رواية البر التاني الفصل السادس والثلاثون 36 بقلم لولو محمد
رواية البر التاني الجزء السادس والثلاثون
رواية البر التاني البارت السادس والثلاثون
رواية البر التاني الحلقة السادسة والثلاثون
مغاورى / شافوا فيه ايه يعنى زياده عنى
شاهين / النصيب طب ما اختك رفضت رجاله كبارات كتير فى البلد منهم استاذها فى الجامعه و وافقت على عباده
مغاورى / و هو عباده شويه يا ابويا انما عبد الله ده حيلته ايه دا عايش مع امه فى حق ايجار
شاهين / لا اله الا الله مش هنخلص بقى من السيره دى بقولك ايه شوفلك عروسه تانيه البت اتخطبت خلاص و ما عادش يصح يبقى عينك فيها بعد النهرده
مغاورى / ما عادتش تلزمنى من زمان و ان كانوا جم يحبوا على رجلى عشان اخدها ما كنتش قبلت بيها بس مش هى اللى قهرانى يا ابويا
شاهين / ما عاش و لا كان اللى يقهرك مش مغاورى الجارحى اللى يتقهر على حاجه تافهه زى دى ركز و احفظ مقامك هى اللى خسرتك مش انت اللى خسرتها و بعدين تاخد عبد الله و لا تاخد غيره مش هيفرق عشان اى كان اللى هتاخده هيكون اقل منك
مغاورى يبص الناحيه التانيه و هو مضايق تليفونه يرن رقم غريب
شاهين / انا هروح اشوف اللى ورايا و انت شوف مين عاوزك اشوفك بالليل
مغاورى / تيجي بالسلامه يا سيد الناس
شاهين يمشي و مغاورى يرد
مغاورى / السلام عليكم
فيرا / قالولى انك بتدور عليا
…………………..
فى الجنينه الورانيه فى سرايا الزنايته
ياسمينا قاعده مع بنتين كمان على المرجيحه و مريم بتمرجحهم من ناحيه و عبد الله من الناحيه التانيه و فى عيال كتير بتتزحلق و تجرى فى المكان
مريم / بس انا ما عنديش مشكله اسكن مع مامتك يعنى
عبد الله / على الاقل هاخد شقه اكبر شويه
مريم / من هنا لوقتها يحلها حلال
عبد الله / انتى علمى علوم صح
مريم / ايوه انا نفسى ابقى دكتوره اطفال اوى
عبد الله / انا نفسى ابقى دكتور قلب
مريم / زى مجدى يعقوب
عبد الله / ايوه بس بصراحه انا نفسى ابقى دكتور قلب عشان بابا الله يرحمه
مريم / الله يرحمه انا امى مش عوزانى ابقى دكتوره بتقولى الصيدله حلوه اصل عمى مختار بيقول لو بقيت دكتوره هيبقى فى نبطشيات و احتمال ابات فى المستشفى و ان صيدله و لا اسنان احسن بس انا ما بحبش الاسنان دى
عبد الله / افرضى تنسيقك ما جابش غيره
مريم / هدخل علوم كميا حيويه و افتح معمل تحاليل
عبد الله / دا انتى مخططه لكل حاجه بقى
مريم / اصل عمى مختار مهتم اوى بالموضوع ده بيقول انى ذكيه و شاطره و لو ركزت شويه هبقى احسن واحده فى الدنيا
عبد الله / انا كمان شايف كدا على فكره … انتى هتروحى معاهم بكره تباركى لخديجه ؟
مريم / انت مش هتيجى ؟
عبد الله / لا مش هروح ماما هتروح لكن انا لا اصل الموضوع ما يخصنيش
مريم / ما يصحش المفروض تروح و المفروض اى مناسبه تحصل فى البلد تخصك و لا ما تخصكش تروح و تعمل الواجب عشان الناس تحبك و لما يبقالك مناسبه يجوا يوجبوا معاك
عبد الله / مش عارف هعرف اعمل كدا و لا لا انا مش متعود على كدا فى مصر كل واحد فى حاله
مريم / عارفه بس انت هنا مش فى مصر و بعدين ما تنساش انت دلوقت واحد مننا و بيتهيالى المفروض تتصرف زينا دا لو مش هيضايقك
عبد الله / لا طبعا دا يشرفنى على فكره انا بحب عيلتكوا اوى كل فرد فيها حتى العيال الصغيره العفاريت دول بحبهم
مريم / انت كنت ازاى و انت صغير
عبد الله / انا كنت مصيبه متحركه
مريم تبتسم
عبد الله / و انتى
مريم / لا انا كنت غلبانه بصراحه ما كان ما تحطنى تلاقيني
عبد الله / تفتكرى مختار هيقر بالكلام ده و لا هيبقاله راى تانى
مريم / هتطقس ورايا ؟ مفيش ثقه خالص كدا ؟
عبد الله / اصلى ما بقتنعش ان فى عيال هاديه بصراحه كل العيال اللى قابلتهم فى حياتى كانوا مجرمين يا سهنات … داهيه لتكونى سهنه
مريم / ابدا والله حتى اسال عمى
مختار و هند يدخلوا
مختار / يسالنى فى ايه ؟
مريم / حقه انا كنت سهنه و انا صغيره ؟
مختار / مين ؟ دى !! دى من يومها هبله و مسكوها طبله
مريم / انتوا مش هتروحوا تجيبوا هديه لخديجه معاهم
هند / هنروح بكره على رواقه
مريم / طب ما تديها الساعه اياها
هند / هديهالها برده بس دى غير دى
عبد الله / مريم بتقول المفروض اجى معاكوا
مختار / لو تحب
عبد الله / و انا المفروض اجيب ايه معايا و انا رايح
مختار / زى ما عملوا معاك انت مش مغاورى نقطك بفلوس
عبد الله / اه
مختار / خلاص تردهاله فى اخته بس تديها لمغاورى مش لخديجه ما تفضحناش
عبد الله / و انا هشوف خديجه فين انت كمان
مختار / ههههههههههههههه
عيل يدخل
العيل / هى المرجيحه دى للبنات بس و لا ايه انا عاوز اركب شويه انا كمان
……………………….
