رواية الجواز مش آخر الدنيا الفصل الأول 1 بقلم ندى سعد

رواية الجواز مش آخر الدنيا الجزء الأول

رواية الجواز مش آخر الدنيا البارت الأول

رواية الجواز مش آخر الدنيا الحلقة الأولى

بيقولوا جيل الالفينات دماغوا شغاله عن جيل التسعينيات لما كانوا عندهم ١٦ سنه
بيقولهم وقتهم كان البنت يضحك عليها ، دلوقتي البنت اذكي بكتير
بس مهما عدا الزمن ياجماعه البنت بنت بتتعلق بالكلام الحلو عايزه تعيش حياة التركيين كده
نسمه:بطلي هبط ياندي ومتتفرجيش ع تركي كتير
ندي:تعرفي عديتي مرحله عره الصحاب بدل ماتتناقشي معايا
نسمه:معلش مش بتناقش ف حاجات تافهه
=تنفعي تبقي من جيل التسعينيات الحمقي ده
ضحكت
•ياسلام عشان عاقله يعني
=احنا لسه ١٧ سنه نعيش حياتنا ونشوف الدنيا ونحب ونتحب ونتجوز ونعيش حياتنا
•مش عايزه احبطگ متنسيش الحب والجواز مش مقياس التعليم مهم ، نسيتي صاحبتنا اللي جوزت ١٥ سنه وكنسلت تعليمها ومكملتيش شهرين واطلقت وبقت طفله مطلقه
التعليم بيفتح المخ مهم زي الجواز كده
=كل انسان باللي حبه يانسمه واللي عايز يعملوا
********
حضرت فرح بنت خالتي وجالي بن عم جوزها
سمعت الخبر فرحت كده كده مش بحب الدراسه بس زن نسمه عليا خلاني مقعدش لاني فـ ثانوي ع الاقل اخد الدبلوم
•الف مبروك ياندي اسمهُ ايه
=عقبالك ياحبيبتي ، اسمه مصطفي
•ربنا يهنيكم
=يارب مش مصدقه قريت فاتحتي امبارح واخر الاسبوع هلبس الدهب
•ياستي ع خير
=يااه بعد الجواز هكلمك واقولك كل شويه بسافر المكان الفلاني
•طبعا اومال من نشير الغسيل للمطبخ تعملي الاكل وللصاله تروقيها وتنزلي لحماتك
=ياشيخ اقول ايه ع فصلانگ
•اعذريني ، مش بحب بيوت العيله
=ياستي انا هتجوزه هو
•ربنا يهنيكي
~لبست الدهب مصطفي كان عسول حبيت انه شكله حلو عنده ٢٤ سنه قالو لازم فرق السن ده عشان نفهم بعض
عدا ٤ شهور حاسه اني حماسي للعلاقه قل زهقانه ..طول الوقت بحس اني لازم ارضيه ،ودايما عايزني اسمع كلامه ومديش رأي ف حاجه
رانا:ندي هستناكي ف خطوبتي
=من عيوني ياحبيبتي عقبال ابله نسمه نفرح بيه
نسمه: لا ياست عايزه ادخل الجامعه زي محمد اخويا
=ربنا يوفقك يانسوم ف طريقگ
=مممممصطفي خطوبه صاحبتي و..
لا
بصيتله باستغراب كان يومه عندنا
=لا ايه
مفيش مرواح ف حته
=ليه , انت حته مسمعتنيش للاخر
انا خطيبك وهبقي جوزگ تسمعي كلامي وخلاص انا عارف انا بعمل ايه
سكت وبصيت قدامي وبقرص ع ايدي من كتر ماجوايا غضبان غضبت اكتر انه كمان لما مشي مرضنيش
بقيت افكر طول الليل
هل ده طبيعي؟العادي!
سالت امي قالت لما نتجوز كله هيتغير .
=طب لو متغيرش هعمل ايه اطلق
انسي اطلق معندناش بنات تطلق هتعيشي عيشتگ
********
=معرفش ملهوفه ع الجواز ليه وانا دلوعه اصلا ف بيت اهلي
٤شهور بعدني عن كل صحابي بقيت لوحدي نسمه اللي رفض اسيبها وقالتلي لو قالك ابعدني عني هاجي اهزقوا
ضحكت ع كلامها
=بجد ، هتهزقيه ده انا مش بعرف اخد حقي منه ف حاجه انتي هتهزقيه
•معلش ياندي انا مش انتي
=بصي يانسمه انا مش معدومه الشخصيه ، الفكره انا ماشي وراء اهلي وعادات المكان اللي عايشه فيه
