رواية البنت غير الشرعية الفصل الثامن 8 بقلم ياسمين
رواية البنت غير الشرعية البارت الثامن
رواية البنت غير الشرعية الجزء الثامن
رواية البنت غير الشرعية الحلقة الثامنة
صباح فطنت على ماما تنوض فيا نوضي يا بنت الكلب نضت مدوخة خاطر بايتة قاعدة قتلها علاش منوضتني قاتلي رايحة للسبيطار ندير دياليز ونديك فطريقي للطبيبة تشوفك قتلها علاه تشوفي مالي أنا راني لاباس قاتلي صار لاباس يا وخذتي لا كنتي مق…. شا ندير في روحي وفيك والله نغضب عليك ولاكي بنتي لا نعرفك نضت نطير قتلها هكا مالا هيا نروحو بصح لا لقيتيني صحيحة أنا تاني من اليوم مكيش ماما أمنتي المزطول وخليتني ، خرجت هكاك مشنشفة والله لا تقول طلابة ولي يشوف ليا نشعل فيه وصلنا عند الطبيبة استنينا دالتنا حتى جات ودخلنا بقات غير تشوف معايا ذيك الطبيبة خلعتها قالت لماما انعم مدام كيفاه نعاونكم قاتلها بغيتك تشوفيها إذا مزالت صغيرة ولالا اتخلعت ذيك الطبيبة قاتلي اطلعي على الطابلة شافتني ممبعد قاتلي يعطيك الصحة الساجية شافت لماما وقاتلها اطمني طفلة مزالها فياغج مزالت صبية وليت نبكي قتلها
شفتي أمنتي الخامج المزطول ومأمنتيش بنتك شا نقولك ربي يجيبها في ختو ونتي من اليوم يسموك حليمة انساي كلمة ماما نحات شلاكتها وقاتلي اتغمي حتى نروحو للدار ونوريلك حليمة كي دايرة شدتها هذيك الطبيبة وبقات تحدث فيها وتهدن فيها مدام مش هكا وهذي بنيتك حني عليها ووقفي معاها بصح ماما معندة شكون يقدر عليها خرجنا من عندها ورحنا جهة الدياليز دخلت هي دارت دواها وانا ستنيتها حتى كملت خرجتها وحكمتلها طاكسي روحنا للدار لي يشوفها كيفاه تاعبة ضوك ميقول هذي لي عطاتني ذوك الطرايح البارح شدت بلاصتها ورقدت وانا عاونت خالتي بختة في واش بقالها من قضية جبنا سمانة هكا هي متهدر معايا وحتى أنا شحال غاضتني كي مدارتش فيا ثقة,وحد ليل هدرت مع دلال قاتلي جا محمد زوج مرات حوس عليك و يوسف كل مايجي يسقسي عليك قتلها واش يحتاجو عندي هذو الهم قاع وين وصلوني ومزال يحوسو عليا وليت كي الخفاش نبات قاعدة وفالنهار راقدة الله غالب والفت مع الخدمة حاولت مع ماما قتلها خليني نخرج نحوس على خدمة مبغاتش قاتلي لي رانا ندخلوه كافينا قتلها كافي غير الماكلة ودواك وليزاناليز نتوعك قاتلي بحار عليا خلي لا جات
الموت مراحش نهرب منها قتلها بعيد الشر هانعلي ابليس وخليني نحوس خدمة جديدة قاتلي لالا ديجا رانا انفضحنا فالحومة من تحت راسك شدي الدار حتى ينساوك شوي هاحي شاراها تقول خلي نصبر وخلاص فالليل دخلني نيميرو جديد عيا يصوني حطيتو فالروجوتي وخليتو. تكملة الجزء 8
فالليل دخلني نيميرو جديد عيا يصوني حطيتو فالروجوتي وخليتو ممبعد عيطتلي دلال قاتلي راه يوسف هبلني عليك وراني مديتلو نومروك قتلها علاه لي فيا كافيني مش باغية نزيد نحصل قاتلي متحصلي موالو هدري معاه وليكيديه قتلها صحا يالالة خليتو ليل كامل حتى الغدوة منو مع المقيل نحيتو من الروجوتي حتى عيط هزيت عليه قالي سلام رديتلو السلام قتلو خير برك قالي لالا غير الخير راني برا قريب لداركم اخرجي نحتاجك قتلو منجمش قالي علاه قتلو ماما متخلينيش راني ديت طريحة الكلاب على جالك نتا وخوك قالي راها حكاتلي دلال ارواحي زربة نحتاجك بلا متفيق يماك وليت نتوغ عليه متفهمش قتلك منخرجش وزاد واش تحتاج مني اخطي جدي بدا يعيط واش حاسبة روحك وقيلا لونجة بنت السلطان متنسايش روحك شكون نتي وواش تسواي جيست سمعت بلي درتلك بروبلام وبغيت نعطيك أمانة حق ما عاونتيني ذيك اليوم منيش أنا لي نتبع خامجة مسها لي يسوى ولي ميسواش وكوبا في وجهي خلاص الزبل طلعلي لرأس حتى نسمع في وحدين فايتين
تحت تاقة نتاعنا قاتلها سمعتي بعملتها ردتلها لخرى قلب القدرة تطلع لبنت لأمها هاد باينة بنت حرام راكي تقارعي تولي إمام يا ونخرج ليهم نتفتهم شنشفتلهم شعورهم سوطتهم تسواط الكلاب وهوما يتعايطو تلمو علينا الجيران بسيف لا فكوهم مني بداو يعايرو في ماما مكفاش سكتنا على خماجك وخماج بنتك ضوكا ولات كلوشار وتضرب الناس ادي بنتك وطيري منا دخلتني ماما للدار و تحكمني بالمونش نتاع البالي حتى كسراتو عليا وانا غير نبكي قاتلي خلاص رجعتيلي مافيا تباتي برا وتضربي الناس بقالي غير تولي تدخلي للحبوسات دقدقتني بالهراوة جيت فالصالة غير نبكي على سعدي ونخمم لازم نهج منا لازم نروح بصح وهوما كيفاه نديرلهم كيما عييت نخمم ملقيتلها حل عيطت لدلال حالتي حليلة حكيتلها كلش قاتلي يا نندب زدتي عقدتيها كثر جبت يومين متحركتش من بلاصتي ما ناكل ما نشرب صراحة غاضتني من ماما بزاف عوض توقف معايا جات ضدي حتى اليوم مع العشية سمعت الدقديق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
