رواية البنت غير الشرعية الفصل الثاني والأربعون 42 بقلم ياسمين
رواية البنت غير الشرعية البارت الثاني والأربعون
رواية البنت غير الشرعية الجزء الثاني والأربعون
رواية البنت غير الشرعية الحلقة الثانية والأربعون
قلعنا طريق كاملة ساكتين حتى عجوزتي سقسات يوسف قاتلو طونوبيل نتاعك وين قاللها بعثتها راني عيان موش قادر نسوق قاتلو معليش ولدي الله يجعلهالك في ميزان حسناتك هذو نسابك ولازم توقف معاهم شافت معايا قاتلو بسمة راقدة ولا قاعدة شاف معايا قاللها راقدة بصح انا كنت قاعدة غالقة عينيا ونسمعلهم حتى قاتلو مسكينة الله يكون معاها باباها وضوكا يماها مهيش ساهلة عليها كون غير جاو عندها خاوة شوية قاللها انا كاين متحتاج حتى واحد قاتلو ربي يخليكم لبعض تهلا فيها ضوكا صحا وليدي راها يتيمة وضوك تولي غير تتحسس قاللها ان شاء الله يما قاتلو نسيت قاع مسقسيتكش ياك جبتها شافت يماها قاللها ايه كانت هنا عندها قاتلو ونتا وين كنت بدى محمد يضحك قاللها يما والله نسانا مهومش يسقسونا وين كنتو وين رحتو ونتي مبغيتي تعتقينا قاتلو يا وليدي وكي منخافش عليكم شكون يخاف يا محمد عزيزي يجي نهار وتتوحشوني قاللها ربي يطول عمرك حنونتي متزعفيش والله نقصر برك وباس يدها كنت نسمعلهم وغير الدمعة طيح
بالسكات أنا شكون يحن عليا ضوكا كيما هوما رجعت قاتلو خفت تكون مصالحتهاش بعد زواجكم قاللها علاه حتى تصالحها مكانوش متزاعفين قاتلو لالا قلت كي تزوجتو بلا علمها قاللها شكون قالك بلا علمها خطبتها منها وخرجتها من عندها قالو محمد مالا غير حنا لي معلمتناش قالو سوق واسكت زادو هدرو بزاف حتى عجوزتي قاتلو كون غير خليتها قعدت مع خالاتها وخالها نحات الحرقة شوية قاللها ماعندها ما تقعد دير معاهم متهلاوش فيها في حياة يماها يتهلاو فيها ضوكا قاتلو يا حوجي علاه قاللها هكا برك بيناتهم عداوة قديمة قاتلو يا لاطيف وقت وصلنالو الخاوة ولاو يتعاداو بصح متقولش هكا راها الخالة في مقام الام وتحن على بنت ختها طرطقت أنا قتلها مراحش يحنو عليا خاطرني بنت حرام لقيت غير يوسف ضربني على فمي
موش قلت لجدك هذي الهدرة متعاوديهاش هو صح ديما يسبني يجرحني بالكلام بصح من اول نهار تلاقيتو ولا مرة قالي بنت حرام بقات عجوزتي ومحمد داهشين قاللهم يوسف هذي الهدرة تموت هنا سيرتو نتا محمد قالو خسارة عليك هذي هدرة تتعاود جبدني يوسف عندو شوية قتلو محمد تعيش احبس قارا اللوطو نزلت نجري استفرغت حتى حسيت بالدوخة غسلي يوسف وعاود ركبني وركب قالي واش بيك موش موالف تنضري من الطريق قاتلي عجوزتي هذا من الجوع كي مكليتيش قالي يوسف متعشيتيش هزيت لو راسي لالا قال لمحمد
قالي يوسف متعشيتيش هزيت لو راسي لالا قال لمحمد ادخل لافيل بالاك نلقاو كاش ريسطورون فاتحة كنا فلوطوروت قتلو والله ما منجمة ناكل شوية حبس محمد هبط شوية جا جابلنا الماء وجي وصاشي فاكية قالي بسمة كولي لبنان متنضريش كليت حبة وحطيت راسي على كتف يوسف لز للطرف وحطلي راسي في حجرو قالي تسقمي سقمت روحي بقى يلعبلي في شعري حتى رقدت ، فطنت بيه غير ينوض فيا فتحت عينيا لقيت وصلنا لدارهم قتلو منهبطش محال ندخل عندهم قاتلي عجوزتي هيا صحا بنتي راني معاك وزيد داركم عندها بزاف مبلعة وين تروحو ليها ونتي في هذي الحالة خلي حتى نقوها وروحو قاللها خلاص يما خليها قالو محمد وصلني للوتال غير سمعت لوتال هبطت نجري ذاك واش ناقصني طلعنا لشومبرتنا غير دخلتها تفكرت محنتي ولاو دموعي غير يطيحو وشادة النظرة فالسرير تفكرت قاع واش دارلي تفكرت كي بقيت نحاول فيه
وهو موش سامع بيا نوضني من سرحتي كي قالي حنونتي واش بيك قتلو بالاك تعاود تغلط وتهدر معايا طبعتو وجيت على الفوتاي غير نبكي حتى رقدت.الصباح منضناش حتى فاتت 2 غسلنا وعيط جابولنا ناكلو كليت غير شوية قالي كولي قتلو خلاص قالي نتيا مكيش كامل مليحة هيا نديك للطبيب قتلو طبيب واش نقولو الحيوان هذا اغتصبني وراني كارهة حياتي بقى غير يشوف معايا قالي مزال منسيتيش قتلو محال ننسى مدامك قدامي كل ما نشوفك راح نتفكر رفد لافاست نتاعو وخرج وانا جبتها بكا حتى تفلق راسي ، فالليل قاع دخل يوسف لقاني مع يماه قاتلو وين كنت قاللها فالخدمة برك حقا يما غدوة رايح قاتلو يا يوسف كون غير تخلي محمد يروح قاللها مكاش كيفاه لازم أنا بصح منطولش سمانة ونجي ونتي تهلاي في بسمة بلا منوصيك قاتلو بنتي هذي وعنقتني أيا اصبحو بخير هي خرجت وهو جا عندي بسمة والله خدمة ضرورية نكملها ونجي قتلو خدمة ولا كاين لي تستنى فيك قالي بسمة تعيشي خطينا من الهدرة العيانة المهم خليك في بيتك معندك علاه
تهبطي عندهم وذوك نوصي الخدامات عليك صحا قتلو حتى أنا موش حابة نشوف وجوهم.مع الصباح بكري راح وأنا كملت رقادي كي نضت لقيت روحي ميتة بالجوع غسلت ولبست وهبطت لتحت لقيتهم مجمعين في الصالة قتلهم السلام ورحت وخليتهم دخلت للكوزينة وصيت كريمة جيبلي لفوق ناكل مع خرجت سمعتهم يهدرو قالتلها عجوزتي زينب قاتلي نصيرة رايح يديها لدارو قالتلها سليمة محال يديها ليها بالاك يكريلها هو من نهار خرجت مرتو منها مقدرش يرجع لي..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