•في دي عندك حق ، انا شخصيتي كده بسبب محمد اخويا
دايما بيتكلم معايا وبيوعيني ومفتحين ع حاجه اكتريه اللي ف سني ميفهمهاش
=والله يابختك
•لما تيجي عندي وهو موجود ف مره هخليه يتكلم معاكي
=باذن الله
•ماتيجي ننزل نتمشي
=مش هينفع مصطفي مش هيوافق
استغربت
•ده ليه
=بيقول لا من غير مناقشه مش عايزني اكلم صحابي ولا انزل من البيت ولا اتعامل مع قريبي
•عايزك موحده يعني ، مش بقارن ما رانا اهي معانا لسه بتروح وتيجي والدنيا ماشاء الله فل غريب
=مش كل الراجل زي بعض
•عايزه اقعد معاكم ف مره بجد واشوفه كده طبيعي
=معنديش مانع
********
من كتر مابخرجش اكتئبت ماما بصعوبه لما اقنعت مصطفي يسبني انزل ومعه وموافقش الا لما قالها بشرط انه يكون معانا لان مش حابب مراته المستقبليه حته يقول ع طول بره
بعت لـ نسمه المكان اللي هنكون فيه
فعلا روحنا وقعدنا ف جنينه كده قريبه من البيت
بقيت انا وماما ومصطفي ونسمه فعلا عملت نفسها كانت معديه وشافتنا وجايه تسلم علينا
مكنتش حابه اعمل حوارات عشان اشوف صحابي عشان اشوف الدنيا اللي يااااما حلمت اشوفها مع شريك حياتي
حاسه بحاجات جوايا مش عارفه اعبر عنها
مصطفي:تشربوا ايه
=نسمه وماما بيحبوا المانجا وانا عايزه فراوله
مشي ورجع باتنين قصب واتنين مانجا
ادلهم المانجا وقدملي القصب
بصيتلوا بصه طويله المفروض اعمل رد فعل بس مش عارفه اعمل ايه
نسمه:انت متعرفش ان ندي مش بتحب القصب خالص وكمان هي قالت عايزه فراوله
بص لـ نسمه برخامه وكَمل
مصطفي :وانا مش بحب الفراوله ومش عايزه تشربه الفراوله
نسمه:عشان انت مش بتحبه ف تجبره تشرب شئ هي مش بتحبه تيجي ازاى دي انا اول مره اشوف كده
احنا مش عدينا الزمن ان الراجل تعمل اللي هو عايزه تاكل تشرب تتنفس زي ماهو عايز
احنا ف زمن الست زي الراجل ليها حريه وراي وكيان
ماما مسكت ايد نسمه انها تسكت ونسمه ك أنها ماصدقت تطلع اللي ف قلبها ولو نسبه صغيره
نظراته لـ نسمه كله غيظ طول القاعده لحد ما مشيت قبلنا
صحيح زعقلي وبقي عايزني اقطع علاقتي بيها بس دي بيست فريند
******
روحت لـ نسمه البيت اقعد معاها ومقولتش لـ مصطفي هو مش كفايه اهلي عارفين وصلني لنقطه مكنتش حباها
نسمه:ياستي واخير مبروك ع الافراج
ندي: افراج ايه ده من وراه اساسا
نسمه:كبري دماغك
بلكونه الصاله موصله لـ بلكونه اوضته نسمه
سمعت صوت كلمات لاغنيه قديمه وانا مليش ف القديم قد كده ليا ف التركي الجميل
“ياللي ظلمتوا الحب..
وقلتوا وعبتوا عليه
وقلتوا عليه مش عارف إيه..
العيب فيكم يا فحبايبكم..اما الحب ياروحي عليه
=اسمها ايه الاغنيه دي
•سيرة الحب
=مين مشاغلها
•اكيد محمد اصله بيعشق ام كلثوم
بصيتلها وسكت وسمعنا صوت مامتها بتنادي عليها
•اكيد ماما خلصت العصير هاجيبه واجيلك
=ماشي
“اهل الحب صحيح مساكين ”
صوتهُ الرجولي ف اخر جمله قالها مع اننهُ واضح انها مش تكملت الاغنيه شدني اشوف الشخص اللي مندمج كده
خففت رجلي ودخلت البلكونه اخطف نظره صغننه خالص خالص
لقيت شاب عشرين قدامي بيشرب قهوه ومسافر ف جمال الكلمات وصوتها من غير موسيقي .