رواية البنت الجديدة الفصل الأول 1 بقلم حياة
رواية البنت الجديدة الجزء الأول
رواية البنت الجديدة البارت الأول
رواية البنت الجديدة الحلقة الأولى
بتدخل المدرسة بتلاقي صحابها واخدين جنب وبيتهامسوا بتتوجه نحوهم وبتردد السلام
خديجه : السلام عليكم ورحمة الله وبركاته
البنات : وعليكم السلام
سمر وبتشاور على بنت : شايفه البنت اللي هناك دي؟؟!
خديجة باستغراب : ايوة مالها؟؟!
سمر : حرامية!!!
خديجة بصدمه : ازاي؟؟!
سمر : فداء قالت كده المهم خدي بالك منها!!!
خديجة بانزعاج : يا بنات حرام اللي بتعملوه ده ده سوء ظن بعدين ده لسه اول يوم دراسي والبنت دي شكلها جديده اول مره اشوفها
فداء : البنت دي كانت معايا لما كنت في الاعدادي وكان معروف عنها أنها بتسرق
خديجه : في الاعدادي واحنا دلوقتي في ايه في تالته ثانوي ممكن يكون ربنا هداها بعدين مالناش دعوه بيها ما تقولوش الكلام ده لحد تاني!!!
فداء : طيب يلا ندخل الحصه هتبدا
وبيدخلوا الحصص وكان ساعه فسحة الفطور
المدرس : وكده الحصه خلصت تقدروا تطلعوا
خديجة : معلش يا مستر الحته دي وقفت معايا مفهمتهاش
المدرس : خلاص تعالي معايا اشرحهالك في المكتب الطلاب بيطلعوا وخديجه بتروح معاه وفجأة وهو بيشرح لها بيسمعوا صوت شوشره عالي من الفصل وبيروحوا
خديجه بتدخل بتلاقي الطلاب متلميين وفي الوسط فداء وسمر و بيتخانقوا مع البنت الجديده ( رأفا)
خديجه لصحابها : ايه اللي بيحصل هنا ؟؟!
فداء بزعيق : احنا شوفنا البنت دي بتسرق من شنطتك!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت الجديدة)
