رواية البر التاني الفصل الرابع عشر 14 بقلم لولو محمد
رواية البر التاني الجزء الثالث عشر
رواية البر التاني البارت الثالث عشر
رواية البر التاني الحلقة الثالثة عشر
هند / سورى انى صحيتك روح كمل نوم يلا
مختار / ليه هو دخول الحمام زى خروجه و لا ايه ما دام صحيتيني يبقي ترغى معايا
هند / بس انا ما اتفرجتش على حلقه المسلسل النهرده عشان احكيهالك
مختار / و ما تتفرجيش عليه خالص احسن الحاجات دى بتخرب البيوت
هند / ما كنتش اعرف انك بتخاف من المنافسه
مختار / مفيش منافسه اصلا
هند / يخرب بيت الثقه يا شيخ
مختار / يا بنت الحلال هو انا و انتى مخطوبين و لا متجوزين
هند / مخطوبين
مختار / ينفع امسك ايدك و احضنك و اشيلك و شغل المحن و قله الادب ده
هند / لا بس
مختار / بقولك ايه انتى شكلك بتجرى شكلى عشان تدبسيني فى ورد اصالحك بيه صح
هند / ههههههههههههههه ايه ده لا
مختار / شيكولاته
هند / انت بتمسكنى من ايدي اللى بتوجعنى يعني عشان ما بقدرش اقولها لا
مختار / اتفقنا يبقي شيكولاته اول ما النهار يطلع هجيبلك
هند / هطخن كدا
مختار / اعملى زى البت مريم و شغلى الاغانى و دبيها رقص لما تقعى من طولك
هند / ههههههههههههههههههههه
مختار / اوضتها لزق فى اوضتى و كنت نايم و فجاه سمعت صوت حاجه بتتهبد و مريم بتقول اااه قمت مفزوع اشوفها لقيتها نايمه فى الارض و حاطه السماعات فى ودانها و بتنهج
هند / عملت ايه
مختار / خدت التليفون و السماعات و شتمتها بس رجعتهوملها فى ساعتها
هند / ههههههههههههههههه امال اخدتهم ليه من الاول
مختار / كنت متعصب بقي ما انا اتخضيت عليها افتكرت حاجه وقعت عليها و لا حاجه طب والله لو كنتى شوفتي فزعتى كنت صعبت عليكي و الجزمه كانت بتضحك و تستفزنى
هند / بتحبها مريم دى اوى صح
مختار / بحبهم كلهم دا انتى ما شوفتنيش فى فرح فاتن دا انا رقصت للصبح
هند / ههههههههههههههههه احكيلى
مختار / فاتن اصغر منى بسنه بس ملهاش فى العلام فجوزوها و انا ما كنتش موافق جات و اتكلمت معايا و قالتلى انها لو كانت مريم كنت فرحت اصل مريم شاطره و زكيه و انا بحبها اكتر ففضلت ارقص عشان اثبتلها انها غاليه عندى زيها زى مريم
هند / و انت فعلا بتحب مريم اكتر
مختار / كلهم عندى غلاوه واحده بس مريم زيي بتحب العلم و بتحب تقرا عقلها كبير و ترد عليكي و تتكلم معاكى انما فاتن و الباقيين هتكلم معاهم فى ايه الطبيخ و الغسيل و الطماطم غليت و البطاطس رخصت
هند / اول مره اشوف الناحيه دى فيك
مختار / انا ما كنتش عاوز فاتن تتجوز صغيره و كنت عاوزها تكمل علامها عشانها هى والله بس ما دام هتبقي مبسوطه فى الجواز خلاص ربنا يسعدها و فعلا حصل ربنا يباركلهم و يهنيهم و يهدى سرهم
هند / امين
مختار / انتى فى حاجه مضيقاكى يا هند
هند / لا هو يمكن عشان لسه ما نمتش بس
مختار / طب اللحقى ناميلك ساعتين ريحي فيهم و اشوفك الصبح
هند / مختار انا بحبك
مختار / و انا كمان بحبك
هند / تصبح على خير
مختار/ و انتى من اهل الخير
هند تقفل و مختار يفرد ضهره و يفكر و يقوم يجيب اللاب و يشغله و يفتح جوجل و يكتب مسلسل تركى رومانسي
مختار / اما نشوف اخرتها فى قله القيمه دى اشتغل يا سيدي
مختار يفتح اول حلقه و يقعد يتفرج تليفونه يرن مختار يبص و يستغرب و يرد
مختار / السلام عليكم
هشام / فى حاجه وحشه اوى حصلت و لازم تعرفها
………………………
فى السرايا
فاطمه قاعده فى الجنينه لوحدها و سرحانه عباده يروح يقعد معاها
عباده / انتى كويسه يا امى
فاطمه تبصله و تهز راسها و ترجع تبص قدامها تانى
عباده / امال مالك قاعده هنا لوحدك ليه السعادى
فاطمه / اتخنقت من الاوضه مش عارفه انام قولت اقعد اشم هوا
عباده / تحبى اقعد معاكى
فاطمه / اقعد .. انت ما نمتش ليه
عباده / كنت نايم و قلقت قولت اقوم اصلى ركعتين لقيت الباب بتاع الجنينه مفتوح قلقت اكتر بس لما شوفتك هديت انتى بقى ايه اللى خانقك ابويا زعلك فى حاجه
فاطمه تبتسم و تهز راسها لا
فاطمه / ابوك راجل طيب انت اللى مزعلنى يا عباده
عباده / انا يا امى
فاطمه / انا ما اتعلمتش ما كانتش ظروفى تسمح كان نفسى صدقنى كان نفسى بس ما قدرتش و عشان ما اتعلمتش بختى كان قليل اتجوزت بدرى اوى
عباده / بختك كان قليل و انتى مراه شاكر الزيني يا اما
فاطمه تبتسم و تبص فى الارض
فاطمه / انت عارف انا عندى كام سنه يا عباده انت عارف ان فى بنات فى سنى لسه ما اتجوزوش او لسه عرايس و معاهم عيال صغيره انا ما عشتش يا عباده كل اللى كان نفسى فيه انى اعيش فيكوا انج بنجاحكوا و افرح بفرحكوا عوزاك تتجوز واحده ترفعك لفوق البلد كلها تحكى و تتحاكى عن مراه عباده
عباده / البلد تتحاكى عن عباده اللى مراته عملتله قيمه اصل عباده ما كانلوش قيمه قبليها مش كدا
فاطمه / لا بس شوف مختار هيتجوز مهندسه زيه هيمشوا فى البلد جنب بعض كدا انما انت هتاخد واحده تعيش فى ضلك و انت هتعيش فى ضل مختار زى ما ابوك عاش عمره فى ضل ناصر ابن اخوه … الله يرحمه زكريا لو كان عايش ناصر ما كانش شم ريحتها حتى كان جبل
عباده / و مات ازاى عمى مهو جرى ورا بنات مصر و حب و فى الاخر كسرت قلبه و هربت باللى فى بطنها
فاطمه / هو اللى سابها تمشى
عباده / هربت و داخ عليها السبع دوخات
فاطمه / و لما لقاها عمل ايه
عباده / طلقها و رجع ساب ضناه يتربى فى حضن راجل غريب و رجع عمى زكريا ما كانش ينفع يبقى الكبير
فاطمه / زكريا ما كانش بيدور عليها عشان يقتلها كان بيدور عليها عشان يطمن عليها
عباده / الواحد لازم يتجوز من توبه يا امى واحده فاهمه حياتى و شغلى
فاطمه / و هى لو دكتوره و لا مهندسه مش هتفهم طب دا ما فيش فيكي بنت يا بلد الا و تتمنى ضافر عباده الزيني
