رواية البنت غير الشرعية الفصل الرابع عشر 14 بقلم ياسمين
رواية البنت غير الشرعية البارت الرابع عشر
رواية البنت غير الشرعية الجزء الرابع عشر
رواية البنت غير الشرعية الحلقة الرابعة عشر
مشينا في طريقنا نحو المجهول بقيت غير نخمم يا ترى واش راه يستنى فيا يا ترى زعما راح يديني لأهلو ولالا واذا داني واش راح تكون ردة فعلهم سيرتو مرتو متأكدة مطلقهاش ويكون كذب على ماما الف سؤال يدور في راسي وهو ولا على بالو داير موسيقى قور وسيقارو في يدو لينات طالق روحو مع السوقان يا ربي مدلي شوية من راحة بالو انتبه بلي نشوف ليه نقص الموسيقى قالي خير واش قتلو مكان والو قالي ارقدي طريق طويلة مزال باش نوصلو طلقت روحي على الكوسالة سارحة في تخمام حتى داتني عيني تالمو تاعبة ومرقدتش البارح جابتني الفطنة قتلو وصلنا قالي مزال بقيت قاعدة نتفرج فالطريق شفت مع ساعتي لقيتها 6 ومزال ملحقنا يا ترى وين مديني هذا زدنا مشينا ، دخلنا وحد الولاية بقيت غير نتفرج شابة وزاد الناس برا تدور شفتو جبد التيليفون عيط منيش عارفة ليمن قالو خلاص وصلت سكت ممبعد زاد قالو لالا مش ضوكا مزال من جي زاد قال متدخل روحك في حتى حاجة أنا ندبر راسي وكوبا لحقنا عند ريسطورون تبان غير نتاع شكون وشكون
قالي هيا نزلنا دخلنا في صالة صغيرة ذيك الطابلة كيفاه دايرة حنا قعدنا دقدق الباب ودخل سارفور قالو مرحبا سي يوسف عالسلامة قالو الله يسلمك دار عندي قالي مرحبا مدام تبكمت معرفت نجاوب أصلا مقدرتش تبسمت معاه برك قالو واش نجيبلكم موسيو قالو تاعبين خلي شوية وعاود ارجع قالو أوكي هو خرج حتى قالي تبعيني رحت معاه قالي هاهي الصاليتاغ اغسلي ورواحي دخلت ديك التوالات وداك الدوش يلمع لمعان شفت لساعتي لقيتها 8 بالتمام يعني جبنا 5 سوايع وكثر فالطريق والله بزاف استرحت حشاكم وغسلت جبدت من الصاك مشطة سقمت شعري فالحق بقى على حالو متخسرش سقمت المكياج درت غوج وخرجت بصح يا الغلبة نسيت وين كنا بقيت نمشي ونحاول نتفكر حتى سمعتو ورايا قالي كملي للقدام عاودنا رجعنا للصالة صراحة دهشت لقيت ذيك الطابلة معبية من كلش قعدت وبدا يوريلي كيفاه نحكم الموس والفرشيطة (الله غالب عندي معاهم مشكل ) بالشوية بالشوية حتى سقمتهم شوي قالي نوغمال مهوش حاجة كبيرة المهم تعشينا وخرجنا مشينا وحد نص ساعة بالطونوبيل دخل كارتي غير فيلات يا ودي قصور كل واحدة شابة على الثانية بقيت غير حالة فمي وصلنا عند وحدة هي التالية جبد لاكومند من القجر فتح الباب دخلنا ذيك الجاردة تهبل قارا الطونوبيل
قالي وصلنا انزلي نزلنا مشينا للباب شدلي يدي رجفت قالي….تكملة الجزء 14
