رواية البنت غير الشرعية الفصل العشرون 20 بقلم ياسمين
رواية البنت غير الشرعية البارت العشرون
رواية البنت غير الشرعية الجزء العشرون
رواية البنت غير الشرعية الحلقة العشرون
جبنا يومين كل واحد مشنف على الآخر كامل انتبهو علينا اليوم على العشا قاتلنا عجوزتي يوم الخميس دايرة عرضة للافامي باش نعلموهم بزواج يوسف قاتلها عجوزتي زينب واش تقوليلهم ولدنا تزوج بلا علمنا قالتلها سليمة غير خلينا من الفضايح واش يحكو علينا رانا هكا مكان لي شافها مكان لي يعرفها قالتلها عجوزتي وكي يجو عندنا واش نقولولهم ردتلها شفتيها نهار كامل مخزونة في بيتها وين راح يشوفوها وحتى إذا شافوها نقولو صحبت لبنات عيط يوسف عليها مرت عمي إذا نتي حاشمة بيها هذي بنت لالاك خيرمنك في كلش وزيد مرتي أنا ومهمنيش الناس يعرفوها ولالا ديجا كي راكي تحلي في فمك سمانة لجاية كي نجو من طاليان نديرلها عرس فالشيراطون وديري حسابك بلي مش معروضة شدني من يدي وطلعنا لشومبرتنا ولا رايح جاي رجع قعد ويهز في رجلو قلقني قالي كي نرجع نروحو لدارنا قتلو واش من دار قالي داري كيفاه واش من دار قتلو
معلاباليش بلي عندك دار وحدك وفي قلبي نقول علاه مديتنيش من النهار الأول وريحتني شوية جات يماه قاتلي صحا بنتي مديريش على هدرتهم وبقات تهدي فيه قاللها عندي خدمة نروح وكي نرجع نروح لداري بقات تحلل فيه وانا يا ولدي تخليني وحدي قاللها نتي محبيتش شحال من مرة قتلك أيا نروحو ونخلوهم قاتلو منقدرش نخلي باباك واصلا فالشرع ممنوع عليا نخرج من داري وانا على ذمتو قاتلو راني تفاهمت مع باباك نهار الخميس نديرو عشا صحا وليدي تهدن دي مرتك شرو حوايج باه تحضرو قاللها ميكون غير خاطرك وباس يدها وعنقها امو الوحيدة لي تقدر تهديه وتخليه يرجع بشر خاطر كي يزعف يولي وحش بأتم الكلمة .
لحق الخميس من صباحي صبحت بليغاقل الوجاعة دايرة فيا حالة هبطت لتحت لقيت الحالة عادية قلت بالاك مزال ميوجدو فطرنا يوسف راح سقسيت عجوزتي إذا كاش منعاونها قاتلي والو كلش واجد داتني لبيتها اول مرة ندخل عندها ملي جيت
هنا بقات تحكيلي على العايلة نتاعهم و فهمتني بلي سامطين ومصلحجين قاتلي اي وحدة حبت تقرب منك بالاك ديريها صاحبة أصلا ميصلحوش فهمتني بلي لازم نبقى رزينة وراتبة خاطر أكيد ضوك يحاولو يستفزوني باه نغلط هي تهدر وانا داخلي نقول يا ربي شاهذي العايلة السامطة لي حطيتني فيها جمعت معاها شحال ممبعد هبطنا تغدينا قاتلي اطلعي بنتي راني وصيتلك على حفافة ضوك جي ليك ،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
