رواية الحادية عشرة الفصل الرابع عشر 14 بقلم ميرنا ناصر

رواية الحادية عشرة الجزء الرابع عشر

رواية الحادية عشرة البارت الرابع عشر

رواية الحادية عشرة الحلقة الرابعة عشر

=بص ياطنط كريمة ، اى ست مطلقة، اى ست تعول، اى بنت متجوزتش وظروفها صعبه، اى ست متجوزها وجوزها وضيع هجمعهم وهعمل جمعية ليهم اسمها
“كونِ انتِ ” وهعلمهم الهاند ميد، وهجيب مدربات خياطة وتفصيل، ومدربات ميك اب، ومدربات مشاريع صغيرة،هكسر الدنيا ياطنط يلا ساعدينى.
‏
“لابسه لبس رياضى، وزنت نفسى 93 ياااه 10 كليو خسرت عشرة كيلو!! الله ياغرام برافو ولسه كمان، لبست الكاب وبقيت بتمشى فى الشوارع اوزع ورق طبعته، بقيت بلف طول النهار وكلى بهجه وفرحة وانا بحقق حلم حلمته من اربع ساعات بس حلم اتولد من وجع”
__________________________________________
|الحادية عشرة|
“الباب خبط ، كانت روحى بتتسحب منى يارب يكون هو اتصدمت لما لقيته نور”
=انت.. انت ايه اللى. جابك هنا
_جيت عشانك.
=عشانى انا!! بس انا كويسة يادكتور نور معندناش كشوفات المرادى.
_ انا جاى عشان غرام، مش مدام غرام، وبصفتى نور مش دكتور نور.
=الوقت متأخر يانور، اتمنى تمشى دلوقت.
_بس دا الوقت اللى عارفه انك محتاجانى فيه
=اشمعنا؟
_عشان انتِ حكيتِ ان وسيم بيظهرلك فى الوقت ده او بمعنى اصح بتتقابلوا فى الوقت ده.
= ف جاى احتياطى مكانه يعنى ولا ايه!
_حاجة شبه كدا يا غرام.
=انت عبيط يانور بجد؟!
_ايه اللى انتِ بتقوليه دا ياغرومه
=متقوليش يازفته غرومه دى خالص، انا مش طايقة نفسى. بقولك انت عبيط، مهو بالنسبالى التصرف اللى انت متصرفة ده إما انت عبيط، إما انت شارب حاجة ف انك تكون عبيط بالنسبالى احسن من إنك شارب.
_لا لو احسن بالنسبالك فى انا عبيط عادى ياغروم.
=استنى، بس هعد لحد تلاته وافتح عنيا القاك مختفى اتفقنا.
_استنى بس ايه جو العفاريت ده!
=ياسيدى من عاشر القوم.
_غرام انتِ متعصبة ليه، ممكن تهدى مع انك وانتِ عصبية وملامح وشك متعصبة بتبقى كيوت
“كيوت، ماله دا هو لسه نظره ضعيف؟! مش كان عمل تصحيح زمان فى ثانوى باين”
=طيب نور بليز انت عارف الساعة كام دلوقت، عارف انى ساكنه فى حارة؟! عارف كمان انى مُطلقة، طب عارف الست المُطلقة فى نظر الناس ايه؟! طيب عارف لو ست ابتسمت فى الشارع ابتسامه عابرة بيتقال عليها ايه،مابالك لو واحد جايلها الساعه 11..ف عشان خاطرى اتفضل دلوقت ونتقابل بكره
_________________________________________
|صباح يوم جديد مفعم بالامل |
“صاحية كلى نشاط، على الرغم من عدم نومى المنتظم، نلف فى الروتين بتاعنا اللى بقيت بحبه عكس حياتى مع يوسف ، صلاتى والدعاء بالدموع ان ربنا يوفقنى فى كل خطوة بقوم بيها، صحيان أيسل المُضحك بسبب نومها التقيل، تحضير اللانش بوكس بتاعها، ريحة البخور، صوت العصافير، ريحة القهوة ومنظر البلكونه الداخليه اللى جمب بلكونه وسيم اللى بتطل على زرع كتير اوى يخطف العيون ، صوت نجاة اللى بياخدنى فى حته تانية”
=ياترى وسيم جابلى ايه فى البوكس؟ ازاى مفكرتش افتحه!!
” فتحت البوكس اتصدمت لما لقيت عروسة، بس مكنتش اى عروسة دى عروسه ملامحها شبهى..شبهى!! دى انا العروسة هاند ميد بس شكلها غرام فعلا ايوه مناخيرى، عنيا وبوئى دى انا ،اللله على الجمال شكلها حلو اوى اوى، لقيت جمبها علبة شيكولاته، وجواب ابتديت افتح الجواب ”
= عصر الجوابات دا بيخطف قلبى، لما نشوف استاذ وسيم الهربان كاتبلنا ايه «غرام يااجمل اسم قابلته واللى بتحمل الاسم أجمل، كتبت ليكِ الجواب ده عشان اقولك اسف على طريقتى، واسف على قرار بعدى، واسف انى اتعصبت عليكِ واللى حصل منى، لما عرفت انك بتحبى العرايس ملقتش اجمل من ملامحك تتعمل عروسة، شوفتيها حلوة ازاى؟! عرفتى قد ايه ملامحك تخطف، لو مفرحتكيش اعرفى ان نظرك ضعيف ولازم تكسفى، العروسة لو دخلت فى تنافس مع باربى هتكسب عروستك، على فكرة وصيت البنت اللى بتعمل العروسة تزود وتعمل رموش قوية وغزيرة شبه رموشك. علبة الشيكولاته دى معموله مخصوص من مواد تحافظ على سعراتك الحرارية ولنسبة السكريات متخفيش انتِ فى امان كل ماتحسى انك حابة تكافئى نفسك طلعى منها . سلام ياغرام»