عباده / لو لقيتيها يا اما هتجوزها
فاطمه / هى مين
عباده / المهندسه و لا الدكتوره اللى من البلد انما من بره البلد لا يا امى
فاطمه / و انت اقل من مختار
عباده يبتسم
عباده / يبقى استنى يا ست الكل اما نشوف هتفلح معاها الحكايه دى و لا هنجرى ندور معاه على مراته تصبحى على خير يا ست الكل انا قايم انام
عباده يسيب المكان و يقوم يدخل جوه و فاطمه بتفكر
فاطمه / و انت من اهله يا كبير الزنايته
…………………………
فى الكليه تانى يوم الصبح
مختار ينزل من العربيه عنين كل الطلبه بنات و شباب عليه يبتسم و يروح ناحيه هند نزلت من الباب التانى و يمشوا جنب بعض هند بتتلفت و مختار مش فارق معاه يدخلوا المدرج يوسف قاعد على البنج و عينه عليهم يمنى تشاور لهند يروحوا يقعدوا جنبها وسام تدخل المدرج و تروح ناحيه يوسف
وسام / صباح الخير
يوسف / صباح النور هديتي شويه عن امبارح
وسام / ياريت تكون انت اللى هديت
يوسف يبص على مختار
يوسف / هانت
وسام / حجزتلى جنبك
يوسف / اتفضلى المدرج كله تحت امرك
وسام / ماما عزماك النهرده على الغدى انت و اهلك هتكلمهم تاكد عليهم كمان شويه
يوسف / انا مش فاضى و اى كلام بين امى و امك انا مش ملزم بيه
وسام / يعنى ايه
يوسف / يعنى لا ده وقته و لا مكانه ما شافوهمش و هما بيسرقوا هيشوفوهم و هما بيتقاسموا و لا ايه
وسام / لا ازاى عن اذنك
وسام تمشى خطوه
يوسف / رايحه فين
وسام / هجيب حاجه م الكافتريا
يوسف / طب ما تتاخريش لحسن المحاضره تفوتك
يوسف يتعدل و يقعد مكانه و وسام بصاله شظرا و يوسف عينه على مختار
…………………………..
فى المكتبه
هند / بس ما ينفعش تسكت اللى حصل مش حاجه عاديه دا فضحك
مختار / هههههههههههههههههههههه اللى على راسه بطحه يا هند و بعدين هو انا بنت يعنى و لا مؤاخذه انا شوفت الصور ما فيهاش حاجه كان كلف نفسه و قلعنا حتى كان حلل القرش
هند / يخربيت برودك دا انا لو كنت مكانك
مختار / لو كنتى مكانى كانت طارت فيها رقاب دى غير دى
هند / و اخرتها مهو مش هيسكت دا بعت الصور لبابا و ماما و قعدت ربع ساعه الصبح بشرح لماما اللى حصل
مختار / هعمله ايه يعنى هروح اضربه هقتله هعمله ايه مهو فى الاول و الاخر ابن عمك
هند / يا ادى عمى و ابن عمى اللى حرقين دمى دول
مختار / بقولك ايه اهدى و قولى هديت
هند / هديت
مختار / افتحى الكتاب يلا خلينا نعمل البحث بتاع الدكتور ده على ما السكشن يبدا يلا ما تضيعيش وقت
هند / حاضر
هند تفتح الكتاب و هى مضايفه
…………………………………
فى شقه وسام
وسام و مامتها بيحضروا السفره جرس الباب يضرب
وسام / هروح افتح
وسام تروح تفتح تلاقي اسراء لوحدها الابتسامه تروح من على وشها
اسراء / السلام عليكم
وسام / و عليكم السلام اتفضلى يا ماما اتفضلى الاكل جاهز
اسراء / حبيبتي القمر
اسراء تدخل و تسلم على الست
اسراء / ما تاخذينيش يا اختى انى جايه بطولى والله يوسف كان جاى معايا بس صحبه تعب و راح يزوره انتى عارفه يوسف من يومه صاحب واجب
الست / طبعا طبعا حتى زياره المريض واجب امال ايه اتفضلى اتفضلى
اسراء / ايه الاكل الحلو ده فرحى قلبي و قولى انه عمايل حبيبتي و مرات ابني ويسو
التلاته يقعدوا حوالين السفره
الست / امال ايه دا وسام ما شاء الله عليها لهلوبه فى البيت
اسراء / اه طبعا امال ايه
الست / امال الحج محمود ما جاش معاكى ليه
اسراء / يا اختى مشاكل المحل ما بتخلصش دا احنا ما عدناش بنشوفه
الست / ربنا يكون فى العون
اسراء / و بعدين انا مش كفايه و لا ايه
الست / لا ازاى استغفر الله دا انتى الخير و البركه اتفضلي اتفضلي
الست تغرف لاسراء قدامها تاكل و هى عماله توزع ابتسامات مصطنعة
…………………
فى الجيم
عبد الله و هند و مختار داخلين مختار يسلم على راجل بدى بيلدينج
مختار / حبيبي ازيك
الراجل / ما صدقتش لما كلمتني مختار ازيني عاوز برايفت كوتش من امتى يا جدع
مختار / هههههههههههههه اعرفك هند خطيبتي و عبد الله اخوها عاوزين يتعلموا يدافعوا عن نفسهم
الراجل / اهلا و سهلا نوتونا القاعه اتنين فاضيه ليكوا
مختار / و المدربه
بنت لابسه بدى حمالات استوماك و ليجن مخطط تعدى هند تجيبها من فوق لتحت
الراجل / يا عم انت بتتكلم جد
مختار / انا عاوز واحده تمرن هند
الراجل / طب استني اما اشوفلك حد ثوانى
الراجل يروح ناحيه هند
هند / حلو الجيم ده على فكره
مختار / احسن واحد فى البلد من يوم ما عرفته ما قدرتش اغيره
هند / و هو مكان زى ده يتغير برده طب دا حتى يشرح كدا و يفتح النفس على التمرين
الراجل و البنت يرجعوا
الراجل / كابتن دينا هتبقي معاكوا النهرده طول اليوم كابتن دينا اعرفك مختار الزيني
دينا تمد ايدها
دينا / بشوفك كتير هنا
هند تمد ايدها و تسلم بدل مختار
هند / هند الجمل خطيبته معاكوا هنا فى الجيم ان شاء الله
هند تبتسم بسخافه
مختار / طب انت قولت قاعه اتنين صح
الراجل / ايوه اتفضلوا
مختار / لا احنا هنجرى شويه فى الاول اتفضول انتوا الاول
هند تاخد شنطتها و تروح القاعه هى و دينا
عبد الله / امال انا مين هيمرنى
الراجل / والله كان نفسي اقولك جوز اختك يمرنك بس هتصعب عليا تعال معايا
عبد الله / بقي دى تمرن هند و انت تمرنى ليه يا عم هو انتوا فاكريني من كفار قريش انا هتمرن فيتنس
مختار / ههههههههههههههه تعال هنا يا مجرم والله لا انا اللى همرنك تعال
الراجل / قاعه اربعه فاضيه
مختار / تمام
مختار ياخد عبد الله تحت باطه و يدخلوا قاعه اربعه
عبد الله / طب مش هنطمن على اختى … اودعها حتى
مختار / امشي بقي يا عبد الله ههههههههههههههههههههه
عبد الله / يا هند
عبد الله يدخل القاعه و مختار يقفل الباب
…………………..
