رواية البنت غير الشرعية الفصل التاسع والسبعون 79 بقلم ياسمين
رواية البنت غير الشرعية البارت التاسع والسبعون
رواية البنت غير الشرعية الجزء التاسع والسبعون
رواية البنت غير الشرعية الحلقة التاسعة والسبعون
يومين وانا فالدار مريضة من الصدمة مع العشية عيطلي محمد سقساني على روحي وسقسيتو على أميمة المرة لي فاتت نسيت مسقسيتش عليها قالي سافا مع الأطفال برك قتلو شكون الأطفال قالي رنوش ووسيم قتلو يا بالبراكة يتربى في عزكم ودلالكم قالي آمين قالي بسمة نسيت مسقسيتكش موش قلتيلي كملت قرايتي قتلو واه قالي مالا علاه تخدمي سارفوز قتلو ملقيتش خدمة قالي خلاص ادي السيفي نتاعك الشركة عندنا وبداي تخدمي قتلو لالا صحيت ياك قتلك راح نتزوج وراح نحبس الخدمة ( بلعاني حبيت نأكدلو بلي راح نتزوج باه يوصلهالو ) قالي شفتي نتوما عايشين حياتكم وانا مقلق عليكم نتي راح تزوجي وهو رجع مرتو القديمة وانا نحوس نصلح بيناتكم غير سمعت واش قال موس وشق قلبي كوبيت وبديت نعيط للي خلقني أنا هابلة عليه نبكي عليه الدم كل ليلة نبات نوم في روحي معاه وهو يتمعشق ويتمتع مع مرتو القديمة الدار هرستها حاجة مخليتها في بلاصتها نظن ضغط حياتي الكل خرجتو هذاك اليوم ضالة نبكي وبايتة نبكي لدرجة
حكمتني الشهقة ، الغدوة منو رقدت حتى لا 2 باه نضت دوشت وسشورت شعري بالخف درت مكياج لبست جيب ميني مع اوت قصير فاست كوبي وطالون ورحت للخدمة كامل بقاو داهشين فيا من اليوم نتهلى في روحي وبس والله منزيد نحزن عليه كملت خدمتي ورجعت مع عمي الحاج لي بقى مرة مرة يتلفت موراه حتى وصلنا قالي بسمة بلعي الباب مليح صحا بنتي قتلو تهنى ، بدلت قشي لقيتو يعيطلي رديت قالي بسمة بنتي راكي مليحة قتلو لاباس غير الخير قالي لالا غير تقلقت عليك برك تصبحي بخير قتلو وانت من أهلو خملت الدار اي روبلتها ورقدت فوت سمانة هكا وعمي الحاج غير مقلق اليوم كي جينا فالليل قتلو عمي والله غير تقولي واش بيك قالي يابنتي كاين لوطو ديما كي نخرجو تبعنا حتى نوصلو للدار وحتى ضوكا وراها ورانا تلفت لقيت لوطو بيضاء روشتلو حبس قتلو الخير برك علاه راك تبعنا قالي لالا غير الخير عجبتيني وحبيت نتقدملك قالو عمي الحاج روح يا وليدي مكاش نصيب الطفلة متزوجة قالنا اسمحولي وراح قتلو هاه عمي مكان والو غير نتا مقلق قالي يا بنتي ولاد الحرام مخلاوناش نهناو وصلت للدار عادي
الغدوة في الخدمة حتى جاتني لي تخدم معايا قاتلي واحد يحوس عليك بسمة جيت رايحة للصالة حتى قاتلي لالا برا عند الباب خرجت من الكوزينة لبرا لقيتو واقف قدامي طول وعرض قلبي ولى يضرب حسيتو راح يخرج من بين ضلوعي حطيت يدي على قلبي ورجليا خانوني قريب طحت تسندت على الحيط شدني بسمة واش بيك بقيت نشوف معاه وحتى هو شوية قالي واش بسمة سافا ضرك قتلو الحمد لله قالي معليه جي معايا نحكو شوية قتلو اصبر نحي الطابلية ونجي دخلت نحيت الطابلية سقمت مكياجي كنت لابسة غوب أكارو قرونة بالنواغ مع ليبة وبيمة درت صاكودو ورشيت البارفان حتى وخرجت كان مادني بظهرو عيطتلو يوسف يوسف دار عندي بقى يشوف معايا قالي هيا ركبني في لوطوه راه مبدلها جاب وحدة جديدة وقلع…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
تعليق واحد