رواية البر التاني الفصل السبعون 70 بقلم لولو محمد
رواية البر التاني الجزء السبعون
رواية البر التاني البارت السبعون
رواية البر التاني الحلقة السبعون
سماح / لا يا خويا انا مش زيك ما بعرفش ائذى اللى بحبهم
مغاورى / و انا كنت اذيت مين عشان تقولي كدا
سماح / مش هتبص على غيرى
مغاورى / ههههههههههههههه يخربيت عقلك يا بنت اللذينه يا بت دا كلام هزار انتى شوفتيني بصيت
سماح / غير بقي السيره دى كل شويه تقولها
مغاورى / دا انتى عقلك فسافيسي خالص
سماح/ ان كان عاجبك شوفلك واحده عقلها كبير
سماح تقوم و تدخل الحمام و ترزع الباب و مغاورى مصدوم
……………………..
فى اوضه فاطمه
هند قاعده شعرها مفرود احمر و عامله قصه لحد حاجبها و فاطمه قاعده قدامها بتكحلها انتصار تفتح الباب
انتصار / هى هند … بسم الله تبارك الله انا ما عرفتكيش
هند تبتسم
فاطمه / اثبتى البتاع ده ما بيتمسحش
انتصار / تسلم ايدك يا بطه … مختار بيسال عليكي تحت
فاطمه / قوليله يطلعلها الاوضه مش هينفع تنزل بالمكياج وسط الرجاله تحت
انتصار / حطيلها روج من الاحمر اللى هناك ده
انتصار تفتح فى اقلام الروج و تنقى درجه فاقعه
انتصار / داهو حطيلها من ده
فاطمه تحط لهند
انتصار / طب انزل اجيب المبخره و لا اعمل ايه
فاطمه / فى الحمام جوه خشي و الكبريت جنبها
انتصار تجرى على الحمام
هند / انتوا اوفر اوى على فكره
فاطمه / بس يا بت هتدعيلى
هند / تسلم ايدك يا بطوطه مقدما
فاطمه / بصي بقي على نفسك و قوليلى تدفعى كام بره
هند تبص
هند / ادفع كتير بصراحه ما عرفتنيش بس مش فاقع اوى
فاطمه / البخور يا ام فاتن … تروحى اوضتك بقي و تقلعى العبايه السوده دى و تلبسي حاجه حلوه
هند / انتى بتقولى ايه
فاطمه / يخيبك بت امال انا بعمل كل ده ليه دا انتى قطمتى ضهرى … عصايه المساحه معاكى يا ام فاتن
هند / خلاص خلاص
فاطمه / عندك حاجه حلوه و لا اجبلك من عندى
هند / لا مش للدرجادى بقي عندى
انتصار تطلع من الحمام بالمبخره و فاطمه تفتح درج و تطلع ازازه برفيوم
فاطمه / البتاعه دى جيباها من النت بس كانت ايه نار يا حبيبي نار تحطى منها بعد ما تغيرى على ايديكي و رقبتك
انتصار / دا انتى مخلصه نصها
فاطمه / تمشي نفسها بيها و بعدين هبقي اجيبلها جديد
انتصار / لقيمه من يومها الا ما عزمت عليا ببخه حتى
هند / هههههههههههههههه
انتصار / هروح اشوفلك السكه امسكى المبخره دى و يلا
فاطمه تبص لهند
فاطمه / ياختى عليا طب والله تسلم ايدي
هند تبتسم
انتصار/ يلا السكه فاضيه عدى عدى و انا هبعتلك مختار بس هاخره شويه لحد ما تغيرى و تظبطى نفسك
هند / والله خايفه ليقفلنى فى الاخر و لا ما يعجبوش
فاطمه / لا هيعجبه دا انتى تعجبى الباشا يلا توكلى على الله احنا فى ضهرك
هند تبتسم و تمشي
انتصار / انما ايه الجموديه دى يا بطه الله ينور
فاطمه / ربنا يجعله بفايده و نشيل عيالهم بقي انا مش هدخلها المدعوق الجيم ده تانى و ربنا يفرح قلوبنا بقي
انتصار / على الله ياختى دا انا قلبي بيتقطع عليها اوى
فاطمه / انزلى ابعتيلها مختار يلا يلا
……………………
فى اوضه سماح
مغاورى بيخبط على باب الحمام
مغاورى / سماح … يا بت كنت بهزر قلبتيها نكد كدا ليه … يا بت افتحى… طب انا عاوز اخش الحمام دلوقت … يعني اعملها على روحى زى العيال عشان ترتاحى يعني … لا اله الا الله
سماح تفتح الباب و وشها احمر
مغاورى / انتى كنتى بتعيطى جوه و لا ايه
سماح / لا دا تنت
مغاورى / مين ؟
سماح / مكياج مكياج
مغاورى / يعني انا واقف هنا بلالى و انتى جوه لا تبالى
سماح تبصله و تضحك
مغاورى / الله اكبر ايوه كدا افتحى نفسي
سماح / ما انت كسرت نفسي
مغاورى / اياكش يلهفنى قطر
سماح/ بعد الشر ما تقولش كدا
مغاورى / يا بت خلى دماغك كبير كنت بهزر
سماح / الا فى دى انا زى الفريك ما احبش شريك و خصوصا فيك قلبي ما يقبلش القسمه
مغاورى / وقلبك ده يبقي انا
سماح / الله امال مين يعني
مغاورى / دا انا امى دعيالي بقي
سماح تضحك
مغاورى / بقولك ايه انا هدخل الحمام صد رد تعمليلى فنجانين قهوه من ايديك الناعمه دى نشربهم على رواقه
مغاورى يبوس ايدها سماح تتكسف
سماح / عنيا
مغاورى / تسلملى عنيكي
سماح تبتسم و مغاورى يدخل الحمام
………………..