عند مغاورى
مغاورى / هههههههههههههههههههه و انتى سالتى عنى قبل ما تقوليلى الكلام الخايب ده
فيرا / و انا لو ما كنتش سالت كويس كنت كلمتك انا مش عارفه ازاى خبوك عنى الفتره دى كلها
مغاورى / خبونى عنك و لا ما لقتيش سكه مع مختار افتكرتى انك هتقدرى عليا
فيرا / هههههههههههههههههه دمك خفيف زيه
مغاورى / الله يحفظك بس انتى بتضيعي وقتك انا سكه مسدوده
فيرا / امال ليه اتكلمت معايا كل ده و ما قفلتش السكه على العموم انت كنت بتدور على عنوانى و اهو بقى معاك شوف كنت بتدور عليه ليه و نفذ
مغاورى / لمى حاجتك و ارجعى بلدك على رجلك ما دام قادره
فيرا / اخص عليك طب دا حتى المصرين اهل كرم و شهامه و انت بتطردنى
مغاورى / احنا برده لينا وش تانى و احنا مش عاوزينك هنا
فيرا / مين بالظبط اللى مش عاوزنى انت و لا الزنايته
مغاورى / احنا هنا واحد
فيرا / هههههههههههههههههههههه متاكد ؟
مغاورى / شكلك فاضيه
فيرا / و انت كمان فاضى بتعمل ايه يعنى واقف قدام الجزارين و هم بيقطعوا اللحمه امال الزنايته مش واقفين معاك ليه مش كنت بتروح تقف معاهم فى مناسباتهم
مغاورى / انتى بتحاولى تعملى ايه
فيرا / ما تخليهمش يستغلوك وقت ما يجيلهم مزاجهم وقت الجد عمرهم ما بيختاروك كام مره فضلوا عبد الله عليك
مغاورى / كملى كملى بدات استمتع بالحوار
فيرا / ههههههههههههههههه صدقنى هتستمتع اكتر لو اتكلمنا وش لوش
مغاورى / ما ليش فى العتاقى
فيرا / اخص عليك دى مش كلمه تقولها لواحده ست
مغاورى / و انتى ست ؟
فيرا / فكر فى كلامى يا مغاورى و افتكر لما رفعوا السلاح فى وشك عشان حته عيل غريب عنهم … فى ثانيه نسيو كل اللى عشتوه سوا نسيتو كام مره وقفت جنبهم و كام مره دافعت عنهم
مغاورى / الجزارين خلصوا ياريت تكونى خلصتى
فيرا / خلصت فكر فى كلامى و انت عارف عنوانى و صدقنى انا كدا كدا هوصل للى عوزاه مصلحتك تبقى فى الكفه الكسبانه
مغاورى / ههههههههههههههههه هفكر
فيرا / سلام
مغاورى يقفل و يفكر و هو مبتسم
………………….
بعد يومين فى فيلا فيرا
البوابه تتفتح و يدخل مغاورى و يعدى بين الحراس كانه استعراض عسكرى يسوق و هو مبتسم لحد ما يوصل للفيلا راجل بدى بيلدنج يفتح باب العربيه و يشاوراله مع انحنائه احترام على الباب مغاورى يتحرك بثقه و قبل ما يوصل للباب بنت جميله تفتحله و تشاورله يدخل يمشي وراها لحد مكتب و تفتح الباب يشوف فيرا قاعده على مكتب تقوم ترحب بيه
فيرا / اهلا اهلا مسيو مغاورى السرايا نورت
مغاورى / اهلا بيكي
فيرا / اتفضل … تشرب ايه ؟
مغاورى يقعد
مغاورى / ملوش لزوم التعب انا مش هطول
فيرا / انت صعيدي يا مسيو مغاورى و عارف ان لازم الضيف يشرب حاجه
مغاورى / انا صعيدي انما انتى لا فخليكي زى الاجانب و خشي فى الموضوع علاطول
فيرا / اتنين لمون بسرعه
البنت تمشي و تقفل الباب وراها
فيرا / نورتنى مستر مغاورى
مغاورى / هنقضيها سلامات ما تلخصى فى الدور
فيرا / انت طبعا عارفنى و عارف علاقتى بالزنايته
مغاورى / عارف
فيرا / انا ست صاحبه مبدء يا مسيو مغاورى و مبدئي اللى مش معايا عليا
مغاورى / لتكونى بتهدديني
فيرا / و انت تتهدد برده مسيو مغاورى دا انت حتى جايلى لوحدك
مغاورى / كويس انك واخده بالك
فيرا / انا بتكلم عن عيله الزيني يا مسيو مغاورى و خصوصا مختار
مغاورى / بس كدا مبدئك هيتعبك اوى … الزنايته مش لقمه مغمسه دول لحمهم مر و نابهم ازرق
فيرا / و عشان كدا بتشتغل تحت جناحهم
مغاورى يقوم يقف
مغاورى / انا ما بشتغلش تحت جناح حد و احفظى لسانك يا حرمه و شوفى انتى بتقولى ايه
فيرا / سورى سورى مسيو مغاورى صدقنى بس فهمنى انت مع ان الجوارحه عيله كبيره جدا و مع كدا الزنايته كبارات البلد
مغاورى / لما تبقي مننا هتفهمى سلونا
فيرا / عباده هيتجوز خديجه و كلها كام سنه و يبقي كبير الزنايته و ياعالم بعدها بكام سنه الحج شاهين تعيش انت تفتكر وقتها مين هيبقي الكبير
مغاورى / مش بقولك مش مننا ما بتتحسبش كدا
فيرا / عباده طماع علاقته بمختار كانت متوتره جدا خلته يسافر يدرس فى مصر و رجالتى شافوهم و هم بيتعاملوا فى العمليه اياها ما كانوش طايقين بعض
مغاورى / مصارين البطن بتتعارك بس برده الدم عمره ما يبقي ميه
فيرا / كان هيبقي لولا شرط هند عباده عاوز يبقي الكبير عباده ما بلعش مختار الا لما اتجوز هند
مغاورى / عباده جوز اختى و فى بينا دم
فيرا / تفتكر لو عباده ما خالفش توقعاتى و طمع و وقف قصادك خديجه … هتختار مين ؟ … اخوها و لا … جوزها ؟
مغاورى / انتى ما تعرفيش حاجه عننا
فيرا / لا مختار و لا عباده نسيو انك ضربت مختار فى ضهره مع ان عدى عليها سنين كتير و لا نسيو خناقاتك اللى ما بتخلصش مع مختار
مغاورى / ان غلطت مره فدا مش معناه انى مجبر اكررها و ان كنت ضربته فى ضهره مره فدا مش معناه انى مش ندمان عليها
فيرا / هتسلملهم ضهرك يعني
مغاورى / لو عباده و مختار اتفقوا عليا حقهم مش هلومهم اصل انا و اخويا على ابن عمى انما انى اتفق معاكى عليهم فدا مستحيل اصل برده انا و ابن عمى على الغريب
فيرا / افتكر مبدئي قبل ما تاخد قرارك
مغاورى / و انا قدامك اهو لوحدى وسط رجالتك طلقه بتلاته ابيض تطير دماغى بس السؤال هنا … تتجرائي تضربيها
فيرا / فى بيتي يا مسيو مغاورى !!! انا عمرى مع اغدر بضيفي ابدا
مغاورى / و ادينى خارج
الباب يتفتح و البنت تدخل شايله صينيه عليها كاسين
مغاورى / اشربيه انتى يا عروسه انا ماشي
مغاورى يطلع بره و يروح يركب العربيه و يمشي فيرا تطلع من الفيلا تتابعه و هو بيمشي و هى مبتسمه
…………………………
فى سرايا الجوارحه
شاهين / و انت تضمن منين انها لسه هناك و لا ان الفيلا ما فيهاش خندق تستخدبا فيه
مغاورى يفرد صوره الفيلا من القمر الصناعى مطبوعه على لوحه كبيره
مغاورى / دى صوره الفيلا من القمر الصناعى انا مش هضرب الفيلا نفسها انا هضرب ابراج الحراسه اللى على الصور و ندخل ننضف الفيلا كلها
شاهين / يا ابنى افهم دى حرب اللى انت ناوى عليه ده حرب و طول ما انت مش عارف الحرب دى هتخلص على ايه يبقي ما تكونش انت البادى
مغاورى / الوليه بتهددنى يا بويا
شاهين / بقالها شهور بتهدد مختار ما عملتش حاجه
مغاورى / و انا مش هسكتلها زى مختار انا هرد عليها و اوقفها عند حدها
شاهين / كلمت الزنايته ؟
مغاورى / انا قدها بطولى
شاهين / ما قولناش لا بس هى عدوتهم قبل ما تبقي عدوتك و مش هيخسر انهم يساعدوك
مغاورى / الزنايته غرقانين فى افراحهم مش فايقين لحاجه زى دى هيخافوا
شاهين / تبقي عملت اللى عليك روحلهم كلمهم
مغاورى / و اروحلهم ليه انا هناديهم يجولى هنا
شاهين يبص لمغاورى و يتنهد و يبص الناحيه التانيه
مغاورى / لو مش هتعوز منى حاجه يا ابويا هستاذنك اشوف اللى ورايا
شاهين / اتفضل
مغاورى يقوم و شاهين بيبص على الصوره
شاهين / ربنا يهديك يا ابنى
…………………..
