رواية البنت غير الشرعية الفصل الثامن والتسعون 98 بقلم ياسمين
رواية البنت غير الشرعية البارت الثامن والتسعون
رواية البنت غير الشرعية الجزء الثامن والتسعون
رواية البنت غير الشرعية الحلقة الثامنة والتسعون
عيطت ليوسف سافا لاباس قتلو الحمد لله قالي وين راكي قتلو فالدار علاه قالي سقسيتك برك قتلو مجيتش غير الخير قالي لالا مكيش طيبيلي منيش نجي عندك الحق ماكلتها والله متتبلع قتلو شوف ياك قتلي ظلمتيها قالي حاشا انا الظالم موش نتي اسمحيلي قتلو صاحا سمع الهدرة قالي بسمة شكون تم قتلو خدامين لي قلت عليهم قالي مزال ما راحو قتلو ايه قالي كون غير طولتي شوية برا قتلو باه نصيب لالة دايرة الكوارث قالي علاه قتلو لقيتها دايرة روحها معلمة عليهم يخي الصدر برا والز# خارج وتتزعبل وتبين في روحها قالي يا لاطيف قتلو بركا متلعب فيها معلابالكش وزيد كون مشي نتا حاللها العين متدير هكا قالي بسومتي كان تحوسي على المضاربة غير حبسي قتلك مانعرفهاش دزوهالي من الشركة هذا مكان قتلو وفالشركة تاني دير هكا قالي والله معلابالي انا لي هنا نصهم منعرفهمش علابالك منخدمش هنا بزاف ذي المرة قاعد غير على جالك نتي قتلو والله قالي وعلاه حتى نكذب عليك قتلو تعيا وتبان وكون نلقى كاش حاجة والله تخلصها غالية قالي هاني
ليك برك حاسبي على الجديد موش القديم قتلو صحا كوبينا رحت للكوزينة لقيتها تصفر باينة منتكلش كامل عليها خصارة الدراهم لي تديهم رحت للجماعة سقسيتهم مطولين قالولي حاجة نص ساعة قتلهم انا خارجة ونتوما كي تكملو إذا مجيتش غلقو الباب قالولي صحا خرجت جبتها فالمارشي قضيت كيما عوايدي وكثرت شوية ضوكا يوسف هنا وعارفاتو نتاع كرشو اليوم الحال بارد والشتاء تشمخت شوية بصح معليش كي رجعت لقيت هذوك الخدامة راحو فوت طول درت العشاء ورحت للبيت نقيتها كامل مسحت الغبار ودرت مسحة للهول والكولواغ غسلت ورجعت للكوزينة كملت عشايا هو يطيب وانا خملت القضيان كملت مسحت البوتاجي لميت المواعن لي خدمت بيهم في الماشينة ممبعد نزيدلهم مواعن العشا ونشعل عليهم في ضربة رحت للدوش عطيتها بتدوشة الله الله خرجت سشورت شعري ولبست سيرفات فيزو بلافاست نواغ بالغوز درت غير غوج وجيت فالصالون وقعدت شعلت البلازما الجديدة وغاضتني هذيك الاكواريوم ممبعد نقولو يجيبلي واحدة شحال كنت متونسة بيها طول عليا رسلتلو ميساج جيعانة إذا مطول نتعشا منسناكش عيطلي يضحك قالي مكراشة قتلو جداك راني بلا غداء
قالي والله خلاص راني طريق حنونتي نضت وجدت الطابلة جا هو راح غسل جا قالي بركوكس قتلو ياك قتلك نديرولك قالي وهذا لي فوقو واش قتلو تعمير قالي منعرفوش حنا منديروهش قتلو حقا نتوما تاكلو غير العصري قالي يا طفلة تحشمي على روحك ولالا قتلو صحا هاني حشمت كلا شوية قالي بسمة تساليهالي حار يا جدك قتلو هذا هو يتكل هكا قالي شاك بلعاني دايرتهالي قتلو علاه واش درت نتا حتى نديرلك الحار طرطق بالضحك قالي فكرتيني كي كنا صغار وجدة تقول ليما ديريلهم الحار كي نقباحو عليها ضحكنا منبعد قتلو يوسف راني حاوزتها ومنقبلش تعاود تجيبهالي إلا إذا عينك في حاجة قالي بركاي خلاص ميكون غير خاطرك كملنا عشانا ديبراسينا لاتابل مع بعض شوية عنقني من اللور قالي عندي قاع نتي ونشوف برا قتلو ديرها لي فيه طبيعة ميبطلها قالي مالا يا لالة والله مراهي طبيعة جيست زعاف وقلقة قتلو حابة نعرف واش دارتلك حتى
وصلاتك لهذي الحالة سمعت بلي كنتو تحبو بعض قالي وي صح حبيتها بصح هي غدرتني قتلو كيفاه قالي خلينا منها هيا إذا كملتي قتلو روح ذوك نجي هو راح وانا ديت شوية فاكية وجي ورحت قعدت معاه قتلو حابة تحكيلي علاه تعرف عليا كلش وانا لالا قالي خلينا قتلو يا تحكيلي يا حتى انا نولي نخبي عليك ضحك قالي حالفة تعرفي قتلو واه..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