“اتنهدت ومسحت دموعى، طلعت وحده شوكليت وحطيتها فى شنطتى، وحطيت العروسه على السرير، لبست الكاب بتاعى ونزلت الشارع وكلى طاقة رهيبة ،كنت بفكر اجيب كشكول «بلاينر» اكتب فيه كل الانجازات والمخططات بتاعتى يلازمنى كل مشاويرى اللى بعملها اسجل فيها ابسط الانجازات اللى بعملها وافتخر بيها، لحد ما لفت نظرى فستان فى محل، فستان إسود جميل.. ما انا نسيت احكيلكم انه يليق بى الاسود ”
=صباح الخير ياجميلة
_صباح النور يافندم تحبِ اساعدك
= تسلميلى، انا كنت عايزه الفستان الاسود ده.
_ذوقك تحفة بجد يافندم، بس انا اسفه.. مفيش منه مقاسك.
“على الرغم من ان طريقة البنت لطيفة جدا، بس احرجت، مكنش قدامى غير انى اتصرف انه مش ليا”
= ا.اه انا عارفه مهو..مهو مش ليا دا هدية
_ سورى ، طيب هى مقاسها ايه يافندم؟
= هى اقل منى بشوية، هو اكبر مقاس يلبس كام كيلو؟
_يعنى لو 80 اعتقد هيبقى ضيق عليها شويتين.
=مش معهم هاتيه ليها، هى عندها إرادة وبتخس وانا عايزه اهديها بيه كحافز ومباركه.
_فكرة حلوه جدا يافندم، احنا عندنا هنا تغليف ممكن اغلفهولك لو تحبِ
“ملامح البنت كانت هادية ولطيفة، وعيونها بسم الله ماشاء الله مليانين شغف وحب للحياة”
_تحبِ نكتب حاجة على الكارت يافندم
=اه، اكتبِ،« مليون مبروك على نزولك 10 كيلو، عقبال وصولك للوزن اللى بتحلمى بيه، ويكون إنجاز من ضمن إنجازك، فخورة بيكِ إلى البطلة المعافرة غرام»
_الله اسمها حلو اوى اوى، انا محتاجة رقم تليفونك واسمك لو حابة تسجلى معانا فى الاتيليه اللى هنفحته بعد اسبوع وهيكون فى عرض ازياء لاول مرة فى المكان ده.
=شكلك صاحبة المكان دا صح؟
“ابتسمت لى بملامح هاديه، حاسة انى شوفتها قبل كدا بس مش عارفه فين الملامح دى انا شوفتها، ممكن تكون البنت اللى شغاله مع الوضيع يوسف، لا ميعرفش ناس هادية كدا، اومال دى ممكن تكون من اصحاب فريده؟! برضو لاء، اومال انا شوفتك فين قبل كدا”
_انا نادية الشيمى صاحبة المحل ده
“صافحتنى بابتسامة كلها لُطف، نادية الشيمى، طب الشيمى دا انتِ سمعتى الاسم دا قبل كدا بس فين!!! ”
=وانا غرام عادل صاحبة محل هاند ميد وقريبا صاحبة جمعية “كونِ انتِ” دا كارت الدعوه للإفتتاح لو جيتِ إفتتاحى الى هيكون بعد اسبوع بالظبط، هجيلك افتتاح الاتيليه واحده ب واحده .
“ضِحكت، واخدنا ارقام بعض، الله بقيت بعمل معارف برافو، طلعت كشكول الانجازات وكتبت فيه، نادية الشيمى اول شبكة المعارف”
_____________________________________
_ياغرام المحامى مستنى من بدرى عشان نكتب العقود
=انا قولت لاء يعنى لاء ياعمو كامل، انا مش هشارك وسيم خالص.
_يابنتى، يابنتى بلاش نشوفية الدماغ دى ما كنتِ فرحانه بالشراكه ايه اللى حصل؟
=غيرت رأيى، البنى آدم دا بيهرب يعمو كامل، مش يمكن وقت الجد يهرب، الشراكه عايزه الثبات والصمود، والحمدلله وسيم ميعرفش عنهم حاجة. انا لو شوفته ياعمو كامل هزعله اوى وهخليه يندم انه اتولد اصلا
_انتِ شايفة كدا ياغرام.
=ايوه ياعمو كامل دا الصح
_ طيب تقدرى تقوليلى هتعملى ايه؟
=هعمل جمعية وهسيب الارض دى دلوقت خالص.
_وهتقبضيها امتى؟
=ايه هى دى ياعم كامل اللى هقبضها
_الجمعية يابنتى اللى هتعمليها
=انت رجل سكر على فكرة، يعم كامل دى جمعية بنى آدمين، انا هفهمك.
“بعد ما اتكلمت مع عمو كامل، سابنى وخرج فضلت سرحانة، طيب انا خايفة ليه؟ فكرة الجمعية حلوة، وكريتيف ومختلفة، ومش بس كدا ياغرام انتِ هتعملى عمل خيرى عظيم هتساعدى كل ست ضعيفة ومكسورة بذاتها، وحضرتى للموضوع كويس والمكان بتاع الافتتاح خلاص اتحل ولقيتى قاعه حلوة فى البلد، واتفقتى على شركة الميديا اللى هتعمل ماركتينج ودعايا والاعلان لليوم ده ايه اللى مخوفك بس، اكتشفت اننا بنخاف من النجاح مش الفشل دى حقيقة مؤكده، كل ما بتنجح كل ما الخوف بيتملكك اكتر”
_صباح الورد على احلى مديره جمعية فى العالم