فى البلد
اتنين رجاله بيفرشوا صيدليه عربيه عباده تركن قدامها و ينزل يدخل
عباده / صباح الخير يا رجاله … الله ينور
راجل ١ / بنورك يا عباده بيه
عباده / هتفتحوا امتى ان شاء الله
راجل ١ / بكره باذن الله
عباده / مش ناقصكوا اى حاجه
راجل ٢ / تسلم يا عباده بيه الكبير قام بالواجب و زياده والله من غيره كان زمانا لسه بنلف شهور على التراخيص و شركات الادويه و المحلات
عباده / ما تقولش كدا يا راجل دا واجب علينا
راجل ١ / اتفضل اشرب حاجه
عباده / لا بكره بقي نشرب الشربات و الساقع فى الافتتاح مش عاوز اعطلكوا تليفونى معاكوا لو احتاجتوا اى حاجه كلمونى
راجل ٢ / اكيد يا عباده بيه طبعا
عباده / فتكوا بعافيه يلا بالاذن
عباده يمشي و الراجلين يبصوا لبعض
……………………
فى الشونه
الرجاله بتحمل بضاعه مختار يركن العربيه و ينزل
مختار / الله ينور يا رجاله
عبد الله / نورك يا برنس ايه النظام
مختار / عاوزك
عبد الله / حبيبي .. ثوانى يا رجاله
مختار ياخد عبد الله فى جنب
مختار / خالتى قالت لهند بتدور على حضانه لياسمينا
عبد الله / اه سالت الجيران و الناس قالوا مفيش فى البلد او فى بس مش المستوى اللى بندور عليه
مختار / طب ايه رايك لو بقي فى و خالتى تمسكها و تجيب كام مدرسه شاطره و تظبط الدنيا
عبد الله / دلوقت !!!
مختار / هشاركوا انا بالتكاليف و هى بالاداره ايه رايك
عبد الله / مش عارف .. هقولها و هى تشوف النظام
مختار / خلاص اتفقنا انت كلمها على ما انا ارتب المكان و الدنيا
عبد الله / مختار
مختار / نعمين
عبد الله / ايه رايك هند تنزل مع ماما الحضانه
مختار / ما عنديش مانع يظبطوا سوا … انا همشي عشان ورايا كام مشوار كدا فى السريع بس قولت ما دام فى طريقي اقولك على الحوار
عبد الله / ما نتحرمش
مختار يبتسم و يروح يركب العربيه و يمشي عبد الله يرجع الشونه
عبد الله / الهمه يا رجاله عاوزين نخلص قبل الشمس ما تغيب
………………
فى السرايا
عباده واقف فى الجنينه بيتكلم فى التليفون
عباده / حتى لو ما قولتلوش ان انتى اللى قولتيلى هيعرف اصل هيكون مين يعني
خديجه / يعنى انا الغلطانه انى قولتلك
عباده / والله ما عارف اقولك ايه
خديجه / انا قولتلك عشان خايفه عليك و عليه
عباده / و انا يعني مش خايف عليه بس هنعمل ايه فى دماغه اللى ما حدش عارف فيها ايه
خديجه / اللى سمعته عن الست دى انها خطره و بايعه اهلها اللى توقف ابويا عن الشغل الفتره دى كلها
عباده / ما كانتش هى يا خديجه احنا كنا مهدين اللعب عشان الحكومه كانت مشدده الحراسات عشان تمسكها
خديجه / و ما عرفتش .. و انا متاكده اننا لو بلغنا الحكومه عن مكانها مش هيلاقوا حاجه او هيقولوا لازم تتمسك تلبس
عباده / احنا ما بنفكرش ندخل الحكومه كنا ناويين نخلص من بره بره
خديجه / خطر يا عباده لو خلصتوا منها مش هتخلصوا من الحكومه
عباده / بقولك ايه ما تكبرى دماغك من الدنيا دى و ما تشغليش بالك بالحوار ده
خديجه / ازاى و انا كل اللى بحبهم ملطوطين فيه
عباده / اسمى مكتوب ؟
خديجه / وقتك هو ؟
عباده / ههههههههههههههههههه حقك عليا يا ست البنات محقوقلك
خديجه / انت فين دلوقت
عباده / فى السرايا لسه داخل لما كلمتيني ما لحقتش حتى ادخل جوه واقف بتشمس فى الجنينه
خديجه / ينفع تيجي ؟
عباده / ينفع … بس اغير الاول
خديجه / ماشي هقولهم انك جاى
عباده / تمام يا ست البنات اسيبك بقي و اطلع اغير
خديجه / ماشي
عباده يقفل مختار يدخل بعربيته عباده يقف لحد ما مختار ينزل الاتنين يبتسموا لبعض
مختار / خير واقف كدا ليه
عباده / كنت بتكلم فى التليفون عاوزك فى حوارين كدا بس ما يطلعوش لتالت
مختار / اؤمر تعال المضيفه فى الهداوه
مختار و عباده يدخلوا المضيفه
…………………..
