتصل أجابت بلهفه
الووو
اتاه صوتها الرقيق الذى يعشقه
ايه مش هنذاكر بقى شويه
ما انا بذاكر
والله على الواتساب..باينه متصل بقالك اكتر من ساعتين
لا اصل كنت …كنت ….بصراحه كده انا مليش نفس اذاكر وعايزه الهى نفسي فى اى حاجه المذاكره ممله اوى والفيزيا مسائلها واقفه معايا
طب ليكى عندى لو قفلتي امتحان الشهر بتاع الفيزياء هجبلك الشوكلاته إلى انتى عايزاها بس نوع بره المقاطعه
لا ان كان كده هقفله بس انا مش عايزه شيكولاته انا عايزه اروح الملاهي
لا ملاهي دى ان شاء الله بعد ما نتيجتك تظهر كده هاخدك ونروح الملاهي وهحضرلك مفاجأة كبيره كمان بس انتى ذاكرى ها
من عينيا الاتنين انت جيت فى جمل اوعدك هذاكر وهجيب مجموع حلو
ظلت تحاكيه وهى سعيده وهو الاخر لا يمل من محادثتها وطفولتها التى تضحكه وتوقعه فى حبها اكثر
باك
فاقت من ذكرياتها التى طوتها فى كتاب وقفلته بقفل و رمت مفتاحه عشان متفتكرش الماضى و ازاى كانت مغفله وغبيه لدرجة انها كانت عايزه تنجح عشانه ويبقى فخور بيها مش مهم هى عايزه ايه ولا حلمها ايه المهم هو عايزها ايه
فاقت من شرودها لما شافته داخل العمارة بعدها دخلت وقفلت البلاكونه واتفاجأت بمامتها
ها وصل
هو مين ده
إلى انتى واقفه مستنياه ومش راضيه تنامى الا لما يجى
مقدرتش ترد عليها وتنفى كلامها لانه صح وده كان صفعه بالنسبالها هى فعلا كانت مستنياه لا لازم افوق انا معدتش بحبه انا بكره.ه
يا بنتى ليه بتعذبى نفسك بس طالما قلبك لسه رايده متقاوحيش وان كان على ابوكى انا هقنعه
ماما..انتى ايه إلى بتقوليه ده انا مش مصدقاكى بجد ..انتى نسيتى كل إلى حصلى فى لحظه نسيتى انا كنت عامله ازاى بعد إلى عمله دلوقتى بتدافعى عنه انتى كده بتدوسى عليا وعلى قلبى
انا مستحيل انسى سمعاني مستحيل …
………..
حمدلله على سلامتك يا حبيبي
ايه إلى مصحيكى لدلوقتى
قلبى حاسس انك هتيجى هنا ومش هتطلع شقتك
معدتش عايز اطلع الشقه دى تانى خلاص
ومين سمعك الود ودى اطلع اول.ع فيها
انا داخل نام
تصبح على خير يا ابنى ولو انك محطتش لقمه فى بوقك
بكره يا امى مليش نفس تصبحي على خير
دخل اوضته وهو بيبص على اركانها وهو بيفتكر سهره وذكرياته من طفولته فيها قرب على مكتبه وفتح الدرج ومسك العلبة القطيفه وهو بيفتحها وبيمسك الخاتم الى فيها قدام عينه وهو بيتأمله
مش مكتوبلك تروح لصاحبك… شكلك هتفضل هنا
ااتنهد وهو بيرجعه مكانه وبيقفل الدرج وراح يغير هدومه واتجه للنوم
صباح تانى يوم
خالد اصحى يا ابنى
قام بسرعه وهو بيفرك وشه بنوم
خير يا امى فيه ايه
خير هو هيجى منين الخير بس اغسل وشك وتعالى على الصالون
خرجت والدته وهو خرج وراها بسرعه على الحمام غسل وشه ونشفه وبعدها خرج على الصالون واتفاجأ بواحد قاعد مع والدته
اتحمحم ورمى السلام وبعدين قعد
حضرتك الاستاذ خالد
ايوه انا ..حضرتك مين
انا المحامى محمد عليوة
محامى ..