شدلي يدي رجفت قالي كلمة متنطقيهاش أنا نهدر اوكي يا ربي وقيلا جابني لدارهم فتح الباب ودخلنا قابلتنا صالة كبيرة ذوك الفوتايات لي فيها ذوك الثريات اونفاس لينا دروج بالتابيات الله الله ذوكا تاكدت أنو من القماقم ناس لفوق لفوق تقدمنا لقينا العائلة الكريمة مجموعة فوق طاولة العشا بصح ما شاء الله ياسرين عرفت غير محمد كان مقابلنا لاح السلام تلفتو كامل لينا بقاو مستغربين ويشوفو معايا نطقت وحدة كبيرة فالعمر قاتلو على السلامة ولدي العزيز راح سلم عليها ايه مالا هذي يماه حتى نطق راجل كبير قالو شكون هذي لي معاك قالو مرتي تصدمو كامل قالو واش راك تخلط كيفاه مرتك هذي قالو ايه مرتي واش لي مفهمتوش جا محمد يهدر شفتو تنخزر فيه قالو مليح مالا عاودت تزوجت قالو ايه نطقت وحدة ممبعد عرفت بلي مرت عمو قاتلو تهنينا من وحدة جابلنا وحدة حتى عاود نطق هذاك الراجل قالو كي عمك كل مرة مع مرأة قالو لالا كيما روحي أنا هكا بصح معليش كي عمي المهم مش كيف بابا باه هذا باباه عيط عليه تسكت ولالا وكي تزوجت علاه جبتهانا
الناس تدي والديها يخطبولها ويجيبو العروس قالو كي يكونو عندي والدين نديهم بدى هذاك يعيط قتلتني فالحياة يا وحد العاق نطقت وحدة يوسف احشم كيفاه تهدر مع باباك هكا قاللها اسمحيلي مرت بابا نسيت بلي تخافي على راجلك قاتلو احشم متنساش أنا يماك ودارت لهذيك المرأة لي سلم عليها الاولى قاتلها شفتي تربيتك وين وصلت دللتيه حتى نكرنا عيط عليهم باباه اسكتو عليا وحدة معرفت تربي منكم يا الهي واش هذي العايلة كان راجل وحدوخر قاعد و4 بنات الراجل محكى ولا كلمة باقي ياكل عادي ولبنات وحدة منهم غير تبكي نطقت قاتلو علاش واش درتلك أنا علاش كل مرة تحرقني هكا وقيلا هذي مرتو ناض باباه جا من جهتي وعيط عليا ونتي وين أهلك ولا تاني قتلتيهم شحال خفتو لدرجة تخبيت ورا يوسف قالو الهدرة معايا مكاش لي يغلط ويهدر معاها وراني عليكم كامل ناض هذاك الراجل لي كان ياكل ضربة على كتفو قالو نستعرف بيك وليد خويا غير نتا لي قدرت دير واش مقدرتش أنا وراح شوية عم السكات حتى نطق باباهم كل واحد بيتو ونتا ومحمد تبعوني قالو محمد وانا علاه قالو يا وليك ويكون علابالك وخبيت عليه نطق يوسف قالو مكان حتى واحد علابالو غير أنا وهي همسلي ستنايني هنا ومتحكي والو هوما راحو وأنا بقيت واقفة وهوما يتفرجو فيا ناضت هذيك لي كانت تبكي قاتلي حسابي معاك من بعد
وراحت تبعوها لبنات الآخيرين بقيت غير مع النسا الكبارت هوما يشوفو معايا وانا مهبطة راسي نص ساعة وانا واقفة منجمتش نقعد كي معرضوش عليا شوية جا يوسف قالي هيا طلعنا مع بعض الطروازيام ايطاج فوتنا لشمبرة هي التالية دخلناها ودخلت المرأة الكبيرة بعدنا قاتلو هكا يا يوسف متحضرنيش لعرسك متديني نخطبلك باس جبينها قاللها يما يسجيك مش لازم كل مرة نحضركم جات هكا بلا حساب قاتلو صحا معليش علابالي تاعب ممبعد نحكو فيها شوية قاتلو بصح علاه مرحتش لدارك قاللها واش لالة نصيرة تحاوزني فيا قاتلو حاشا يا مومو العين بغيتك تدي راحتك قاللها اطمني يا العزيزة راه عندنا شهر زواج تخلعت وينتا صرات ولا تزوجني بلا مندري قاتلو هكا وحتى ضوكا باه تعلمني اشفى عليها ممبعد نحكلك وذنيك وراحت .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
