رواية البر التاني الفصل الحادي والسبعون 71 بقلم لولو محمد
رواية البر التاني الجزء الحادي والسبعون
رواية البر التاني البارت الحادي والسبعون
رواية البر التاني الحلقة الحادية والسبعون
مغاورى / طب و الباب ذنبه ايه طيب
سماح تفتح الباب و تطلع
سماح / اللى قدرت عليه بقي مش أحسن ما أطق
مغاورى / بعد الشر
سماح / بقي بعد العمر دا كله يتقال على ابويا كلب
مغاورى/ ابوكى سيد الرجاله
سماح / قول لعمتك … مجنونه ودوها السرايا الصفره ما تطليقوهاش على الخلق
مغاورى/ سماح … عيب الكلام ده
سماح/ سماح بس اللى بيتقالها عيب مش كدا
مغاورى / و للكل قولتها لعمتى كمان بس انا فى ايدي ايه دى عمتى
سماح / و دا ابويا
مغاورى / على راسي اقسم بالله على راسي و انتى عارفه غلاوته عندى الله يرحمه .. اهدى يا سماح و حقك هيجي
سماح / ازاى
مغاورى/ هتشوفى بس انتى اهدى دلوقت و اصبرى عليا
سماح/ و ان ما جاش ؟
مغاورى / سماح اهدى
سماح / بقولك وان ما جاش ؟
مغاورى / ان ما جاش ابقي اعملى اللى انتى عوزاه
سماح / ماشي
سماح تدخل الحمام و ترزع الباب تانى
مغاورى / حلو الجواز … جميل
سماح تفتح الباب
مغاورى/ ارزعيه تانى و لا اكتمى بقي و لا ولعوا فيا خالص أياكش ترتاحوا
مغاورى يسيب الجناح و يرزع الباب و يفتحه
مغاورى / و ادى كمان مره
مغاورى يرزع الباب و سماح بتابع بصدمه
………………….
فى سرايا الزنايته
فاطمه نايمه على الكنبه بتلعب فى الموبايل ترن على نمره شاكر بالغلط تيجي تقفل تلاقي التليفون بيرن تقوم تقعد و تروح تفتح الدرج و تدور ما تلاقيش الموبايل تدور فى الأدراج مفيش باب الاوضه يخبط تتخض الباب يتفتح و عباده يدخل فى ايده الموبايل
فاطمه / هو معاك
عباده / قولت يمكن حد يحتاج منه حاجه اقضيهاله و اهو يفضل حسه و خيره موجود و كمان اكيد فى ناس بره الصعيد لسه ما عرفوش انه مات الله يرحمه
فاطمه / خير ما عملت انا بس استغربت انه لسه ما فصلش و بيرن
عباده / و اتصلتى ليه من الاول كنتى محتاجه حاجه
فاطمه / لا يا حبيبي ما اتحرمش انا بس كنت بقلب فى النمر و اتصلت بالغلط
عباده / و ايه اللى مصحيكي للسعادى
عباده يبص على الكنبه يلاقي عليها بطانيه و السرير مفروش ما اتلمسش
عباده / انتى لسه بتنامى على الكنبه يا اما
فاطمه / ما كانتش رنه غلط اللى هتفتحلى عليها تحقيق روح يلا على اوضتك نام … حقك عليا تلاقيني خضيتك
عباده / لا كنت صاحى بخلص حاجات
فاطمه / بتزاكر ؟
عباده / هههههههههههه ايوه بزاكر ايه ما حدش بيكبر على العلام
فاطمه تبتسم
فاطمه / جدع روح شوف اللى وراك و ارفع راسي زى ما انت علاطول رافعها كدا
عباده يبتسم
فاطمه / بالمناسبه اتصل بالناس اللى ابوك كان بيساعدهم طمنهم قولهم اللى خلف ما مامتش و انك فى خدمتهم قولهم اللى يحتاج حاجه ما يتكسفش ما تستناش الناس تطلب خليك زى ابوك خلي الناس تترحم عليه و يدعوله
عباده يهز راسه فاطمه تمسح بايديها على وشه
فاطمه / روح لمراتك و خد بالك منها و خليك حنين اشبعوا من بعض
عباده / ما لك يا ست الكل اللى يشوفك يقول كبرتى و عقلتى يعنى ههههههههههه ايه الكلام الكبير ده
فاطمه / اما انت جزمه صحيح الواحد ما يعرفش يتكلم معاك جد لازم تتهزق يعني
عباده / اخص عليكي يا ام عباده انا بس مستغربك امال لما تكبرى شويه هتقولى ايه
فاطمه / هقولك اطلع بره يا ابن الجزمه عاوزه انام
عباده / هههههههههههههههه طب نامى فى سريرك عشان ضهرك ما يوجعكيش
فاطمه / خليك فى حالك
عباده / انتى حالى يا ست الكل انتى اللى ليا يا امى اقولك تيجي اقعد جنبك لحد ما تنامى
فاطمه / لا يا شيخ و تحكيلى حكاوى كمان
عباده / طب والله بحكى حلو نامى انتى بس و انا هفضل احكيلك لحد الصبح
فاطمه / لا ما ليش دماغ روح كل دماغ مراتك و لا تكونش يا واد مزعلها و طردتك و مش لاقيلك مطرح فبتتمسح فيا
عباده / ههههههههههههههه دايما فقسانى كدا بس لا مش مزعلها هى اصلا نايمه من بدرى انتى عارفه الحمل بقي لو الاوضه اتهدت مش هتحس بحاجه خليني جنبك بقي تعالى
عباده يفرد البطانيه على السرير و يقعد و فاطمه بتبصله
فاطمه / روح شوف اللى وراك كمل مزاكرتك و لا ارتاحلك كام ساعه قبل الفجر لازم تاخد بالك من صحتك وشك بقي قد اللقمه
عباده/ طب قولى رغيف تتبلع تعالى بقي نامى و لا انتى عوزانى اجى اشيلك
فاطمه / تشيل مين ياله
عباده فجاه يشيل فاطمه و يحطها على السرير
عباده / ما بيعضش اهو
فاطمه تبصله و تفرد ضهرها و تبص للسقف
عباده / لو عوزانى اغيرلك السرير لو عوزانى اغيرلك الاوضه كلها
فاطمه / اطلع بره يا عباده
عباده / ابويا الله يرحمه ما كانش هيبقي مبسوط لو شافك تعبانه
فاطمه / اطلع بره يا عباده
عباده / خليني
فاطمه / قولتها مرتين التالته هجيب شبشبى و انزل فوقيك بيه
عباده / لا و على ايه قله القيمه هبقي اجى تانى اطمن عليكي
فاطمه / لا اله الا انت سبحانك انى كنت من الظالمين
عباده يهز راسه و يمشي فاطمه تعيط و تشد المخده اللى جنبها و تحضنها و تشمها و تكمل عياط
…………………….