نظر لوالدته بإستغراب وهى بتحاول تستفهم فيه ايه
نظر ليهم المحامى بتركيز وهو بيرفع نضارته
اهلا وسهلا.. خير حضرتك
المدام سلمى رافعه على حضرتك قضية فى المحكمه
صدم مما سمعه وضربت والدته صدرها بصدمه
يا لهوى قضيه ليه هو ابنى عمل ايه
المدام بتتهمكم انكم عرضتوها لضرب مبرح ادى لخسارتها حملها وكمان بتطعن فى حكم الطلاق الغيابى الصادر لها ده غير انها مأخدتش حقوقها الكاملة بعد حكم الطلاق وطبعا انا بحكم انى عايش هنا فسألت على الباش مهندس وبصراحه سمعته سبقاه تمام
اه والله يا متر انا ابنى محترم ومتربى وعمره ما يمد ايده على واحده ست ابدا حتى لو كانت مراته
بصى حضرتك انا بحكم خبرتى فالموضوع ده مش هيتحل غير لما الاستاذ خالد يرجع المدام لذمته تانى
ايه ذمته لا مستحيل انت متعرفش هى عملت ايه يلا الله يستر على ولايانا
اهاا هى دى النقطه الى عايز أوصلها يا اما انكم تثبتوا ده يا اما هنتطرق للصلح ويرجعها تانى او يدفع مبلغ للتنازلواكيد المبلغ هيكون كبير ومن معرفتى انها معاها محامى عقر لامواخذه ابن حرا.م
طب وبعدين اكيد ابنى مش هيتحبس مستقبله يضيع
كانوا بيتكلموا وبيدوروا على حل اما خالد كان فى عالم تانى ومش مركز معاهم من صدمته كيف لها ان تكون بهذه الحقا.رة هل حقا هذا وجهها الحقيقى وهو لم يراه هل كان اعمى امى هى من كانت بارعه فى التخفى اخذته ذاكرته لتلك السنه
فلاش باك
مرت أشهر تلك السنه بسرعه وكانت ملك تفنى نفسها فى المذاكره فقد ليكون خالد فخور بها وكان دائما يدعمها ويشجعها اكثر و يطمئن خوفها من الاختبارات والنتيجة
لا مش عايزه اروووح اهئ اهئ
بتعيطى ليه بس هم هيحبسوكى هناك انتى بس هتقعدى تمتحني وهنمشى
اهو انا مبحبش كلمت امتحن دى بخاف منها
خلاص بلاش الكلمه دى بس يلا عشان الوقت الامتحان هيبدأ
لا انا خايفه
متخافيش انا معاكى اهو
ما ده ..إلى مطمنى شويه
طب هاتى ايدك متخافيش تعالى
أمسكت بيده كالطفله التى تمسك بيد أباها ليعبر بها الطريق واخذها مشيا لمدرستها وقبل ان تدخل احضر لها بعض الحلوى والعصائر والمياه اخذتهم منه وأوصلها لبوابة المدرسه ثم دخلت بعد ان ودعته بعد ان أخبرها انه سينتظرها فى الخارج بعد ان تنتهى وفى اثناء انتظاره استوقفه صوت قريب
السلام عليكم
التفت للصوت وكانت فتاة اقل ما يقال عنها جميله ترتدى زيها الشرعى الكامل فغض بصره سريعا وهو يرد
وعليكم السلام
حضرتك قريب ملك احمد إلى دخلت دلوقتى صح
ايوه حضرتك .. خير فى حاجه
انا سلمى عبدالرحمن انا ساكنه فى الشارع إلى وراكم انا شغاله هنا فى المدرسه واعرف ملك فكنت عايزه اكلم ولى أمرها بس كويس انى لقيت حضرتك
اهلا وسهلا خير ملك عملت حاجه
هو انا بس كنت عايزه اقدملها نصيحه بس هى مبتسمعش خالص وكذا مره تصدنى
عن ايه بالضبط
يعنى كلنا مرينا بفترة مراهقه بس الوقت ده عايز تركيز لان دى ثانوية عامه ومينفعش فيها لعب ولا كلام من ده
كلام ايه بالضبط
يعنى مصاحبتها للولاد الزايده عن حدها والضحك والهزار وكلامها معاهم بالأخص ولد اسمه ..زياد هنا فى المدرسه وكان الموضوع اكتر من كلام وكذا مره نصحتها قدام زميلاتها وبرضه مفيش فايده ده غير انى عرفت ان الكلام مش بس فى المدرسه الكلام كمان فى التليفون وعلى الواتساب و يعنى
كان خالد مصدوم تماما من الكلام إلى سمعه
لحظه بس من فضلك ولاد ايه وكلام تليفونات ايه انتى متأكده انك بتتكلمى على ملك ملك أحمد
ايوه حضرتك ملك د..
