رواية البنت غير الشرعية الفصل الرابع 4 بقلم ياسمين
رواية البنت غير الشرعية البارت الرابع
رواية البنت غير الشرعية الجزء الرابع
رواية البنت غير الشرعية الحلقة الرابعة
وصلنا عند بوات دو نوي (بار ، كباري… ) ايه هنا تخدم سهام قاتلي هذي آخر فرصة عندك إذا دخلتي مكاش كيفاه تخرجي قتلها هيا على الله وانا قلبي يدق 200 في الساعة وندعي دخلاني يا ربي اغفرلي أنت أدرى بظروفي مجيتش محبة لهنا دخلنا وانا قلبي مقبوض فوتنا لوحد البيت لقيت فيها لبنات يبدلو قاتلي استناي هنا ضوك نجي راحت سهام وحد الشوية ممبعد جات معاها واحد يا لاطيف بقى يشوف فيا من الفوق لتحت ودار قال لسهام تتقوعري بيا هذي نتاع هنا هذي شكون يشوف فيها خرجيها عليا حوسيلها خدمة في جهة وحدوخرا ولات سهام تحاول فيه وانا الدنيا ظلمة في وجهي يا دين الرب حتى هنا ومقبلونيش نروح نقتل روحي ونتهنى بصح وميمتي ليمن نخليها هذي الحاجة الوحيدة لي كانت مصبرتني حنا هكاك حتى دخلت وحدة تكون فالثلاثينات هكاك لبسة والحطة فالحق قاع لبنات لي تم تحسب في عرس اللبسة ، المكياج …. المهم جات هاذي الطفلة قاتلو ماميدو خصوني الخدامة عييت زرتها الق.بة نتاع فريال راحت مع صاحبك الفلاني ولى هذاك يسب بالمقلوب ألفاظ سيئة برك قالها مين راح نجيبلك أنا وخرج حتى شافني شارت لسهام هذي شكون قاتلها خصها
خدمة ومبغاش ماميدو دارت ليا قاتلي واش تعرفي تخدمي قتلها لي تحبيها نغسل نسربي المهم نخدم ولات تضحك معايا قالتلهم أيا كل وحدة تشد خدمتها خرجو كامل بقيت غير أنا وياها قاتلي حكيلي قتلها واش نحكيلك قاتلي شوفي مفيكش ذرة أنوثة باين عليك الهم والغبينة علابالك غير شفتك شفت صغري معلاباليش علاش ارتحتلها حكيتلها حياتي الكل من الاول للآخر قتلها حابة غير نسربي ولا نغسل الكيسان المهم ندخل مصروفي منيش نحوس نقحب ديجا شكون راح يشوف فيا قاتلي خلاص من اليوم تبداي الخدمة بصح سارفوز بسمة ردي بالاك تتغواي وتفوتي فالطريق العوجة وانا نعاونك عرفت بلي اسمها دلال قتلها أنا بسمة قاتلي متشرفين كنت لابسة سروال سليم جينز معاه بيل وفاست من الفوق قاتلي نحي حوايجك بقيت نشوف فيها مخلوعة ولات تضحك مدتلي بيل دي كوتي جاي ستيل قصير من القدام مغطي غير للسرة ومن اللور مغطي لاريار غير شوية لبستو مع سروالي قاتلي لازم هكا وكي تخرجي للصالة متنخلعيش يفيقو بيك يديرو فيك رايهم داكور قتلها ايه فتحتلي شعري قاتلي الله يبارك طويل منجمش نسشورولك ضوك دارتهولي لاتغاس (ضفيرة من فوق لتحت ) دارتلي مكياج خفيف شفت روحي فالمراية والله معرفت روحي……
شفت روحي فالمراية والله معرفت روحي قتلها رجعتيني وردة ولات تضحك قاتلي نتي بروحك وردة قاتلي من اليوم اسمك وردة قتلها علاه قاتلي حنا كامل مبدلين اسمواتنا باه كي نتلاقاو أي واحد برا ويعيطنا مندورش ليه أوكي هزيتلها راسي وخرجنا مع بعض للصالة بقيت غير حالة فمي شافني مميدو جا عندي قالي شكون نتي قتلو لي قلت واحد مراح يشوف فيها بدا يصفر قالي ياه واش كان مخبي المهم جوزت الليلة بالسيف مزية ودلال معايا مغفلتش عليا دقيقة معرفتش للخدمة وليت نغلط بين الناس سيرتو مين الضو خفيف معرفتش نسمي أنواع الشراب وزاد حيوانات هذوك غير يتلصقو مجات تلحق 3 ونغلقو حتى غلبت نتاع الصح وصلتني دلال وسهام للدار مع طاكسيور موالف يجي يوصلهم دخلت بالسكات حتى نلقى خالتي بختة نايضة شعلت فيا وين كنتي قتلها فالخدمة قاتلي واش من خدمة حتى لضرك موك راها من الصباح تستنى فيك هذا وين غفات قتلها والله فالخدمة بقات تشم فيا مزية كنت دوشت مع لبنات ملقات والو زادت فتشت الصاكودو ملقات والو قاتلي روحي ارقدي صباح نتفاهمو عليها طحت لوحة تالمو تاعبة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