فى اوضه هند
هند ممدده على السرير مختار يخرج من الحمام بينشف شعره يقعد جنبها
مختار / تعرفى … الواحد لولا خوفه يتسمم باول اكسيد الكربون و يموت كان سخن المايه حد ما مشفش صوابعه من كتر البخار
هند / ما بستحملهاش
مختار / بتفك الجسم كدا و تغسله
هند / الاعتدال حلو لا كدا و لا كدا
مختار / تكسبي .. هو احنا ما عندناش حاجه حلوه
هند / لا فى هجيبلك
هند تقوم تفتح التلاجه و تطلع علبه فيها كيكه شيكولاته و تروح تحطها على طبق و تجيب شوكه و تديهم لمختار
مختار / هاكل لوحدى و لا ايه
هند / انت عارف انى ما ينفعش اكل دلوقت
مختار / على فكره انا جوزك و بقولك ما بحبش المسلوعين قومى كلى
هند / يا مختار
مختار/ طب والله ما انا واكل الا اما تاكلى و لا انتى فكرانى هعديلك الدوخه دى
هند / دى كانت عشان قعدنا وقت طويل فى الضلمه و النور فجاه
مختار / عشان ما بتاكليش يا هند و بعدين انا ما ليش خلق للمحايله خدى مش واكل
هند / يا مختار
مختار / انا حلفت
هند تقطع حته صغيره بالشوكه و تاكلها
هند / اهو
مختار / على قد ما هتاكلى هاكل
هند / انت ما حلفتش على كدا
مختار / تحبى احلف يعني عشان ابقي انا اللى بقع من طولى يعني
هند / بعد الشر
مختار/ كلى لو بتحبيني كلى سيبك من الحاجات العجيبه بتاعتك دى هند انتى بتتغيرى
هند / ازاى … للاحسن و لا للاوحش الاول
مختار / لا كدا و لا كدا مش عاجبنى و مش عاجبنى
هند / فزوره هى
مختار / انا عاوزك قويه بس ما تحسسينيش ان الحرب بكره و انك مش واثقه فيا احميكي يعني اتكلمنا كتير فى السيره دى
هند / الحكايه مش كدا خالص
مختار / سامعك ايه الحكايه بقي
هند / الرياضه بتخلينى مبسوطه و كمان مش بفكر كتير
مختار / فى ايه
هند / فى كل حاجه انت مش شايف ايه اللى بيحصل حوالينا
مختار / و انتى مالك بيه دا شغلى انا و حملى انا تشيليه انتى ليه
هند / ما انا بخاف عليك
مختار / مش هقولك ما تخافيش لانى بحبك تخافى عليا الصراحه مش هنكر بس هقولك ان العبد لله عدى من حاجات اكتر من دى بكتير
هند / يا فرحتى مهو مش كل مره هتسلم الجره يا مختار
مختار / الجره هتتكسر باوانها حتى لو ما اتلمستش و بعدين انا مش ناوى اموت فى سريرى يا هند بقيت مجبر بسببك بس ما كانش ده حلمى يعني
هند / انت عاوز تنقطنى
مختار/ يا هند انا مش كدا ما اتربيتش على كدا و مش قادر اكون كدا انا اللى بيني وبينك انى ما اتاجرش فى السلاح اكتر من كدا ما فيش و ما تنسيش انك انتى اللى طلبتى منى اموت الست دى
هند / تموتها بس ما تموتش
مختار / دى حاجات ما لناش يد فيها و بعدين ايه علاقه معاد موتى بانك تاكلى و لا ما تاكليش انا مش فاهم يعني
هند / بحاول اخفض نسبه الدهون فى وزنى عشان اعلى الفيتنس
مختار / طب حاسبي لحسن تحرقى العضلات
هند / لا انا بحسب سعراتى كويس
مختار / طب اجبرى بخاطرى و كلى منى الحته دى
هند تفتح بقها و تاكلها
مختار / من عاشر القوم بقيتي عنيده زيي بس بتليني بكلمه
هند / امال انت ما اخدتش منى حاجه ليه
مختار / اخدت كتير
هند / والله زى ايه بقي
مختار / كلى الحته دى و انا اقولك
هند تاكلها
مختار / بقيت احب الورد و الشيكولاته بس لسه شويه على مرحله الدبدوب
هند تضحك
مختار / تعرفى لو كلتى الحته دى كلها قسما بالله لجبلك ورد
هند / انت بتغريني بقي
مختار / واكل معاكى
هند / واكل انا جعانه اصلا
مختار / اضرب يا وحش ما ترحمهاش
مختار يديها الطبق و هى بتضحك
……………………
فى المستشفي
الست بتتكلم مع دكتوره
الدكتوره / الحمد لله جم فى الوقت المناسب و قدرنا نلحقهم بس ياريت تاخدى بالك المره الجايه
الست / اقولك ايه بس يا دكتوره والله العظيم دى كيكه خالهم جايبهالهم و غاليه
الدكتوره / للاسف ما عدش فى ضمير على فكره ولادك مش اول حاله يمكن وضعهم كان الاسوء لكن فى شكاوى كتير سمعتها الفتره اللى فاتت لحالات اعياء و تسمم بسبب اكل الحلويات و ياريته نوع واحد دا واضح ان السوق كله مضروب
الست / نهار مش فايت امال ناكل العيال ايه
الدكتوره / اكل البيت يا مدام اعملي الكيكه على ايدك اضمن
الست / والله معاكى حق بس دول عيال و انتى اكيد عارفه
الدكتوره / لا ما تقلقيش بعد اللى شافوه النهرده هيتادبو عن اذنك
الست / كتر الف خيرك اللهى ربنا يسترك اللهى يرزقك
الدكتوره تمشي و الست تروح تقعد جنب العيال
ولد / ماما … هو بابا زعل انى اكلت الكيكه كلها و ما سبتلوش واحده
الست / بابا مش زعلان منك يا حبيبي بابا مشي عشان يخلص كام مشوار و هيجي علاطول
……………….
فى الداخليه
ظابط يخبط بايده على المكتب جامد لمجموعه ظباط واقفه قدامه
الظابط ١ / دا اسمه تهريج
ظابط ٢ / و احنا هنعرف منين انها
ظابط ٣ / انا و الله فعلا اكلت من الحلويات دى قبل كدا لو كان فيها
الظابط ١ / معاكوا خط سير العربيات اللى داخله و اللى خارجه واماكن تخزينها ساعه زمن و تكونوا جايبين اكبر كميه عينات و تبعتوها تتحلل و اى عينه يثبت احتوائها على البى كاى
الباب يخبط و ظابط يدخل
ظابط ٤ / انا اسف جدا يا فندم بس فى حاجه مهمه جدا حصلت و لازم حضرتك تعرفها
………………
فى سرايا فيرا
فيرا بتتفرج على التليفزيون
المذيعه/ بتتباع فى المدارس فى المحلات حتى على الارصفه الموت بجنيه و عروض و لعب و هدايا و احلى تسويق و اعلى ما بيعات الاطفال بيحبوها مش عشان جودتها عشان منين الطفل يصرخ لامه تشتريله كانه شبطان مش عشان هو مدمن مهو مين شيطان ممكن يفكر التفكير المريض ده
فيرا تضحك
فيرا / انا ههههههه
رشيد يدخل و هو متعصب يشوط الباب برجله الرجاله ترفع عليه السلاح فيرا تشاورلهم يطلعوا بره
رشيد / انتى ايه شيطانه ازاى تعملى كدا
فيرا / انت فاكرنى ببيع ايه و بعدين انت مالك اصلا بشغلى انت بتعمل شغلك و بتقبض و ما لكش دعوه باللى جوه الباكدج مش دى الرولز بتاعتك من الاول انا لو ما كنتش بحبك
رشيد / انتى استغلتيني
فيرا / ما كانش فور فرى قبضت و قبضت كتير كمان
رشيد / و الادويه
فيرا تبصله
رشيد / دول ناس عيانه ناس بتموت بدل الدوا تديهم سم
فيرا / بحل ازمه الكثافه السكانيه بساعد الحكومه ايه ما تعبتوش من حملات تنظيم الاسره
رشيد / انا مش قادر استوعب
فيرا / انا بتاجر فى الاعضاء يا رشيد بموت الناس و افتحهم و اقطعهم و ابيعهم لاعلى سعر انا بموت اطفال عادى بتاجر فى البنات و الاطفال و اى حاجه تجيب فلوس انت بقي مصدوم ليه كنت فاكرنى مديره مدرسه راهبات مثلا … انا هقولك ايه اللى مزعلك … انك عرفت من بره
رشيد / ما انتى بتفهمى اهو
فيرا / اعتبرنى بشيل من علي ضميرك حمل ما عدتش قده سمر اثرت عليك صحت ضميرك و واحده واحده بدات تفقد السيطره انا واخده بالى من زمان بس ما اقدرش اساعدك فى الحكايه دى دا انت اتجوزتها و سمعت انك بقيت بتصلى كمان
رشيد / ما قصرتش فى شغلى
فيرا / تمام يا رشيد هديك باكدج … اندر ايدج فيرجن هتروح حفله انا و انت عارفين هتعمل ايه هناك … ممكن توديهالى
رشيد يبصلها
فيرا / اكيد لا … شوفت بقي انك ضعفت … ما عدتش رشيد الساحر الاسطوره و واحده واحده مش هتبقي نافع فى الشغلانه دى و الكنز اللى عندك هيندفن موهبتك النادره و خبرتك هيضيعوا عشان شويه ضمير صحيوا فجاه … عرفت ليه ما قولتلكش
رشيد يسيبها و يمشي
فيرا / هترجع و انا هستناك
فيرا تعلى التليفزيون
المذيعه / لا يا فندم الموضوع مش مجرد حلويات احنا عاوزين نطمن ان اولادنا فى امان
فيرا / هههههههههههههههه لذيذه اوى البنت دى
…………………..