لحظه بعد اذنك مستحيل …ملك دى بنت خالتى وانا إلى مربيها يعنى الكلام إلى انتى بتقوليه ده من سابع المستحيلات
والله حضرتك انا
من غير حلفان لو سمحتى بقولك ملك انا إلى مربيها يعنى قبل ما تعمل الغلط بكون عارف فبعد اذنك متتكلميش عن حد الا لو متأكده انما ملك مش اى حد مش ممكن الكلام ده يكون عنها
انا فاهمه ومقدرة صدمتك انا اسفه انى اتدخلت اوي فى الموضوع بس انا والله عايزه مصلحتها لان حرام هى بدأت امتحانات ولازم تركز فى مذاكرتها اوقات كتير مبنركزش ولادنا بيعملوا ايه وبيخبوا عننا حاجات كتير لو مش متابعينهم فارجو ان حضرتك تساعد فى الموضوع ده وحضرتك هتتأكد ان كلامى صح ويمكن تكون سبب فى هدايتها ان ان شاء الله بعد اذنك
انهت حديثها و ذهبت ..ذهبت تاركه هذا الخالد وهو غارق فى صدمته وتأكدت انها على الاقل اشعلت تلك الشرارة الصغيره التى ستشب النار بعدها
اما هو ظل واقفا غير قادر على الحراك الى حين خرجت ملك من امتحانها فحاول رسم ابتسامه صغيرة على شفته
ركضت اليه ملك وهى سعيده
ها..عملتى ايه
الحمدالله الامتحان كان كويس كان فيه كام سؤال لافف ومحتاج تفكير بس عدت بساتر ربنا
طب الحمدالله..يلا عشان نروح
نروح ايه تعالى نشرب عصير قصب بالمناسبه دى
بلاش خليها مره تانيه عشان اتأخرت على المحل يلا
خلاص اعمل عصير فى البيت وهتشرب ماشى
مشيا سويا الى البيت وكانت ملك تتحدث عن الاسئلة وعن ما حلته وتراجعه مع خالد ولكن كان خالد فى عالم آخر يفكر فيما قالته تلك الفتاة هل ما قالته صحيح
نظر لملك وهى تتحدث وتضحك معه كالاطفال
لا لا ملك لا تفعل ذلك كيف لصغيرته ان تفعل ذلك فهى لاتعرف غيره بعد والدها حتى اولاد اعمامها لا تراهم فكيف لها ان تصاحب ا……ااه التفكير فى هذا سيقت.له بالتأكيد
وصلوا للبيت وصعدوا للاعلى ودقت ملك على الباب بتطبيل مرح وهى تضحك واتاها صوت والدتها المنزعج وهى تفتح الباب
كنت عارفه ان دى انت يا بنت الهبله بتطبلى كده ليه يا بت
مبسووطه يا ماما حليت كويس فى الامتحان
طب الحمدالله ب كة دعايا ..ادخل يا خالد واقف ليه
لا انا نازل عشان المحل
لا والله لتدخل انا قولت هتشرب العصير الى هعمله يلا تعالى
ادخل يا حبيبي مش كفايه ودتها وجبتها ادخل
دخل خالد وجلس على الكرسي اما ملك ذهبت لاخذ هاتفها لتتفحصه
اما اشوف العيال عملوا مشوفتهومش النهارده ..ولا اما اعمل العصير الاول ثانيه وجايه
ذهبت لتغير ملابسها اولا ومن ثم ذهبت للمطبخ
وفى هذه الاثناء رن هاتفها اكثر من من مره فرفعه خالد ليراه واذا به رقم غير مسجل فتركه خالد ولكنه رن مره اخرى فتضايق خالد وضغط على زر الرد واتاه الرد سريعا وتفاجأ خالد انه صوت فتى
الو..الو ملك متقغليش انا زياد