رواية الثأر والحب الفصل السادس 6 بقلم منار رمضان
رواية الثأر والحب الجزء السادس
رواية الثأر والحب البارت السادس
رواية الثأر والحب الحلقة السادسة
احمد : ايه يا بنى احنا الفجر كنت فين ده كله
خالد : قولتلك عندى مشوار
احمد : خالد مالك فيك ايه انت مبتخبيش عنى حاجه
خالد بص يمين وشمال : طب انا هقولك
عنبر : هاچر هاچر
هاچر : ايه فى ايه
عنبر : جومى يلا عشان نصلى الفجر اذن
هاچر : طيب جومت اهو
احمد : طيب هتعمل ايه
خالد : مش عارف
احمد : خلاص ابعد عنها ملكش دعوه بيها
خالد : ازاى يعنى
احمد : زى الناس هتتعبك وتعملك مشاكل انت فى غنى عنها
وبعدين متنساش احنا فى الجامعة هنا ليه
خالد : يا عم الحج اكيد مش ناسى احنا هنا بنعمل ايه بس
بردو لازم اقرب منها ولو هضطر ادخل بيتها
احمد : لا انت بجد مجنون ومش طبيعي طب هسألك سؤال
خالد : قول يا عم الطبيعي
احمد : انت بتحب البنت دى
خالد سكت شوية
احمد : سكت ليه يا فلانتينو
خالد : لا يا عم حب ايه بس هى لوحدها تشد اى حد عشان
يتكلم معاها بس هى عاملة لنفسها حواجز مش بتدى لحد
فرصه يكلمها حتى
احمد : طب اديك قولت مش بتدى لحد فرصة يكلمها تبقى
معقدة يا صاحبي
خالد : لا مش معقدة فى فرق انها تبقى معقدة ومحترمه
ودى بقى محترمة
احمد : حقك عليا يا ياسطا
خالد : ممكن بقى نقوم نصلى الفجر اللى راح علينا ده
احمد : ما هو من رغيك قوووم
**************** منار رمضان**********************
عنبر وهاجر صلوا وخلصوا
هاجر : عنبر هتلبسى ايه
عنبر ……
هاجر : عنبر بكلمك
عنبر ….
هاجر : عنباااااااااااااااااار
عنبر : ايه يا غبية خرمتى ودنى
هاجر : بجالى ساعة بكلمك وانتى سرحانه
عنبر : لع مش سرحانه بس مصدعة شوية
هاجر : مصدعة بردوا عليا انا الحديت ديه جولى فى ايه
عنبر : مفيش حاچة يا هاچر
هاجر : بتفكرى فيه صح
عنبر : مين هو
هاجر : عنبر حبيبتي متخبيش عليا ده انا عرفاكى اكتر من
نفسك جولى اللى فى جلبك
عنبر بتردد : مش عارفه بس حاسه اني زودتها معاه شويه
هاجر : شويه بس ده كتييييير جوى
عنبر : ايه يعني مش هتفرج
هاجر : عنبر لا هتفرج انتى شايفة نفسك عاملة كيف
عنبر بخضة : مالى عاملة كيف
هاجر : أهدى بس انتى شكلك بتحبيه
عنبر : لع احب ايه يا مچنونة انتى انا بتاعة حب لع اكيد
بتهزرى
هاجر : لع مش بهزر وليه مش بتاعة حب الناس كلها من
حجها تحب
عنبر بوجع : لا بس مش انا
هاجر : وليه مش انتى
عنبر : انتى عارفه زين احنا ايه ولو واحدة جالت انها بتحب
بيعملوا فيها ايه وبعدين عندك ابوى اللى كان عايز يچوزنى
لسعد ابن عمي ويجعدنى من التعليم لولا سعد هو اللى اجنعه
وانا اللى زيى لا يحب ولا يتحب.
هاجر : عنبر انتى مش عارفه انك زى الجمر والف شاب
يتمناكى وانا وانتى اهو لو الواد ده هيبجى من نصيبك باذن
الله
عنبر : ههههه بس يا هبلة واشمعنا هو يعنى
هاجر : عشان لما بتتكلمى عنه عينيك بتلمع وانا بسمع
ضربات جلبك اللى هيطلع من مكانه
عنبر : لع غلط ويلا بجا عشان هنتأخر الساعه داخلة على
7ونص
هاجر : ههههه طيب يلا بس خلى كلامى ده فى بالك انك
بتحبيه وان شاء الله هيبجى من نصيبك
****************** منار رمضان *******************
بعد ساعتين
خالد : عنبر عبد القادر عبده من محافظة سوهاج قرية آل….