فى المطبخ
هند / كلمته من بدرى قال جاى فى الطريق ما اعرفش ايه اخره
مريم / كلميه
انتصار/ هى مش لسه مكلماه و قال جاى خلاص تستنى الرجاله ما بتحبش الزن الكتير
مريم / زن ايه اتاخر و هىقلقت عليه ما فيهاش حاجه
هند / مامتك معاها حق للاسف الرجاله ما بتفهمش الكلام ده يا مريم و بيجيب نتيجه عكسيه
مريم / ايوه بس كدا يفتكر انك مش مهتميه بيه
انتصار / هو الاهتمام فى التليفونات الكتير فى حاجات كتير اهم تبينى بيها انك مهتمه
هند / لا هنا ورقه و قلم و نسجل الدرس بقى
انتصار / هههههههههههههههههههههههه اتريقى اتريقى
هند / والله ابدا بالعكس قولى بقى ازى ابين انى مهتمه من غير ما اضايقه
انتصار / انا عن نفسى ما بحاولش ابين انى مهتمه اصل الحاجات دى لو زودتى فيها بتقلب على دماغك يعنى ما بعملش حاجه معينه … العادى … بعمله اللقمه اللى بيحبها … بوضبله فرشته و هدمته … لو حسيت انى مضايق بحاول اتكلم معاه و اشيل عنه
هند / طب لو مش عاوز يحكى
انتصار / خلاص يبقى اكيد حاجه مش المفروض اعرفها او لسه ما جاش اوانها
مريم / و الفضول يا اما
انتصار / بصى يا بنتى الست حاجه و الراجل حاجه تانيه خالص احنا بنحب نحكى انما هم لا حتى … الرجاله اللى بتلت كتير بيقولوا عليها منسونه و ما حدش بيحبها
هند / لا بس الست بتحب بودانها يعنى بتحب الراجل اللى بيتكلم
انتصار / هههههههههههههههههههههه يا بنتى فرق كبير بين الراجل اللى بيتكلم.و الراجل اللتات الراجل اللتات ده تلاقيه بيحكى فى كل حاجه و بيقول اى كلام و بيحكى معاكى و مع غيرك انما الراجل بيتكلم معاكى فى الحاجات المهمه
مريم / بغض النظر عشان احنا عمالين ندخل فى مواضيع فرعيه خلينا فى حوار الاهتمام طب انا دلوقت مخطوبه لا ليا فى فرشته و لا هدمته و لا الكلام ده اعمل ايه بقى
انتصار / ما تعمليش هتعملى ايه يعنى سيبى الدنيا تمشي زى ما تمشي و ما طرح ما ترسي دوقيلها
مريم / ما الدنيا طلعت سهله اهو امال فى ايه بقى
هند / يعنى انتى بتحاولى تقولى انى اتصرف بطبيعتى و ما احاولش ابين انى مهتمه و الاهتمام هيبان لوحده من تصرفاتى
انتصار / الله ينور عليكي اهو ده بالظبط
مريم تبص لهند
انتصار / بكره لما تبقوا قدى هتفهموا ان الدنيا ابسط بكتير من ما انتوا فاكرينها و كل ما خدتى الدنيا ببساطه كل ما مشيت معاكى و كل ما ارتاحتى
مريم / و اهو ان ما جابتش نتيجه ما تزعليش على تعبك
الكل يضحك فاطمه تدخل
فاطمه / تدوم عليكوا طب ما تضحكونى معاكوا
انتصار / نعيما
فاطمه / الله ينعم عليكي عقبالك
انتصار / لما ابقى فى روقانك هبقى اعمل اشتراك مع ام داوود زيك كدا
فاطمه / الله !!! ما الواحده لازم تهتم بروحها امال اسيب نفسى لما القشف يبان عليا و الراجل يطفش منى
انتصار / الله يحفظك كتر خيرك
فاطمه / و انا كلمتك … صحيح يا هند ما تنسيش تاخدى منى رقم ام داوود انتى عروسه جديده يا حبيبتى و لازم تهتمى بنفسك انتى كمان
هند / ميرسى لما احتاجه هاخده
فاطمه / يا بت الواحده لازم كل شويه تجدد فى نفسها كدا و تعمل نيولوك كدا الرجاله بتزهق .. اسكتوا اما انا عملت شعرى المرادى احمريكا بقى ايه ما قولكوش و اتفقت معاها المره الجايه اشقره انا زهقت من البنيات
هند / بس كدا بتضرى شعرك كتر الصبغه بيوقع الشعر
فاطمه / اطفى يا مريم على الطبيخ ليشيط
انتصار / لما يستوى هتطفى عليه ما تشغليش انتى بالك
فاطمه / انا هطلع ابص على البت سماح اشوف روقت اوض العيال و لا لا حكم جيل اليومين دول ايدك منهم و الارض عن اذنكوا
فاطمه تمشى و مريم تفتح الحله تبص على الخضار و تقلبها و هند بتبص لانتصار و تبص الناحيه التانيه
……………………………
فى المضيفه
مختار قاعد حاطت ايده على خده
عباده / جبتك يا عبد المعين
مختار / هقولك ايه يعنى
عباده / ما تكلمه و تعمل ان فيرا باعته ليك
مختار / طب ما استنى يمكن تيجي منه
عباده / و ان ما جاتش
مختار / هنعمله ايه يعنى تيجي و لا ما تجيش اللى بيشيل قربه مخرومه بقى
عباده / وجهه نظر
مختار / الدنيا كلها حاجه و مغاورى ده دماغ لوحده لا مريح و لا مستريح حاجه هم
عباده / الفتره اللى فاتت كمان كان حاجه نكد اسالنى انا
مختار / ما انا شوفته فى ليله خديجه مش عارف عامل الليله دى كلها و عازم الناس ليه يفرحهم اذا كان هو ذات نفسه مش فرحان لاخته
عباده / ههههههههههههههههه يا راجل قول كلام غير ده و انت مش عارف اللى فيها برده
مختار / مع نفسه بقى انا تعبتله سلف هعمله ايه يعنى
عباده / يا سيدى ما تعملش كل واحد بياخد نصيبه
مختار / قوله انت بتقولى انا ليه
عباده / طب سيبك من الموضوع ده فى حوار تانى اهم
مختار / اهم من الهم ده
عباده / يعنى
مختار / قول
عباده / انا بفكر اكمل علامى
مختار يستغرب
عباده / قبل ما تتكلم الموضوع ما كانش فى دماغى بس و انا بتكلم مع خديجه قالتلى ان فى جامعات اونلاين لا بتروح و لا بتيجي كل حاجه على النت و انا دورت فى الموضوع و لقيت معاها حق يعنى بتروح تدفع المصاريف و بعدين بتروح تستلم الشهاده
مختار / على فكره دى فكره حلوه جدا
عباده / بفكر ادرس حقوق
مختار / حلو برده فين المشكله بقى
عباده / مفيش مشكله و لا حاجه انا كنت بفكر يعنى قولت اخد رايك
مختار / معاك طبعا ياريت
عباده / بس انا مش ناوى اقول لحد
مختار / و قولتلى ليه ؟
عباده /الناس هتقول بيكلم علامه عشان اتجوز الست الدكتوره
مختار / و قبل كدا كنت بتقول لنفسك ايه
عباده يبصله مختار يبتسم
عباده / هم معاهم حق برده مش هنكر ده اللى مشجعنى و بعدين اى الحقوق دى لعبتى ما انت عارف انا قريت قد ايه فى القانون يعنى لو هيمتحنونى بكره انا جاهز مش فاضلى غير الشهاده
مختار / على فكره انا معاك جدا فى الموضوع ده انا بس مش معاك انك تخليه فى السر بالعكس انت بتاخد خطوه حلوه جدا ياريت كل الناس اللى فى البلد تاخدها
عباده / ما انا مش هاخد الخطوه لوحدها هاخد معاها تريقه و تحفيل للصبح
مختار / فى حاجات تستاهل تستحمل عشانها تحفيل الدنيا اسالنى انا
عباده / ربنا يهنى سعيد بسعيده
مختار / امين
عباده / انت بتتكلم صح بس برده
مختار / امسك العصايه من النص و ما تقولش لحد لحد ما تخلص و تستلم الشهاده و اهو من باب دارى على شمعتك تقيد
عباده / و بعدين
مختار / انت ما اخدتش الشهاده عشان ترميها فى الدرج قول للدنيا كلها و اقولك فكره حلوه اوى فاكر اللى عملناه فى حوار محو الاميه زمان
عباده / اه
مختار / كرره انت تانى و خلى كل رجاله البلد معاهم شهادات عليا خليهم ياخدوك قدوه و شيل عنهم المصاريف او حتى جزء منها انا ما اعرفش الموضوع ده هيتكلف كام
عباده / الموضوع مش موضوع فلوس
مختار / البلد دى مش ناقصها حاجه بس التعليم هيطورها و ينورها و زى ما اهتمينا بفك الخط هنخسر ايه لو بقى كل اهل البلد شهادات
