رواية البنت غير الشرعية الفصل السادس والستون 66 بقلم ياسمين
رواية البنت غير الشرعية البارت السادس والستون
رواية البنت غير الشرعية الجزء السادس والستون
رواية البنت غير الشرعية الحلقة السادسة والستون
قعدت عند خالتي يامات ريحت شوية من الحس بصح حالهم على قدهم ساكنين غير قربي قديم وعايشين غير على مدخول وليدها القليل لازمني نخرج نحوس على خدمة حتى يعيطولي إذا كتب ربي وهكا رجعت لعادتي ملي نوض الصباح وأنا ندور فالشوارع ندبر فاللقمة وكل نهار بنهارو ممبعد رجعت تفاهمت مع خالتي نرجعو نخدمو المسمن والفطير والطعام ونبيعو بالاك على ربي بدينا نخدمو وربي مطيح براكتو الحمد لله بصح زهري الحلوف ديما تابعني ولي تابعينو العرب والله متسقم حالو بدا القيل والقال وسمعو الناس بلي اطلقت وبدات الهدرة كيفاه بختة مخلية هجالة في الدار مع وليدها وانا ربي شاهد هذا أمين درتو خويا وهو كثر يجيب الحاجة ليا طول يقولي هاكي بسمة كولي نتي حتى تشبعي نتي باه ناكل انا نقول. نقسمو يقولي لالا انا حقي كليتو كي لميتولي ما ومخليتوهاش فالزنق ، حتى بناتها ولاو ميخلوهمش رجالتهم يجو حقا حقا انا بنت حرام وزيد هجالة وحدة مسكينة قريب وصلت للطلاق على جالي عيات معايا خالتي خليك من هدرة الناس طفيهم واسكتي بصح الله غالب منطيقش وليت كل مرة انا والجيران فالحس والمشاكل حتى وصلت قالو لخالتي يا تحاوزيها يا نطردوك نتي وياها منا
ياربي الحنين وينتا تلطف بيا عييت نخمم خالتي قاتلي نزوجك لامين وهكا تبقاي معانا وزيد وين راح نصيب كنة كيما نتي كان علابالي امين يقبل كون تقولو خالتي بصح انا موحال من جهة دايراتو خويا ومن جهة جرحي جديد كرهت الزواج ومنيش مستعدة نعاود مالا حلها واحد نروح لخالي نجيب دراهمي وخلاص ، رحت عندو قتلو نحتاج دراهمي حق الدار باغية نكري وحدي قالي والله ما صرات وشا يقولو عليا الناس قاس بنت ختو هيا معايا للدار قتلو منيش باغية المشاكل مع مرتك قالي أنا ندبر راسي معاها رحت جبت دوزاني من عند خالتي ورحت معاه لدارو دارت مرتو مندبة دخلها لشومبرتهم منيش عارفة شا قاللها المهم رضات وسكتت ، رجعت عند خالي ووليت خدامة عند مرتو وبناتو غير باه يرضاو عليا ملي نوض الصباح وأنا نجبد حتى لليل نفرش ونشد بلاصتي مدقدقة وعيانة بصح ذاك الرقاد حالف يجيني نبقى نتقلب ونبكي على حالي الكلب لي راني
فيه كل يوم نفس الروتين الخرجة ممنوعة عليا غير الجمعة من الصباح نجيبها فالجبانة نفرغ همي لميمتي ، وحد اليوم بالسيف لاخرجت وحتى كملت قاع شقا الدار رحت درت دورة لانام نسقسي على الخدمة قالولي مكاش لي بوست غير يجيبو نعيطولك قتلهم صحا ، وزدت رحت لوحد الشركة كنت حاطة السيفي نتاعي عندهم غير دخلت عند هذيك المسؤولة نلقاها مجمعة مع صحاباتها قاتلي ختي راكي غالطة الجامع موش هنا وضحكو ياه يا ديني حسبوني طلابة خرجت من عندهم الدم بكيتو في بلاصت الدموع جيت عند الشط ونبكي نفرغ فيهم ويدان يا ربي هاو فرج عليا انا عبدك الضعيف يا ربي اديني وهنيني من هذي الدنيا المرة بكيت حتى عماو عينيا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
