رواية البنت غير الشرعية الفصل السبعون 70 بقلم ياسمين
رواية البنت غير الشرعية البارت السبعون
رواية البنت غير الشرعية الجزء السبعون
رواية البنت غير الشرعية الحلقة السبعون
رفدت الدراهم درتهم في كابتي وجبتها فالحومة لي قالي عليها عمي الحاج عيطتلو تلاقينا وداني عند السيد مولا الدار قالو هذي الطفلة لي قتلك عليها قالي مرحبا بنتي شوفي فالحق انا موالف نكريها غير فالصيف علا جال البحر بصح كي قالي سي الحاج عليك قلت معليش نكريهالك نتي اولى وزيد راه سي الحاج ضمن فيك بلي بنت فاميلية وخاطيك المشاكل والخلاص كيما قالك مليون وميتين للشهر بصح راه فيها كلش قالو عمي الحاج يا سي حمينة كون غير تزيد تعاونها في السومة قالو سي الحاج راه علابالك قتلو معليش قالي ارواحي نوريهالك و إذا عجباتك نروحو للنوتار نتكاتبو قتلو اوكي دخلناها جاية كلي صالة كبيرة كلي طويلة من الباب يقابلك بلاكار من طرف لطرف في الجهة اليمنى بوتاجي صغير عليه سلة نتاع ماعن بحذاهم كويزينيار من الصغار بحذاها تاني فريجيدار صغير اونفاص ليهم كاين حصيرة نتاع بلاستيك محطوطين عليها 4
مطارح فوق بعضاهم وبلازما صغيرة معلقة فالحيط ، البلاكار فيه ست بيبان جهة دايرين فيها الفراش وجهة حاطين فيها شوية مواعن كسرونات ،كيسان ،طباسة ،قدرة ،مقلة …. يعني غير الصوالح الأساسين وجهة فارغة عند الدخلة جيست كاين باب كي دخلت لقيت حشاكم دوش وتوالات مع بعض توالات عرب عادي وقدامها لافابو وفي الطرف قاع كاين مرشة وقصعة صغيرة نتاع دوش ومعلقين سلة نتاع كوانة باش نحطو صوالح التدواش الدار مخدومة بلادالدو صول صح بسيطة بصح مشروحة فيها تاقة جيست بحذا الباب ودايرينلها باروداج ناقية و كبيرة يعني بالنسبة ليا تكفي وتوفي قالي هاه بنتي كي جاتك قتلو مليحة هايلة قالي نتكلو على الله رحنا للنوتار قالولو على عقد الكراء قتلو انا راح نخلصك عام كامل مقدما عياو معايا معليش بسمة بالعقل قتلهم لالا منيش حابة نصرف الدراهم وجدنا العقد عاوني كثر خيرو قالي نحسبهالك مليون للشهر جبدت مديتلو 12 مليون نتاعو وخلصت النوتار وهزيت المفاتح وأخيرا ولات عندي دار كي الناس معليش كرا ومعليش عاودت رجعت للدار و
الحاجة لي عجبتني فيها في لافيل قريبة لخدمتي 20 دقيقة وانا وصلت الحومة تبان مليحة وهادية وتاني عمي الحاج يسكن هنا بيني وبينو 3 سكاني برك دخلت الدار واول حاجة درتها عيطت لدلال نعيط ونعاود حتى هزت وطيح فيا بالسبان يا حمارة علابالك راقدة ضوكا البارح خدامة قتلها تقعدي باه نقولك وين راني قاتلي وين قتلها في داري كريت دار قاتلي بركاي قتلها والله قاتلي خفي بعثيلي لادراس ضوك نجي بعثتهالها ،مقبيل شفت بالي وفغوتواغ قال توالات رحت شريت اومو وصانيبو وجافيل وجيت غسلت كامل هذوك الماعن سيقت قاع الحالة نقيتها ومسحت الغبار حتى لقيت دلال تعيطلي قاتلي وصلت الحومة ومعرفتش الدار خرجت ليها دخلتها فرحتلي مسكينة بزاف تعاونا كملنا وحكيتلها كلش قاتلي نستعرف بيك هكا اقفازي مع عمرك بصح يا ريت قفزتي مع يوسف كون مراكي هنا قتلها دلال منزيدش تجبديلي عليه بدلت الحديث قاتلي بسمة
المواعن نورمال استعمليهم بصح الفراش لالا هيا نخرجو وانا نشريلك الفراش من عندي قتلها لالا والله عندي ياك قتلك جبت من عند خالي قاتلي خبي لي بقاولك تحتاجيهم قتلها معليش رحنا للمارشي شرينا ماطلة نتاع نفس اوغتوبيدي وشرينا دراوات 3 بياس نتاع بلاصة شرينا تاني 2 مخاد اوغتوبيدي شرينا زربية شابة وشرينا كوات ،قضينا شوية مصروف للدار ورجعنا حطيتهم برك قتلها نروح للخدمة راني روطار قاتلي خلاص روحي نتي وانا نخملك عندي زوج مفاتح مديتلها واحد قتلها خليه عندك ديجا روحي جيبي قشك وارواحي اسكني معايا قاتلي منقدرش وديجا موش من فايدتك كي يشوفوني الناس نخرج فالليل وندخل الصباح راح يحاوزوك خلينا هكا وقولي بنت عمتي وخلاص قتلها اوكيبس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