عباده / هتبقى حاجه حلوه طبعا
مختار / الرجاله كلهم شايلين موبايلات و النت فى كل البيوت يعنى الحوار بقى سهل اتكل انت على الله و ابدء
عباده / كنت بتسال اشمعن انت اللى حكيتله؟ عشان انت هتشجعنى
مختار / ما يمكن بشجعك عشان ادبسك و احفل عليك
عباده / على قولك فى حاجات تستاهل الواحد يتحفل عليه عشانها و انا بصراحه ليا مزاج فى الحكايه دى و من زمان بس ما كنتش عارف السكه
مختار مبتسم اوى
عباده / ايه ؟
مختار / افتكرت كل المرات اللى حفلت عليا فيها
عباده يشوح بايده مختار يضحك عباده يضحك و يبص الناحيه التانيه
………………………
فى شقه عبد الله
شيرى / والله كانت فى دماغى و بفكر فيها برده
عبد الله / بس دى مسؤليه برده مش زى الدكان
شيري / معاك حق ما اقدرش اتكلم بس انسب حاجه هنا ما انا لازم اشتغل انا كمان و فكرت كتير وضعنا هنا ما ينفعش نفتح دكان و لا اى حاجه انت بكره تبقى دكتور و وضع مختار فى البلد و كدا يعنى
عبد الله يبصلها بطرف عينه
شيرى / ايه ؟
عبد الله / يا ماما انتى عارفه كويس ان الحوار ده ما يفرقش مع مختار و لا معايا
شيري / ما يفرقش معانا اه بس يفرق مع الناس
عبد الله / كدا كدا بيتكلموا فكبرى مخك
شيري / على رايك
عبد الله / انا قولتله هند تساعدك و هو هيكلمها
شيري / فكره حلوه و اهو تخلع شويه من بيت النكد ده
عبد الله / هو فى حاجه و لا ايه
شيري / هى ما بتحكيش ما انت عارف اختك بس هو انا ما عشتش وسطيهم و عرفت طبعهم واحده واحده
عبد الله / قصدك ام عباده
شيري / جوزها و ابنها بلسم بس ان كانت هى و لا بنتها … استغفر الله موعودين فى كل حته بحد ينكد علينا
عبد الله / ههههههههههههههه يا ستى ياريت كل المشاكل كانت من النوع ده ما كانش حد غلب
شيري / اخبار الشغل ايه
عبد الله / كويس الحمد لله هقبض بكره
شيري / بكره !!
عبد الله / اه ههههههههههههههههه ما انا عملت زيك كدا لما عرفت بس كل الناس بتقبض اول الشهر فا انا هقبض معاهم هيظبطولى اللى اشتغلته عشان بعد كدا اقبض معاهم عادى
شيري / مصلحه ما يخسروش
عبد الله / تفتكرى هيدونى كام
شيري / اى كان انت لازم تفهم انك داخل على جواز يعنى تتعلم تحط القرش على القرش عشان تبنى بيتك
عبد الله / من غير ما تقولى انا ناوى و الله … هو احنا مش هناكل و لا ايه
شيري / يا قلبى حالا انت اللى دخلت تقولى عاوزك فى حوار مهم حالا اغرفلك
عبد الله يبتسم شيري تقوم تدخل المطبخ عبد الله يروح يفتح اوضه مامته يلاقى ياسمينا بتتفرج على اليوتيوب
عبد الله / عنيكي هتطير
ياسمينا / خليك فى حالك
عبد الله / و نعم التربيه والله
عبد الله يقفل الباب و هو بيضرب كف على كف
……………………….
فى سرايا الجوارحه
عباده قاعد و قدامه اكل كتير جدا و فواكه و عصير
خديجه / بجد يا عباده !!
عباده / ايوه و بكره الصبح ان شاء الله هسافر اشوف الورق المطلوب و كدا
خديجه / خد معاك نسخه من الورق اللى عندك احتياطى يمكن ربنا يكرمك و تخلص الموضوع
عباده / ما افتكرش انه هيخلص اصلا انا مش عارف فى مواعيد تقديم و لا لا اهو هروح اسال و اشوف الدنيا على الطبيعه
خديجه / متيسره ان شاء الله
عباده / فرحتى قوى يعنى !!!
خديجه / ما دى حاجه تفرح يا عباده
عباده يبتسم
خديجه / قولتك انك لو ما كنتش عملتها ما كانتش هتفرق معايا بس انك تعملها صدقنى فرقت معايا قوى بجد
عباده / الحمد لله هنعوز ايه اكتر من كدا طب دا حتى يبقى بتر
خديجه تضحك مغاورى يدخل يسلم على عباده
مغاورى / اتارى النور بيلعب من اول البلد
عباده / ههههههههههههههههههه نورك يا مغاورى
مغاورى / كويس انك هنا كنت عاوزك فى حوار
عباده يبص لخديجه عينها تايهه بين الاتنين بتوتر
عباده / و ماله اخد كبايه الشاى الحلوه دى و شوف تحب نتكلم فين
عباده ياخد كبايه الشاى خديجه تقوم تقف
خديجه / خليكوا هروح انا اعملك كبايه شاى تانيه يا اخويا
مغاورى / تسلم ايدك
خديجه تمشى
عباده / خير يا ابن عمى
مغاورى / انا عرفت فيرا فين و روحت شوفت المكان
عباده / لوحدك كدا و من غير ما تقول لحد
مغاورى / و انا لازم اخد الاذن و لا ايه
عباده / انت عارف انى بتكلم عشان خايف عليك مش اكتر
مغاورى / و انا لا صغير و لا مسؤل منك عشان تخاف عليا
عباده / و هو انت لازم تبقى صغير او مسؤل منى عشان اخاف عليك ما ينفعش عشان انت اخويا و غالى عليا يعنى ما ينفعش عشان احنا طول عمرنا واحد .. انت نفسك ما بتخافش عليا لو جرالى حاجه مش هتزعل
مغاورى يبص الناحيه التانيه و يهز راسه
عباده / خلينا فى موضوعنا قبل ما اختك ترجع بالشاى اقعد و احكيلى عملت ايه هناك
مغاورى / كانت بتستعرض عضلاتها بتورينى قد ايه الفيلا اللى قاعده فيها مليانه رجاله و سلاح
عباده / ان كان على السلاح مقدور عليه و رجالتنا ما فيش اكتر منهم بس الراجل اللى هيقع ما يتعوضش فلو بتفكر تهجم يبقى لازم تدرسها صح يا ابن عمى
مغاورى / عارف
عباده / امال ناوى على ايه
مغاورى / الست دى حطاكوا فى دماغها يا ابن عمى و لا هتهدى و لا ترتاح الا اما تخلص منكوا
عباده / كان غيرها اشطر
مغاورى / الحرص واجب يا ابن عمى
عباده يهز راسه اه
مغاورى / الست دى بترسم على حاجه طريقتها فى الكلام و ثقتها فى نفسها
عباده / و يمكن بتلاعبك
مغاورى / وارد بس تانى بقولك الحرص واجب يا ابن عمى
عباده / و احنا كترنا الحراسه و بدل الدوريه اتنين و تلاته هنعمل ايه تانى
مغاورى / لو اعرف اقول بس اللى سمعته عنها غير اللى شوفته فى عنيها الست دى مش هتغدر بالطريقه اللى نعرفها الست دى حيه بجرس لسانها السم بيجرى فيه زى العسل فاهمنى
عباده / فاهمك
مغاورى / انا بفكر اطاوعها
عباده يرفع حاجبه
مغاورى / اللى مختار ما فلحش فيه مين عارف ؟
عباده / جربنا السكه دى مره و هى مش هبله تقع فى نفس الفخ مرتين
مغاورى / معاك حق بس هى كمان بتفكر زيك كدا مستحيل نهجم بنفس الطريقه مرتين
عباده / وجهه نظر برده
مغاورى / و ما تنساش ان احسن طريقه للدفاع هى الهجوم يا ابن عمى
عباده / انا معاك بس لازم الاول نشور الكبير
مغاورى / و ماله كلمه و قوله اللى حصل و اللى فيه الخير يقدمه ربنا
عباده يهز راسه مغاورى يقف خديجه تدخل شايله صينيه عليها كبايه شاى مغاورى ياخدها
مغاورى / من يد ما نعدمها
مغاورى ياخد الكبايه و يمشى و خديجه تقعد و عباده باين انه مضايق
خديجه / كنتوا بتتكلموا فى ايه ؟ قولتله حاجه ؟ قالك حاجه ؟
عباده يبصلها و هى متوتره
عباده / هو اللى حكالى و صدقينى على قد ما شال من على قلبى حمل كبير على قد ما حط حمل اكبر
خديجه / للدرجادى !! هو قالك ايه
عباده / ما تشغليش بالك هو انا جاى اقعد معاكى عشان نتكلم عن مغاورى يعنى
خديجه تبتسم و تبص فى الارض
عباده / هو ربنا مش هيكرمنا بقى و نحدد معاد الفرح و لا ايه
خديجه تبص الناحيه التانيه و تهز كتفها ما اعرفش
………………….