صح
عنبر بصت وراها : انت بتتچسس عليا ولا اييه
خالد : لا بس بحب اعرف كل اللى بيجوا جداد هنا
عنبر بضيق : وانا مبحبش حد يعرف عنى حاچة بعد اذنك
خالد : لا استنى رايحة فين انا عايز اطلب منك طلب
عنبر : لع. وقامت عشان تمشى
خالد : انا عرف كل حاجه عنك وعن الطار والبلد اللى انتى
منها
عنبر وقفت : وانت مالك ومالى يا بنى ادم انت بعد اذنك
ملكش صالح بيا وسيبنى فى حالى
وسابته ومشيت
هاجر : هو عرف عنك كل الحاچات دي كيف ومين عرفه
حكايه الطار دى
عنبر : معرفش انا هكلم محمد اخويا يچى
هاجر : لع يا مچنونة انتى انتى عايزة جناية ممكن يكون له
حد فى البلد أو حاچة
عنبر : معرفش انا…
…… ما انتى حلوة اهو وبتقفى مع خالد
عنبر : انت عايز ايه تانى
حازم : طيب ليه عملتى مهرجان لما وقفت معاكى دقيقتين..
وضرب وبهدلة ما انتى بتعرفى تقفى اهو وتتكلمى
هاجر : والله دى حاچة متخصكش تجف زى ما تجف وانت
ملكش صالح بيها ابدا ويلا غور من هنا جبل ما انا الم عليك
الچامعة كلها
حازم : وعلى ايه انا ماشي بس على فكره مش هسيبك
وسابهم ومشى
عنبر بزهق : اوووووف انا زهجت وتعبت انا مش هكمل تعليم
وبدأت تعيط
هاجر : انتى مچنونة لع هنكمل وملناش صالح بيهم لينا ربنا
نشتيكيله والعميد موچود متخافيش
احمد : خالد خالد
خالد : ايييبه
احمد : بص مش ده حازم اللى واقف مع عنبر وصاحبتها
خالد بص وشرار بيطلع من عينيه : ده انت يومك مش
هيعدى النهارده
احمد : يا عم أهدى خلاص مشى
خالد راح لعنبر جرى : عنبر انتى بتعيطى ليه عملك ايه
عنبر : ملكش صالح بيا سيبونى فى حالى انا چاية هنا اتعلم
وبس مش اجع فى حرب ومكر انتوا عايزين منى ايه امشى
من الچامعة حاضر همشى
خالد : أهدى أهدى انا مقصدتش كده والله أهدى بس
عنبر : لع مش ههدى حلوا عنى بجا هاچر انا فى الكافيتريا
عايزة اجعد لوحدى لو سمحتى
هاجر : طيب روحى
وسابتهم ومشيت
خالد : آنسة هاجر هو ايه اللى حصل قالها ايه يضايقها كده
هاجر : شافها وهى واجفة معاك وجالها أنه مش هيسيبها فى
حالها
خالد : يا ابن ال…… انا اسف يا آنسة هاجر متخافوش مش
هيقدر يعملكوا حاجه طول ما انا موجود وطمنيها وقوليلها
انى كنت عايز اعرف ضايقها ليه بس مش اقصد حاجه
وخليها تشيل فكرة أنها تسيب الجامعة دى من دماغها
هاجر : تسيب ايه بس دى ما صدجت أنها دخلتها عشان
نفسها تكمل تعليمها دى دخلتها بطلوع الروح وبعد معاناه
خالد وطى رأسه : أيوة عارف عارف
هاجر استغربت : عارف ايه
خالد : ها لا ولا حاجه بس انا همشى وانتى روحى شوفيها
عشان ما تبقاش لوحدها والحيوان ده هنا
هاجر : تمام بعد اذنك
خالد : اتفضلى
خالد لنفسه انا مش هخليكى تسيبى الجامعة يا عنبر ده
حلمك وانتى وصلتيله ومش. هتتخلى عنه وانا هفضل فى
ضهرك وهحميكى ومش هحسسك باى حاجه ومش هخلى
حد يقرب منك ابدا
لو سمحتى يا آنسة عنبر
عنبر : نعم اتفضلى
…دكتور اشرف كان عايزك فى مكتبه
عنبر : حاضر انا هروحله
دكتور اشرف : ادخل
عنبر : حضرتك ناديتنى يا دكتور
دكتور اشرف : اه يا عنبر تعالى
عنبر : اتفضل حضرتك
دكتور اشرف بتردد : عنبر انا كان معايا حاجة وعايز اخليها
فى مكان امين
عنبر : حاچة ايه يا دكتور
دكتور اشرف : دى تبع الرحلة اللى هنروحها الفيوم بعد بكره
انتى مش هتروحى ولا ايه ده اجبارى عشان من ضمن
الاختبارات وكده
عنبر : لع اكييد رايحة يا دكتور
دكتور اشرف : طيب انا ملقتش حد احسن منك أأمنله على
حاجه زى دى
عنبر : تحت امرك يا دكتور والأمانة هتفضل أمانة
دكتور اشرف: الشنطه دى بس مش عايز حد يعرف انها
بتعاتى أو حتى يعرف فيها ايه لو حتى انتى
عنبر : حاضر يا دكتور امانتك فى الحفظ و الصون بعد اذنك
دكتور اشرف : اتفضلى
يتبع…
لقراءة الفصل التالي : اضغط هنا
الرواية كاملة اضغط على : (رواية الثأر والحب)
