رواية البنت غير الشرعية الفصل السابع والسبعون 77 بقلم ياسمين
رواية البنت غير الشرعية البارت السابع والسبعون
رواية البنت غير الشرعية الجزء السابع والسبعون
رواية البنت غير الشرعية الحلقة السابعة والسبعون
عيطلي نيميرو ماسكي مرتين محبيتش نرد المرة ثالثة رديت قلت الو قاتلي حمارة ساعة باش تردي يوه هذي الحلوفة نتاع دلال توحشتها ملي راحت مسمعتش عليها حتى اليوم واش سافا مليحة توحشتك يا حلوفا حتى انا كون تدري قداه توحشتك حتى راني نشوفك فالمنام قتلها ومين هكا علاه متعيطيليش ولا جيتي عندي قاتلي الله غالب بسمة اعذريني قتلها معليش قوليلي كيفاه راكي قاتلي والله غاية في نعمة ونتي طمنيني عليك قتلها انا هي انا الحمد لله الخدمة و الدار قاتلي والو مكاش جديد مزالك براسك قتلها واه مزال قاتلي الله يهديك يا طفلة والله تعياي وتندمي قتلها علا حسابك راكي غاية كي راكي غير تانسيستي عليا قاتلي والله في نعمة اليامات الاولين كان يضل عندي ومنبعد ولا يقسمنا اليامات يخي
ملي جي نهارها يتعافرو يجي ويخليها وممبعد جات عندي دابزتني يخي حكيتلها وذنيها مليح وقتلها نتي راكي سامحة فيه انا خاطيني ومن نهارها معاودتش جاتني وهو تقدري تقولي مطبقاتو في يدي من الخدمة يجي عندي طول يريح ويتعشى باه يروح عندهم إذا كانت دالتها واذا دالتي يبات يخرجني يدللني يصرفلي بالزيادة وصراحة حتى انا موش مقسرة معاه قتلها ربي يهنيك قاتلي نزيدك حاجة قتلها ايه قاتلي راني بالحمل قتلها ربي يتمملك بالخير ان شاء الله قاتلي آمين العقوبة عندك ونتهنى عليك ان شاء الله المرة الجاية كي نعاود نعيط نلقاك في دار راجلك قتلها ان شاء الله وكوبينا لبست حوايجي و رحت لخالي للحانوت معرفنيش قالي والله تبدلتي قتلو تهنيت منكم ريحت خالي قتلك 6 أشهر ونجي ندي دراهمي راني دبرتها المرة لي فاتت منعندي ذي المرة نحتاج دراهمي قالي لالا متخميش راني خبيتلك نصيب غدوة ارواحي الصباح نجبدهملك من البونكة قتلو خلاص حتى انا خدامة ضوك رحت لخدمتي كملتها ورجعت لداري ،الصباح صبحت عند خالي عطالي 30 مليون قالي بسمة هذو حق الدار وحق الحانوت والله هذو واش يجيبو وصحا بنتي متهدريش على الحانوت قدام خالاتك قتلو تهنى وفي قلبي شوف باغي تبلعطني دار وحانوت يطيرلي منهم 55 مليون برك هذي كلخها لبوبي ممبعد ونتفاهمو رحت لمولا
الدار عاودت أنا وياه الكونطرا وعطيتلو دراهمو ولي بقاو حطيتهم فالكونت نتاعي راني فاتحة واحد
هذو يامات راني نخدم سارفوز خاطر وحدة من لبنات تزوجت مالا شادة بلاصتها حتى جي كاش وحدة مع العشية جانا المعلم قالنا اتهلاو راه عندنا عرضة ليوم لناس…
هذو يامات راني نخدم سارفوز خاطر وحدة من لبنات تزوجت مالا شادة بلاصتها حتى جي كاش وحدة مع العشية جانا المعلم قالنا اتهلاو راه عندنا عرضة ليوم لناس قماقم قلنالو خلاص قتلي بسمة بنتي نتي اخدميهم نتكل عليك قتلو اتهنا مع العشا قارات غير الماتريكيل القادر قدام الريسطورون دخلو شدو بلايصهم رحتلهم وقلبي ولا يضرب فالستين هذامحمد في وسط الجماعة وصرالي هكا مالا كون هو كيفاه عطيتلهم الموني وشفتهم واش يدو شوية جبتلهم لي بلا نتاعهم وانا خايفة غير نخسر كاش حاجة استراس داير حالة وزاد شفت محمد كملت حطيتلهم ورحت للكوزينة قالي عمي الحاج بسمة مالكي بنتي وجهك مخطوف قتلو والو شوية جا واحد يخدم معايا قالي بسمة يحوسو عليك غير خرجت لقيتو محمد عنقني طول
وينك يا بسمة. مخليتش بلاصة محوستش عليك فيها قتلو هاني هنا برك قالي سامحيني اوكيبي ضوكا بصح ممبعد نرجعلك بالاك تروحي اعطيلي نيميرو ديالك مديتولو قالي باي منبعد نعيطلك ونحكو فيها وراح وانا كملت خدمتي جبت نهارين نستنى فيه يعيط معيطش وانا على الجمر صراحة حابة نعرف إخبار يوسف خاصة إذا تزوج ولالا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