فى شقه وسام
اسراء / هو انا يعني مش عاوزه افرح بيوسف طب دا انا الود ودى اخليها النهرده قبل بكره
الست / ان كان على الشقه فالشقه فاضيه و انا لوحدى
اسراء / شقه ايه بس دا يوسف شقته يرمح فيها الخيل و متشطبه فاضلها بس وش بياض نضافه و تتفرش من بكره انا بتكلم عن الدراسه
الست / ما انا قولت كدا لقيتهم بيعطلوا بعض
اسراء / ازاى بس طب دا يوسف مستواه اتحسن خالص و التفت لمزاكرته و دروسه و البركه فى عروستنا الحلوه فتحت نفسه على المزاكره
الست/ خلاص اللى تشوفوه بس الفتره الجايه بقي هنركز فى المزاكره و نخف الخروجات شويه و على رايك مش فاضل كتير على الامتحانات
اسراء / اللى تشوفوه و اهو بالمره نستغل الشهر ده اننا ننجز فى الحاجات اللى ورانا و لا ايه يا عروستنا
وسام تبصلها و تبتسم
………………….
فى عربيه مختار
عبد الله / طب والله انت كنت قاصد
مختار / يا عم حقك عليا اعتزرتلك مليون مره
هند / الا ما جبتليش سيره دينا خالص يعني يا عبد الله لما كنت بتيجي مع مختار
عبد الله / و انا لو كنت شفتها قبل كدا كنت سكت دا انا كنت اعتكفت فى الجيم لما بقيت و لا مازنجر صاحبك اللى هناك ده
مختار / ما تتلم يا له فى ايه مالك اول مره تشوف حريم
عبد الله / بصراحه اه يا عم انت مش شايف حياتي ناشفه ازاى مفيهاش غير امى و هند دا لو اعتبرناهم حريم يعني
هند تزغده من ورا
عبد الله / ااااه بس بقي جسمي مفشفش
هند / احسن … بس عبد الله اول مره يشوف انما انت ايه نظامك يا مختار بيه
مختار يبص على هند فى المرايه رافعه حاجبها
هند / رايح الجيم جاى من الجيم لا ليك حق طبعا
مختار / قسما بالله اول مره اشوفها
هند / بس هى بتشوفك كتير يعني
مختار / انا بروح اتمرن و بس
هند / لا يا شيخ
مختار / و بعدين انا بروح متاخر خالص بتكون الحريم كلها روحت يعني و بعدين انا هبص لدى يعني
عبد الله / ما لها دى هاه مالها اوعى تغلط اوعى اغلط فى هند انما دينا لا
هند تزغده تانى
عبد الله / ارحمى امى بقي مكسر
هند / انت لسه شوفت تكسير دا انا هطبق فيكوا انتوا الاتنين كل اللى اتعلمته النهرده
مختار / و انا مالى هو اللى بيعاكس اهو انا كويس
هند / الجيم ده ما تعتبوش تانى
مختار / هشترى مشايه فى البيت
هند / ان شالله تربي كرش حتى مش مشكلتى
عبد الله / طب ممكن اروحه انا عادى
هند تزغده
عبد الله / بس بقي بس والله لو كنت قادرلك
مختار / لم نفسك و عدى اليوم الحريم لما بيغيروا الشياطين بتقعد تاخد دروس تقويه و دى فاضلها تكه و تتحول لتنين و تولع فينا
هند / مين دى اللى غيرانه و اغير من مين يعني من دى
عبد الله / يا شيخه اتقى الله دى صاروخ
هند / اضربك فين دا انت واكل علقه موت
عبد الله / و مين اللى علمك تضربي مش دينا ربنا يخليكي لينا يا دينا
مختار / هههههههههههههههههههههه
هند / عجبتك اوى مش كدا
مختار / و الله ما عاجبنى غيرك
هند تتلم و تتكسف و تبص من الشباك و عبد الله متابعها فى المرايه اللى جنبه
عبد الله / تفتكر دينا بتعمل ايه دلوقت
مختار / ما تتلم بقي يا عم خلينا نروح سلام فى ليلتنا
هند تبتسم و مختار و عبد الله متابعينها
…………………….
فى شقه فى البلد
على / سبنا اللى ورانا و اللى قدامنا و اتشحطتنا كل المسافه دى و طلعت عينا لحد ما لقينا مكان نبات فيه هنعمل ايه بقي دلوقت
يس / هنسال بقي
على / حلو جدا هنسال مين و فيه و هنقوله ايه
يس / يا ابني انت ما فيش ابتكار خالص كدا احنا الاول هنلف البلد و نتفرج على الدنيا و لما نوصل لحاجه تخصهم هنتكلم مع الفلاحين و الناس و نتصاحب عليهم و هما اول ما ياخدوا عليك هيقولوا كل حاجه
على / يا سلام بالبساطه دى
يس / و ابسط مما انت متخيل الفلاحين دول اعبط خلق الله لا بيعرفوا يقروا و لا يكتبوا اخرهم يمسكوا الفاس و يزرعوا
على / طب و ان ما لقيناش حاجه
يس / اهو نبقي اتفسحنا
على / و دى تبقي فسحه دى
يس / يا عم انت كئيب كدا ليه ما انت راكب اكل شارب نايم ببلاش ما تعيش اللحظه و تنبسط
على / يا خوفى يا عم تقلب بغم
يس / مقطع اغنيه جديد ده و لا ايه نام يا على نام
على / هنام يا خويا انا اساسا مش قادر
………………….
