رواية البنت غير الشرعية الفصل السادس والسبعون 76 بقلم ياسمين
رواية البنت غير الشرعية البارت السادس والسبعون
رواية البنت غير الشرعية الجزء السادس والسبعون
رواية البنت غير الشرعية الحلقة السادسة والسبعون
لقيتو حتى هو يبكي معايا قالي هذا كامل حاملاتو وحدك وساكتة همك كبير يا بنتي ربي معاك ويقاويك بصح يا بنتي تبغي الصح فالزوج غلطتو وسيرتو نتي من اول كان لازمك تقومي بواجبك كزوجة من اول ماسنييتي خلاص هذا راه راجلك عندك عندو حقوق وعليك واجباتي على حساب واش حكيتي هو كان قايم بيك على اكمل وجه والدليل موك داواها ووقف معاها حتى آخر لحظة حتى عزاها راكي تقولي كان عليه هذا ماديا برك ومن ناحية المعاشرة راكي قلتي كان مليح وحنين عليا غير مرات تعرفي وينتا هذوك المرات كانو وقت اي تغلطي وهو يفقد صبرو خاطر معطيتيلوش حقو كاين زوج وكي قالك نتي ممديتيليش حقي ديتو سيف كان صريح معاك وراكي قلتي وصل بكا على ولدو احتمال كبير كان متامل من اول يعيش معاك ويتمنى ربي يرزقو بصغير وكي راح حس بتانيب الضمير بالاك ربي حرمو من ضناه كي ضرك نتي وحاول يعوضك اي طريقة
ممكنة وحتى كي ضربك ووصلتو للطلاق كان لازم تبحثي على السبب كان لازم تفهمي منو وتوضحي الامور متاكد كان راح يبعثك لداركم حتى يتنحى زعافو بصح نتي استفزيتيه بالخلع خاصة انو كلمة طلقني ديما على لسانك وعلى هذا طلقك منقولكش غير نتي غالطة لالا حتى هو كان ضحية القلق نتاعو والتسرع يا بنتي من رايي عيطيلو ولى حتى روحيلو وحاولي تصلحي لي صرا خاطر ممكن تكذبي قاع علينا بصح موحال تكذبي على نفسك نتي تبغي راجلك وتبغيه بجنون نتي موش حابة تستعرفي انا يوم شفتك كيفاه تبكي عليه وتهترفي بيه تمنيت يكون هذا الانسان حي خاطر إذا ميت محال تقدري تكملي حياتك بلا بيه ، قتلو راح راه فايطاليا وقيلا تزوج تاني قالي تواصلي مع عجوزتك ولا مع حماك وحتى إذا عاود الزواج عادي مكيش الولية الاولى لي يتزوج عليها راجلها و الحمد لله هو كافي يتزوج باربعة قتلو بصح طلقني بالثلاث وكملت العدة ميقدرش يرجعني قالي بنتي هذي يليقلها امام هو يفتي فيها بسمة بنتي خطيك من تخشان الراس وخمي مليح في
هدرتي وربي يفرج كربك ان شاء الله قالي هيا نروحو للدار قتلو حابة نبقى وحدي شوية منبعد نجي قالي اقعدي تقعد بنتي براحتك ومكالاه جي للخدمة روحي ريحي بقيت تما نتفكر ونبكي حتى بدا يضلام الحال باش رحت الدار دوشت وكليت لقمات وطحت لوحة، الصباح كي جيت رايحة للخدمة لقيت عمي حمينة سلام سلام قالي بنتي راه قريب يخلاص الكرا تزيدي تقعدي ولا ندبر كراي قتلو لالا راني قاعدة وممبعد نجيبلك الدراهم قالي لالا منيش مزروب سقسيتك برك إذا عندي عام ملي سكنت هنا مالا شحال عندي بعيدة على يوسف لي كل يوم نبات نبكي عليه ايه استعرفت انا نحبو بصح عزة نفسي مخلاتنيش نعيطلو باقية نتوجع عليه وحدي عينيا نشفو وعماو عليه يا ترى هو راه يتفكرني
“عزيزي يا صاحِب الظل الطويل ،لقد حلَّ الخريف مِن جديد،فصل الحنين والرحيل ، و مازال ظلك بعيد عني ،أوراق عمري تتساقط ورقةً ورقة، ومازلت أنتظر قدومك، أخاف أن يكون عمري خريفاً تلو الخريف ولا ربيع يأتي، العالم يدور من حولي وأنا مازلت أدور حول ظلك، أَفتقدك جداً أخبرني ، متى سيزهر ربيعي”
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
