رواية البنت غير الشرعية الفصل السادس والتسعون 96 بقلم ياسمين
رواية البنت غير الشرعية البارت السادس والتسعون
رواية البنت غير الشرعية الجزء السادس والتسعون
رواية البنت غير الشرعية الحلقة السادسة والتسعون
دمرني التخمام قاع واش فوت في حياتي بصح هذي المحنة قاع كبر منهم حطمتني باتم المعنى قطعت الهدرة قطعت الماكلة يوسف غير يدخل عندي نطير فيه واش مصلحتو هو مني زعما كي تزوجني كان علابالو انا بنت عمو ولا حتى ممبعد عرف زعما صح راه يبغيني ولا عندو حاجة في بالو 16 يوم وانا نتعذب عندهم الحق لي يقولو صعيب اليتم في حياة الوالدين كنت متقبلة أني يتيمة مكتوب الله بصح يتيمة وبويا حي والحمد لله لاباس بيه يعني قادر يعيشني وواحد ميدري عليه الف سؤال يدور وملقيتش جواب حالتي غير للاسوأ عصبية غير نعيط مراني حاملة حتى واحد حوايجي وراهم ثقال عليا عيا معايا يوسف هيا نديك للطبيب قتلو روح ليه نتا واهلك نتوما لي مراض موش أنا جابلي غير هذيك الخدامة تقعد معايا قالي راني نخاف كي نروح للخدمة ونخليك قتلو المهم متعتبش بيتي ومنشوفش وجها نحى الباب نتاع البيت خاطر وليت نغلق على
روحي ومنحبش نفتح نظن خايف ننتحر بصح انا عمري مراهاش سايبة باه نقتل روحي وعلا جال رخاس ميسواوش بصح شاراني ندير علاه غابنة روحي هكذا وهوما راهم عايشين حياتهم كلي حاجة مكانت نورمالمو هوما يندمو عليا منيش أنا وين رايحة بيها قاتلة عمري قاع هكا عندي كثر من 15 يوم مخرجتش مدوشتش مزية والشتاء كون جا الصيف كون نتنت نوضي نوضي يا بسمة هذا لي كانت حليمة تقول عليك راجل الدار .نضت رحت للدوش درت دوش بالطبع ورحت للكوزينة درت بيض كليت درت كافي اكسبريسو منيش موالفة نشربها بصح من الغش والدمار لي فيا كون يزيدوني قارو نكميه ديتها ورحت لبيروه لقيتو راقد على الفوتاي حطيت يدي عليه نوض فيه ناض مخلوع بسكة واش بيك كاش حاجة توجع فيك قتلو لالا حابة نهدر معاك برك شاف مع الساعة لقاها 4صباح قتلو علابالي مزال الحال بصح حابة نفهم الحكاية ومذابيك تحكيهالي كيما هي متخبي عليا والو قالي صحا معليش نغسل ونجي قتلو صحا جا قعد قالي مين نبدا قتلو كيما تحب قالي كي جيت عندكم اول
مرة مع دلال وشفت يماك الله يرحمها تفكرتها خاطر كانت تخدم عندنا موش خدامة وانما كانت جداتي مرا كبيرة ومشلولة مالا جابها عمي على أساس تقومها ، المهم انا تمنيت متكونيش بنتها بصح للاسف لقيتك بنتها وبالاك نتبهتي عليا توترت وتفرفشت معرفتش قاع واش نهدر قتلو وهي كيفاه معرفاتكش سيرتو شبهت فيك قالي خاطر بدلنا الولاية لي كنا فيها علاهذا قالت ممكن شبه برك المهم كي رحت بقيت غير نخمم غدوة بعثت دلال باه تخرجك وانا رحت ليماك قلت نسقسيها بالاك مكيش بنت عمي بالاك زوجت عرفت منها بلي نتي بنت عمي وانها كي راحت من عندنا باه لقات روحها بالحمل حكينا بزاف المهم قتلها راح نديك معايا وتعيشي معنا بالسيف عليه بصح محبتش من تالي قاتلي إذا حاب جيب لبنت عمك حقها اتزوجها قتلو ماما عرضتني عليك موش نتا قالي ايه مع الاول صح مقبلتش هنا نضت يا رب علاه ذلوني قاع لذي الدرجة قالي اتهدني مزال نهدرو اقعدي وارتبي قعدت قالي من الأول صح مقبلتش خاطر مكنتش مستعد الزواج قتلو ايه علابالي كنت مزالك حازن على مرتك قالي هنا احبسي مهوش حديثنا بصح انا كونت حازن على الحشوة لي حشاتهالي موش عليها هيا وهذي حكاية بالاك يجي نهار ونحكيهالك المهم بعد مدة لقيت انو انسب حل هذا هو كنت قادر نخليك في داركم ونشوفلك
خدمة مليحة نعاونك بصح منيش عارف علاه خممت اني نتزوج بيك احسن علاهذا لي زربتها ومجبتش اهلي خطبوك خاطر غير يشوفو يماك راح يعرفوك علابالي ضوك تقوليلي علاه مقتليش هي يماك محباتكش تعرفي قاتلي قولو قبل هو حتى إذا استعرف بيها قوللها وإذا محبش خليها عايشة في كذبت باباها ميت خير ما تعرف بلي سمح فيها بصح انا بانتلي انو نتي عندك الحق إذا تعرفيه ولالا وشحال من مرة بغيت نجبد معاك السوجي ومكتبش رب العالمين ، قتلو هو علابالو قالي واش علابالو قتلو بيا أنا قالي شوفي بسمة ضوكا إذا يماك قاتلو بلي راها بالحمل ولا مقاتلوش معلاباليش بصح إذا قصدك إذا علابالو بلي نتي بالذات بنتو لالا ماعلابالوش مقتلوش قتلو شكون لي علابالو قالي نورمالمو بختة قتلو بختة علابالها ومحكاتليش قالي راني نقولك يماك مخلاتناش نقولولك قتلو يماك علابالها على هذا كانت تعامليني مليح صح قالي لالا راكي غالطة يما صح علابالها بصح حتى خرجتي من الدار باه درات بعد واش صرا بيناتنا خليت كلش ورايا ورحت لايطاليا وقررت
منعاودش نرجع كي بقى محمد غير يحوس عليك وغير مرة مرة يعيطلي على جالك قتلو باش إذا لقاك يخبرك خاطر صراحة مكنتش ناوي نرجع وقلت محال راح نعاودو نتلاقاو وهو خبر يما باش إذا كانت تعرف كاش وحدين من مواليك تدلو بالاك راكي عندهم بصح هي متعرف حتى واحد حاليا غير حنا لي راه علابالنا قتلو مليح وهنا حابتها تموت منيش باغية حتى واحد يزيد يعرف قالي كيما تحبي قتلو بصح محكيتليش كيفاه حتى عرفو بعضهم.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