فى اوضه هند بالليل
هند بتكوى هدوم مختار و هو ممدد على السرير بيتفرج على التليفزيون و سرحان
هند / لا و ماما بتقولى جاب ورقه و قلم و بدا يقسم المرتب مش عارف كام لايه و كام لايه و مصاريفه كام و البيت دا عاوز يعمل جزء كل شهر لمريم يجيبلها بيه هديه و لا حاجه بس ماما بتقوله يحوشهم و يجيب كل فتره حاجه عليها القيمه بدل ما يضيعهم تفاهات فى تفاهات على فكره ماما متحمسه اوى لحوار الحضانه ده بتقولى انها احسن حاجه ممكن تعملها هى كمان كانت مضايقه انها هتقعد طول النهار لوحدها لما ياسمينا تروح الحضانه اهى تلاقى حاجه تسليها و بصراحه انا كمان متحمسه اوى للموضوع الشغل هيبقي اكيد ارحم من البيت و الهم اللى بشوفه كل يوم النهرده بجد فاطمه دى كانت غريبه جدا بعتت جابت ام داوود و قعدوا اليوم كله فى اوضتها ما اعرفش بيعملوا ايه الوقت دا كله دا انا لما كنت عروسه ما قعدتش و لا مره فى الكوافير الوقت دا كله المهم طلعت صابغه شعرها و بتقول هتغيره فبقولها شعرك يقع بنصحها يعني بس انا مالى يعني انصحها ليه ما يقع و لا يروح فى داهيه انا مالى لازم انسحب من لسانى يعني تخيل تقول انى هشيط هى ما قالتش كدا طبعا بس انا فهماها يعني
هند تعلق الجلبيه على شماعه و تعلقها فى الدولاب و تروح تقعد جنب مختار على السرير و تجيب طبق تفاح و تقشر و تقطع فى طبق
هند / انا كويت كل حاجه فى حياتى ما فيش حاجه بتوقفنى كل الوقت ده اكوى قد جلاليبك … بس بصراحه شكلك فيها بيبقي حلو اوى … صحيح كنت هنسي ماما عاوزه تعزم مريم معانا على الغدى المره الجايه ايه رايك تبقي حلوه و لا ما ينفعش انا قولتلها هسالك ما اعرفش
مختار مش بيرد
هند / ما ردتش يعني … مختار
مختار / نعم
هند / ايه يا ابنى ما بتردش عليا ليه للدرجادى الفيلم ده شادك
مختار / و لا حتى عارف الفيلم بيتكلم عن ايه ما علش يا ست الكل كنتى بتقولى ايه سرحت منك
هند / سرحت ايه يا معلم ما تقولش كدا قول سافرت منك … مش مهم اللى شاغل عقلك خير
مختار / خير ان شاء الله ما تشغليش انتى بالك
هند / بيقولوا فى صيدليه جديده فتحت فى البلد كنت فاكره انها هتبقي بتاعه خديجه بس ما طلعتش كدا
مختار / ايوه خديجه هتشتغل فى تكليف الحكومه و بس مش هتفتح صيدليه
هند / مالك يا مختار
مختار يمد ايده و ياخد شريحه تفاح و ياكلها لهند و هو مبتسم هند تبتسم و تاكلها و تكمل تقشير مختار يربع ايديه تحت دماغه و يسند على السرير
مختار / نظره الواحد للدنيا بتتغير يوم عن التانى
هند تبصله
مختار / انا بحب اهلى جدا يا هند و بخاف عليهم بس اخر واحد مات من عيلتى كنت وقتها صغير ما افهمش يعني ايه موت او فراق او الكلام ده فعشت عمرى كله مش فاهم انى ما بخافش من حد او ما عنديش اللى ابكى عليه لحد ما جيتي انتى و فكرتيني … فوقتيني … انا عندى حاجات كتير اخاف عليها و اعيط عليها لو راحت منى بدل الدموع دم يا هند
هند / ليه بتقول كدا
مختار / عشان الواحد ما عدش عارف مين حبيبه من عدوه او بمعنى تانى مش عارف حقاره عدوه هتوصله لايه
هند / بس انت مش لوحدك
مختار / احنا كتير اه بس عقولنا نضيفه عقولنا كلها كانت بتفكر بنفس الطريقه طريقه ان عدونا زينا هيضرب فى الوش او هيضرب راجل لراجل النهرده مغاورى لفت انتباه عباده لحاجه عمرى ما فكرت فيها
هند تحط الطبق جنبها و تنتبه
مختار / ان عدونا مش هيهجم بالطريقه دى عدونا احقر و اخبث بكتير من تفكيرنا النضيف و لازم نفكر زيه عشان نقدر نواجهه
هند / اممممم مش عارفه…. يعني … بتفكر فى ايه ؟ ممكن تعمل ايه يعني ؟
مختار يبتسم
مختار / و لا حاجه … للاسف مفيش فى ايدي حاجه اعملها مهما عملت انا و كل رجاله البلد سواء الزنايته او الجوارحه كلنا نفس الطينه … ما حدش فينا هيعرف يجيب دماغ الحرمه دى
هند / والله لازم تضموا فاطمه للفريق قال على راى اللى قال ضرب البهايم بالعصا و ضرب النساء بالنساء
مختار / هههههههههههههههههههه … انتى مشكله
هند تجيب طبق التفاح و تديه لمختار
هند / خد كل كل ما حدش واخد منها حاجه
مختار يمد ايده و ياكل و هو بيضحك و بيتفرج على التليفزيون
هند / لو اجتمعت الإنس والجن على أن يضروك بشيء لم يضروك إلا بشيء قد كتبه الله عليك
مختار / عليه الصلاه و السلام … معاكى حق
مختار يبتسم و ياكل هند حته تفاحه تبتسم هى كمان و تاخد الطبق و تقشر تفاح تانى
…………………….
