رواية البنت غير الشرعية الفصل الحادي والأربعون 41 بقلم ياسمين
رواية البنت غير الشرعية البارت الحادي والأربعون
رواية البنت غير الشرعية الجزء الحادي والأربعون
رواية البنت غير الشرعية الحلقة الحادية والأربعون
صباح نضت رحت غسلت لقيتهم ديجا يوجدو في روحهم باه نروحو للقبرية جابتلي عجوزتي قهوة قتلها منشربش قاتلي اشربي بنتي البارح ملي جيت مشفتكش جوزتي لقمة قتلها موش طالبالي عيات معايا هي ودلال مقدروليش دخل يوسف صبح عليهم قالي واش سافا قتلو لاباس قالي فطرتي قالو يماه كيما حاولناها محبت قالي افطري قتلو موش طالبالي قالي بسمة كلمة واحدة منعاودش تفطري تروحي متفطريش والله متخرجي منا قاتلو يوسف وليدي موش هكا قاللها يما يسجيك عارف طبيعتها رفدت كاس القهوة شربتو على نفس قتلو هاه شربت قالي صحا الشاطرة هيا البسي جبت جلابة ماما الله يرحمها لبستها قالي البرد البسي حاجة خشينة قتلو لالا مكاش خرجت لقيت محمد سلم عليا وعظملي الأجر ركبت مع يوسف انا وخالتي بختة كي وصلنا جيت عند قبرها وسرحانة نتفكر فيها مقدرت نبكي مقدرت نعيط وخالاتي وخالي مرتو
دايرين مندبة حتى عيط عليهم يوسف واش هذا سكتونا موش مليح ليها قعدنا شوية ورجعنا للدار غير دخلنا شميت ريحة الطياب وريحة اللحم جريت للدوش استفرغت حتى مصاريني حسيتهم خرجو جاتني عجوزتي بنتي واش بيك قتلها ريحة هذي منحملهاش ملي صغيرة غير نشمها قلبي يدور عليا راحت معايا للبيت حتى جات خالتي بختة قالتلها يا نصيرة ختي علاه شقيتي روحك ودرتي الغدا كون خليتي رجعنا ودرنا حنا قالتلها مفيها والو نتعاونو وراحت معاها جات عندي بنت خالي الكبيرة قاتلي لي عندها الزهر كي نتي ولا خلي العجوز غير رجليك لي ماباستهملكش والراجل علاه علاه كل وقت يقمش فيك حتى الرقاد ورقد معاك مدارناش قاع حساب طارت فيها دلال تنوضي ولى نجي نوريللك الزهر كيفاه داير شوية جاتني عجوزتي جايبة طبسي فاكية قاتلي هاكي كولي شوية قتلها صحا كليت شوية ،مع العشية جات المحامية لي كنت نخدم عندها عظمتلي الاجر ممبعد قاتلي بسمة اسمحيلي والله كنت معمية قتلها مسامحة دنيا واخرة نتي واش ذنبك حسيت
بيها خاطر هاني انا مبيني وبين يوسف والو بصح نهبل كي نلقاه مع بنت عاد وين هيا عشرة هي وراجلها وبو ولادها هاذا لامكانتش بينهم قصة حب من الاول بصح الحمد لله ربي دالي حقي منو قاتلي دلال دار مع وحدة ورفدها الكرش وراه هو وياها فالشروعات ، الغدوة منو دارنا ثلثيام بعد العشاء دخل عندي يوسف قالي هيا نوضي لبسي نروحو قتلو وين قالي لدارنا كيفاه وين قتلو تحكي من نيتك قالي ايه قاتلو يماه يوسف وليدي خليها تزيد تقعد قاللها لالا نروحو قتلو محال نروح هبلت نتا جات خالتي بختة داتني للدوش قاتلي روحي مع راجلك قتلها خالتي قاتلي والو يا الله مع راجلك كي تقعدي ليمن تقعدي اسمعي بسمة راكي بنيتي انا لي ربيتك ضوكا بقالك غير راجلك ودارك واحد مراح ينفعك حليمة ماتت دعيلها بالرحمة هذي لي راح تفيدها برك هيا بنتي لدارك راها المرحومة كانت غير توصي وتعاود فيا عليك تقول كانت حاسة وانا نشوف دار راجلك راح تلمك برك ودار موك مفتوحة وقت بغيتي جي مرحبا بصح زيارة منقبلش ترجعي غضبانة خلاص كنت نسمعلها ونبكي قاتلي هيا
اغسلي بنتي وخرجي ومتخليهمش يستشفاو فيك غسلت وخرجت لبست خملتلي دلال حوايجي فالحق كانو مخملين غير لي عاودت جبدتهم درت بدعية ماما في حوايجي وعجوزتي تاني لبست حجابها وخمارها وقعدنا نستناو حتى جا يوسف قالنا هيا عجوزتي خرجت وانا مقدرتش عنقت خالتي بختة ودلال ونبكي خرجني يوسف بالسيف ركبني من اللور مع عجوزتي ممبعد راح ليها قاللها يما اركبي من قدام مع محمد أنا نركب من اللور مع بسمة ركب وحضني عندو.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