فى اوضه هند
مختار يدخل هند فى الحمام
مختار / السلام عليكم … انا جيت
هند ترد من الحمام
هند / نورت ثوانى
مختار / خير … ام فاتن قالتلى انك عوزانى ضرورى فى حاجه و لا ايه
هند / اكلت
مختار / خدت لقمه على خفيف مع الرجاله فى الغيط ما رضيتش اكسر بخاطرهم
هند / بص انا مش عارفه اجبهالك ازاى بصراحه
مختار / طب ما تطلعيلى هنا بدل شغل المراسله ده
هند / طب غمض عنيك
مختار / ههههههههههههه ليه
هند / ما تبقاش رخم غمض … و ما تخمش
مختار يغمض هند تطلع من الحمام لابسه قميص نوم زهرى بروبه
مختار / غمضت اطلعى بقي عملالى مفاجاه شكلك … لا و ام فاتن اللى نادتلى تبقي مؤامره جماعيه … افتح
هند / فتح
مختار يفتح يتنح
مختار / حوريه البحر
هند / ام عباده هى اللى عملتلى النيولوك …حلو ؟
مختار يمسك ايدها و يلفها
مختار / تسلم ام عباده ما عرفتكيش
هند / اوفر اوى صح قولتلها فاقع قالتلى الرجاله بتحب الحاجات دى شكلى ايه ؟
مختار / انتى حلوه فى كل حالاتك
هند / و ادتنى ده
هند تورى مختار الخاتم فى صابعها مختار يبتسم و يبوس ايدها تسحبها و هى مرتبكه
هند / انا مش عارفه متوتره كدا ليه هههههههههه
مختار باصصلها و ساكت و مبتسم
هند / ايه ؟ بتبصلى كدا ليه
مختار / معزور … ما انا
هند / ما انت ايه ؟
مختار يحضنها
مختار / مش عارف … بس حالا هعرف
هند / هههههههههههههههههه
…………………
فى اوضه فاطمه
فاطمه بتنضف التسريحه انتصار تدخل
انتصار/ دخل و ما خرجش
فاطمه تبصلها و تبتسم
انتصار / تسلم ايدك
فاطمه / تحبى اعملك
انتصار / لا يا اختى اصلا مش هتخرط انا بحنه و انتى عارفه
فاطمه / عندى حنه
انتصار / عندك الخير كله الا قوليلى علمتى البت سماح الحاجات الحلوه بتاعتك دى
فاطمه / الحاجات دى ما بتتعلمش هو انا مين علمنى صاحب المزاج بيدور
انتصار / على رايك و مين فينا باله رايق للحاجات دى … بقولك ايه انا بفكر اخلى عباده يجيب عجلين تلاته و نفرقهم و نجيب كام شيخ يقروا و نعمله خاتمه ايه رايك
فاطمه / كنت نوياها على الاربعين
انتصار / نعملها دلوقت و نعملها تانى فى الاربعين احنا عندنا اغلى منه
فاطمه / ربنا يعزك و ما يورنيش فيكي حاجه وحشه
انتصار / امين … انا و انتى و الحبايب … بكره تتعدل بكره خديجه تولد و تتلخمى فى العيال
فاطمه / هتلخم اه بس كل مره هحط فيها راسي على المخده و هو مش جنبى هفتكره يا انتصار
انتصار / و مين قالك انسي و لا مين عاوز ينساه امال نترحم عليه ازاى و ندعيله ازاى دا ده اللى بقيله فى الدنيا دى دعواتنا
فاطمه تهز راسها
انتصار / ما حدش فينا هيفهم حزنك و لا هيحس بيه بس كلنا بنحبك و بنزعل لزعلك فوق زعلنا على الغالى الله يرحمه
فاطمه / انا مش زعلانه … انا بس … هو الفراق فى اوله صعب
فاطمه تعيط
فاطمه / هو … الله يرحمه … كان علاطول يقولى لو جرالى حاجه ما تزعليش الزعل مش بيليق عليكي … كان لما يشوفنى زعلانه كان بيزعل و انا مش عاوزاه يزعل
فاطمه تمسح دموعها انتصار تحضنها فاطمه تتعدل
فاطمه / الوليه ام عباس قالت حاجه لهند فى العزا … انا ما اعرفهاش و هند مش هتقول
انتصار / مش هتقول بس سالت عن ورده الله يرحمها يبقي عرفنا قالتلها ايه
فاطمه / ربنا يرزقها
انتصار / الكبير قالى ما تتكلموش فى الموضوع تانى خصوصا بعد اللى حصل يوم الحنه مختار كلمه و قاله اننا ضغطينها
فاطمه / احنا صعايده برده يا ام فاتن الله
انتصار / و هو بايدها يعني يا بطه مفيش فى ايدها حاجه و لا حتى شويه الحركات اللى عملتيهم هيفرقوا فى حاجه و بعدين الدكتوره قالت البت زى الفل فاضل ايه
فاطمه / فاضل فرج ربنا ما لناش غيره
انتصار / و نعم بالله
…………………….
فى فيلا فيرا بعد فتره
رشيد / انا خلصتلك كل اللى طلبتيه نقعد بقي و نتحاسب
فيرا / اطلع اوضتك هتلاقي فلوسك فى الدولاب كل عمليه كنت بحطلك حقك اول باول اطلع ارتاح و عدهم براحتك
رشيد / انا مش هقعد انا قولت نتحاسب و امشي
فيرا / امشي الصبح الطريق وحش و انا اخاف عليك
رشيد / كتر خيرك حنينه اوى
فيرا/ اخص عليك بقي بعد كل اللى عملته عشانك … اخبار سمر ايه صحيح
رشيد / خليكي فى حالك
فيرا / ما دا حالى يا رشيد انت حالى و كل رجالتى حالى مهو انا لازم اطمن على رجالتى و تركيزهم و حياتهم
رشيد / انتى شكلك فايقه و رايقه
فيرا / و انت شكلك مش رايق خالص عشان كدا بسالك عشان اطمن عليك اصل نفسيه الرجاله دى لعبتى
رشيد / بعدين … اكون فايق
توصل تليفون فيرا رساله
سمر / انا سمر دا رقمى الجديد لازم نتكلم
فيرا تبص لرشيد
فيرا / تمام براحتك
رشيد يطلع و فيرا متبعاه تتصل
فيرا / كنت عارفه ان مسيرى اوحشك
سمر / انا عارفه ان اهم حاجه عندك الفلوس تاخدى كام و تخلصيني من القرف ده
فيرا / هههههههههههههههههههههههه قوليها تانى كدا
سمر / اديني ابن اخويا و خدى اللى انتى عوزاه
فيرا / لا و بتتكلمى بقلب جامد
سمر / انا عرفت رشيد بيخبى فلوسه فين شوفى انتى لوحدك مدياله كام من ساعه ما اشتغل معاكى تخيلى كان محوش كام من قبلها
فيرا / طب تضمنى منين ان بعد ما اعرف ما اقتلكيش و اقتل رشيد و اقتل الولد و اخد الفلوس
سمر / عشان محتاجاله لو ما كنتيش محتاجاله كنتى قتلتينا من زمان
فيرا / وجهه نظر بس مش صح
سمر / حددى السعر و انا هدفعه
فيرا / يا ترى لو رشيد عرف بالكلام ده هيعمل فيكي ايه
سمر / مش هتقوليله لانك محتاجانى جنبه انتى اللى طلبتى انى اقرب و طلبتى اغريه بس هو ما استجبش و اتجوزنى عشان بيحبنى
فيرا / و انتى متاكده من مكان الفلوس ده ما يمكن بيمتحنك
سمر / جايز بس رشيد ما يقدرش يحط فلوسه فى بنوك بيدفنها زى ما كان دافن التلاته مليون تمنى فى تربه انا لقيت ملف فيه عناوين و ارقام الترب دى و لما سألته قالى انهم بتوعه رشيد ما بيشتريش بيوت بيشترى ترب و بس
فيرا / و لقيتي ايه تانى
سمر / حسابات رشيد له نسبه فى شركات شحن كبيره طبعا شركات من اللى انتى بتحبيها مسؤل عن الشحن و التخزين رشيد بيبان لوحده بس الحقيقه معاه جيش ممرنهم و مشغلهم تحت ايده فى كل حته
فيرا / خدت بالى … علاقاته كتير
سمر / و ان كان على مختار
فيرا / كدا تبقي حبيبتي
سمر / اخر اتصال بينهم كان من سنه و نص عملهم عمليه كبيره و سافر ايطاليا فضل قاعد هناك و مرجعش الا من كام شهر عملهم عمليه تانيه و بعد كدا العلاقات كلها اتقطعت بسبب شغله معاكى عرضوا عليه خمسه مليون و رفض بسببي