فى اوضه سماح
سماح بتزاكر مغاورى يدخل
سماح / دقيقه بس دقيقه اخلص الحته دى
مغاورى / خدى وقتك انا لسه هغير و اتشطف
سماح / يووووووه دا انتى رخمه اوووف
سماح تقفل الكشكول بعصبيه و تلم حاجتها
سماح/ بقالى ساعه فى الحته دى اعيد و ازيد و ابدا اصلا البت ما لهاش غير بيتها و جوزها بلا تعليم بلا قرف
مغاورى/ بشوقك انا ما يفرقش معايا بس انا ما كنتش اعرف انك نفسك قصير اوى كدا
سماح / سيبك منى … شكلك مش مظبوط عمتك تانى و لا ايه
مغاورى / لا مفيش حاجه … امممم انا نسيت اكلمك قبل ما اجى … عندنا اكل و لا انزل اجيب
سماح / ما شوفتش الحله اللى بره و لا ايه دا عملتلك مكرونه بالتونه
مغاورى / و دى تطلع ايه دى … اقولك اغرفى اغرفى انا واقع
سماح / هتعجبك استنى
سماح تطلع بره و مغاورى يدخل الحمام يغسل وشه و ايديه
سماح / والله كان ورايا مزاكره كتير فدى كانت اسرع حاجه يعني
مغاورى / كلها نعمه ربنا احنا هنتبتر على ايه و بعدين تسلم ايدك يعني
مغاورى يطلع و سماح شايله طبقين فى ايدها تحطهم على الترابيزه
مغاورى / لا ريحتها حلوه
سماح ترجع تجيب طبق السلطه و تحطه و معلقتين
سماح / فى كمان فى الحله لو عاوز اجيبلك
مغاورى / اخلص ده الاول بسم الله
مغاورى يدوق
سماح / عجبتك
مغاورى / حلوه تسلم ايدك
سماح / اعملها تانى
مغاورى/ لا
سماح / الله هى مش عجبتك
مغاورى / خليها للطوارئ اللى زى دى تعرفى لو حطيتيلى علبه التونه على طبق السلطه و ظبطيهالى و سخنتيلي رغيفين عيش و لا تسلقي و لا تسبكى مش اريحلك والله اريحلك
سماح / طب لو مش عجباك
مغاورى / حلوه وآلله تسلم ايدك هاكلها لا دا انا هنسفها بس ما تعمليهاش تانى انا ما بفهمش الاكل ده بطنى مش واخده عليه تحسيه … مش بتاعى
سماح / طب عاوزين نشترى فريزر صغير بقي احط فيه خزين فراخ لحمه الحاجات دى يعني
مغاورى / محلوله بكره يكون عندك احسن حاجه
سماح / و عاوزه حلتين و صينيتين و شويه مواعين اقولك ما تشغلش بالك انا هكلم امى تجبلى
مغاورى / ورقه وقلم و اكتبى طلباتك و انا هجيبها خلى ست فاطمه مرتاحه
سماح / تمام اللى تشوفه
مغاورى يكمل اكل
سماح / بالمناسبه … امى و الجماعه هيجوا يزورونى بكره
مغاورى / عباده كلمنى مش فاهم هو عامل تكليف ليه
سماح / هنعمل ايه
مغاورى / فى ايه ؟
سماح / افرض الجنونه جت لعمتك و
مغاورى/ سماح … دى عمتى مهما كان اللى بينك و بينها مهما كان اللى بيني انا و بينها هتفضل عمتى يا سماح
سماح تبص الناحيه التانيه و ترجع تبصله و تهز راسها
سماح / لا امى و لا اخويا هيعدوا اى غلط فى ابويا و لا حتى عشانى
مغاورى / مفيش حاجه هتحصل ان شاء الله و بعدين سبيني اتهنى على اللقمه بقي
سماح / معاك حق حقك عليا … صحيح و انا بقلب فى الدولاب لقيت حاجه كدا اول مره اشوفها … بس عجبتنى
مغاورى يبصلها باستغراب
سماح / كنت دافسها كدا ليه … يا راجل بكلمك على القميص الاصفر الكنارى القصير
مغاورى يبتسم و يبص الناحيه التانيه و هو بيهرش فى قفاه بصابعه
سماح / تسلم و تسلم مجايبك
سماح تقوم تدخل الحمام
مغاورى / مش هتاكلى و لا ايه
سماح ما تردش
مغاورى / طب اكمل اكل و لا اجى و لا ايه
سماح ما تردش مغاورى ياخد معلقتين بسرعه و يقوم و يرجع ياخد معلقتين يحشرهم و يروح يفتح الحمام
……………………
فى سرايا الجوارحه
انتصار بتحضن و تبوس فاتن
انتصار / الف مبروك يا ضنايا ربنا يتملك على خير
فاتن / انا لولا الملامه كنت زغرطت فى المستشفي
فاطمه / البت دى اسمها فاطمه على اسمى انا بقولك اهو
فاتن / و احنا نطول يا عمتى
هند / الف مبروك يا فاتن ربنا يتملك على خير و تيجي بالسلامه
خديجه / كلمتى ابوكى تطمنيه
فاتن / طبعا اول ما خرجت من العياده اول واحد حتى قبل ابو عمر
انتصار / ناصحه من يومها بتضمن حقها هههههههههههههههه
الكل يضحك
هند / هو انا الوحيده اللى مش فاهمه و لا ايه … انتى فاهمه يا ماما
شيرى / هو فى اكرم من الكبير يا دودو
انتصار / لا و مش اى كرم دا كلو الا البنات على قلبه بيقول رزق
فاطمه / لما عرف انى حامل فى بت فى سماح جابلى طقم دهب
انتصار / عندى اخوه بس انا جابلى خاتم زياده
انتصار تغيظ فاطمه فاطمه تضحك
فاتن / ما تقلقيش يا عمتى انا ضربته منها
انتصار / الا بالحق انتى صحيح ما رجعتيهوش من فرح هند
فاتن / ما خلاص بقي يا ام فاتن هو اللى بيروح بيرجع
انتصار / ما يغلاش عليكي اعتبريه هديه بطه الصغيره
فاطمه / اخص عليكي يا ام فاتن بقي دا مقام بطه عندك برده
انتصار / لو على مقام بطه و لا غلاوه بطه فدى لا تتقاس بمال و لا تتاقل بالدهب و بعدين لسه هديه خديجه
فاطمه / لا … ان شاء الله شاكر … عشان سيرته تفضل فى الدنيا
الكل يبص لبعضه
شيري / انا هقوم ابص على الاكل لحسن سايبينه لوحده بقاله ياما
خديجه / انا جايه معاكى
شيرى تقوم و خديجه وراها
فاطمه / انا طالعه اوضتى ارتاح شويه
هند / و انا كمان تعالى نطلع سوا
هند و فاطمه يطلعوا سوا
هند / ممكن اسالك فى حاجه و ما تضايقيش
فاطمه / اسالي
هند / لو خديجه جابت بنت هتزعلى
فاطمه / اكيد لا كل اللى يجيبه ربنا خير هى بس تقوم بالسلامه … بس … احنا صعايده يا هند … اه كل اللى يجيبه ربنا خير و كل حاجه … انتى يا بت رخمه كدا ليه … طب تصدقى لو ربنا كرمها ببنت ندر عليا لدبح عجلين
هند / ولو ولد
فاطمه / هدبح اربعه .. يا رخمه
فاطمه تسبق و هند تجرى وراها
هند / استنى بس انا لسه مخلصتش كلامى
فاطمه / لا انتى رخمه مخصماكى
هند / هصالحك استنى ههههههههههه
هند تطلع تجرى ورا فاطمه
…………………..
