رواية البنت غير الشرعية الفصل الرابع والتسعون 94 بقلم ياسمين
رواية البنت غير الشرعية البارت الرابع والتسعون
رواية البنت غير الشرعية الجزء الرابع والتسعون
رواية البنت غير الشرعية الحلقة الرابعة والتسعون
شوية حبس عند بيزيريا قالي هيا نتغداو نزلنا قالي واش تاكلي قتلو فالحق موش جيعانة رجع دوموندا جابولنا للزوج قتلو مزال متغديت قالي مين راح تفوتلي وحالتك هكا تبسمت معاه تغدينا كملنا وخرجنا جاب قضيان كيما طبيعتو قتلو علاه عليك قالي نوغمال وزيد عندي بزاف مشفتش بختة عيب نروحلها بيديا فارغين وريتلو دارها وصلنا عندها كي فتحت ولقاتني فرحت مسكينة جات تغلق الباب قتلها استناي كاين لي جاي معايا مع شافت يوسف فرحت بقات تعنق وتسلم وتعاود فرحت بزاف بينا سيرتو كي عرفت بلي رجعنا لبعض جابتنا قهوة شربناها وعيطت لامين جا غير دخل وشافني بسمة ختي سلم عليا وعنقني وهذاك خلاص عروقو راح يطرطقو مزية خالتي بختة قاتلو أمين هذا راجل ختك سلم عليه وبقاو مجمعين مع بعض انا رحت مع خالتي للكوزينة حكينا شوية ورجعنا قعدنا معاهم قالي بسمة هيا راح الحال عيات خالتي ووليدها اقعدو تتعشاو ما حبش ممبعد قالي لامين غدوة ارواح للشركة الفلانية غير سمعت اسمها ياه هذي لي حطيت فيها السيفي نتاعي وعايرتني
ذيك الرخيسة لي قاتلي هنا موش الجامع والله مراني طالقتها غير نروح للدار نقول ليوسف عليها ، ركبنا اللوطو وقلعنا شوية ويقلع سي يوسف يعيط ويسب حابة تهبليني كيفاه معاك نتي دار حالة وانا ساكتة مبغيتيش نعاند معاه وحدو سكت حتى دخلنا للدار تاني قلع من جديد كيفاه تسلمي عليه ومخلياتو يعنقك وقدامي كون محشمتش من بختة والله نطرطقلو رقبتو بصح اللوم عليك لي مخلياتو كملي هكا نعيا قاتلك وربي كبير ودخل لبيروه وخبط الباب رحت بدلت وغسلت رحت للكوزينة لقيت عندي مرقاز قليتو ودرت سلاطة مشوية فلفلة باذنجان طماطيس هذاك المرقاز شوية درتو شطيطحة بالطماطيس والبيض وشوية خليتو هاكاك وجدت الطابلة ورحت ليه قتاو العشاء واجد قالي ماناكلش رجعت انا نلم فالطابلة لقيتو جا عاودت حطيت تعشينا بالسكات كمل وناض رجع لبيروه وانا نقيت الكوزينة رحت نتفرج حتى نعست روحت رقدت خليتو مزالو قاعد رقدت جابتني الفطنة مع 5 لقيتو مزال الضو شاعل ويخدم كملت رقادي للصباح نضت طليت عندو لقيتو راقد على الفوتاي
غلقت عليه الباب غسلت ورحت ندير قهوة لقيتو حاط ساشي كرواسون فوق الطابلة تقهويت ودرت طاجين زيتون للغدا خليتو يطيب براحتو ورحت للبيت خملت حوايجي لي حطيتهم فالفاليزة وتاني الحوايج لي جابهملي فتحت فاليزاتو وفرزتلو حوايجو لي موسخين درتهم يتغسلو فالماشينة والآخرين حددتهم كي كنت وحدي شريت حداد نتاع البخار هايلة عملية وساهلة وحطيتهملو فالخزانة كنت فاتحة الباب غير فتح باب بيتو شفتو قالي صباح الخير رديتلو هو راح غسل وانا وجدتلو قهوة جا قعدت نشرب معاه قالي كولي كرواسون قتلو لالا موش جيعانة وزاد مبقاش للغدا قالي معليش حشمت نقولو تقهويت وراني نعاود معاك قالي بسمة شوية يجي محمد مع الامام قتلو هلاه مقتليش من قبل كون وجدت الغدا قالي لالا يجو بعد صلاة الظهر واش نجيبلك قتلو إذا هكا جيب فاكية وجي وإذا يطولو جيب قاطو للقهوة قالي منظنش يطولو ناض لبس وقالي هاني رايحة كاش حاجة عيطيلي هو راح وانا درت مسحة خفيفة للصالون وجبدت المواعين اي نحطهم لقيتو جا غسلت الفاكية وجدتها فالطباسة وحطيت كلش فالصالون لقيتو قالي بسمة كي يجو متخرجيش وكلي محمد ينوب عليك صحا قتلو اوكي حطيت الغدا تغدينا ولميت الكوزينة درت الماعن فلاف فيسال ورحت بدلت وسقمت روحي شوية سمعتهم جاو مدة وسمعت
باب البيت طبطب ممبعد هدر محمد قالي بسمة راني مع الامام وحاب يهدر معاك غلبني الضحك حسيت روحي في باب الحارة سقساني إذا قابلة نرجع لراجلي قتلو ايه قالي وشكون ينوب عليك قتلو محمد خويا قتلي هيا صحا وراحو شوية دخل يوسف قالي بسمة اجبديلي شوية دراهم قتلو شحال وعلاه قالي هاتي برك جبت من الزهر جات 10 ملاين مديتهملو بقاو مدة وجا يوسف سلم عليا قالي مبروك علينا هيا راحو راه غير محمد هنا خرجت سلمت عليه باركلي ومدلي الدراهم قتلو علاه قالي هذا صداقك ضحكت جمعنا شوية ممبعد يوسف قالو هيا نكملو الخدمة راحو للبيرو وانا درت قهوة ديتهالهم سمعت محمد يقول ليوسف كيفاه مزال مقلتلهاش قالو مهيش حابة قتلو لالا قوللها لازم تعرف…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
