رواية البنت غير الشرعية الفصل الرابع والعشرون 24 بقلم ياسمين
رواية البنت غير الشرعية البارت الرابع والعشرون
رواية البنت غير الشرعية الجزء الرابع والعشرون
رواية البنت غير الشرعية الحلقة الرابعة والعشرون
قتلها مش تيلي والله مرا بقات معايا تهدي فيا بالسيف باه تكالميت جيت في بلاصتي وبقيت نطلع ونهبط قلت والله ومنخرجهالو مني مرآ ،الغدوة عيط الصباح مش من عوايدو مجاوباتوش عاود قداه من مرة مديتهاش فيه رسل لي ميساج نتاع جاوبي محتاجك مش عليا اللعب كيما تقولها والله منرفد ،معاودش عيط حتى لليل هبل ليل كامل بايت يعيط درتو سيلونس وخليتو صباح لقيت تيليفون طافي طيحلو الباتري بتعياطو درتو يشارجا، نص نهار عيط عند ماما هدرت معاه وفوتاتولي غير قتلو الو قالي نوضي من حذاهم بعدت وهدرت معاه بدا غير يطيح فالهدرا مخلاش كلمة مقالهاليش كي كمل قتلو روح اشبع من لي راك تبات معاها مهمكش فيا وكوبيت عليه حرق تيليفون ماما درتو سيلونس وخليتو فالليل عندو معيط تاني مديتهاش فيه خليتو حتى ل1 نتاع الصباح رسلتلو مش فالدار كي ندخل نعيطلك هبل بالتعياط طفيت تيليفون وخليتو لقيتو يعيط عند ماما
مش عوايدو زربت كوبيت ودرتو سيلونس الغدوة معيطش كامل قلت مزية تهنيت منو كون غير يديرها سبة ويطلقني فالليل مع 12 صونا الباب يا ربي اللهم اجعل الخير راحت ماما تحل قالت شكون قاللها يوسف افتحي خالتي فتحت عليه سلم عليها لقانا كامل فالباب سلم على خالتي وزاد سلم عليا همسلي تخرجك ولا منيش يوسف ، فات للصالون بقاو متساولين معاه قاتلي ماما نوضي جيبيلو يتعشى قاللها لالا خالتي والله تعشيت شاف ليا هيا قاتلو وين فهذا الليل قاللها خالتي معليش قبل ما يكمل الهدرة حلفتلو ماما والله مراكم رايحين وتباتو هنا قاللها لالا نبات فلوتال قالتلو والله ما صرات كي يأس خلاص قالي مالا وجديلي الدوش وجدتهولو راح دوش وأنا جيت نقعد معاهم طارت فيا ماما فرشي نتي وراجلك راه عيان قتلها خليه يرقد فالصالون وحدو وانا نرقد معاكم كيما موالف قاتلي عيب يا طفلة كيفاه راجلك عندو 10 أيام غايب تخليه يرقد وحدو مشي فرشي وجدي روحك نوضي ياه والله ذاك واش خص أقسم بالله متصرى ناضت خالتي بختة فرشتلنا ياعمري لصقت المطارح مع بعض وقيلا امنو صح راح نرقد معاه جا قاللهم تصبحو على خير وراح تكسل طول بقات ماما غير عقابي مشي سقمي
روحك وروحي لراجلك على عينها مشطت شعري ودرت روج لبست بيستي بفيزو نتاعو ورحت عندو بانلي راقد أيا مزية تهنيت طفيت الضو وغلقت الباب وجيت فوق كانابي ورقدت وخليتو، جابتني الفطنة غير بحاجة حرقتني من صدري نضت نجري لقيتو دايرلي بيدو نتاع اشت كان شاعل الفلاش نتاع التيليفون ورافد سيقارو شفت مع البلاصة لي تحرق لقيتو كواني جيت نعيط بصح يسمعونا شا نقوللهم شواتني بقيت نتحلف فيه قالي دزي معاهم واقسم بربي هذا والو وكان ما كويتكش من …… منيش راجل رجعت في بلاصتي وسكت معنديش كيفاه ندير، مع الصباح لقيتو ينوض فيا قتلو واش خصك قالي امشي لبلاصتك راهم ناضو هوما يدخلو عندنا شفت مع الساعة لقيتها 6 واش منوضهم ضوكا جيت في بلاصتي بحذاه وكملت رقادي حتى ل8 نضت لبست تريكوه باه ميشوفوش الكية لقيتو يشوف معايا خرجت وخليتو غسلت ورحت لبيت ماما لبست رجعتلو تريكوه ودخلت للكوزينة صبحت عليهم جيت نشرب قهوة قاتلي ماما يا طفلة احشمي استناي راجلك يا نندب يشرب السم ان شاء الله حنا هكاك حتى دخل صبح عليهم سربيتلو قهوة مع فطير ومسمن سخونين وجدتهم ماما غير الصباح كمل قالي
هيا وجدي روحك نروحو قاتلو ماما لالا حتى تتغداو قاللها والله يا خالتي منجم عندي خدمة لازم نروح وديجا والله الحمد لله شبعت يعطيك الصحة خرج منيش عارفة واش جابلهم وقيلا ريحة وانا لميت حوايجي بالتشناف قاتلي خالتي بسمة صحا بنتي غير بلعقل متخربيش دارك جات ماما قاتلي مالك تخبطي قتلها مش حابة نروح والفت هنا قاتلي اجري طيري عليا راجلك يستنى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