فى فيلا فيرا
فيرا مفرود قدامها خريطه و المعلمين ملمومين حواليها
راجل ١ / المنطقه دى كلها مالناش اى سلطه عليها اى مشروع مش هيفيد اهل البلد ما بيسمحوش بيه اخرنا نادى بلايستايشن و كدا نبقي فجرنا يعني
فيرا تشاور على منطقه جنبها
فيرا / و هنا
راجل ١ / احنا فعلا بدئنا بفتح اكتر من نايت كلوب فى المناطق دى بس ما نضمنش الناس اللى هنا تيجي و سعادتك ماكده انك عاوزه سكان البلد دى بالتحديد
فيرا تبتسم و تسند على كتف راجل تانى
فيرا / ما تشغلش بالك بالموضوع ده المعلم قام بالواجب … مش كدا يا معلم
راجل ٢ / دا من بعد خيرك يا ست الكل
فيرا / احنا فتحنا صيدليه هنا فى وسط البلد و هنبدا نوزع منها على الهادى خالص الناس اللى هتيجي النايت كلوبس هتبقي ناس عاوزه تعمل دماغ و دول النهرده و لا بكره هنجيبهم انما الناس اللى هتروح الصيدليه هتبقي شريحه اعلى و اكبر
راجل ١ / ازاى يعني دى هتبقي شريحه العيانين و دول هيفرقوا معانا فى ايه
فيرا تتنهد
فيرا / هشرحلك … الدوا بتاعنا مش بيعمل دماغ الدوا اللى معانا مسكنات زى المورفينات كدا بتعمل ادمان اه لكن للاسف مش بتعمل دماغ تقوم تبيعها فى النايت كلوب و لا الاولى تبيع الكميا التانيه اللى بتعلى و زبونها بيطلبها بالاسم
الراجل يبص فى الارض و يهز راسه
فيرا / الراجل مش هيراجع ورا الصيدلى خصوصا فى الصعيد … دراستى لثقافه الشعب المصرى الارياف و الصعيد بيحترموا اوى لقب دكتور حتى اكتر من الجيش و الشرطه بالعكس دول شبه بيقدسوهم على عكس المدينه و المناطق الراقيه الدكتور ما بيفرقش كتير عن المدرس و المهندس كلهم فى الاخر بيندرجوا فى الطبقه المطحونه من الشعب و الاحترام بيروح لافراد السلطات العليا او اللى معاهم فلوس
راجل ٢ / صح … عليا الطلاق صح
فيرا / ميرسي … و عشان كدا كل منطقه لازم تدرسها كويس قوى قبل ما تبدا توزع فيها عشان تعرف التكنيك و المنتج المناسب لكل منطقه
راجل ١ / انتى بتقولى كلام كبير قوي يا ست الكل بصراحه احنا … عمرنا ما فكرنا ان الموضوع كبير اوى كدا احنا قدام فى الكار من ايام ما كنا صبيان عمر ما حد قالنا ندرس المناطق و لا الكلام ده
فيرا / ممارسه اى مهنه احسن طريقه عشان تتعلمها يا معلم لكن لو زودت الممارسه بالدراسه و العلم صدقنى هتبدع
راجل ١ / و انتى بقي دارسه البلد كلها على كدا هههههههههههههههههه
فيرا / شبر شبر مش عاوزه اقولك يا معلم انا تقريبا الفتره اللى فاتت اتفرغت بشكل كامل لمصر … مصر سوق مفتوح
الرجاله تبص لبعض
راجل ٢ / انا لازم استاذن و ان شاء الله عن قريب هسمعك اخبار حلوه
فيرا / تمام يا معلم صحيح عجبنى اوى انك تجيب دكاتره من بره البلد
راجل ٢ / بصراحه قلقت من حوار انى اجس نبض دكاتره البلد احنا اغراب برده لا هيثقوا فينا و لا عارفين نبدا منين خفت نلبس فى الحيط و نتكشف من اول محاوله قولت الامن نجيب حد من طرفنا امان
فيرا / عشان كدا بقولك عجبنى … هستناك بكره فى معادنا
راجل ٢ / على نار
فيرا تبتسم الراجل يمشى و فيرا بتوصله توشوش راجل ضخم على الباب يهز راسه فيرا تدخل و تروح تقعد مع راجل ١
فيرا / تمااااام … فضينا لبعض … ها قولى عملت ايه فى الريكلايمز بتوع النايت كلوب الجديد بتاعك
راجل ٢ / لا دا حوار ساهل الشمال مفيش اكتر منهم
فيرا / تؤ تؤ تؤ شمال ايه احنا عاوزين نفتح مكان … فرز اول زى ما بتقولوا … بناتك عندى … بضاعه مستورده مش موجوده فى مصر كلها الا عندك انت
الباب يكره و تدخل ست بنات اجانب لابسين قمصان نوم قصيره الراجل يتعدل فى قعدته
راجل ٢ / حد يكره يا ست الكل طب دا انتى حتى زوقك طلع عالى اوى اوى
فيرا / ههههههههههههههههه لا دول مجرد عينه صغيره انا عندى منهم كتير اوى اطلب العدد اللى انت عاوزه و بكل الاشكال و الالوان احنا لازم نرضي جميع الازواق
راجل ٢ / و انتى طلعتى مزاجك عالى اوى يا ست الكل
فيرا / هههههههههههههههه
فيرا تشاور للبنات يروحوا يقعدوا حوالين الراجل و يدلعوا عليه فيرا تطلع بره و تقفل الباب
فيرا / هتعب قوى مع الاغبيه دول
فيرا تطلع فوق و هى مضايقه
……………………..