فيرا / اخد منى اضعافهم فما تديش لنفسك قيمه اكبر من قيمتها
سمر / قولتلك اكتر من اللى محتاجاه اديني الولد و خدى الفلوس اللى انتى عوزاها و رشيد هيفضل يشتغل معاكى و تبقي كسبتى كل حاجه عاوزه ايه تانى
فيرا / و ايه اللى هيخلى رشيد يشتغل معايا بعد ما اديكي الولد
سمر / و انتى هتقوليله ان انتى اللى سرقتيه ؟ و بعدين اكيد هتعوريه فى مبلغ محترم و هيبقي محتاج يعوضه و لا ايه
فيرا / اتعلمتى اللعبه بسرعه
سمر / البركه فيكي
فيرا / انتى اخر مره شوفتى ابن اخوكى امتى لو شوفتيه هتعرفيه
سمر / حته دى ان ايه صغير هتعرفنى
فيرا / هكون ساعتها خدت الفلوس
سمر / هقول لرشيد انك انتى اللى سرقتيه
فيرا / هيقتلك و انا هقتله او هيشتغل معايا برده عشان يعوضهم
سمر / مش هيقتلنى … هقوله انى حامل و من هنا لوقتها مين عارف مش يمكن احمل فعلا
فيرا / طب و لو قتلتك انا
سمر / سبت لرشيد اعتراف بكل حاجه فى مكان انا و هو بس نعرفه و ساعتها استحملى انتقامه بقي لما يعرف ان مراته الحامل انتى اللى قتلتيها
فيرا / انتى نوياها بقي
سمر / ما يعرفش ابوه غير اسم و ما يعرفش ان كان ده اسم ابوه الحقيقي و لا حد اداهوله نفسه يبقي اب نقطه ضعفه و قوته فى نفس الوقت
فيرا تتنهد
فيرا / لو قولتلك اديني الداتا اللى عندك و اسيب الولد عايش
سمر / ساعتها همشي بمبدا رشيد ايدك اللى بتوجعك اقطعها و ساعتها هقولك اقتليه و اقنع رشيد ناخد الفلوس و نهرب و كدا كدا الواد كان ضايع انا مش هخسر اكتر من كدا
فيرا / قلبك جمد كمان
سمر / تعبت و مش هسمحلك تستغليني اكتر من كدا
فيرا / و انا فلوس رشيد ما تلزمنيش انا عندى فلوس كتير اوى انا بشتغل للمتعه و مش متخيله متعتى زادت قد ايه بعد المكالمة دى … جاهزه تلعبى معايا يا سمر
صمت
فيرا / صوتك راح فين و جموديه قلبك و قوتك تؤ تؤ تؤ بالسرعه دى
سمر / انتى مريضه
فيرا / انا هاخد منك كل حاجه يا سمر واحده واحده
سمر / مش هتقدرى انتى
فيرا / باى سمر
فيرا تقفل السكه
فيرا / كان لازم انزل مصر من زمااااان اوى … اوى اوى يعني
………………….
فى المطبخ عند الزنايته
خديجه واقفه عامله ساندوتش و بتاكل هند تدخل
هند / قفشتك ههههههههههههه
خديجه / عامله شويه بتنجان مخلل انما ايه حكايه تعالى اعملك لقمه
هند / تسلم ايدك بس انا باس … حماتك يا ستى قفلت باب الجيم فلازم اللتزم بالدايت و الا هسرح بقي
خديجه / ياختى ما تسرحى حد له عندك حاجه تعرفى ما يعرفش قيمه الاكل الا اللى اتحرم منه تخيلى انا من غير حقنه الترجيع اللى باخدها يوم و يوم دى ما اعرفش احط لقمه فى بقي
هند / لا كلى انتى … انتى بتاكلى لاتنين و لازم تتغذى
خديجه / كنتى بتدورى عليا و لا كنتى عاوزه حاجه من المطبخ
هند / لا كنت بدور عليكي
خديجه / خير يا قلبي قولى
هند / انتى الاعاده بتاعتك الاسبوع الجاى صح
خديجه / اه خير
هند / بفكر اجى معاكى يعني
خديجه / و ماله نروح سوا .. و لو عاوزه نروح فى حته تانيه نروح بيقولوا دكاتره مصر شاطرين خالص
هند / لا مش .. للدرجادى يعني انا بس هشوف المنشطات اللى كانت كتباهالى دى … بصراحه تعبت من الزن
خديجه / معلش اصلهم اتعودوا على كدا طب دا احنا ارحم من زمان بكتير بس تعرفى مش فى الصعيد بس والله انا مشتركه فى جروب نسائي على النت فيه من كل مصر و الله الموضوع ده عند الكل و كانهم ما يعروش انه رزق من ربنا مش شطاره من حد
هند / و نعم بالله
خديجه / اقولك حاجه و تصدقيني و ما تفهمنيش غلط
هند / قولى طبعا
خديجه / انتى مش زينا يا هند انتى مصراويه و دى ميزه بس انتى مش عاوزه … او مش عارفه تستغليها يا بنتى انتى لو تشيلى حوار التاخير ده و تعيشي يومين
هند / هاخده و اسافر مثلا يعني يا خديجه اديكي شايفه الدنيا عامله ازاى
خديجه / لما كنت فى الثانويه كنت بسمع كلام زى السم تلسين برده انتى عارفه ان العلام فى بلدنا … يعني الرجاله بيهتموا بالشغل اكتر فمين هيتجوزنى و كلام من ده … و هتروح الكليه و هتبقى مع زمايلها و هتفتحوا عنيها بس انا كنت عاوزه و تعرفي كان ممكن ادخل طب بس هسافر و ما رضيوش قولت نص العمه و لا العمه كله اهى صيدله بدل ما يحلفوا عليا ما اكملش ما فيش حاجه اسمها بزاكر فى شغل بيت و الست مالهاش الا بيتها جوزك لو قالك عاوز فطير هتديله بداله علبتين دوا كحه
هند / انتى بت جدعه اصلا
خديجه / فكك من كلام الناس الناس بيتكلموا و خلاص لازم كلنا نبقي زى بعض بالصوره اللى على هواهم … شوفى انتى عاوزه ايه شوفى ايه يبسطك يا هند … ربنا كرمك بالعيال خير و بركه اتاخروا شويه اديكي عايشه و مبسوطه ما جوش يبقي ربنا اكيد اداكى رزقك زياده فى حاجه تانيه ما توقفيش حياتك على اللى ناقصها ما حدش حياته كامله و يا عالم ايه مكتوب و ايه مستخبى
هند تبتسم
خديجه / بس دا ما يمنعش اننا نسعى … اقولك حاجه
هند / قولى
خديجه / مش ام عباده قالتلى هتعملى شعرى زيك بس لما اولد
هند / هههههههههههه هيليق عليكي اوى
خديجه / بجد !!! طول عمري نفسي اعمله عنابى بس لما شوفت الدرجه دى عليكي قولت لا اجرب دى الاول
هند / ممكن ابقي اجرب العنابى بس بعدين عشان ما بوظش شعرى بس اكتر حاجه عجبتنى رسمه العين
خديجه / اما انا جايلى حته كحل عربى انما ايه حكايه هديكي منه تجربيه تحفه يا هند تحفه
هند / قشطه ابقي اجربه … هسيبك بقي تكملى اكل هههههههههه عطلتك
خديجه / لا انا شبعت خلاص … بس ممكن اخد لقمه فى ايدي يعني انقنق فيها
هند / ههههههههههههههه حقك يلا سلام
هند تمشي و خديجه تعمل ساندوتش تانى
…………………
فى اوضه سماح
سماح قاعده على السرير ماسكه كتاب و بتحل الباب يخبط تقفل الكتب و تقوم تطلع بره
سماح / مين
كوثر/ افتحى يا عروسه
سماح تشد روب من على شماعه جنب الباب متعلق جنبها اسدال و تلبسه و تفتح
سماح / صباح الخير يا عمتى ازيك
كوثر / انا بخير ياختى بطمن عليكي انتى قافله على روحك و لا ساله فى حد
سماح / بزاكر و ان كان على الفطار فطرت الحمد لله مع جوزى قبل ما ينزل
كوثر/ و الغدى
سماح / هيتغدى فى الغيط مع الرجاله و امى عارفه ما تتفضلي تشربى حاجه بدل ما انتى واقفه كدا
كوثر / اسمعى يا بنت الزنايته انتى لا اول و لا اخر واحده تدخل مدارس بس فى البيت ده احنا الحريم بيعملوا شغل البيت و بعدين بيمسكوا الكتب
سماح / يعني لما جوزى يجي اسيبه قاعد بطوله و امسك الكتاب يا عمتى
