رواية الحان العشق الثلاث الفصل الثالث عشر 13 بقلم سارة حسن

رواية الحان العشق الثلاث البارت الثالث عشر

رواية الحان العشق الثلاث الجزء الثالث عشر

رواية الحان العشق الثلاث الحلقة الثالثة عشر

اجتمعوا أل العمري علي المائده بعد وقت طويل
انعام:
-وانتي ها تعملي ايه بعد كده يافرح بشهاداتك دي كلها
اجابت بهدوء:
-ها شتغل طبعا
القت الشوكه من يدها علي المائدة حتي احدثت صوت و قالت بحده:
-تشتغلي و تشتغلي ليه
اجاب أحمد هذه المره:
-و ليه لا يامرات عمي فرح شاطره و لو حابه تشتغل براحتها مدام معانا ووسطنا
احتد صوت انعام اكثر:
-وتشتغل ليه اصلا فرح العمري بنت انعام السويسي ليه تشتغل ما فيش حد من بنات صحابي بيشتغلوا ده اخر اهتمامتهم
خرج صوت جواد بهدوء ينذر بقرب عاصفته:
-و دي بقي للمشكله من وجهة نظرك بنات اصحابك ،دول كل اهتمامتهم الموضه والسهر و السفر و التفاهات انما بنتك الدارسة اللي حابه تعمل حاجه كويسه و تفكيرها كبير تشتغل لا ما يصحش خديها معاكي النادي و الجمعيات اللي بتروحوها فشخرة
صرخت انعام بغضب:
-جواد اتكلم معايا كويس انا امكم لو نسيت و كلامي يمشي عليكم فاهمين و لالا
وقفت فرح بضيق هي الأخرى:
-انا ها شتغل ياماما في شركة ابويا مع أخويا و ابن عمي وده اخر كلام عندي
وركضت لاعلي ابتسم جواد بجانب فمة ووقف هو الاخر وترك المائده وتبعه احمد والذي كل تفكيره في حالة فرح الان
فرغت المائده من حولها التفتت انعام لوالدها:
-بابا انت ساكت ليه
وقف سليمان هو الاخر و قال بحنق:
-ها أقول ايه قولتلك ميت مره و لادك مش عيال مش خدم عندك بتأمريهم بالوضع ده بتخسريهم
وتركها وحيده علي المائده ومن حولها الفراغ
،،،،،،،،،،،
بعد مرور عدة ايام دون حدوث اي شيء يذكر
اجتموا في صالة الإجتماعات لامضاء العقود الخاصة بشراكة العمري والدميري
اقترب حمزه من فرح و هو يصافحها بود:
-مبسوط اني شوفتك تاتي
ردت فرح بابتسامه:
-شكرا مبروك الشراكة
أجاب و عينيه مازالت عليها:
-مبروك عليا انا
خجلت من عينيه و اخفضت عينيها ارضا
حاولت تغير مجري الحديث.:
-نا اشتغلت هنا مع جواد من كام يوم
حمزه:
-يابخت جواد و الله عنده اخت زيك لا و موظفه شاطره كمان شفتك في الاجتماع مهتمه بكل حاجه حتي اصغر التفاصيل
قالت فرح:
-انا كملت دراستي بره وعملت اكتر من دبلومة
اجابها حمزة:
-غريبه مع أن سنك صغير بجد بتبهريني
ابتسمت فرح لاطراءه، اقترب أحمد الذي يشاهد حديثهم من بعيد اقترب وجذب فرح اليه بتملك وقال:
-مبروك الشراكه ياحمزه بيه
حمزه وهو يضيق عينيه:
-حمزه بيه ايه مافيش داعي للرسميات ياابو حميد
أحمد بجمود:
-معلش انا بحب الرسمية والمحافظة على الألقاب وشدد وهو يقول ياحمزه بيه