عند الجواهرجى
ناصر بينقى بين تلت اطقم دهب تقيله مختار يدخل
مختار / ايه ده انت عرفت … السلام عليكم يا حج مكاوى
الجواهرجى / و عليكم السلام يا مختار يا ابنى تعال اتفضل
ناصر / اول واحد تعال ساعدنى
مختار يروح يقف و يتفرج
مختار / والله كلهم حلوين هى حاجه عم مكاوى كلها حلوه … بقولك ايه يا حج … ما عندكش حاجه من بتاعه اليومين دول
مكاوى / عندى شغل جديد لسه واصل هيعجبك اوى
مختار / ربنا يكرمك يارب وريني احلى حاجه عندك
ناصر / و انا اللى قولت هتساعدنى
مختار يشاور على واحد
مختار / ده حلو خدهولها
ناصر / بس التانى ده تحسه اتقل كدا ايه رايك
مختار / خلاص خده و انا هاخد ده
ناصر / ماشي كلامك … نشوف حاجه بقي لام فاتن
مكاوى يرجع و شايل علب يفتحها اطقم بناتى خفيفه و اساور و خواتم
ناصر / بقي ده مقام ست البنات برده شوفلنا يا عم خاتم الماظ و لا حاجه تقيله كدا
مختار / لا لا الحاجات دى حلوه هاخد دى
مختار يشاور على اسوره رقيقه اوى
ناصر / ياض لو ما عكش اكملك
مكاوى / خلى خالص يا سيد الناس خيرك سابق
مختار / عشت يا حج بس والله معايا … ام عباده لسه مدياها خاتم و حلفتها ما تقلعه و انت عارف زوقها مش هتلبس الحاجات التقيله دى غير فى الافراح و على عينها كمان هاخد دى و هاخد الطقم ده بس كل واحد لوحده و شوفلى علبتين حلوين على زوقك كدا يا عم مكاوى
مكاوى/ عنيا
ناصر / تسلم عنيك و هاتلى الطقمين دول يلا ان شالله ما عن حد حوش ما يغلاش عليها
مختار / الا هو ابو عمر جالك و لا لسه
مكاوى / جه امبارح و اشترى سلسله على شكل الكعبه
ناصر / امبارح !!!
ناصر يبص لمختار
……………….
فى مطبخ الجوارحه
سماح فاتحه التلاجه و بتنقى حاجات بتحطها فى حله ماجده تدخل
ماجده / مساء الخير
سماح / مساء العسل بقولك ايه هو احنا ما عندناش فلفل اللوان ؟
ماجده / مش عارفه مفيش عندك ؟
سماح / لا مش لاقيه
ماجده / هى الطبخه واقفه عليه و لا ممكن ابعت اجيبهولك الصبح ؟
سماح/ مش عاوزه انزل الصبح و اضطر احتك بعمتك و امى واهلى جايين بكره و مش هبقي فاضيه اعمل حاجه … مش مشكله هتبل الحاجه و اسيب الفلفل للصبح
ماجده / هتعملى ايه شيش ؟
سماح / اه عرفتى منين ؟
ماجده/ الحاجات اللى فى الحله و عاوزه فلفل الوان خمنت
سماح / انا بعمله حلو اوى هبقي ابعتلك طبق هعمله مشوى على رز كبسه هتاكلى صوابعك وراهم
ماجده / تسلم ايدك جوعتيني على السيره
سماح / انتى عامله ايه مع عمتك ؟
ماجده / عامله ايه فى ايه ؟
سماح / ما اعرفش مش بحس انها بتعاملك حلو .. بحس أنها بتطلع غلبها فيكي … مهى الواحده لما بتسكت
ماجده / دى امى يا سماح امى و ام جوزى الله يرحمه و جده عيالي و بعدين انا واخده عليها و على طبعها
سماح / و هى بقي بتقدر الكلام ده ؟
ماجده / انا مش مستنيه منها حاجه انا بعامل ربنا اقعدى يا سماح
ماجده و سماح يشدوا كرسيين ماجده تشد سكينه و تخلى الفراخ
سماح / بتعملى ايه
ماجده / هتسلى و احنا بنتكلم
سماح تجيب سكينه تانيه و تشتغل معاها
ماجده / مفيش اسهل من الكلام خدى حقك و ردى و هى ترد و الدنيا تكبر و يمكن من غير ما تقصدى تضيعي حقك و بدل ما الحق كان معاكى يبقي معاها و فى كل الحالات خسرتى انما لو سكتى
سماح / بتسوق فيها جربتها بتفتكر انه ضعف و تزيد و اديكي شوفتى و فى الاخر ما احترمتش حتى عضم التربه و لا عملت حساب لحد … يا ماجده هو فى شماته فى الموت
ماجده تبص فى الفرخه و تتنهد
سماح / لو كان مغاورى بعد الشر بعد الشر اللى مات يوميها كانت هترتاح هى لو كان اخويا اللى مات كانت هتفرح
ماجده / ما حدش بيفرح فى الموت يا سماح
سماح / عمتك بتفرح فرحت فى موت ابويا يا ماجده ابويا اللى عمره ما اذى حد و لا طلعت منه العيبه فرحت فيه يبقي الغريب قبل الغريب بيترحم عليه و عمتك بتشتمه
ماجده / غلطت بس … كلنا بنغلط
سماح تتنهد و تبدا تقشر البصل مغاورى يدخل
مغاورى / السلام عليكم … اتاخرتى كدا ليه قلقتيني
ماجده / الله يسهلوا مش قادر على بعادك يا ستى
سماح / هههههههههههه
مغاورى / انتوا بتعملوا ايه هتعشونا حاجه حلوه و لا ايه
سماح / هو انا مش لسه معشياك و بعدين هتتعشي فراخ بالليل يعني
مغاورى / بالليل و لا الصبح
مغاورى يفتح التلاجه يلاقي حله محشي بتنجان يطلعها
مغاورى / خدى سخنيلى دى
سماح / هبقي اعملك بس سيب دى
ماجده / يا بت سخنيها هو فى ايه
سماح/ فى انه لسه متعشي
مغاورى / لا فيها انها خايفه يقولوا مين اللى اكلها و يتعرف انه انا
ماجده / و دى فيها ايه
سماح/ فيها انه ملزم منى انا هعمله
ماجده / انا اللى اكلتها صحيت اطافست و كلتها الف هنا على بدنه اوعى انا اللى هسخنهاله
ماجده تقوم و تحط طاسه و سمنه
مغاورى / بحب البتنجان البايت اكتر من الصابح قرمشيها يا ست الستات
ماجده / عيني
سماح / هعملك والله بس
ماجده / ما خلاص بقي يا سماح و بعدين دا بيته عيب اللى بتعمليه ده
