رواية البنت غير الشرعية الفصل التاسع والأربعون 49 بقلم ياسمين
رواية البنت غير الشرعية البارت التاسع والأربعون
رواية البنت غير الشرعية الجزء التاسع والأربعون
رواية البنت غير الشرعية الحلقة التاسعة والأربعون
قلعنا قالي يوسف نعيط لفهيمة إذا خدامة عيطلها قاتلو غير الخير وليت نخاف كي نشوف نيميرو نتاعك قاللها لالا غير بسمة مريضة شوية قالتلو منيش خدامة بصح ضوك نعيطلهم نوصيهم عليك وصلنا عند كلينيك قتلو كون رحنا للسبيطار برك قالي هيا جابلي شاز ودخلني قالو فرملي واش تحتاجو قتلو انا جينيكولوغ قالنا تبعوني وصلنا دخلنا لقيناه راجل محبش يوسف قالو خصني طبيبة قالو مكاش كاين غير أنا جينيكو ضوكا ولا تسنى للصباح قالي هيا شفت معاه دموع في عينيا بصح خلاص ألم فظيع جامي جاتني العادة هكا وحاسة روحي كامل مشمخة من تحت قتلو يوسف محال نستنى للصباح قالو الطبيب والله يا خويا راها المدام تبان موش مليحة خلي نشوفها وتقدر تبقى معاها معجبوش الحال يتسمى غير ملقى عليها وين طلعت على الطابلة قالي الطبيب واش بيك قتلو الدم بزاف والوجاعة قالي بالحمل قتلو لالا غير العادة قالي صحا طلعي على كرشك نديرلك ايكو ويوسف هبل قالو راح نحط غير لاباراي عليها منمسهاش مزية دخلت فهيمة سلمت على يوسف وعليا قاتلو غير الخير كي عيطتلي تقلقت قاللها جابك ربي شوفيها نتي ناض ذاك الطبيب وقعدت هيا دارتلي ايكو ممبعد مسحتلي كرشي
وعاودت شافت ممبعد تلفتت لهذاك الطبيب قاتلو ارواح شوف معايا تعيش انا قلبي ولا يضرب وهذيك الحاجة عاودت حسيتها دق في كرشي يا ربي ميكون والو قاللها يوسف واش كاين فهيمة انطقي قاتلو خبر مليح وموش مليح قتلها غير اهدري قلبي راح يحبس قالو للاسف بسمة كانت بالحمل وطاحلها يوسف بقى مدهوش قاللها فهيمة عارفة روحك شا تهدري قاتلو والله كيما نقولك راني تأكدت مرتين كانت بالحمل في شهرين انا قلبي ولا غير يضرب معلاباليش علاش خايفة يوسف باقي غير داهش وفهيمة تهدر معاه بصح هو مهوش كامل معاها حتى خرجاتو شوية جات عندي هي وفرملية داوني للشومبرة قاتلي بسمة اطلعي على السرير ضوك نجي شوية عاودت جات قاتلي نحي سروالك شحال حشمت منها قاتلي هيا حنونتي ربي يعوض عليك مزالك صغيرة وشوية كوراج حنونتي صح راح تتوجعي بصح مرة وخلاص خير ملي تبقاي كل يوم في حالة صحا هزيتلها غير راسي نحيت سروالي بقات ديرلي في لي كومبراس من تحت وانا كل ما تدخلهم ننشوا كملت قاتلي حاولي تلمي رجليك ومتخافيش ضوك نديرلك الدوا تحسي روحك حابة تروحي للتوالات مكان والو غير من الدوا حاولي تشدي على ما تقدري صحا جابت زوج بيكورات دارتهملي ممبعد ركبتلي سيروم ودارت فيه الدوا مع بدى يمشي فيا حسيتو نار تحرق في
عروقي قاتلي اصبري حنونتي بقات معايا شوية وراحت دخل يوسف عندي عينيه حمر قطرة دم غير يشوف معايا نهدر والو وانا تقطعت حاسة موس يقطع في كرشي مرة نلم رجليا مرة نتكسل مرة نقعد مرة نضم رجليا لصدري وهو غير يشوف معايا حسيتو راح يبكي وانادموعي دايرين واد دخلت فهيمة ناض ليها الطفلة راه تموت ديريلها كاش حاجة قاتلو والله يا خويا معندي من ديرلها وقتلك متقابلهاش مراحش تستحمل هو خرج وفهيمة شافتلي للسيروم قاتلي كوراج حنونة مبقاش بزاف لقيت غير نتلوى حتى خلاص هذاك السيروم حسيت عمري خرجت معاه ، جات فهيمة قاتلي حاولي تخرجي بديت غير ندز مقدرتش بقات تعاون فيا وتجبد في هذوك لي كومبراس حمر مع نحاتهم ونتفرع تخلعت واش بقى يطيح مني دار عليا قلبي وليت نرد قاتلي متهبطيش راسك لتحت مكملت حتى الموت شفتها ممبعد جات فام دوميناج نقات قاع هذيك الحالة وداتني فهيمة للدوش غسلتلي مسكينة جابتلي توني نتاعها لبستهالي ومدتلي كوش أديلت قاتلي ديريه درتو وخرجت جبدت بيكورة قتلها
نتي ختي خلاص منيش قادرة قاتلي لالا هذي تريحك متخافيش دارتهالي وعيطت ليوسف دخل عندي قالي واش بسمة لاباس قتلو سافا راها بدات تتنحى الوجاعة قاتلو فهيمة يوسف بسمة نشدوها تبات ونتا روح قاللها محال نبات معاها قاتلو معندك علاه تبقى درتلها دوا ضوك ترقد للصباح غير روح خويا ريح وجيبلها حوايجها معاك وهاهم لي جات بيهم اديهم قاللها خلاص مالا حتى ترقد نروح قاتلو كيما تحب المهم أنا رايحة منيش خدامة جيت غير على جالكم قتلها صحيتي تعيشي هي راحت وهو جا عندي شدلي يديا واش صح تنحى عليك قتلو والله مليحة خير من مقبيل حضني عندو وبقى يلعب في شعري حتى رقدت باه راح..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