فى شقه هند الفجر
هند نايمه فى السرير عبد الله يفتح الباب و يدخل يقعد جنبها تفتح عينها
هند / فى حاجة يا عبد الله
عبد الله/ ما لقيش معاكى هيموكلار
هند / لا ما افتكرش شوف عند ماما ممكن تلاقي
عبد الله / طب معكيش رقم دينا اطمن عليها
هند تزقه من على السرير عبد الله يضحك
عبد الله / ههههههههههههههههههه بهزر معاكى
هند / ما تهزرش مختار يقول عنك ايه
عبد الله / مختار عارف انى بهزر ما تكبريش المواضيع
هند تتعدل و تقعد و عبد الله يقعد قدامها
عبد الله / على فكره بيحبك اوى
هند تبتسم
هند / عرفت ازاى
عبد الله / مهو اللى تبقي قدامه دينا و يبصلك
هند تشد المخده و تنزل فوق عبد الله و هو بيضحك
عبد الله / هههههههههههه بس بقي مش قادرلك
هند / احسن ما انت اللى مستفز خليها تنفعكوا اصلا ايدها تقيله خليها تصبحك بعلقه و تمسيك بعلقه
عبد الله / ضرب الحبيب زى اكل الزبيب دينا تعمل اللى هى عوزاه
هند / اطلع بره ياله انت مصحيني تستفزنى
تليفون هند يرن “مختار” عبد الله يشد الموبايل
عبد الله / اوعى
هند / هات يا عبد الله بلاش رخامه
عبد الله / استني استني اما ارخم عليه شويه
عبد الله يرد و هند بتحاول تاخد منه الموبايل
مختار / السلام عليكم
عبد الله / و عليكم السلام يا مختار ازيك عامل ايه
مختار / انا كويس يا عبد الله انت عامل ايه
عبد الله / انا كويس بس هند مش كويسه خالص
هند تبرق لعبد الله يشاورلها تسكت تحاول تاخد الموبايل يطلع بره الاوضه تطلع وراه
عبد الله / مش قادره تتحرك خالص لتكون دينا كسرتلها ضهرها و لا حاجه
مختار / فى زراق و لا حاجه
عبد الله / دا جسمها كله ازرق يا ابني انا بقول ناخدها المستشفي
هند / انا كويسه يا مختار بيرخم علينا
عبد الله / يا جزمه
مختار / والله لبست يا عبد الله
عبد الله / هههههههههههههههه لحقت
مختار / اقسم بالله كنت بزرر القميص اهو مش طريقه هزار دى يا عم وقعت قلبي
هند تشد الموبايل و تدخل اوضتها و عبد الله وراها
هند / انا كويسه يا مختار بيهزر معاك
هند تقفل باب الاوضه فى وش عبد الله و تروح تقعد على السرير
هند / ازيك ايه اللى مصحيك دلوقت
مختار / كنت بصحيكي تصلى الفجر هياذن اهو او بتلكك يعني عشان اكلمك ما كلمتكيش من إمبارح
هند / نمت زى القتيله و الله لولا عبد الله دخل صحاني ما كنت حسيت بحاجه جسمي مفشفش
مختار / عشان اول مره تتمرني بس
هند / و اخر مره
مختار / ليه كدا من اولها
هند / فعلا مش قادره و بعدين ما انت موجود بقي ربنا يباركلى فيك
مختار / يعني هنروح انا و عبد الله لوحدينا يعني
هند / و لا انت هتهوب هناك تانى انت فاهم
مختار / اشمعن عبد الله يعني يروح و انا لا
هند / روح يا حبيبي روح و انا اطلع كل اللى اتعلمته عليك
مختار / كنت بشوف غيره الحريم خنيقه بس طلعت حلوه
هند / هى ايه دى اللى حلوه
مختار / احساس ان حد يغير عليك يعني بيحبك مش كدا
هند / طب ما انا بحبك ايه الجديد يعني و بعدين لو الوضع كان معكوس مش كنت هتغير عليا
مختار / دا انا كنت حرقت الدنيا باللى فيها
هند / ههههههههه امال بقي
اذان الفجر
مختار / روحى خلي اخوكى يلبس ما دام صاحي هينزل يصلى معايا الفجر
هند / حاضر
هند تفتح باب الاوضه تلاقي عبد الله خارج من الحمام
هند / اتوضيت ؟
عبد الله / اه
محمد يفتح باب يشوفهم يتخض
هند / صباح الخير يا بابا
محمد / مش بعاده يعني
عبد الله / انا اتوضيت نازل معاك
هند / عن اذنكوا
هند تدخل الاوضه
هند / بابا صحي هروح اعمله شاي
مختار / اجبلك حاجه معايا و انا راجع
هند / لا هعمل حسابك فى الفطار ما تجبش حاجه
مختار / تمام سلام
هند / مختار
مختار / نعم
هند / ما تنساش تدعيلى
مختار / حاضر سلام
هند / سلام
هند تقفل و تطلع تلاقي عبد الله بيلبس الجزمه
عبد الله / نزل ؟
صوت باب شقه مختار بيتقفل عبد الله يزعق
عبد الله / انا جاى استني
هند تدخل الاوضه و عبد الله يفتح الباب و يجري يقفله وراه محمد يطلع من الحمام
محمد / بركاتك يا مختار
شيري تطلع من الاوضه تلاقي محمد و هند مبتسمين
هند / هحضر الفطار
هند تدخل المطبخ
محمد / بركاتك يا مختار تانى
شيري تضحك و تدخل الحمام
…………………..
فى البلد
يس و على بيتمشوا فى وسط اراضي زراعيه يلاقوا ناس بيشربوا شاى تحت شجره يس يزغد على و يشاورله عليهم يروحوا يقعدوا معاهم
يس / صباح الخير يا رجاله
راجل ١ / صباح النور
يس / ممكن نقعد و لا نبقي بنتطفل
راجل ١ / اتفضل يا محترم … تشرب شاى
يس / ياريت والله الواحد بيتمشي من الصبح لما ورم
الراجل يصب كبايتين شاى
راجل ٢ / انتوا مش من البلد صح
على / لا احنا طلاب فى كليه زراعه و بنعمل بحث
راجل ١ / اهلا بالباشمهندسين نورتوا بتعملوا بحث عن ايه بقي ان شاء الله
يس / الزراعه و الفلاحين فى الصعيد و المشاكل اللى بتقابلكوا
راجل ٢ / الحمد لله احنا ما عندناش اى مشاكل خالص
يس / معقول يا حج هو فى حاجه فى الدنيا ما فيهاش مشاكل
راجل ١ / الحمد لله ربنا بيعين
على / التقاوى التوزيع العمال الميه
راجل ١ / كلو زى الفل الحمد لله
يس / طب توزيع الريات مشاكل بين الفلاحين و بعضهم دا كل الاماكن اللى روحناها سمعنا مشاكل بالهبل
راجل ٢ / النظام ما فيش احسن منه
على / عندك حق هى الارض دى بتاعتكوا و لا ماجرينها
راجل ١ / لا ده و لا ده الارض دى كلها بتاعه عيله الزيني و احنا بنشتغل فيها
يس / الارض دى كلها
راجل ٢ / البر كله بكل اللى فيه بتاعهم
اتنين غفر يدخلوا يقعدوا
غفير واحد / السلام عليكم يا رجاله
راجل ٢ / و عليكم السلام تعال اشرب شاى
غفير ٢ / مره تانيه شكل معاكوا ضيوف
راجل ١ / دول مش ضيوف دول باشمهندسين بيسالوا عن احوالنا
الغفر يبصوا لبعض و يروحوا يقعدوا كل واحد جنب واحد
الغفير ٢ / و البهوات منين ان شاء الله
يس / من مصر
الغفير ١ / يااااه مصر و ضاربين المشوار ده كله لحد هنا
يس / بحث
الغفير ٢ / معاكوا بطايق
على / بطايق !! ليه
الغفر يبصوا لبعض و يقفوا و كل واحد فى ايده سلاحه يعدله على كتفه
يس / معانا بطايق معانا اتفضل
يس يطلع بطاقته و يبص لعلى يقوم يطلع بطاقته
غفير ١ / اتفضلوا معانا
يس / على فين
غفير ٢ / مش عاوزين تعملوا بحث احنا هنوديكوا للكبير و هو هيساعدكم اتحركوا
يس و على يبصوا لبعض
غفير ٢ / اتحرك يا هندسه
يس يهز راسه و يمشي و على وراه
غفير ١ / مش قولنا نفتح عنينا على اى غريب حسابكوا مع الكبير
غفير ١ يمشي ورا يس و على و الرجاله بتبص لبعضها
……………………
فى عربيه مختار
مختار ماسك الباب لهند تبتسمله و تركب يقفل الباب و يروح يركب
هند / الفطار كفا
مختار / و اتبقي تسلم ايدك
هند / الف هنا
مختار / بس عبد الله بيقول ان دى مستحيل تكون عمايل ايديكي
هند / ماما ساعدتني
مختار / ههههههههههههههههههه ماشي تسلم ايديكوا انتوا الاتنين
هند / وراك حاجه النهرده
مختار / كان فى مشوار صغير كدا بس لو عوزانى فى حاجه ممكن اللغيه عادى
هند / ما تيجي تزاكر معايا
مختار / عندكوا فى البيت
هند / اها ايه رايك على فكره انا قولت لماما و قالت تنور
مختار / ربنا يحفظها … تمام نجرب مره بس لو ما زاكرناش
هند / ما تكررهاش تانى وعد هنزاكر و نركز
مختار / ماشي
هند تبتسم و تبص قدامها
……………….