سماح / مش انا اللى عملت انتوا و لا نسيتي يا ماجده مش الكبير هو اللى قال ما حدش له دعوه بيا و انى ملزمه بروحى و بجوزى
ماجده / ادى اخره اللى يتجوز عيله مش كنت استنيت عليها شويه تكبر و تعقل
مغاورى / لا مهو جنانها عاجبنى برده
سماح تبصله و تبتسم
مغاورى / صحيح يا ماجده دوقتى المكرونه بالتونه قبل كدا
سماح تزغرله
ماجده / لا بس شوفتها على النت بيقولوا حلوه و خفيفه
مغاورى / خفيفه لدرجه انها ما بتصلبش فى البطن ربع ساعه على بعض
سماح / ما بتسترش ابدا كدا
ماجده / هههههههههههههههههه عمره دا انا مره قولت اجرب اعمل فطير تركى … الا صحيح يعني مهو بمبدائك ده المفروض ما تاخديش حاجتك من هنا بقي
سماح / مهو ما بيجبليش اعمل ايه يعني نموت من الجوع هنا يعني و لا ايه
شاهين يدخل
شاهين / هو مين اللى بيجوع هنا يا سماح … ايه الروايح الجامده دى تسلم ايدك يا ماجده فى ليا و لا ايه
مغاورى / بالليل يابا
شاهين / خليك فى حالك … ما ردتيش يا سماح مين اللى بيموت من الجوع
مغاورى / بتشتكى منى انى مش بجبلها خزين
شاهين / خدى دى من ايدي يا سماح
سماح / تسلم يا كبير بس
شاهين / انا هنا ابوكى يا سماح تقوليلى يابا خدى دى من ايدي
سماح تاخدها
سماح / تسلم ايدك
مغاورى / و انا ما ليش واحده من ايدك يا حج
شاهين / لا انا باكل الغريبه و الملبن بس … خدى يا غريبه الواحده دى
شاهين يعزم على ماجده تاخد و هى مبتسمه
سماح / ايه ده يعني انا طلعت الملبن
مغاورى / على كدا انا طلعت فايش بقي
ماجده / تصدق يا مغاورى نفسي فيه بكره ابدء فيه
سماح / لا خليها بعده و اساعدك بكره امى جيالى مش هبقي فاضيه
ماجده / و ماله احضر بكره الخميره و بعدين نكمل
سماح / ماشي
كوثر تدخل
كوثر / متجمعين عند النبى ان شاء الله
شاهين / اللهم صلى عليك يا نبى تعالى يا ام عباس كليلك لقمه
كوثر / تسلم يا خويا
كوثر تقعد سماح تشد رخامه التقطيع و تكمل خلى الفرخه
كوثر / خير هى سماح عزمانا على الغدى بكره و لا ايه
شاهين / لا سماح اهلها جايين يزوروها بكره مش فاضيه
كوثر / بجد ينوروا و هى بقي الفرخه الغلبانه دى هتقضيهم ان شاء الله و لا هتحلفيهم عليها
مغاورى / لا دا احنا هنتعشي بيها انما انا هعزمكوا بكره على اكله سمك و جمبرى جاهزه و اهو يوم تريحوا فيه من المطبخ
شاهين / يدوم العز اعمل حسابى بقي فى طبق شوربه وصايه من اللى قلبك يحبها
مغاورى / من غير ما تقول هظبطك
شاهين / ههههههههههههههههه انا هطلع انام يلا تصبحوا على خير
كوثر / و الفرخه يا كبير
شاهين / الف هنا عليكوا
شاهين يمشي و كوثر تبص على مغاورى بياكل من المحشي يشوفها بصاله يعزم عليها بواحده
كوثر / لا يا حبيبي كل انت انا شبعانه
سماح تقوم تجيب الكبه و تحط فيها البصل و تشغلها و ماجده تناولها حله
كوثر / عشنا و اتكتبلنا ندوق طبيخك يا سماح
مغاورى/ سماح نفسها حلو اوى يا عمتى
كوثر / و مين يشهد للعروسه
ماجده تروح تفتح التلاجه و تطلع علبه المسطرده و تساعد سماح فى تتبيل الفراخ
كوثر / حطيلها لبن يطريها
سماح / هحط ذبادى
كوثر / ما فرقتش
سماح / نسويها كدا و خلاص و لا هنشويهم مفيش فلفل
ماجده / هعملهم صينيه … اعملك مكرونه يا مغاورى
سماح / مكرونه و محشي بالليل كدا كتير
كوثر / انتى جايه تعدى على الراجل لقمته فى بيته
سماح / صحته تهمنى يا عمتى جوزى و بخاف عليه
كوثر/ طب اهتمى بيه و اكليه ياختى ما دام بتخافى عليه اهتمى بيه ياختى بدل ما هو يا حبه عيني اتمقت كدا
مغاورى / كتر خيرك يا عمتى بس انا كويس و زى الفل تسلمى
كوثر / كويس اه … باماره جلبيتك المكسره
مغاورى / و هى المفروض تمشى ورايا بالمكوه يعنى تفردها عليا ما انا لابسها من ساعه ما رجعت
كوثر / لا بس على الاقل تنبهك تاخد بالها تقولك قبل ما تنزل الجلبيه اتكسرت غيرها
سماح تبص لماجده
مغاورى / هى ما شافتنيش و انا نازل اصلا انا كنت ممدد على السرير بتفرج على الماتش و لما استعوقتها نزلت اشوفها اتاخرت ليه
كوثر / ليه كنا هناكلها و لا هناكلها
مغاورى / لا اله الا الله ما تطلعى ترتاحى يا عمتى انتى و ماجده و لما سماح تخلص هنطلعلكوا منابكوا لحد عندكوا
كوثر / مراتك حكتلك على الحقيقه و لا لسه مأكلاك البلوظه
مغاورى / عمتى
كوثر / طلعتنى كدابه و مجنونه و هى يتفاتلها بلاد جلدها ناعم زى الحيات
سماح / اغلطى كمان ما انا ساكته
كوثر / لا متربيه يا بت فاطمه
سماح / سكتنالها على غلطها فى ابويا هتسوق فيها و تغلط فى امى
مغاورى / اطلعى اوضتنا يا سماح
سماح / لا يا مغاورى انا مش متجوزاك فى اوضه فى لوكنده انا ليا فى البيت ده و من حقى اروح و اجى فيه
كوثر / حق ايه يا ام حق
مغاورى يتعصب
مغاورى/ ما كفايا بقي يا عمتى ارحميني بقي ما كانتش لقمه كل ما نيجي نحضرها تعمليلنا مشكله
كوثر / انا يا مغاورى … انا اللى بعملك مشاكل دا بدل ما تربى مراتك بتتشطر عليا