كوثر / ما حدش قالك اتجوزى و انتى فى المدرسه يا اختى
سماح / العريس كان مستعجل زى ما انتى شايفه و بعدين انا مش فاهمه هو لما راجلى يقولى اقعدى زاكرى على ما اجى و ينزل يرجع يلاقيني مكسره كلامه و ما زاكرتش يرضيكي ازعله منى يا عمتى انا ما اتربيتش على كدا كلمه راجلى فوق كلمه الكل
كوثر / ابقي خلى راجلك يغديكي بقي ياختى
سماح / هههههههههههههه و ماله هيغديني و يفصصلى و يحط فى بقي كمان و لا انتى مستقله بابن اخوكى
كوثر / قطع لسان اللى يقل من ابن اخويا
سماح / انتى اللى قولتى يا عمتى انتى اللى بتقولى انه مش هيقدر يكفيني و لا ياكلنى انتى اللى قولتى اعملى بلقمتك فى بيت الجوارحه اصل احنا هنا ما بناكلش حد مش انتى قولتى كدا يا عمتى
كوثر / بنت امك بصحيح
سماح/ ست الناس خيرها على الكل
كوثر/ قالتلك انها كانت بتيجي تنضف عندنا زمان
سماح / ما انتوا لو بتعرفوا تنضفوا يا عمتى ما كنتوش احتاجتوا لعيله تنضفلكوا
كوثر / انتى بتقولى ايه يا بت
سماح / بقولك مش فضيالك و كفايا عطله روحى شوفيلك تسلايه تانيه اقولك اذاذى لب
سماح تقفل الباب و تروح تجيب الموبايل و تتصل
سماح / صباح الخير
مغاورى / صباح العسل
صمت
مغاورى / الو الو هو الخط فصل و لا ايه
سماح / للصبر حدود يا مغاورى و اللى عمتك بتعمله فيا دا كتير انا تعبت
سماح تعيط
مغاورى / لا لا لا استنى بس فهميني ايه اللى حصل
سماح / انا امى كانت بتنضف عندكوا يا مغاورى هو اكمن جوزها مات فكرتوا ان ما عدلهاش حد
مغاورى/ امك ست الكل و على راسي و انتى عارفه انها فى مقام امى بالظبط و ان كان على عمتى انتى عارفه انها بتقول اى كلام و احنا بناخدها على قد عقلها
سماح / انا قولت مش هنزل من اوضتى و لا هحتك بيها طلعتلى هزقتنى و مسحت بيا الارض هنا و بتقولى اعمل بلقمتى هو انا لقمتى تقيله اوى كدا يا مغاورى طب مش عاوزه اكل اياكش اقع من طولى و لا اموت حتى هو انا كنت جعانه فى بيت ابويا
مغاورى / انا يا ستى هروح على الجزار يعملنا احلى ورقه لحمه و اجى اتغدى معاكى
سماح/ لا انا عايزه اندومى
مغاورى / و اجبلك اندومى كمان حاجه تانى
سماح / شكلاته عشان انا مضايقه اوى
مغاورى / هجبلك الكشك بحاله بس انتى تكبرى دماغك من اللى حصل و تروحى تعمليلك فنجان قهوه حلو كدا زيك و تقعدى تزاكرى و ما تفتحيش لحد تانى و انا لما اجى هتشوفى انا هصالحك ازاى تمام
سماح / تمام
مغاورى / هكلمك تانى اطمن عليكي هسمعلك بنفسي لما ارجع
سماح / ماشي
مغاورى / سلام يا ست البنات
سماح / سلام يا قلبي
سماح تقفل و تدخل تقعد تكمل مزاكره
………………….
فى مكتب شاهين تحت
شاهين قاعد بيقرا قران الباب يتفتح و كوثر تدخل شاهين يقفل المصحف
كوثر / الا مين الاغلى عندك يا كبير خديجه و لا سماح
شاهين / الاتنين بناتى و الاتنين نفس الغلاوه ليه يا ام عباس
كوثر/ يعني اللى كان بيمشي على خديجه يمشي على سماح
شاهين / لا ما يمشيش
كوثر/ ليه بقي ان شاء الله
شاهين / عشان سماح ليها راجل و راجلها قال ما تنزلش و لا ليها دعوه بحاجه غير مزاكرتها
كوثر / و احنا خدامينها يعني
شاهين / بقولك ايه ياختى الا مين بيرتبلك فرشتك و يعملك لقمتك
كوثر / مرات ابنى الله يرحمه زى ما الاصول طول عمرها بتقول و زى ما مراتك قعدت سنين تخدم امك الله يرحمها و شيلاها على راسها تقوم بنت الزنايته تعكس الايه و تخلينا كلنا خدامين عندها بحجه المذاكره تقولش هتطلع دكتوره فى الاخر
شاهين / تطلع و لا ما تطلعش ان كان على لقمتها هى و جوزها ما تحطيش ايدك فيها البيت مليان حريم و الف من يشيلهم
كوثر/ هتمرعها علينا و تركبها زى ما ركبت اهلها قبل كدا
شاهين / كفاياكى غل بقي كفايا انتى عايشه ازاى
كوثر / ما انا لو كانوا سابونى اعيش ما كانش دا بقي حالى انما لا خدوا راجلى و بعديه ابنى و انت ما كفاكش قهرتى و رايح تجيب بنتهم اخدمها ناقص اغسلها رجليها بالمره
شاهين / يا ام عباس ما فيش حاجه من دى لا ليهم يد فى موت جوزك و لا دخل فى موت ابنك و لا البت ليها ذنب فى اى حاجه و انتى اللى استعجلتى فى جواز البت و مجيتها لهنا
كوثر / الدكتوره خديجه لا حد غسلها هدمتها و لا طبخلها لقمتها و اللى يمشي على خديجه يمشي على سماح … سماح متجوزه جوزها عاوز يستتها هو حر بس مش على حساب حريمنا
شاهين / ماشي سماح تشيل روحها و تشيل جوزها حاجه تانى
كوثر / و امه و ابوه
شاهين/ ما لكيش دعوه بينا احنا شايلين روحنا لما نتحوج هى هتبقي اول واحده تشيلنا من غير ما نقول دى بنت اصول و انا مربيها على ايدي
كوثر / يديني طوله العمر واشوف
شاهين / تشوفيني محوج يا اختى
كوثر / بعد الشر ان شالله هى و اهلها انا بقول اشوفها لما تبان على اصلها عن اذنك يا سيد الناس
كوثر تطلع بره و ام مغاورى تدخل
شاهين / خير انتى كمان سماح برده
ام مغاورى / لا اختك مغاورى كلمنى و قالى
شاهين/ سماح مش عيله و لا جوزها صغير ليهم اوضتهم كبيره و يرمح فيها الخيل يكفوا نفسهم فيها مش عايز كلام تانى فى الموضوع ده
ام مغاورى / البت ما نزلتش اختك اللى طلعتلها
شاهين / مش هتتكرر خلاص عرفت غلطها و اتفقنا كفايا بقي كلام فى الموضوع ده الجواز ده بيحصل عشان نوحد العيلتين مش نوقع بينهم يا ناس
ام مغاورى / خديجه حامل عندهم ما بيخلوهاش تشيل قشايه من الارض و من يوم ما راحت و هى على الراس نقوم احنا
شاهين / لما تحمل ابقي اعملى زيهم … هى يعني لقمه جوزها و لا هدمته هيضلعوها
ام مغاورى / اللى تشوفه يا ابو مغاورى عن اذنك هشوف الاكل اللى على النار
……………………
فى اوضه سماح
سماح بتزاكر تليفون سماح يرن تقفل الكتاب و ترد
سماح / وحشانى موت ايه يا بنتى كلمتك كتير ما بترديش
مريم / مدرسه ورا التانيه لما استويت
سماح / يا بختك دا انا محتاسه هنا حوسه السنين بقولك ايه ما تبعتيلى نمرهم يجوا يدونى انا كمان و مغاورى بره
مريم / ماشي بس لازم تتفقى مع مغاورى الاول
سماح / ايوه طبعا امال ايه ما تقلقيش المهم طمنيني عليكي
مريم / طمنينى عليكي انتى عامله ايه
سماح / زى الفل مغاورى مريحني على الاخر ازاكر و بس لا شغل بيت بقي و لا اى حاجه
مريم / ربنا يهديهولك
سماح / و انتى عامله ايه و امى عامله ايه ما تيجوا يوم تقعدوا معايا شويه انتوا وحشتونى اوى
مريم / سبيها لله ابقي احاول ارتبها اشوف خديجه هتيجي امتى و اجى معاها
سماح / على البركه
…………………….