على الطريق
يوسف سايق العربيه عربيه فاميه تكسر عليه يحود بسرعه و يفرمل و ينزل يتخانق بعصبيه و العربيه التانيه راكنه على بعد كام خطوه يوسف يخبط على باب السواق
يوسف / انت عبيط و لا شارب حاجه على الصبح
الراجل يفتح الازاز و المسدس متوجه على يوسف يوسف يتخض
الراجل / اركب
يوسف يرجع خطوه لورا يلاقي راجل تانى في ضهره
الراجل ٢ / اركب يا حيلتها
باب العربيه اللى ورا يتفتح يوسف يشوف راجل تالت قاعد ورا و معاه مسدس يوسف يركب العربيه تطير و راجل ٢ يروح ياخد عربيه يوسف و يمشي وراهم
………………
فى المضيفه
على رايح جاى متوتر و يس قاعد
يس / ما تقعد يا ابني خيلتنى
على / احنا فى بيته يا يس فى بيته
يس يقوم يخبط على الباب واحد من الغفر يفتح
الغفير / ناقصكوا حاجه يا بهوات
يس / هو احنا هنفضل هنا كتير
الغفير / الكبير خرج يطل على الارض و زمانه راجع
يس / ايوه يعنى ما كنتوا سبتونا نتكلم مع الناس و نخلص اللى ورانا لحد ما هو يفضي
الغفير / مش لما الكبير ياذن تتكلموا مع الناس و لا انتوا فاكرين الدنيا سايبه
يس / يا عم دا بحث للكليه مش حوار يعني
الغفير / الاوامر اللى عندى اننا نضايفكوا لحد ما الكبير يديكوا الاذن اكتر من كدا ما عنديش
غفير ٢ يدخل شايل صينيه اكل
الغفير / و ادى الفطار وصل اهو … الف هنا
الغفر يطلعوا و يقفلوا الباب
على / انا مش فاهم حاجه
يس / مش عارف
يس و على يبصوا لبعض
……………………
فى الكليه
هند قاعده جنب يمنى بيضحكوا و مختار قاعد جنب هشام و ماجد
ماجد / يا برودك يا اخى دا ما فيش اتنين فى الدفعه ما بيتكلموش عن الصور دى
مختار / يا عم السيط و لا الغنا خليهم يتكلموا
هشام / مهو سكوتك هيطمعه فيك كدا مش هتعرف تلمه بعدين
مختار /انتوا ليه محسسيني انى كنت متصور عريان يا جدعان هههههههههههههههههه
ماجد / بارد اقسم بالله … لا و تنح كدا
مختار / لا اله الا الله هعمله ايه يعني هضربه يلا جزاءه عند ربنا بقي
هشام / انت متاكد انك صعيدي ياله
مختار / هههههههههههههههه عن اذنكوا
مختار يلم حاجته و يروح يقعد جنب هند
هند / الله مش قولت هتقعد جنبهم
مختار / صحيح قاعده الراجل بميت ست و ان جت الست يغور الميه راجل
هند / ههههههههههههههههههههههه
مختار / ضحكتك يا بت
هند تحط ايدها على بقها و مختار يبص قدامه الدكتور يدخل الكل يلم نفسه
……………………
فى صحرا
عربيه راكنه العربيه اللى اخدت يوسف تركن جنبها و الرجاله ينزلوا منها و يوسف واقف وسطيهم
يوسف / انتوا فاكرين اللى حصل ده هيعدى بالساهل انا هوديكوا فى داهيه
راجل / اقلع
يوسف / ايه !!!
الراجل / اقلع ياله
يوسف / انت عبيط و لا حصل فى مخك حاجه
الرجاله تطلع المسدسات و يضربوا فى الارض و يوسف بيتنطت فى النص
الراجل / اخر طلقه اقلع لو عاوز تروح لامك
الراجل ينشن على دماغ يوسف يوسف يلف حوالين نفسه الكل منشن عليه يوسف يقلع هدومه الرجاله تاخد الهدوم و تسيبه بالاندر وير و يمشوا و يوسف واقف عمال يلف حوالين نفسه مفيش اى حد يمشي ورا العربيات و هو عمال يتلفت و يدارى نفسه بايديه
………………….
فى الكليه
مختار خارج من المدرج و جنبه هند مختار يطلع موبايله
مختار / اتناشر ميسد ليه
هند / فى حاجه و لا ايه
مختار / مش عارف ناصر كلمنى كتير و انا عامل الموبايل صامت جوه ثوانى هكلمه و ارجعلك
هند تهز راسها و تقف فى جنب و مختار يروح بعيد شويه و يتكلم فى التليفون و هند متبعاه بيضحك على اخره و باصصلها تبتسمله يقفل و يرجعلها و هو مبتسم اوى
هند / شكل فى حاجه حلوه
مختار / جدا جدا تعالي اجبلك ساقع
هند / ههههههههههههههه طب ايه فرحنى
مختار / كان فى حاجه بتنخور فى اوضتي فى السرايا و طلع فار و قفشوه خلاص
هند / انت بتهزر صح
مختار / هههههههههههههههههه تعالى تعالى
هند / انت بتتكلم جد كان فى فار فى اوضتك بجد
مختار / مقفوله بقي و ما حدش بيخشها نصيبه ساب الدنيا كلها و جالى دا هيتظبط
هند / انا بترعب منهم جدا على فكره
مختار / لا ما تخافيش دا احنا كنا فاكرينها حاجه كبيره
هند / حاجه كبيره فى اوضتك
مختار / خلاص بقي يا هند و لا انتى ما لكيش مزاج فى الساقع نخليها كاكاو
هند / ماشي هههههههههههههههه
مختار / فاهمك انا شوفتى
هند / بطل رخامه بقي امشي
مختار/ اتفضلي
…………………..