سماح / انا متربيه غصب عنك
مغاورى / سماح اطلعى فوق
كوثر / بكره امك جايه و اقعدها و افرجها على تربيتها السوده
سماح / انضف من تربيتك بتاع الكاس و الكباريهات
مغاورى يلطش سماح بالقلم سماح عنيها توسع
كوثر / ربيها بنت الكلب دى
سماح / مريم كان معاها حق
سماح تطلع على اوضتها تجرى
ماجده / ليه كدا يا مغاورى
كوثر / صعبت عليكي و هى بتغلط فى جوزك اللى مات
ماجده / ما انتى بتغلطى فى ابوها اللى مات و فيها و فى امها و فينا و فى الكل
مغاورى واقف باصص فى الارض و حس بالندم
كوثر / شوفت ادى اخره مجايبك اهى بوظت أخلاق اختك و علمتها تعلى حسها
مغاورى / اشبعى بالبيت يا عمتى انا هاخد مراتى و نشوف بيت تانى
مغاورى يمشي
كوثر / فى ستين داهيه
ماجده / ياريتنى ما جبتها تراضيكي يمكن ما كانش كل ده حصل
ماجده تطفى البوتجاز و تاخد الحله و تطلع ورا مغاورى
………………
فى اوضه مختار
هند / يعني هو كان عارف انها حامل فى بنت
مختار / لا بس قال يامن نفسه جت بنت يسبق جه واد يكسب بونط اصل الكبير ما بينقطش الواد الا بعد الطهور
هند / ما كنتش اعرف ان الصعايده بيحبوا خلفه البنات اوى كدا
مختار / مش كلهم بس لما الكبير بقي بيعمل كدا الدنيا هديت شويه و الناس بقت بتفرح و بتقول رزق
هند / تكتيك يعني
مختار / البلد دى ما كانتش كدا زمان نسبه الاميه فيها كانت عاليه و لحد دلوقت لو اعتبرنا ان المتعلمين بس هم اللى متخرجين من الجامعه فدول نسبه صغيره و لو قولنا اللى كملوا بعد الجامعه فدول يتعدوا على الصوابع الباقي اطخنهم ثانويه او دبلوم هيفكروا ازاى
هند / بس انتوا غير كدا خالص يعني كل اللى اتعاملت معاهم غير كدا
مختار / احنا كلنا غير كدا بس من بره انما العرق دساس هتستنى ايه من ناس اتربوا على اغنيه لما قالوا دى بنيه هدوا سور البيت عليا لا و بيغنوها لعيالهم و يربوهم عليها طب دا نانسى عجرم عملت طفره بالاغنيه بتاعتها دى
هند / وجهه نظر
مختار / تعرفى حتى لو فى بلدنا مفيش جواز قاصرات فدا عشان الكبير مانعه انما حتى فى مصر بقوا يضربوا للبت عرفى لحد ما تم السن يسجلوه انا مش هقول دا حلال و لا حرام بس فى عرف مين تسلم بنتك لسكينه يا عالم هتديحها ازاى مش يمكن جوزها يموت قبل ما تم مش يمكن تحمل و تولد قبل ما تم مش يمكن يطلع ابن كلب و يطلقها قبل ما تتسجل الجهل وحش بيخلى الناس تعمل حاجات ما تدخلش العقل
هند / بس انكوا تحاربوا الحاجات دى دا فى حد ذاته خطوه كويسه
مختار / من شب على شئ شاب عليه فاتن جابت البت على صبيان شوفى بقي لو كانت بكريتها
هند / فاطمه
مختار / هههههههههههههههه ما افتكرش عباده
هند / لا فاطمه قالت النهرده عاوزه شاكر اقولك حاجه و ما تزعلش
مختار / انا ما اقدرش ازعل منك قولى
هند تبتسم
هند / ماما ما كانتش موافقه عليك مش عشان انت وحش بس عشان كانت شايفه ان عيشه الصعيد صعبه عليا
مختار / و انتى شيفاها ايه
هند / هى صعبه … بس جميله اوى لما بتاخد عليها
مختار يبتسم
…………………
فى اوضه سماح
مغاورى يفتح الباب يلاقيها بتصلى يقف و يرجع يقفل الباب
مغاورى / خلصى عاوز اتكلم معاكى
سماح تسجد مغاورى يقعد على السرير و يبصلها سماح تقف
مغاورى / انتى بتصلى ايه انتى مش صليتي العشا قبل ما تنزلى
سماح تركع الباب يخبط مغاورى يقوم يفتح الباب يلاقي ماجده شايله الحله
ماجده / كملوا سواها هنا … راضيها بالله عليك
مغاورى ياخد الحله و يحطها على الرخامه و يدخل يلاقي سماح بتسلم يروح يقعد قدامها عماله تسبح و باصه فى الارض
مغاورى / عاوز اتكلم معاكى
سماح / انا بصلى عشان فى جوايا مليون شيطان دلوقت لو سبتهم هيحرقونا احنا الاتنين
سماح تبصله و عنيها باين فيها الحزن
سماح / انا غلطت يا مغاورى غلطت لما رديت و غلطت لما جبت فى سيره الأموات و راضيه بعقابك بس هى لما غلطت غلطتنى
مغاورى/ غلطه و ما اعرفش خرجت منى ازاى والله ما مصدق انى عملت كدا حقك عليا
سماح / ان كنت جاى تراضيني عشان ما اقولش لاهلى
مغاورى / انا براضيكي عشانك عشان انا غلطت
سماح / بس هم هيعرفوا و هيجوا ياخدونى و تروح تجيب غيرى
مغاورى / مفيش حد هياخدك منى اى كان حكمهم عليا هرضي بيه انا غلطت و مش بكابر
سماح / انا داخله الحمام
سماح تقوم و تشيل السجاده تطبقها و تحطها على الكرسي و تدخل الحمام
مغاورى/ ماجده جابت الحله قالت اعلق عليها
مغاورى يروح يعلق على الحله و يفتح و يدوق
مغاورى / لسه ما استوتش بس طعمها حلو … انا هجيبلك بيت بره … هجبلك سرايا لوحدك
مغاورى يخبط على الحمام مفيش صوت يفتح الباب بالراحه يتفتح يلاقى سماح ماليه البانيو و قاعده فيه و ماسكه مرايه و بتبص فيها على خدها
مغاورى / انتى بتعملى ايه
سماح / بيقولوا الميه الدافيه بتخلى الواحد يسترخى و يهدى و انا اتعصبت جامد قولت افك روحى كدا
مغاورى / الدنيا برد و الميه هتسقع و هتعيي
سماح تتنهد و تشاورله على البرنص متعلق على الشماعه