فى بيت عادى
جرس باب بيضرب ست تروح تفتح تلاقي راجل شايل اكياس
الست / اهلا اهلا يا عبد العزيز اتفضل اتفضل
عبد العزيز يدخل
الست / يا ولاد تعالوا سلموا على خالو … ما بيسيبوش المدعوق اللى اسمه التليفون خالص
عبد العزيز / والله نفس اللى عندى طول الوقت خناق و قرف اخر ما ازهق اسحبه من ايدهم و اسيبهم كلهم يعيطوا
الست / شوفت ما سابوش المدعوق برده ثوانى … هعملك شاى … انت يا زفت منك ليه قوموا سلموا على خالكوا بدل ما والله
…………………..
فى سرايا الجوارحه
مغاورى داخل شايل اكياس كتير ماجده تقابله
ماجده / حمد الله على السلامه احضرلك تاكل
مغاورى/ تسلم ايدك انا هطلع اكل مع سماح … خدى
مغاورى يمد ايده فى الكيس و يديها شيكولاته
ماجده / ما انت عارف انى قاطعه الحلويات
مغاورى / يا بت هتختفى كلى دى من الغاليه اقولك كلى حته و ادى الباقي للعيال … امال هم فين صحيح الدنيا هو كدا تقلق
كوثر تدخل
كوثر / الله !!! انت جيت … نورت يا ابن اخويا
مغاورى / بنورك يا عمتى ازيك
مغاورى يمد ايده فى الكيس و يطلعلها شيكولاتايه
مغاورى / حلى بقك يا عمتى
كوثر / تسلم مجايبك … يا ولاد تعالوا شوفوا عمكوا مغاورى جايبلكوا حاجه حلوه
ماجده / عمتى ليكون مش عامل حسابه
مغاورى / لا عامل ما تقلقيش روحك
العيال يتلموا و مغاورى يوزع عليهم الشيكولاته و الحلويات ياخدوها و يجروا
كوثر/ اه يا قلالاه الادب كدا مفيش شكرا و لا اى حاجه ههههههههههههه عيال بقي
مغاورى / بكره يكبروا … يلا عن اذنكوا انا بقي و لا عاوزين منى حاجه
كوثر / الا ايه اللى فى ايدك ده
مغاورى / دى فضله خيرك ورقه لحمه كنت معدى على الجزار الصبح و ريحتها شدتنى خليته يعملى صينيه هبعتلك منها طبق
كوثر / و هى ست العرايس ما تعرفش تعملك واحده
مغاورى / بكره تتعلم عن اذنكوا
مغاورى يعديهم و يمشي
ماجده / ليه كدا يا عمتى
كوثر / هتركبه و تدلدل رجليها و بكره تقولى عمتى قالت
كوثر تمشي
ماجده / يا خوفى يقولوا خربتى عليهم يا عمتى
…………………
فى الهول عند الزنايته
الكل متجمع و حاطين التليفزيون و امين بيظبط حاجه
ناصر / ما تخلصنا يا ابنى و لا خلى غيرك يشغله
امين / خلاص يا كبير دقيقه بس
سليمان / موفى نايت يا كبير
ناصر / شجع الشباب يا ابو امين
سليمان / اللى تشوفه يا كبير
مختار و عباده يطلعوا من المكتب بيضحكوا
مختار / لا يا عم ما اتاخرناش اهو
عباده / انا عاوز فيلم رعب
مريم / لا كوميدي
عباده / بتخافى و لا ايه شغل يا عم حاجه رعب
هند تدخل شايله اطباق فشار و خديجه وراها يوزعوا الاطباق
هند / احنا اخترنا الفيلم خلاص
عباده / عشان خاطر شويه الفشار دول بس
الكل يقعد
ناصر / ما تشغل يا ابنى فليلتك دى
الفيلم يشتغل و امين يجرى يقعد وسطيهم
امين / اشتغل اهو سكوت بقي
ناصر / عملتلك موفى نايت اهو عشان ما تقوليش حارمك من حاجه
انتصار تضحك
مختار / مش هنخلص من عبد الله تطلعلنا انت ارحمونا بقي
عبد الله/ انا ساكت اهو
هند / شششششش مش سامعين حاجه
ناصر / انا ساكت يا ست الكل الكلاب دى اللى بتتكلم
الكل يضحك
……………….
فى اوضه مغاورى
سماح بتمسح بقها بمنديل و مغاورى لسه بياكل
سماح / بكره ادوق بتاعتى و تتاكد
مغاورى / تسلم ايدك مقدما
سماح / بس ما قولتليش قابلت عمتك اكيد استقبلتك استقبال حافل
مغاورى / دى غلبانه خدتلها شيكولاتايه فرحت بيها … بس ما تخافيش منابك محفوظ
سماح / تعيش و تجيبلى … صحيح كان فى موضوع عاوزه اكلمك فيه
مغاورى / خير
سماح/ انت عارف انى مش بروح المدرسه و المناهج صعبه و اللى هذاكره فى ساعه عشان افهمه الاستاذه هتلخصهولى فى خمس دقايق كدا اخلص مزاكرتى بدرى بدرى و افضالك الباقي
مغاورى / و ماله نشوفلك حد كويس
سماح / لسه هتشوف ما اللى بيدوا للبت مريم موجودين و عندهم مواعيد فاضيه
مغاورى / دا انتى كلمتيهم كمان
سماح / انا !! ابدا دى مريم اصلي اتصلت بيها كذا مره اسالها فى حاجات هعمل ايه يعني اقف يعني ما انا لازم اتصرف
مغاورى / و ماله
سماح / و بالنسبه للفلوس
مغاورى / دى اسهل حاجه ما تشغليش بالك بيها
سماح / تعيش يا قلبي يا سيد الكل بقولك ايه انا عملالك تارت بالنوتيلا هتاكل صوابعك وراه
مغاورى / هو كله اكل اكل امال هنحلى امتى
مغاورى يقرصها فى جنبها
سماح / الله مش اما تخلص اكلك
مغاورى / شبعت
سماح / بالسرعه دى … اكلتك مش عجبانى خالص يا راجل دا انت بتشقي
سماح تحطله حته لحمه فى بقه
سماح / بس لو شبعت خلاص ما تضغكش على نفسك … بقولك ايه ما تيجي اما اغسلك ايدك
مغاورى يبتسم
مغاورى / اجى
سماح تمسك ايد مغاورى و يدخلوا الحمام
………………….