فى منطقه الرمايه يوم جمعه بعد فتره بسيطه
هند بتضرب نار و مختار و عبد الله و مريم متابعينها بتضرب الهدف بس مش فى النص
مختار / حلو فى تحسن
مريم / دورى بقى
عبد الله / بالراحه علينا يا وحش
مختار / يلا يا بنت الكبير وريهم ضرب النار ازاى ارفعى راس الزنايته
مريم / وسعولى بقى لحسن الدم ضرب فى عروقى بعد الكلمتين دول
مختار / بتتمالسى عليا ماشى لينا بيت
هند / سيبها تركز بقى
مريم / قوليله
مريم تنشن تجيب كل الاهداف فى النص
مريم / الله عليك يا حبيب والديك
مختار / يا مشرفنى … دورك يا عريس
عبد الله / لازم ؟
مريم / يلا بقى يا عبد الله
هند / يلا يا ابنى هتكون اسوء منى يعنى يلا
عبد الله يضرب كل الطلقات فى النص
مختار / يا عبد الله يا لعيييييييييييب
هند / ايه ده انت بتضرب حلو اوى
مختار / تلميذى انا قولت من اول يوم الواد عبد الله ده خليفتى فى الملاعب
عبد الله / بس ما تقولش واد
مختار يبصله
عبد الله / مش قدامها يعنى برستيجي و كدا
مريم تضحك و تبص الناحيه التانيه
عبد الله / اموت انا
مختار / انا واقف يا حبيبى ما تصغرنيش
هند / ما لو كل واحد ركز فى اللى معاه
مختار / من غير ما تكملى انا بتكلم على كدا اساسا الواد ده حلنجى و انا مش هعرف اللاحق
عبد الله / الكلام ده عليا ؟
مريم / دور تانى يلا انتوا جايين تتمرنوا و لا ترغوا
هند / نتمرن انا المرادى ناويه اغلبكوا كلكوا
مختار / لا و انتى الصادقه النهرده هنبدا التمرين على الاهداف المتحركه
هند / احلف
مختار / ههههههههههههههههه والله ثوانى …. تعال معايا يا عبد الله
مختار ياخد عبد الله و يدخلوا اوضه و يطلعوا منها شايلين كل واحد من ناحيه مجرى حديد و جواه قاعده متحركه طالع منها عصايه القاعده مربوطه بحبل من الناحيتين الحبل متوصل ببكره بايد يحطوها عند الاهداف
هند / ايه ده
مختار / ده اول مرحله بصى
مختار يلف البكره يسحب الحبل و القاعده تتحرك
مختار / طبعا انا كل ما لفيت اسرع الهدف هيتحرك اسرع فنبدا بابطئ سرعه … هات علامه يا عبد الله
عبد الله يحط ورقه العلامات و يدبسها فى طرف العصايه من فوق و مختار يرجع الهدف فى النص
مختار / انا هلف و انتى نشنى
هند / لا طبعا انت هناك تعال جنبى
مختار / هتعورينى و لا ايه ما انا بعيد جدا عن الهدف اهو اضربى
هند / مختار لو سمحت تعال هنا
مريم / يا بنتى بينه و بين الهدف يجى خمسه متر دا بعيد جدا اضربى
هند / يا مريم ممكن اى حاجه تحصل انا مش هجازف دا رصاص يا مريم مش بمب
مختار / اضربى يا هند ما تخافيش انا بعيد اضربى
هند / انا مش هلعب اللعبه دى
مختار يروحلها و هو مضايق
مختار / احنا مش بنلعب احنا بنتمرن انا هلف البكره و انتى اضربى
هند / لا
مختار / بناقص .. اضربى انتى يا مريم
مختار يرجع يلف البكره و هند تقف مضايقه مختار يلف البكره بسرعه و العلامه بتتحرك بسرعه و مريم بتضرب نار تجيبهم كلهم
عبد الله / اللهم صلى على كامل النور
مريم/ تحب تجرب
عبد الله / هجرب بس لو هكا و لا هكا
مريم / ما تخافش بنغلط عشان نتعلم
عبد الله / باشا
عبد الله يبص على الهدف مختار رجعها فى مكانها و غير العلامه و بيكور العلامه القديمه بغل و بيرميها فى الارض و هند متبعاه مختار يروح ناحيه الايد و يلف بسرعه عبد الله يضرب يجيبهم كلهم
مريم / ما انت حلو اهو امال كنت بتغزى العين بقى و لا ايه
مختار / هند
هند / لا
عباده يدخل و يشاور لمختار يروحله
عباده / السلام عليكم
الكل / و عليكم السلام و رحمه الله و بركاته
مختار يروح ناحيه عباده و يقفوا فى جنب و مريم و عبد الله بيعمروا المسدسات رصاص و هم بيضحكوا سوا و هند قاعده مضايقه
مختار / خير
عباده / كلمت عبد الله؟
مختار / اه كلمته
عباده / نبهت عليه ما يقولش لحد
مختار / ايوه
عباده / مالك ؟
عباده يبص على هند باصه ناحيه الاهداف و مضايقه
عباده / هو التمرين كان وحش و لا ايه
مختار / خايفه تضرب و انا بلف البكر
عباده / حقها ما تضغطش عليها دا مجرد تمرين و لعب بالنسبالها
مختار يبص الناحيه التانيه
عباده / انا عارف انك معشم نفسك و بتمرنها كانها هتبقى واحده مننا بس فى الاول و الاخر هى حرمه مش مطلوب منها تشيل سلاح و لا تبقى بريفكس فى استخدامه يعنى يا ابن عمى
مختار / هنفضل فى الاهداف الثابته طول عمرنا يعنى
عباده / ارنبين و اطلقهم فى الارض
مختار / هترضى تضرب على الارانب يعنى
عباده / ما تقولش بقى
مختار / اصلا انا مش فارق معايا انها تضرب و لا ما تضربش انا مش عاوزها خايفه اوى كدا
عباده / تبقى عبيط يا ابن عمى لو فكرت فى كدا هتخاف هتخاف انت جوزها و اللى ما تخافش على جوزها يبقى ما بتحبوش و البت بتحبك
مختار / انت ليه بتبص تحت رجليك انا بمرنها عشان لو لا قدر الله
عباده / لما رجاله الزنايته يخلصوا ابقى شيل الهم دلوقت خف البت هتعيط فى ايدك انا اللى هقولك برضه امال راحت فين ايام الورد و الوقوف تحت البلكونات يا سى روميو
مختار / انا بتكلم جد
عباده / براحتك انا مالى صحيح ما لكش عندى اكتر من النصيحه انا ماشى
مختار / على فين
عباده / هو ايه اللى على فين رايحين للجوارحه انت ناسى اننا هنحدد معاد الفرح النهرده
مختار / اخيرا
عباده / والله الاوضه و اتفرشت و جهازها كمل العطله منين بقى انا شخصيا جاهز
مختار / هههههههههههههه ان شاء الله الخميس الجاى
عباده / ان شاء الله يلا بالاذن … سلام يا جماعه
عبد الله / بسرعه كدا ما تيجي يا عم
عباده / مره تانيه ان شاء الله … خف
عباده يضرب مختار على كتفه بالراحه مختار يهز راسه اه عباده يمشى مختار يبص ناحيه هند باصه الناحيه التانيه و بتهز رجلها بسرعه يروح يقعد جنبها
مختار / لو ضربنا تلت اربع ارانب هيصعبوا عليكي
هند تبصله
مختار / تعتبر اهداف متحركه برضها
هند / انا بخاف عليك على فكره انا مش هعيش يوم واحد لو جرالك حاجه
مختار يهز راسه
مختار / عارف بس انتى مكبره الموضوع جامد اوى بصراحه امال لو شوفتى واحد مثبتنى و حاطت المسدس على دماغى من ورا هتعملى ايه
هند / هعمل ايه فى ايه هموت طبعا انت بتهزر
مختار / يا مرك يا مختار … يعنى مش هتضربيه فى دماغه و تنقذيني
هند / و لو جت فيك هتفرح ساعتها هتبقى يا فرحتك يا مختار يا سعدك يا هناك يا مختار
مختار / اه هبقى مبسوط انتى الوحيده اللى لو اتكتبلى اموت على ايد حد هيبقى انى اموت على ايدها بالنسبالى رحمه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