فى السرايا
الباب يتفتح يس و على يقفوا ناصر يدخل
ناصر / اتفضلوا يا بشمهندسين اتفضلوا معلش ان كنت اتاخرت عليكوا
يس / مفيش مشكله
ناصر / ايه التهريج ده هو الغدى لسه ما جاش و لا ايه يا خليفه انت يا خليفه
الغفير يدخل
ناصر / جرا ايه يا غفير الهم انت فين ضيافه البهوات
خليفه / حالا يا كبير ثوانى
خليفه يجرى و ناصر يروح يقعد
ناصر / ما تاخذوناش يا بهوات
يس / على ايه بس ما الفطار هنا اهو
ناصر / لا ازاى دا معاد غدا
خليفه يدخل شايل صينيه عليها بطه كبيره و حمام و صينيه رز معمر و ملوخيه
ناصر / حطها هنا يا ابنى و روح علقلنا على الشاى
خليفه يحط الصينيه قدام ناصر
ناصر / اتفضلوا يا رجاله بسم الله
يس / معلش حضرتك احنا مستعجلين كفايا نص اليوم ضاع يعني
ناصر / ليه بس يا باشمهندس انت مش عاوز تعمل بحث عن مشاكل الزراعه فى الصعيد انا هجيبلك الفلاحين كلهم تتكلم معاهم نفر نفر
يس / بس هو مش الكلام على الطبيعه يكون احسن
ناصر / احنا مش عاوزين نتعبكوا انتوا ضيوفنا بس انتو ادرى بشغلكوا طبعا … خليفه
خليفه يدخل
ناصر / بعد ما البهوات يخلصوا اكل تاخدهم و تلف بيهم البلد تفرجهم و تساعدهم مش عاوزينهم يشتكوا من حاجه و تعينلهم حراسه لحسن حد يتعرضلهم و لا حاجه
على / حد يتعرضلنا ازاى يعني
ناصر / لا دى شكليات كدا ما تاخدوش فى بالكوا هستاذن انا عشان اشوف اللى ورايا بيتكوا و مطرحكوا نورتونا و نورتوا البلد
ناصر يقوم و يسيبهم و على و يس بيبصوا لبعض
خليفه / ثوانى اجيب الشاى
خليفه يطلع بره
على / انا مش مرتاح ما كفايا كدا مش هنوصل لحاجه زمانهم كشفونا اصلا يعني مش هيكون كلم مختار يعني و قاله اننا هنا
يس / هنكمل البحث و نقضي اليومين و نمشي طبيعي لو مشينا دلوقت هيشكوا فينا و ساعتها لو ما كناش اتكشفنا هنتكشف
على / تمام بس هو البيت دا كلو بيت مختار
يس / بيت ايه بيقولك البر كله بتاعهم
خليفه يدخل معاه الشاى
خليفه / الشاى يا باشمهندسين
يس / شكرا
خليفه يحط الشاى
خليفه / الكبير امرلكوا بعربيه بسواق تتحركوا بيها و كل اللى هتحتاجوه مجاب بامر الله و انا هبقي معاكوا لحد ما القطر يتحرك بيكوا
يس / مفيش داعى لكل ده
خليفه / ازاى بس دا احنا كمان شيعنا نجيب حاجتكوا من الشقه و هتقعدوا هنا فى المضيفه
على / هنا فين فى ايه يا يس
يس يبصله و يسكت
خليفه / هسيبكوا تاكلوا براحتكوا و بعد الاكل اخدكوا مكان ما انتوا عاوزين عن اذنكوا
خليفه يطلع بره و يس و على بيبصوا لبعض
يس / ما دام كدا كدا قاعدين بقي يبقي ناكل لقمه عدله و لا ايه
على يمنعه قبل ما يمد ايده
على / ليكونوا حاطينلنا حاجه انا مش مطمن
يس / لا ما تخافش مش هيجيبوا لنفسهم مصيبه احنا فى بيتهم
على / انت شايف كدا
يس/ انت ايه رايك
على / انا شايف ان الملوخيه هتبرد
يس يبتسم و ياكلوا
……………………
فى شقه هند
مختار و هند و اهلها قاعدين حوالين السفره بياكلوا و يضحكوا
هند / والله انت داخل على طمع محشي ايه اللى تاكله من ايدى
مختار / حقى و لا مش حقى يا عمى
محمد / ههههههههههههههههههه بقولكوا ايه طلعونى من حوراتكوا دى بينكوا و بين بعض تصطفوا
شيري / يا بنتي اعملى بتنجان و اخلصي
مختار / احنا هنخم من اولها بتنجان ايه ناقص تجيبيه متقور كمان
هند / امال عاوزنى اقورهولك
مختار / بلاها بتنجان خالص انا اساسا بحب ورق العنب
عبد الله / و انا عاوز كرنب
هند / انتوا جايين تحققوا احلامكوا هنا
عبد الله / لو كانت دينا ما كانتش رفضت ابدا
هند / دا على اساس ان دينا بتاكل محشي اساسا
عبد الله / لا احنا لازم نتاكد من الموضوع ده انا بقول نروح الجيم نسالها تيجي معايا يا مختار
محمد / ياض انت مش هتبطل لماضه بقي
عبد الله / بقولك ايه يا بابا انا ممكن ابطل اى حاجه الا دينا
هند / يا رزل
شيري / ادخل طب و انا اجوزهالك بس عدى السنادى بس
عبد الله يقوم يبوس ايد شيري
عبد الله / قد ايه انتى ام عظيمه
مختار يضحك و يشرق هند تقوم تناوله كبايه مايه
مختار / يا عم اهدى بقي حرام عليك هتموتنى
هند / بعد الشر
مختار / نرجع لموضوعنا هناكل بكره من ايدك محشي و لا ايه
شيري / سبوها لله هنزل بكره اروح السوق و اشوف ايه موجود هناك
هند / ان شاء الله مش هتلاقي
مختار / طب ايه رايك انك مش هتنامى النهرده الا و فى كرومبايه فى المطبخ جوه و عيل اللى يرجع فى كلامه
عبد الله / حمش اوى
محمد يضرب عبد الله على دماغه بهزار و الكل يضحك
…………………….