فى هول الزنايته
الفيلم يخلص و امين يقوم يلم الحاجه و الكل يقف
مريم / والله كان فيلم حلو انبسطنا اوى
هند تيجي تقف تدوخ و تقعد تانى والكل يتخض عليها شيرى و انتصار يحاولوا يفوقوها
شيري / هند حبيبتي مالك
انتصار / انتوا هتقفوا تتفرجوا ما حد يكلم دكتور ولا تعملوا حاجه
هند تفوق بالراحه
هند/ انا كويسه كويسه دوخت شويه بس
فاطمه/ بشره خير عقبال الغمامان
هند تبص لفاطمه
هند / انا مش حامل … عن اذنكوا
هند تطلع فوق
مختار / عن اذنكوا
مختار يطلع وراها
ناصر / مش انا قولت مش عاوزين كلام تانى فى الموضوع ده
فاطمه / ما كانش قصدى … تتمسوا بالخير
فاطمه تطلع فوق و الكل بيبص لبعضه
………………..
فى مطبخ الجوارحه
سماح بتبل فراخ كوثر تدخل المطبخ
كوثر / ايه ده بنت العز قررت تتنازل و توسخ ايديها بالبصل
سماح / ان كان على البصل فشويه ميه يغسلوه الدور و الباقى على الحاجات التانيه اللى لما بتتوسخ ما بتنضفش
كوثر / و دى تطلع ايه دى بقى يا بنت الزنايته
سماح / مره تانيه ابقى انزلى بدرى شويه و انا اعرفهالك اصلى خلصت و يادوب اطلع احطها فوق فى التلاجه اسويها بكره
كوثر / طب و هى التلاجه هنا وحشه و لا هناكلها
سماح / الف هنا سى مغاورى يجبلى بدالها جاهز بس عشان ما اضطرش انزل بكره اخدها و نتقابل تانى و ترميلى كلمتين و اضطر ارد عليكي و تروحى تعيطي لابويا الحج
كوثر / بكره نشوف مين فينا اللى هيعيط اما رجعتك بيت امك و قفاكى يقمر عيش ما يبقاش شعرى على حرمه
سماح / يالهوى … دا انا اتاخرت اوى زمان مغاورى استعوقنى اصله ما بيقدرش على بعادى عن اذنك يا عمتى
سماح تشيل الصينيه و تروح ناحيه الباب
كوثر / مش كانت مريم وافقت و ريحتنا كلنا يلا ملناش بخت
سماح تقف و تبتسم و تبصلها
سماح / معاكى حق فى دى اصل مريم ما كانتش هترد عليكي بلسانها عشان ما بتعرفش ترد بس كانت هتجرى تعيط لابوها و امها و عمها و مش محتاجه اكمل انتى عارفه الباقى
كوثر / مش عشان ما بتعرفش ترد عشان متربيه
سماح / تصدقى يا عمتى معاكى حق انتى الكلام معاكى بيقل من الواحد نشوفلك رد تانى
سماح ترفع ايد و توقع الصينيه على جنبها و هى بتصرخ
سماح / كدا نعمه ربنا
كوثر / ههههههههههههههه ياما عملناها قبلك ما حدش هيصدقك
سماح تبتسم و تنزل على وشها بالاقلام و هى بتصرخ
سماح / اللحقنى يا مغاورى اللحقونى يا عالم
كوثر / يا بنت المجنونه
كوثر تحاول تمنع سماح و تمسك ايديها اهل البيت يدخلوا كوثر تسيب سماح سماح تجرى على اوضتها و هى بتعيط
كوثر / شوفتوا لقمها شوفتوا اللى كنت بقول عليه شوفتوا تربيه الزنايته
ام مغاورى / يا شيخه اتقى الله اتقى الله فينا قبل البت انتى عاوزه تولعيها حريقه
كوثر / انا ما لمستهاش هى اللى حدفت الصينيه و ضربت روحها
ام مغاورى / ليه مجنونه و بعدين انتى داخله المطبخ ليه انتى مش قولتى هتطلعى تنامى و لا لما عرفتى ان سماح دخلت المطبخ قولتى تدخلى تتسلى عليها انا مش عارفه هلاقيها منين و لا منين بس يا ربى
كوثر / والله ما بكدب والله هى اللى عملت كدا مكايده فيا بنت فاطمه و كلنا عارفين ربايتها
ام مغاورى / اسكتى بقى اسكتى
كوثر عنيها توسع
ام مغاورى / ما تجيبيش سيرتها على لسانك كفاياكى غلط بقى و فوقى لروحك هتروحى من ربنا فين
كوثر / والله
ام مغاورى / ما تحلفيش بالله دا احنا شايفينك بعنينا
مغاورى يدخل الكل يسكت
كوثر / والله كدابه يا ابنى والله العظيم هى اللى ضربت نفسها
مغاورى / دى خناقه حريم ما ليش دخل بيها بس انا جاى ابلغك يا عمتى انى زى ما غمضت عيني عن اللى حصل النهرده هغمضها على اى حاجه تانيه هتحصل بينكوا يعنى تعملى حسابك ما تجيش تشتكيلى من سماح عشان هقولك حريم فى بعضيكوا تصطفوا
كوثر / يعنى ايه هتسيبها تمد ايدها عليا و تسكت يا ابن اخويا
مغاورى / حريم فى بعضيكوا تصبحوا على خير
مغاورى يمشى يعدى من جنب شاهين
مغاورى / انا صبرى نفد انا مش هقضى عمرى فى مداديه البت عداها العيب لحد النهرده ما فتحتش بقها بحرف لاهلها على عمايل عمتى لو القرف ده طلع بره السرايا مش هنعرف نرفع راسنا اصل الناس ما لهاش دعوه ان عمتى عقلها راح مع عباس
كوثر تدخل
كوثر / اخرس يا عديم الربايه يا دلدول قال و انا اللى كنت فكراك راجل
مغاورى / انا مش هرد عليكي اصلى راجل غصب عن الكل
كوثر / انت هتسكتله يا شاهين مش شايف قله ادبه
شاهين / ربيه
كوثر تبص لشاهين
شاهين / ما سبتيش حد ما غلطتيش فيه ما سبتليش عين اتكلم بيها ما بلحقش افوق من مشاكلك و خناقاتك ان كانت ماجده مستحملاكى مش معناه ان غيرها مجبر يستحملك و لسه ما وصلتيش لارزل العمر عشان ناخدك على قد عقلك اتكلمت مره و اتنين و عشره مفيش فايده مفكره سكوتنا عليكي ضعف و بتزيدي فيها انتى اللى صممتى نعجل بالفرح كنتى فاكره هتجيبى البت هنا تحت رجلك بس احنا بنتنا عندهم يا ام عباس احنا مش قلالاه الاصل عشان نهين بنت اللى كرموا بنتنا يا اختى
كوثر / انت بتقف مع بنت الزنايته قصادى هانت عليك اختك يا شاهين
شاهين / انتى اللى بتجبرينى على كدا انتى اللى سديتي فى وشى كل البيبان اعملك ايه
كوثر / نفس الكلام اللى كنت بتبرر بيه قسوتك على ابنى و جلدك ليه اجلدنى يا شاهين روح هات الكرباك و قطع فى لحمى بايدك زى ما قطعته بلسانك يا ابن ابويا و امى اكسرنى قدام بنت الكلب دى اجلدنى
شاهين / هيحصل
كوثر تتفاجئ و تعيط
شاهين / لو جبتى سيره ابوها او امها بالغلط تانى قسما بالله
كوثر / ما تكملش ما تركبش روحك الغلط اكتر من كدا بكره ربنا ياخدنى و يريحكوا منى بس ساعتها هختصمكوا قدام ربنا هشهده عليكوا هقوله نصفوها عليا و هى كدابه جم فى صفها و كسرونى ربنا ياخدنى عشان ترتاحوا
شاهين / بعد الشر عنك يا اختى اطلعى اوضتك
شاهين يحاول يطبطب على كوثر تبعد عنه