سماح / معاك حق ناولنى معلش البرنص ده او اقفل الباب و انا اقوم اجيبه
مغاورى / هتقفلى الباب منى ؟
سماح / ما عاش و لا كان اللى يحط بينا باب يا مغاورى بس حتى لو قلبي مسامحك و قابل منك اى حاجه كرامتى مش قبلاها على روحى ناولنى البرنص
مغاورى يروح يقعد على حرف البانيو
مغاورى / هراضيكي
سماح / عارفه
مغاورى / مش هكررها
سماح / عارفه
مغاورى / انا بحبك يا سماح
سماح تبتسم و تشم ريحه
سماح / اللحق الفراخ
مغاورى يجرى على بره يشيل الحله من على العين باب الحمام يتقفل
مغاورى/ الله يجازيكي يا عمتى
…………………
فى اوضه كوثر
كوثر / انت بتكلمنى فى ايه انت عاوز تحبسني فى بيتي
شاهين / احسن ما تتحبسي فى حته تانيه و كفايا اللى عملتيه
كوثر / عملت ايه البت غلطت و جوزها ادبها ايه اللى جد
شاهين / اللى جد ان لا عباده و لا ناصر زيي و لا هيفرق معاهم خراب البيت من عماره و شاكر مات و فاطمه مش هتسكت
كوثر / هيعملوا ايه يعني هيخربوا على بنتهم فى داهيه و انا اجوزه ست ستها
شاهين / لا اله سبحانك انى كنت من الظالمين هو انتى ايه يا شيخه مفيش عقل على العموم انا اللى عندى خلص و خليها منك بدل والله اقفل عليكي بالمفتاح و اخليه سجن بحق و حقيق انتى فاهمه و لا لا
كوثر / فاهمه … ماجده فين
شاهين/ نامت ياريت تنامى انتى كمان يمكن تهدى شويه و تفكرى فى اللى حصل و تلمى الليله
كوثر / لا يا خويا اطمن الليله خلصت و انفضت
شاهين يبصلها و يمشي و هو بيتنهد يروح يفتح التراس و يقف يسند على السور
ماجده / مغاورى و سماح ما لهمش حس و ما حدش خرج من ساعه ما دخلوا اوضتهم يبقي اكيد رضاها
شاهين ساكت
ماجده / البيوت ياما بيحصل فيها و بعدين
شاهين / البت كل ما تنزل تجيب لقمه عمتك تجر شكلها
ماجده / مغاورى هيجيبلها تلاجه بفريزر و هملاهالها
شاهين / هتتحبس يعني العمر كله فى اوضتها مهو ان ما كانش فى المطبخ هيبقي فى اوضه الغسيل
ماجده / عدنها عايشه فى شقه فى بيت اغراب تقفل عليها بابها و تقصر الشر
شاهين / انتى طيبه يا ماجده… فاكره اول مره عباس مد ايده عليكي فيها
ماجده / سماح مش زيي و الدليل اهو لا حد اتصل بيك و لا حد جه
شاهين / و دا اللى مخوفنى البت ما خدتش اى رد فعل بنت شاكر الزيني تنضرب و تسكت … طب ازاى
ماجده / قولتلك راضاها
شاهين / ربنا يستر
شاهين يدخل و يبص لماجده
شاهين / اوضه عمتك ما تعتبيهاش هبعتلها الاكل مع اى حد صغير يدخله و يطلع
ماجده / ايوه بس
شاهين/ لازم تتلم يا ماجده انا ما عدتش قادر عليها لو وديتها لدكتور هيقولوا اخت شاهين الجارحى اتجننت لو وديتها تعيش فى بيت لوحدها هيقولوا شاهين الجارحى طرد اخته من بيت ابوها
ماجده / ان شاء الله ربنا هيهديها و
شاهين / على الله بس ما يكونش بعد خراب ملطه يلا تصبحى على خير
شاهين يمشي و ماجده تتنهد الدنيا تشتى تدخل جوه جرى
……………….
فى اوضه سماح
سماح واقفه فى البلكونه مغاورى يدخل و يحط عبايته الصوف على ضهرها
مغاورى / هتعيي يا بنت الناس خشي
سماح / ادعى يا مغاورى
مغاورى / و هى الدعوه مش هتستجاب جوه
سماح / كنا بنطلع نجرى على السطوح نلعب فى المايه و امى تطلع تجرى ورانا بالشبشب تنزلنا و تغيرلنا و الدكر يقوم من تحت الغطا
مغاورى / طب تعالى جوه و احكيلى
سماح / جوه كاتمه الحيطان طابقه على مراوحى نفسي مكتوم
مغاورى / طب تعالى كلى لقمه قبل الاكل ما يبرد
سماح / كل انت الف هنا انا ما كنتش جعانه من الاول انا كنت عاوزه اجيب فرخه و شويه بهارات نعمل لقمه لبكره ماجده اللى قالت اساعدك و انت اللى طلعت المحشي و قلبتوها قاعده انا ما كنتش عاوزه حاجه من دى انا كل مره انضرب و اسكت و اقول المركب تمشي
سماح تعيط
مغاورى / كفايا بقي يا سماح
سماح تمسح دموعها و تبصله
سماح / كفايا
سماح تدخل جوه تحط العبايه على كرسي و تدخل تحت الغطا فى السرير مغاورى يدخل و يقفل البلكونه و يشد الستاره و يروح ياخدها فى حضنه و يبوس راسها
مغاورى / والله ما عارف انا عملت كدا ازاى كانت لحظه شيطان وراحت لحالها و مش هتتكرر
سماح / لا هتتكرر هتتكرر مع كل مره سيرتى هتتجاب فى قعده حريم شوفتوا بنت شاكر الزيني انضربت بعد ما ابوها مات بنت شاكر الزيني اتهانت فى بيت الجوارحه
مغاورى / لو يرضيكي اراضيكي قدامهم كلهم
سماح / ما يولعوا كلهم انت فاكرهم فارقين معايا انت بجد فاكر انى لسه هنا عشان خايفه من كلام الناس انا هنا عشان بحبك انت فاكر ان القلم هو اللى وجعنى … انه جه منك هو اللى وجعنى انك جيت عليا ده اللى وجعنى
مغاورى/ ما انتى برده
سماح / غلطت تدبحنى لو اهلى حكموا عليك تطلقنى
مغاورى / مش هيحصل
سماح/ هتمسكوا فى بعض يعني هشوفك انت و اخويا ماسكين فى بعض
مغاورى/ مش هيحصل ما فيش حاجه هتحصل انا ما يهمنيش غيرك
سماح / و انا معاك اهو حافظ عليا بقي
سماح تعدى بصابعها على خد مغاورى يمسك ايدها و يبوسها
……………………..