فى السرايا
ناصر يفتح باب المضيفه يلاقي يس و على نايمين قدام الاكل يشاور لخليفه يقفل الباب
ناصر / لما يصحوا هيكون الليل هجم ما تخليهمش يخرجوا من المضيفه و كل شويه اضربوا طلقتين فى الهوا قال بتخوفوا الديابه
خليفه / امرك يا كبير بس ما تاخذنيش يعني مش كنا خدناهم ربيناهم بمعرفتنا
ناصر / يا جدع عيب عليك دول ضيوفنا و اكرام الضيف واجب ياخدوا واجبهم و يتكلوا على الله
ناصر يمشي خطوتين و يبص لخليفه
ناصر / بقولك ايه يا خليفه
خليفه يجرى قدام ناصر
ناصر / شيع حد ينادى وهدان القط قوله الكبير عاوزك الليله
خليفه / وهدان يا كبير
ناصر / هقول كلامى مرتين و لا ايه
خليفه / لا يا كبير هشيعله حاضر
ناصر يبص لخليفه و يمشي
خليفه / هى وصلت لوهدان القط شكلها ليله مش فايته الليلادى استرها يا رب
……………………
فى شقه هند
هند و مختار بيزاكروا فى الصاله هند تحط القلم
هند / انا هقوم اعمل نسكافيه و لا حاجه اعملك معايا
مختار / بتعرفى تعملى قهوه و لا نخليها شاى
هند / والله قولت انك داخل على طمع حاضر
مختار / من ايدك مش من ايد الحاجه
هند ما تعبروش و تدخل المطبخ و هو مبتسم تليفونه يرن
مختار / طمنى
راجل / عيب يا سى مختار عمركش قصدتنى فى حاجه وقصرت رقبتك
مختار / راجل ابن راجل طلعلى الحاجه بقى فى شقه الحج محمد ابو عبد الله
الراجل / نص ساعه بالكتير و اكون عندك
مختار / تمام مع السلامه
مختار يقفل عبد الله يطلع من اوضته
عبد الله / انا زهقت ما تيجوا نشغل فيلم و لا حاجه
مختار / لحقت تزهق
عبد الله / يا مختار انا بقالى سنه كامله بحفظ فى نفس المنهج دا انا ممكن اديك الكتاب تسمعلى من الجلده للجلده
مختار / اللهم بارك امال ايه المشكله بقي هنيجي فى الاخر و نخيب و لا ايه تعرف يا عبد الله قسما بالله شوف قسما بالله لو دخلت كليه طب ليك منى اللى تطلبه
عبد الله / يا عم انت مش محتاج تحفزنى خلاص ماما جابت الناهيه
مختار / انا كنت فاكرك بتهزر
عبد الله / ما انا بهزر يا عم هههههههههههههه دى اكبر منى
مختار / طمنت قلبي
عبد الله / ليه عينك عليها و لا ايه
مختار / يا جدع بتقول ايه انت هتوديني فى داهيه
عبد الله / انت بتخاف منها ولا ايه لا ما تخافش انا فى ضهرك
مختار / ههههههههههههههه فى فرق كبير بين انى اخاف منها و انى اخاف ازعلها انا وعدت الحج محمد انى احطها فى عيني و اتقى ربنا فيها
عبد الله يبتسم هند تدخل شايله فنجان قهوه و مج نسكافيه عبد الله ياخد النسكافيه و يشرب منه و هو ماشي
هند / دا من ايه ده ان شاء الله
عبد الله / هو انا لو كنت طلبت منك مش كنتى عملتى ما تكبريش المواضيع بقي يلا انا داخل اكمل مزاكره
عبد الله يدخل اوضته و يقفل الباب جرس الباب يضرب
مختار / خشي جوه دا عشانى
هند تبصله باستغراب و تدخل الاوضه مختار يفتح الباب يلاقي راجل شايل كرمبه كبيره و كيس كبير فيه طماطم و خضره و بتنجان و كوسه و ورق عنب و بصل شيري تطلع من المطبخ بتنشف ايدها
الراجل / السلام عليكم يا سي مختار الحاجه اللى طلبتها
مختار / حطها فى المطبخ جوه بعد اذنك يا امى
شيري توسع و تبص للحاجه باندهاش هند تطلع تبص و تبص لمامتها ماسكه نفسها من الضحك بالعافيه
مختار / حاجه تاني يا سي مختار
مختار يطلع فلوس و يديها للراجل
الراجل / عيب يا مختار بيه
مختار / خلاص بقي يلا
الراجل / ربنا يكرمك
الراجل يمشي و مختار يقفل الباب و يبص لهند
هند / هى بقت كدا يعني
مختار / انتى بس تؤمرى يا ست الكل
هند تبص لمامتها
شيري / ما ليش دعوه عملتلك مج نسكافيه جوه بدل اللى اخوكى ضرب عليه خشي خديه و كملى مزاكره عشان ما يبقاش وراكى حاجه تانيه بكره
هند / هى بقت كدا يا ست الكل … ماشي ماشي
……………………
فى السرايا
ناصر قاعد مع عباده فى المكتب و قافلين الباب
عباده / ههههههههههههههههههه و هى العيال دى هتستحمل يا كبير
ناصر / العيال دى مش جايه لخير انا سالت مختار و قالى انه عارفهم صحاب سي يوسف
عباده / اكيد جايين يطقسوا عليه
ناصر / انا ما يهمنيش هما جايين ليه اللى يهمنى انى لما سالتهم كدبوا و هما بيبصوا فى عنيا يبقي يتربوا و لا ما يتربوش
عباده / يتربوا يا كبير بس ما تاخذنيش فى الكلام انت عارف غلاوه مختار عندى
ناصر / اتكلم يا عباده قول
عباده / دخول بيوت الناس مش بالساهل يا كبير و الجواز لازم يبقي على نور
ناصر / مختار قال هيكلمها هو بس مستني الوقت المناسب
عباده / لا يا كبير مختار مش هيكلمها و الوقت المناسب مش هيجي لو كان للحقيقه وقت مناسب كان زمان عبد الرحمن عايش وسطينا ما كانش عمى زكريا الله يرحمه كان بيرمى روحه فى الموت عشان قهرته على مراته و ضناه
ناصر باصص فى الارض و ساند بصوابعه على المكتب
عباده / دا نسب يا كبير و النسب زى اللبن الحليب اقل حاجه تعكره لازم كل حاجه تبقي على نور
ناصر / هتكلم معاه
عباده / هند ما تتعوضش يا كبير و مختار كلها كام شهر و يبقي اكبر مهندس زراعى فى البلد كلها و احنا عندنا الارض يرمح فيها الخيل ما يجيب اخرها يتجوزها و يعيشوا فى الارض ياكلوا و ياكلونا من خيرها و بلاها حكايه السلاح دى خالص
ناصر / قولت هتكلم معاه
عباده / و اديك شايف يا كبير البتاعه اللى اسمها فيرا دى سابت الكل و شبطت فيه كدا امان ليه و للى معاه
ناصر / قولت هتكلم معاه يا عباده قولت هتكلم معاه خلاص
الباب يخبط
ناصر / ادخل
غفير يدخل
الغفير / وهدان بيستاذن جنابك يجي بعد صلاه الفجر عشان حواره مع الجوارحه
ناصر يهز راسه موافق الغفير يمشى
………………….
فى شقه هند
هند واقفه مع شيرى فى المطبخ شيرى بتسلق الكرنب و هند بتقلب الخلطه
شيرى / عشان بتزعلى لما بقول عنك خايبه اشربى بقى يا حبيبتى مشكل مخاشى و بكره الصبح الفرفجى هيبعت بطتين
هند / و فيها ايه يعنى هى اول مره اعملهم و لا نسيتى
شيرى / ههههههههههههههههههههه لا ما بنساش انا عارفه انك شاطره بس انتى مهندسه لازم تتعاملى على الاساس ده مش مجرد ست بيت عاديه فهمتى قصدى
هند / لا مش فاهمه و هى المهندسه ما بتطبخش يعنى
شيرى / بقولك ايه مشى حياتك زى ما تحبى عشان ما تقوليش نصايحى هى السبب
عبد الله يدخل المطبخ
عبد الله / انا رايح الجيم مع مختار و قبل ما تقولى اى حاجه انا خلصت كل المزاكره اللى ورايا
هند / على فكره دينا مش هناك يكون فى علمك يعنى
عبد الله / مختار عارف ان ماما واقفه معاكى فى المطبخ يا هند هانم و لا ايه النظام
هند / ما لكش دعوه تعرف تخليك فى حلك
عبد الله / اعرف و على فكره انا عارف ان دينا مش هناك سلام
عبد الله يمشى
شيرى / دا ماله ده هو فى ايه
هند / سيبك منه انا خلصت الخلطه كدا تمام و لا فى حاجه تانيه
شيرى / لا تمام اركنيها بقى و اسلقى ورق العنب
هند / حاضر
هند تشيل الحله على الرخامه و تملا الكاتل و تعلق عليه و تبدا ترص الورق العنب
………………………….