كوثر / ما تحطش ايدك عليا … تعرف انا مش هستنى الموت انا سيبالك البيت و ماشيه اشبع بيها … يلا يا ماجده
شاهين / على فين ان شاء الله
كوثر / هاخد مراه ابنى و احفادى و هنغور فى ستين داهيه بعيد عنك
شاهين / هتمشى امشى بطولك انما بنتى و احفادى مش خارجين من هنا
كوثر تبص لشاهين و هى مصدومه
…………………
فى البيت العادى
باب الشقه يتفتح و راجل يدخل شايل حاجات
الراجل / السلام عليكم
الست تقوم من قدام التليفزيون
الست / حمد الله على السلامه اتأخرت كدا ليه
الراجل / الدنيا زحمه موت و الناس فوق بعضها
الست / طب ادخل اتشطف و غير هدومك على ما اسخنلك الغدى
الراجل يدخل الاوضه و الست تشيل الاكياس و تروح ناحيه المطبخ و هى بتتكلم بصوت عالى مع جوزها
الست / مش عبد العزيز كان هنا من شويه لو كنت جيت بدرى شويه كنت لحقته
الراجل / يعني ما قدرتيش تخليه يستنى
الست تدخل المطبخ تلاقي العيال نايمين فى الارض و حواليهم ورق حلويات كتير تصرخ
…………………..
فى اوضه كوثر
كوثر بتعبى الهدوم فى شنطتها
ماجده / يعني هتفرق ايه انك تستنى للصبح من انك تمشي دلوقت
كوثر / يا تلمى حاجتك و حاجه عيالك وتيجي معايا يا ما لكيش كلام معايا من اصله
ماجده / هو بمزاجى يا اكسر كلام ابويا يا مليش كلام معاكى ما تدخلونيش فى مشاكلكوا
كوثر / هى بنت الكلب دى اللى جت و جابت الغم فى رجليها قولتلك هتركب و تدلدل رجليها قولتلك امشى بكرامتك بدل ما بكره تخليهم يطردوكى طرده الكلاب
ماجده / ما حدش يقدر يطردك يا عمتى دا بيتك و انتى اللى قررتى تمشي
كوثر / بقولك ايه يا بت ما تنقطنيش نقطيني بسكاتك
ماجده / يعني انتى لو قعدتى حد هيقدر يكلمك و يقولك ما مشيتيش ليه
كوثر / انا ما ليش قعاد مع البت دى فى مكان واحد
ماجده / طب خليني معاكى للاخر هى وحشه و كدابه و لقيمه تقومى تسبيلها الجمل بما حمل
كوثر / اللى يشيل قربه مخرومه يتحمل انا مالى
ماجده / طب بصي خليكي و انا هروح اجبهالك تراضيكي
كوثر / و هى الرجاله ..ههه … هترضاها لها ان شاء الله
ماجده / لو ما جتش امشي خليني احاول
كوثر / قدامك لحد ما اخلص لم حاجتى
ماجده / الله المستعان
ماجده تسيب الاوضه و تمشي
……………….
فى اوضه مغاورى
مغاورى واقف فى البلكونه و باين عليه الضيق سماح تدخل
سماح / انت زعلان منى
مغاورى ساكت سماح تدخل جنبه
سماح / لو تحب اروح استرضاها هروح لو ده هيبسطك هروح
مغاورى / خشي يا سماح شوفيلك كلمتين زاكريهم و لا فيلم و لا اعمليلك اى حاجه
سماح / انا مش هقدر اسيبك مضايق والله العظيم
مغاورى / سماح … انا مش قادر
سماح / الحاجات بتحصل فاكر هند و امى ياما اتخانقوا و انا صغيره كانت امى و ام فاتن علاطول ناقر و نقير هو انت يعني ما بتشدش مع عباده و مختار
مغاورى / دى غير دى
سماح / البيوت ياما بيحصل فيها و انا مقدره ظروفها و بعدين يا سيدى هبقي انزل لما الكل ينام و لا هبقي اجيب الخزين و احطه هنا و اطبخ هنا و خلاص و لا شوف انت ايه يرضيك و انا اعمله و ان كان على اللى حصل النهرده كانه ما حصلش و ما دام ما حدش من عندكوا هيقول وعد منى قدام ربنا انا نش هفتح بقي خالص
مغاورى/ هى المشكله انه يتعرف المشكله انه حصل يا سماح
سماح / و انتوا جبتولى حقى و زياده هتعملوا اكتر من كدا ايه يعني هتموتوها
مغاورى يبص قدامه
سماح / اى كان اللى يرضيك والله انا مستعده اعمله انا ما اقدرش اشوفك مضايق كدا
مغاورى / الدنيا برد يا سماح خشي ادفى جوه
سماح / برد عليا و عليك ندخل سوا يا نعيا سوا باب الاوضه يخبط
سماح / هروح اشوف مين
مغاورى/ لا انا اللى هروح
مغاورى يروح و سماح تبص من ورا باب اوضتها مغاورى يفتح الباب يلاقى ماجده
ماجده / كنتوا نمتوا ؟
مغاورى / لا صاحيين
ماجده/ سماح فين خليني اتكلم معاها عمتك لمت حاجتها و مصره تمشي
مغاورى / انا مش ناوى اصغر اكتر من كدا كفايا بقي انا على شعره انى اللم حاجتى و امشي انا
ماجده/ طب انا هكلمها و هى تختار خلينا نلم الليله و لو اتكررت تانى
مغاورى/ و هو هيبقي فى تانى يا ماجده
ماجده / بالله عليك يا شيخ هتروح هى فين بس السعادى ما تخليهاش تتبهدل على كبر اعمل خاطر لعضم التربه يا خويا عشان خاطرى
مغاورى يبص على سماح
مغاورى / كلمه كمان و مش هسكت و لا هعمل اعتبار لا لعمتى و لا لغيره
ماجده / سماح عاقله و هتلم الليله و بعدين دى قد امها و يمكن اكبر … سماح بنت اصول و متربيه عشان خاطرى يا مغاورى عشان خاطرى الدنيا ليل و برد و انت عارف دماغ عمتك عشان خاطرى
مغاورى / خشيلها
ماجده تدخل سماح تطلع من جوه
ماجده / انا عارفه انها غلطت بس دى
سماح / انا لسه والله بقوله اروح اراضيها حتى اساليه
ماجده / و ليكي عليا يا ستى انا هعملك الاكل و اطلعهولك بنفسي و مش هخليكي تحتكى بيها خالص
سماح / من غير حاجه والله يا ماجده انا لو عليا مش اتاخرش عنكوا بس على يدك هى اللى مش سيبانى فى حالى
ماجده/ معزوره برده ابنها الوحيد راح منها نستحلها دى مهما كانت ست كبيره برده
سماح / والله ما اتكلمت و الله اساليه قولتله اروحلها
ماجده / يبقي محلوله اهو الحمد لله نروح نطيب خاطرها بكلمتين و نخلص الموضوع قولت ايه يا مغاورى
مغاورى / اللى سماح عوزاه انا قولت لعمتى مش هدخل بين الحريم
سماح / كانها امى و بتادبنى مع ان امى عمرها ما عملتها و لا كانت تسمح لحد يعملها بس ماشي هاجى معاكى يا ماجده بس ثوانى هجيب الطرحه عشان لو حد قابلنا بره
سماح تدخل جوه و مغاورى يقعد على الكنبه ماجده تقعد جنبه
ماجده / ياما بيحصل دلوقت يتصافوا
مغاورى / انتى مصدقه الكلام ده
ماجده / مهى اكيد سماح كمان يعني مش ملاك يمكن قالتلها حاجه عصبتها
مغاورى/ و ما قالتش عمتك ليه الكلام ده بدل الجنان اللى قالته
سماح تطلع و هى بتلف الطرحه
سماح / يلا يا ماجده انا جايه معاكى
ماجده تقوم و تمشي مع سماح و مغاورى يتنهد و يروح وراهم
………………..