ابتسم حمزه يحاول مدارت احراجه وقال:
-طبعا برحتك بعد اذنكم
قالت فرح بضيق:
-ايه قله الذوق دي
التفت احمد إليها وعينه تزداد دكون:
-قله ذوق في ايه ان شاء الله وانتي ايه مزعلك
ربعت يديها علي صدرهاوهتفت:
-احرجته طبعا الراجل بيتكلم باحترام تحرجه ليه كده
احتد صوته بغضب:
-وانتي مالك انتي اتحرج ولا ولع بجاز وبعدين واقفه معاه ليه من اصله
،،الراجل بيباركلي علي الشراكه وكلام عادي يعني
احتدت نبرته اكثر،:
-كلام عادي يعني… لا يافرح مش عادي وممنوع تقفي مع اي راجل بعد كده لوحدك فاهمه ولالا
فرح بعند:
-لا مش فاهمه وماتتكلمش معايا كده هو انا عيله قدامك
وتركته وغادرت دون اي حديث اخر
مسح علي وجهه بغضب وهو يتمتم:
-اهدي اهدي يااحمد
وعلي الجانب الاخر حرب العيون البارده في لفتات صغيره
اغلق المحامي المستند وقال:
-كده تمام مافيش اي حاجه ناقصه
جلس حمزه علي المقعد امام ليله ورهف التي تسجل كل شيء بالدفتر الخاص بها وليله التي تسجل بعد العقود بترتيب
ارجع جواد ظهره للخلف وقال:
-مبروك ياحمزه
ابتسم حمزه وقال:
-الله يبارك فيك ياجواد ان شاء الله بقي هاعمل حفله بالمناسبه دي وعشان نشهر تعاقدنا كمان فالسوق
جواد:
-لا اسمحلي خلي الحفله دي عندي بقالنا كتير اوي ماعملنهاش في قصر العمري
حمزه وهو يلملم اوراقه:
– زي ماتحب بس التنظيم عندي انا هابعتلك حد ينظم الحفلة زي مانا عايز ده بعد اذنك طبعا و في ناس المان جايين مصر اسمع انهم مهمين وشغلهم كويس هابعتلهم دعوة
جواد:
-زي ماتحب مافيش مشكله
تابع حمزه وهو يغادر موجه حديثه للافراد المتبقيه المحامي ورهف وليلة:
-انتو كمان هاتجيوا لانكم تعبتوا معانا بعد اذنكم
وغادر دون انتظار حديث
نظرت كل من رهف وليلة لبعضهم وقالوا في صوت واحد:
-مش هاقدر اجي
نظر لهم جواد وقال:
-انتو مش جاين في رحله رهف انتي سكرتيرتي لازم تبقي موجوده لاي شغل اتفضلي
خرجت رهف ووجهه انظاره للمحامي:
-حضرتك اكيد مش محتاج عزومة
ابتسم له وقال وهو يقف مغادرا،:
-ان شاء الله ياجواد بيه
وانتي اشار لليله:
-معلش تعالي علي نفسك شويه انتي موظفه هنا وزي ماسمعتي في ناس ألمان جايين ورهف مابتعرفش الماني ومش لسه هاجيب مترجم
ليلة بتوتر:
-وانت عرفت منين اني اخدت كورسات الماني
ابتسم بسخريه واعين قاتمة:
-مشكلتك معايا انك مش عارفه بتتعاملي مع مين مافيش حاجه في شركتي ماعرفهاش حتي دبه النمله عندي علم بيها ولو بفوت حاجه فاده بمزاجي
ابتلعت ريقها بصعوبه وقالت بخوف من الذهاب لهناك:
-لو سمحت انا
جواد مقاطعا بصرامة:
-ماخلاص بقي هو انا هاتحايل عليكي
اومأت واقفه تلملم اوراقها وقالت بثبات:
-اي اوامر تأتيه
فرد ذراعيه علي الطاوله وقال:
-خدي الباب وراكي