فى المضيفه
يس يصحى مصدع يقوم على يصحى
يس / على على … اصحى يا زفت احنا نمنا و لا ايه
على / ايه يا عم فى حد يصحى حد كدا
على يبص حواليه
على / ايه ده هو ايه اللى حصل
يس / الاكل شكله كبس على نفسنا و نمنا
على / بصراحه كان جامد
يس / يا عم هو احنا جايين ناكل قوم انا دماغى هتنفجر قوم
على و يس يقوموا و هما بيطوحوا يس يفتح الباب يلاقى الدنيا ليل و خليفه نايم جنب الباب على باسطه
يس / فرصه يلا
على / على فين
يس / هنروح يا عم هنخلع
على يهز راسه و يمشوا خطوتين تلاته يسمعوا ضرب نار يتخضوا
على / يس يس
غفير / مين هناك انت مين يا جدع انت و هو و بتعملوا ايه هنا انطقوا بدل ما اضرب فى المليان يا خليفه يا خليفه
يس / يا عم تضرب فى المليان ايه احنا ضيوف ناصر بيه احنا … يا خليفه
خليفه يدخل
خليفه / يس بيه على بيه انتوا خرجتوا من المضيفه امتى
على / اللحقنا يا خليفه
خليفه / لا مؤاخذه يا يس بيه لا مؤاخذه اللى ما يعرفك يجهلك
يس / حصل خير احنا مروحين
خليفه / مروحين فين يا يس بيه السعادى استنوا اما النهار يطلع
يس / مش كفايا اليوم ضاع عن اذنكوا
خليفه / يا يس بيه احنا خايفين عليكو اصل المطاريد بينزلوا بالليل و انتوا اغراب
على / مطاريد !! مطاريد ايه
خليفه / احنا فى الصعيد يا على بيه انتوا فاكرين نفسكوا فين
على يبص ليس خليفه يزقهم بالراحه يرجعهم المضيفه
خليفه / احنا اساسا جبنالكوا كل حاجتكوا من الشقه و خطيناها جوه و لو احتاجتوا اى حاجه كلمونى اجبهالكوا تحبوا اعملكوا شاى
يس / لا شكرا
خليفه / بالاذن انا
خليفه يمشى و يقفل الباب وراه
على / مطاريد ايه يا يس احنا ما اتفقناش على كدا
يس / مش عارف شكلها سد بص الصبح نقولهم اننا خفنا من المطاريد و نروح
على / ياريت انا مش مرتاح هنا خالص
يس / تمام اتفقنا
……………………………….
فى بيت مختار تانى يوم الصبح
مختار بيلبس الجزمه على السلم باب شقه هند يتفتح و هند تطلع باين انها مضايقه
هند / صباح الخير
مختار / صباح النور سمعت بعض الاشاعات ان خالتى ام عبد الله كانت سهرانه فى المطبخ امبارح
هند / و العصفوره بتاعتك ما قالتلكش انى كنت سهرانه معاها و لا انا شفافه مثلا
مختار / بطمن بس مالك مين بس زعلك على الصبح
هند / بقولك ايه من اولها كدا انا اطبخ و انت تاكل انت فاهم و لا لا ما تروحش تتوحم و تيجي تطلع عيني
مختار يرفع حاجبه
مختار / جديد الوش ده
هند / ما انا ما اتكفيش اربع ساعات بلف محشى و انت بتلعب فى الجيم و كمان تتكلم
مختار / هو عشان انا غلبان و يتيم يعني هتفترى عليا مش اخلاق ولاد البلد دى على فكره
هند تضحك و تكتمها
مختار /انا عملت ايه لكل ده ما كانتش كرومابيه دى
هند / هى كرومبه بس يا مفترى يلا يلا لحسن هنتاخر
هند تسبقه مختار يقفل الباب و ينزل وراها تروح تقف ناحيتها مختار يفتح الباب بتاعه
مختار / انا مش هفتحلك الباب و انتى مبوزه كدا
هند / لا و انت مقطع البيبان فتح ما شاء الله
مختار و هند يركبوا
مختار / خلاص يا هند مش عاوز كرنب هعمل دايت
هند / مش مساله كرنب
مختار / المساله مساله دبدوب انتى عاوزه الدبدوب صح
هند / ايه
مختار / الفرو ده اللى بتضغطى عليه يقول امووووواه اى لاف يو
هند / يا مختار انا بتكلم جد و انت بتهزر
مختار / تفتكرى الراجل بتاع الورد لو عملت عنده اشتراك هيحاسبني جمله و لا ما بتفرقش
هند / يا مختار لو سمحت
مختار / لا مهو شيكولاته ما تحلميش مش انا اعمل دايت و انتى تطخنى
هند / اطخن !!!!
مختار / فى فستان احمر فى البلد لو طخنتى مش هجيب غيره انا بقولك اهو
هند / طب والله انت مجرم
مختار / اسكتى هو انا ما قولتلكيش
هند / و هو البيه كان فاضي يكلمنى
مختار / لا يا شيخه امال الاربعه ميسد كول اللى على موبايلك دول كانوا ايه
هند / كنت نمت من تعبى كنت فين قبلها
مختار / كنت بشيل حديد و اخوكى كان معايا … لا استني كدا اما اجرب … ايه ده انتى خسيتي يا هند و لا ايه
هند / ههههههههههههههههههه يا سلام
مختار / ايه ده ما كالتش دا الفايس ماكدلى
هند / ههههههههههههههههه خلاص يا مختار اسكت
مختار / اسكت ايه انا ما صدقت نطقت دا انا مطبق مزاكره على مسلسل تركى فقعلى المراره
هند / ههههههههههههههههههه مسلسل ايه ده
مختار / سايب منهجى و كتبي و مستقبلى و بتفرج على عيل متنى و بت مايصه نازلين تسبيل و حك
هند / حك !!!!
مختار / يا شيخه بلا مياصه بلا وجع قلب مش عارفه تمشي فى الكعب ياختى اللبسي زحافى بدل ما كل شويه تقعى و الجدع يشيلك اول مره عديناها انما كل شويه ليه هى الحكايه عجبتك يعني
هند / معاقين بقي نقول ايه
مختار / و هو كل واحد بص فى عين واحده حبها كدا ايه ما كانش فاضل غير محمد صبحى فى تخاريف باين يقولنا شعااااااااااااع
هند / ههههههههههههههههههه كفايه ما تتفرجش على تركى تانى
مختار / بضحى بمرارتى عشانك و مش عاجب
هند / قهراك انا معلش
مختار / مستحمل كل من هب و دب يحفل عليا و بقول و ماله لجل الورد جبتلك ورد انا و لا مجبتش انطقى
هند / جبت هههههههههههههه حقك عليا جبت
مختار / امال مستخسره فيا شويه المحشي ليه
هند / ههههههههههههههههههههه ما اقدرش ابدا والله
مختار يبتسم و هند مش قادره تمسك نفسها من الضحك
مختار / يعني الغدى النهرده كرنب و نسك على الدايت
هند / ههههههههههههههه ان شاء الله
مختار / الحمد لله لحسن انا تعبت خالص من الدايت ده كان قاسي اوى
هند / يا سلام
مختار / بصي خسيت ازاى
هند / ركز فى السواقه يا مختار ركز يا حبيبي
مختار / ايوه كدا اضحكى كدا و فرفشي و بيني سنانك و لا انتى ضاربه توم على الصبح
هند / ما تبقاش مختار الزيني ان ما نهيتهاش كدا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
