رواية البنت غير الشرعية الفصل الثالث والسبعون 73 بقلم ياسمين
رواية البنت غير الشرعية البارت الثالث والسبعون
رواية البنت غير الشرعية الجزء الثالث والسبعون
رواية البنت غير الشرعية الحلقة الثالثة والسبعون
الحمد لله وين كنت ووين راني ولات عندي دار ،عندي خدمة مع عمي الحاج ربي يحفظو ودلال تاني غير يوم يومين وتجي عندي مرات نقعدو غير فالدار مرات نخرجو ندورو شوية ، الجيران خاطييني وخاطيتهم هوما جابدين روحهم مني وانا أصلا منيش اجتماعية خاطيني وخاطي الناس ،خالتي بختة مرة مرة نزورها مزال مقلتناش راني ساكنة وحدي قتلها مزلت عند خالي قاتلي ومرتو كيفاه دايرة معاها قتلها راه ساكتة كي راني نمد لها الدراهم عيات فيا ارجعي عندي قتلها مانقدرش ، بقاتلي حاجة متعبتني هي الرقاد غير يجي ليل يهرب النعاس نبقى غير نتقلب لل2 ولا 3 باه نرقد ضوكا راه عندي 3 أشهر ماي سكنت وحدي قاتلي دلال اليوم نبات عندك قتلها اوكي كملت خدمتي وجيت للدار لقيتها مسامية المطارح مع بعض حاطة سنيوة تاي مع كوكاو و ماييز طبسي فاكية الله الله رانا فالشتا شاعلة الغيسيطونس المهم الدار منورة علامة غسلت وبدلت حوايجي وقعدت معاها قالتلي بغيت نفكرك فاليامات قتلها واش من يامات قاتلي كي كنتي متزوجة قتلها علاه كي
كنت متزوجة قاتلي هامالك جايحة قصدي كيما كنتي توجظي السهرة ليوسف قتلها مكنتش نوجد قاتلي والله عارفاتك حمارة علابيها طيروك قتلها إذا جيتي باه تحكيلي عليه غير ماكالاه قاتلي خلاص طار لحمام سمعت بلي راح لايطاليا وعندو شحال مجاش قاتلي كاين لي قال تزوج تم وكاين لي راه يقول مزال قتلها ربي يسهل عليه قاتلي راح تبقاي غير حازنة عليه قتلها شكون قالك حازنة عليه قاتلي مالا علاه مكيش ترقدي فالليل قتلها يا طفلة احسني عوني الدار فارغة عليا كنت مع ميمتي وخالتي حتى لقيت روحي وحدي قاتلي زعما مكيش متوحشاتو ولا تخمي فيه قتلها اطلاقا قاتلي مليح مالا هكا تقدري تشوفي حياتك مع غيرو قتلها دلال الرجال خط أحمر خلاص قاتلي انا رايحة نتزوج تخلعت قتلها من نيتك وشكون هذا قاتلي واحد تعرفت بيه قتلها احكيلي عليه قاتلي عندو 55 عام متزوج قتلها حبسي راه كبير وزيد متزوج قاتلي حتى انا موش صغيرة عندي 36 عام إذا معلابالكش قتلها صحا وراكي تقولي متزوج ومرتو وولادو قاتلي مالهم قتلها كون تسمع قاتلي كي نزوجو يخبرها قتلها دلال تعيشي متخربيش دار ولية قاتلي بسمة خصارة عليك هذي الهدرة قاتلي السيد معول ومديسيدي باه يتزوج يعني إذا منيش انا وحدوخرى مالا علاه نخليه لغيري وزيد أنا موحال نديه عليها وعلى ولادها ندي حقي بزاف عليا قتلها
تبغيه قاتلي صراحة لالا قتلها مكيش خايفة يصرا فيك واش صرا فيا قاتلي بسمة متزعفيش مني بصح انا منيش نتي أنا صلاحي قبل كلشي قاتلي تعرفي المثل لي يقول بوس الكلب في فمو تقضي صالحتك منو هو يحوس على مرة تمتعو علا حساب قولو مرتو لاهية غير بالدار والذراري وسامحة فيه وانا خصني راجل يصرف عليا يهنيني من الشقا من صغري وانا نجري وعلاه لالا نجيب بز ولا زوج نلقاهم لعاقبتي قتلها هذي لي خايفتها شوفي انا قاع واش صرالي بصح كي وليت وحدي والله منضريت بزاف بصح كون جا عندي بز كيفاه ندير قاتلي كون جا عندك بز نبصملك بال10 يوسف ماييسمح فيك وحتى نتي متخرجيش من دارك و كيما قتلك أنا صوالحي قبل كلشي شرطت عليه دار باسمي باه نتزوجو وهو قبل وديجا شرالي وحدة خص نهار نعقدو يكتبها على اسمي ومكالاه تقوليلي مرتو خاطر حتى هي كاتبلها الدار على اسمها يا ديني النسا لي تعرف تقضي صلاحها موش كي حالتي….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