فى المستشفى
الست رايحه جايه و جوزها قاعد بيقرا قران
الست / جيب العواقب سليمة يارب .. يارب دا انا ماليش غيرهم يارب
عبد العزيز يدخل بيجرى
عبد العزيز / خير فى ايه مالهم العيال
الراجل / تسمم اكلوا علبه الكيكه اللى انت جايبها كدا
عبد العزيز / انت بتقول ايه
الست / انا واكله معاهم منها اول ما انت نزلت و بعدين حطيت الباقي فى المطبخ دخلوا اتسلوا عليهم دخلت لقيتهم واقعين فى المطبخ
عبد العزيز / دا انا بصيت على تاريخ الصلاحية بنفسي و جايبها من سوبر ماركت كبير يعنى ما كانتش فى الشمس و لا حاجه دا انا جايبها من الغاليه
الراجل/ حسبي الله و نعم الوكيل ما عدش فى ضمير خالص
عبد العزيز / بس انا والله ما هسكت دا انا هوديهم فى ستين داهيه دا انا هطلع عينهم
الست / نطمن على العيال و بعدين اعملوا اللى انتوا عاوزينه
الراجل / ان شاء الله خير اقعدى انتى بس و اهدى لو ضغطك على مش وقتك خالص
الست / انا هاديه اهه سبني انت بس فى حالى
………………….
فى اوضه كوثر
كوثر بتقفل سوسته الشنطه الباب يخبط و ماجده و سماح يدخلوا
ماجده / سماح جايه تراضيكي و تبوس راسك يا عمتى
كوثر / لا والله فيها الخير
سماح / على فين يا عمتى بقي معقول يعني تسيبي بيتك اللى عشتى و كبرتي فيه و تمشي بالبساطه دى
كوثر / الشياطين والملايكه ما بيقعدوش فى حته واحده
ماجده / البت جايه تراضيكي يا عمتى لمى اليوم بقي خلي المركب تمشي
سماح / سبيها تقول اللى هى عوزاه انا ما بزعلش منها دى برضه ست كبيره و على راسنا
كوثر / لا يا شيخه
مغاورى يدخل
مغاورى / ما خلاص بقي يا عمتى جاتلك لحد عندك عاوزه ايه تانى
سماح / و ابوس راسها كمان
سماح تروح تحاول تبوس راس كوثر كوثر تزقها
كوثر / انتى عاوزه تجنينينى يا بت انتى و لا ايه انتى هتعمليهم عليا تضربى روحك تحت و تبوسي راسي هنا
سماح / و انا مش هكسر كلامك انا اللى ضربت روحى و انا اللى دلقت الصينيه و انا اللى كلت الجبنه كمان المهم ما تزعليش
كوثر / اطلعى بره يا بنت الكلب انتى
سماح / الكلب ده يبقي سيدك و لو كان عايش ما كنتيش هتعرفى ترفعى عينك فيا انتى فاهمه و لا لا
ماجده تتفاجى
مغاورى / سماح
سماح / تغلط فيا ماشي تضربنى اعديها انما ابويا لا انت فاهم ابويا دا سيد الكل انت فاهم و لا لا
سماح تسيبهم و تمشي
كوثر / والله و جه علينا الزمن اللى يترفع فيه صوت الحريم على رجاله الجوارحه
مغاورى / جه يا عمتى كان فى نفس اليوم اللى حريم الجوارحه يركبوا رجالتها الغلط
مغاورى يمشي
كوثر / طبعا انتى ما شوفتيش حاجه مش كدا
ماجده / تصبحى على خير يا عمتى
ماجده تسيب كوثر و تمشي
………………….
فى اوضه مغاورى
سماح بتقلب فى الدولاب بتدور على حاجه بعصبيه
مغاورى / بتدورى على ايه طيب اساعدك
سماح / انا متاكده ان امى جيبالى برنص فوشيا مش لقياه
مغاورى / و هو ضرورى يعني الفوشيا ده ماله الابيض و لا السماوى اقولك خدى بتاعى يا ستى
سماح تبصله
مغاورى / بالراحه علينا طيب لحسن بخاف
سماح / انا مش طايقه نفسي لو سمحت يا مغاورى
مغاورى / حقك ما اتكلمناش بس البرنص الفوشيا ده هيهديكي ازاى يعني مش فاهم
سماح / هستحمى
مغاورى يقرب من الدولاب و يمد ايده يسحب البرنص الفوشيا من فوق راس سماح بالظبط
مغاورى / هو ده البتاع اللى بتدورى عليه
سماح / ايوه هو
سماح تاخده و تروح ناحيه الحمام و تبص لمغاورى و ترد بعصبيه
سماح / شكرا
مغاورى / دا انتى لو بتشتميني مش هتقوليها كدا
سماح / انا ما اقدرش اشتمك انا متربيه
سماح تدخل الحمام و ترزع الباب
مغاورى / طب و الباب ذنبه ايه طيب
سماح تفتح الباب و تطلع
سماح / اللى قدرت عليه بقي مش أحسن ما أطق
مغاورى / بعد الشر
سماح / بقي بعد العمر دا كله يتقال على ابويا كلب
مغاورى/ ابوكى سيد الرجاله
سماح / قول لعمتك … مجنونه ودوها السرايا الصفره ما تطليقوهاش على الخلق
مغاورى/ سماح … عيب الكلام ده
سماح/ سماح بس اللى بيتقالها عيب مش كدا
مغاورى / و للكل قولتها لعمتى كمان بس انا فى ايدي ايه دى عمتى
سماح / و دا ابويا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