تانى يوم فى الداخليه
ظابط بيبص فى ورق و قاعد قدامه اتنين ظباط تانين
ظابط ١/ انا مش عارف هبلغ الخبر ده للقيادات ازاى انتوا متخيلين حجم الازمه اللى احنا فيها
ظابط ٢ / يا فندم الادويه معموله باتقان شديد مستحيل تفرقها عن الاصليه
ظابط ١ / ما دى المصيبه يا حاتم بيه حضرتك بتطلب منى اسحب كل المسكنات من السوق قايمه الصيدليات اللى بتوردلها شركه الادويه دى مهوله
ظابط ٣ / بس كل العينات الايجابيه يا فندم كلها لمنتج واحد
ظابط ١ / معاك و قدامى برضه تقرير بخلو المنتج الاصلى تماما من البى كاى
حاتم / حضرتك احنا ممكن ناخد اكتر من عينه تانيه و نحللها و
ظابط ١ / انت لسه هتضيع وقت اكتر من كدا على ما نتيجه التحاليل دى تظهر نكون خسرنا ناس كتير جدا و الدنيا اتقلبت علينا مش كفايا الحلويات بتاعه العيال الصغيره … صحيح عملت ايه فى الموضوع ده يا احمد بيه
احمد / جارى عمل اللازم يا فندم
ظابط ١ / ايوه يعني وصلتوا لايه انا سؤالى واضح
احمد / تمت استرداد كل البضاعه الفاسده من على الرفوف يا فندم و جارى اعدامها
ظابط ١ / و صاحب المصنع قبضتوا عليه و لا لسه انا عاوز المصدر انا عاوز اضمن ان البضاعه دى مش هيتغير الغلاف بتاعها و تنزل السوق تانى انت فاهمنى و لا لا
احمد / ان شاء الله قريب اوى
ظابط١ / قدامك تمانيه و اربعين ساعه و الراجل ده يبقي قدامى
احمد يبص لحاتم و يبص للظابط و يهز راسه
احمد / ان شاء الله يا فندم
ظابط ١ / و صاحب شركه الادويه يا حاتم نفس الكلام
احمد / بعد اذن سعادتك انا كنت عاوز اسال عن حاجه
ظابط ١ / اتفضل
احمد / هو احنا هنسحب الادويه كمان من السوق يا فندم و لا هنعمل ايه
ظابط ١ / لاسف القرار فى الموضوع ده مش قرارى بس انا متاكد انهم هياخدوا القرار الصح فى الموضوع
احمد و حاتم يبصوا لبعض
…………………….
فى اوضه سماح
سماح قاعده قدام المرايه بتعمل شعرها بالبيبي ليس و لابسه عبايه مطرزه فخمه جدا و حاطه مكياج خفيف باب الاوضه يتفتح و مغاورى يدخل شايل كيس جواهرجى
مغاورى / ايه الحلاوة دى ايه اتصل بيهم اعتزرلهم و لا ايه
سماح / يا سلام و دا ينفع يعني
مغاورى يقرب منها
مغاورى / نقولهم مش فاضيين
سماح تقوم و تروح ناحيه الترابيزه عليها طقم دهب تلبس الغوايش
مغاورى يمد ايده فى الكيس و يطلع العلبه و يفتحها و يروح يوريها لسماح
مغاورى / يارب تعجبك
سماح تشوفه تبتسم و تلف يحط العلبه على الترابيزه و يلبسها الكوليه التقيل مغطى صدرها
مغاورى / جبت اتقل حاجه عنده قولت الغالى للغالى
سماح / تعيش و تجيب
سماح تروح تبص علي الكوليه فى المرايه
مغاورى / معاه حلق كمان
سماح / الحلقان دى بتتعبنى بس و ماله يستاهل
سماح تفك الحلق اللى فى ودنها و تركب الحلق الجديد
مغاورى/ هو الكبير جاى النهرده
سماح / والله ما اعرف مين اللى جاى
مغاورى / مهو انا ما بحبش القمر بتاعى يتكشف على رجاله غيرى حتى لو ولاد عمها و انتى محلوه اوى النهرده
سماح / هتغير عليا من الكبير دا هو اللى مربيني
مغاورى/ عباده ماشي غير كدا عندى كلهم واحد هتطلعى للكبير بشعرك السايب ده يعني بلاها الكبير ولاد اعمامى اهلى
سماح / ما تقلقش كدا كدا هيبقي فى طرحه
مغاورى / و المكياج
سماح / ما ينفعش الكونسيلر من غير كحل و روج وشي يبان بهتان
مغاورى/ ولازمته ايه البتاع الاولانى ده من اصله
سماح / عشان ما حدش ياخد باله من التاتو اللى رسماه على وشي
مغاورى/ مش للدرجادى يعني ما انا سايبك الصبح كنتى زى القمر و وشك ما فيهوش حاجه و بعدين
باب الاوضه يخبط
صوت عيل صغير / الجماعه تحت يا خالى الجماعه تحت
سماح / عشان خاطرى يا مغاورى عشان خاطرى عديها النوبه عشان خاطرى
مغاورى / عشان خاطرك انتى بس .. ما تطلعيش الجنينه ناكل اللقمه بسرعه و تاخدى الحريم و تطلعى على هنا تقعدوا براحتكوا
سماح / ربنا ما يحرمنى منك ابدا … انزل بقي سلم عليهم على ما اللبس الطرحه
مغاورى / ماشي … ما تخففى الروج ده شويه
سماح تجيب ازازه برفان و تفتحها
مغاورى/ ما تزوديهاش بقي يا سماح
سماح / جرا ايه يا راجل دى بتاعتك عشان يبقي ريحتك حلوه و يعرفوا انى مهتميه بيك الله
سماح ترش لمغاورى و هو مبتسم تحدفله بوسه و تروح تلبس الطرحه
………………….
فى الهول تحت
عباده و خديجه و فاطمه و مريم و انتصار يدخلوا ام مغاورى تستقبلهم و تسلم عليهم و تحضن و تبوس شاهين يدخل بعدها يسلم على عباده
شاهين / والله كان المفروض ندبح حاجه بس مغاورى بقي سبقنا و ظبطلنا اكله سمك على حسكم
فاطمه / طب تصدق و تؤمن بايه
شاهين / لا اله الا الله
فاطمه / نفسي كانت ريحاله بقالنا ياما ما اكلناش سمك مش كدا يا ام فاتن
ام مغاورى / الف هنا على بدنك
شاهين / امال باقى الجماعه ما جوش معاكوا ليه
عباده / والله الكبير كان جاى بس المحافظ اتصل بيه و راحله شكل فى حاجه كبيره و قبل ما تقولها انا عارف الكبير هو اللى قال للمحافظ ما يكلمكش و بعترف انا اللى وزيته يقول كدا عشان ما يبقالكش حجه تهرب منى و اخد بتارى منك فى الطاوله بعد الاكل
شاهين / ههههههههههههههههه و ان خسرت تانى هيبقي ايه الحال ان شاء الله
عباده/ الخساره قدامك مكسب يا سيد الناس تتكتب فى السى فى بتاعى
شاهين / السي فى حته واحده
ام مغاورى / جرا ايه يا حج هى الوقفه عجبتك و لا ايه … بقولكوا ايه احنا ندخل على الاكل و هو سخن و بعدين نبقي نقعد بقي نتكلم براحتنا و نسيبهم يشوفوا حوار الطاوله بتاعهم ده
خديجه / بس انا بحزرك يابا مغاورى بيتمرنلك من يوميها
شاهين/ يا بت ابوكى حريف طاوله من قبل ما جوزك يتولد
عباده / طب اى حاجه قدام مراتى طيب .. طب عشان خاطر شاكر الصغير اللى جاى فى السكه
شاهين / تخسر بشرفك احسن من انك تكسب تفويته و لا ايه يا جوز بنتى
عباده / هو صح بس انت اللى مش هاين عليك تخليني اكسب نوبه على العموم انا جاهز وان شاء الله اكسب النهرده
الجماعه يدخلوا السفره ماجده و كذا ست بيرتبوا السفره يسلموا سماح مغاورى يدخلوا
مريم / سماح
سماح / وحشتيني اوى اوى ما كنتش متخيله ان البعد عنك هيبقي صعب كدا
عباده / و انا ما كنتش اعرف ان الجواز بيحلى كدا
عباده يحضن سماح ويبوس راسها فاطمه تاخدها من حضنها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