وتابع رحيلها باعين قاتمه

،،،،،،،،،،،،،،،،
حل المساء في بيت رهف وهي تغلق منامتها الطفوليه توجهت لليلة القابعه علي الفراش مستعيره منامة رهف صفقت وهي تقول بمرح:
-ايوه بقي يالولو السهره هاتحلو
ضحكت ليله وقالت:
-ايوه ورغي للصبح وزنك يارتني نمت في بيتنا
عبست رهف وردت:
-اخص عليكي يالولو طب والله بسليكي مش بدل ماتباتي لوحدك
تمددت بجانبها علي الفراش والاثنين اعينهم للسقف بعد صمت لثواني
ليله
همهمت ليله:
-نعم
رهف:
-هانعمل إيه في الحفله
تنهدت ليله وقالت:
-مش عارفه
رهف:
-ايوه برضو وبعدين
-عايزنا نعمل ايه يارهف هانروح وربنا يستر
نظرت لليله قائله:
-هو انا ليه بحس دايما لما بتكوني انتي وجواد بيه مع بعض ان في حاجه مش طبيعيه
اغمضت ليله عينيها بقوه:
-مش طبيعيه أزاي
رفعت رهف كتفيها بلا معرفه:
-مش عارفه انتو كنتوا تعرفوا بعض قبل كده؟
ارتجفت داخليا من سؤالها حاولت تغيير الحديث وقالت:
-حددوا اليوم ولا لسه
نفت وقالت:
-لسه بس ممكن علي اخر الأسبوع جواد بيه طلب مني اختار الدعاوي والاسماء بس ماطلبش لسه اوزعها امتي
اومات ليله وهي تتحرك علي الجانب الاخر والقلق يزداد بداخلها من مقابله حتما ستفتح جروح التأمت حتي ولو اثارها مازالت واضحة
،،،،،،،،،،،،
في اليوم التالي كانت ملامح ليله هادئة لتغيبه اليوم تنفست الصعداء وتابعت عملها اقتحمت رهف غرفتها صائحة:
-لولو يالولو
انتفضت ليله في جلستها معنفها صديقتها علي تصرفاتها الطفوليه:
-ايه رهف شغل العياال ده حد يدخل كده
هتفت رهف دون اعارتها اهتمام لتعنيفها:
-الحفلة بعد يومين
-بسرعه كده قالتها ليله بضيق
رهف مكمله:
-ايوه جواد بيه لسه مكلمني وقالي كده و طلب منك تقرير لحسابات الشغل اللي عملناها مع شركة درويش
ليله باستفهام:
-بس دي ماكانتش مع شغل جواد قصدي جواد بيه
-ايوه ماشكلهم كده داخلين علي شغل مع بعض وجواد بيه عايز يعرف نظامهم ايه في الدفعات وعايز التقرير علي مكتبه الصبح ،الراجل ده مش سهل أبدا
اومات ليله:
-فعلا واكملت بابتسامة بسيطه ،،طيب روحي بقي شوفي اللي كلفك بيه وانا كمان هانزل الارشيف اشوف الورق ده هناك ولالا
القت لها قبلها بالهواء:
-باي يالولو
حكت جبينها بتفكير بما كلفها به
،،،،،،،،،،،،،،
وااااو بارتي
اومأ جواد وهو يكمل طعامة
انعام مكمله:
-طيب انا هاجهز
قاطعها جواد:
-مافيش داعي في ناس هاتيجي تعمل كل حاجه
ابتسمت انعام وقالت بحماس:
-بقالنا كتير ماعملناش بارتي هنا
مسح فمه بالنديل واعتدل واقفا:
-ده حفله شغل يعني الموجودين رجال اعمال وزوجاتهم يعني مش عايز النادي عندي هنا
انزعجت انعام قائله:
-يعني ايه مش عايزني اعزم صحابي واقولهم ايه لما يعرفو وماعزمتهمش
تدخل أحمد ملطفا:
-اعزميهم طبعا يامرات عمي بس يعني مش كلهم ده شغل وهاتبقي ممله بالنسبه لهم
قامت انعام هي الاخري:
-هاقوم اشوف هالبس ايه واجهز نفسي ياربي الوقت ضيق جدا
تحرك جواد مع احمد لغرفه المكتب وانعام تتحرك بخفه وتقوم بالاتصال بهذه وهذه للحفله التي ستغير كثير من الاحداث
،،،،،،،،،،،