رواية البر التاني الفصل التاسع عشر 19 بقلم لولو محمد
رواية البر التاني الجزء التاسع عشر
رواية البر التاني البارت التاسع عشر
رواية البر التاني الحلقة التاسعة عشر
مختار / انتى شطوره خالص فى اكل الايسكريم
ياسمينا تبتسم
ياسمينا / تاخد حته
مختار / لا انا هشرب قهوه شكرا كلى انتى بس نو نو عشان زورك
ياسمينا تهز راسها و تاكل مختار تليفونه يرن يرد
مختار / السلام عليكم
عبد الله / انا وصلت المول اهو
مختار / انا فى الكافيه اللى فى الوش
عبد الله يبان من بعيد مختار يرفع ايده
مختار / انا قدامك بالظبط
عبد الله/ شوفتك جايلك اهو
مختار يقفل و ثوانى و عبد الله يدخل يسحب كرسي و يقعد
عبد الله / ايه يا جدعان المشوار ده … اعتقى
ياسمينا تشاورله ابعد
مختار / و الله ما اعرف قالوا المكان هنا عامل عروض و فيه حاجات حلوه قولت تمام انتوا ادرى
مختار يبص بعنيه على المحلات
مختار / بس ما انكرش ان فى محلات كتير يعني ممكن ننجز النهرده
عبد الله / هههههههههههههههه طيب اوى دول مش بعيد يقلبوا المول فوقانى تحتانى و ما بشتروش شراب حتى
مختار / ههههههههههههههههههه يا سيدى واخد على كدا الحريم كلهم واحد على فكره الا من رحم ربي يعني
عبد الله / امال هم فين كدا
مختار / والله ما اعرف هما فى مكان ما هنا احنا بقالنا كتير قاعدين الصراحه المهم تاكل حاجه و لا تشرب حاجه و لا ايه
عبد الله / والله مش عارف انا جيت من الدرس على هنا علاطول
ياسمينا / انا كلت بيتزا
عبد الله / حلوه … انتى اى بيتزا بالنسبالك حلوه اصلا
ياسمينا تطلعله لسانها
عبد الله / احلى حاجه فى الدنيا احترام الناس والله
مختار / ههههههههههههههههههههه
مختار يشاور للوايتر يدخل
مختار / منيو الاكل لو سمحت
عبد الله / من غير منيو بيتزا سوبر سوبريم وسط لو سمحت و كول سلو كبير و فرايز و بيبس
الوايتر يهز راسه و يكتب و يمشي
عبد الله / شوفت السرعه
مختار يشرب القهوه و هو مبتسم
عبد الله / جايين يشتروا هدوم سوده
مختار يبص لعبد الله
عبد الله / بابا الله يرحمه ما كانش بيحبهم يلبسوا اسود الكام حته اللى عندهم اللى كانوا بيبدلوا فيهم الفتره اللى فاتت دول كانت كل حته منهم بفيلم
مختار / الله يرحمه
عبد الله / الله يرحمه بس تعرف انا كان عندى اسود كتير و عمره ما اتكلم
مختار / الاسود ملك الالوان هيبه برده انا بحبه و بحب اللبسه بس ما انكرش انى من نوعيه الله يرحمه الحج محمد بضايق لما بشوف اهل بيتي لبسينه
عبد الله / مع ان معظم لبسكوا اسود عبايات و كدا
مختار / دى حاجه و دى حاجه ههههههههههه بص يا عبد الله لبس الحريم عندنا تلت حاجات لبس بيتي اللى هو زى بتاعكوا فى البيت و كدا بجامات بقي و كدا دا فى اوضهم انما بره الاوضه زى ما شوفت كدا بتبقي عبايات ملونه و خرز و لميع و كل الدلع اللى البنات بتحبه ده انما بره سور السرايا دى عبايات تانيه خالص لازم تبقي حشمه فهمت
عبد الله / فهمت
الوايتر يدخل بالاكل
مختار / بقولك ايه انا قاعد بقالى كتير هقوم اخد لفه كدا على ما تاكل انت و ياسمينا و ارجعلك التليفون فى جيبي لو احتجت حاجه رنلى
عبد الله / تمام خد راحتك
مختار يقوم يتمشي
ياسمينا / هات حته
عبد الله / بيتزا على ايسكريم ايه العك ده و بعدين انتى مش لسه واكله
ياسمينا / ادوق
عبد الله يديها حته
ياسمينا / حلوه هات حته كمان
عبد الله / يا ساتر تعالى كلينى
ياسمينا تضحك و عبد الله ياكلها حته تانيه
……………………….
فى محل
هند تطلع من البروفه لابسه طقم اسود تدور على مامتها واقفه عند كونتر مش بعيد بتبص فى كتالوج لانجيريهات
هند / ماما
شيري تبص
شيري / حلو اوى غيرى و تعالى
هند تدخل و شيرى تشاور للبنت اللى بتبيع
شيري / هو الموديلات اللى هنا كلها موجوده
البنت / معظمها حضرتك نقى الموديل و اللون و انا اشوفه لحضرتك
شيري / طب شوفيلى الاتنين دول كدا نفس اللون
البنت / ثوانى
البنت تروح و هند تطلع من البروفه شايله الطقم على ايدها و تروح ناحيه مامتها و وراها بياعه
شيري / تمام هناخد ده كمان هنشوف كام حاجه هنا و نحاسب
البنت / تمام حضرتك
البنت تاخد الطقم و تروح عند الكاشير
هند / بتتفرجى على ايه يا ماما
شيري / اهو ما دام جينا نستلقط اى حاجه من جهازك
هند تبص فى الكتالوج و تبص لمامتها
شيري / ما تعرفيش زوقه ايه فى الحاجات دى
هند / ايه يا ماما السؤال ده احنا عمرنا ما اتكلمنا فى الحاجات دى اصلا
شيري / و لا حتى الالوان اللى بيحبها بوجه عام يعني
هند / لا ما اعرفش و مش هساله
شيري / هو انا قولتلك اساليه نبقي نشكل
البياعه التانيه تدخل و معاها علبتين تفتحهم و هند تتفرج و هى مبتسمه و تشاور على موديل تالت فى الكتالوح
هند / دول حلوين اوى يا ماما … لو سمحتى دا موجود عوزاه احمر لو فى
البنت / موجود ثانيه واحده
البنت تروح و شيري بتفتح القمصان اللى فى العلب هند تمنعها
هند / الناس يا ماما
شيري تبص حواليها
شيري / كلهم بنات و ستات اهو فى ايه مالك مش لازم اتفرج و اشوف الخامه
هند / بس مش كدا
البنت ترجع بعلبه هند تفتحها و تبص فيها
شيري / بكام دول يا حبيبتي
البنت / دا ٧٥٠ و دا ٤٢٠ و دا ٥٣٠
شيري / هى الحاجات دى غاليه كدا ليه هى ما عليهاش سيل هى كمان
البنت / لا يا فندم و بعدين الموديلات دى تركى مستورده و رخيصه جدا حضرتك هتلاقيها بره اغلى كتير صدقيني
شيري / برده هى حد هيشوفها لبسه و لا اتنين و تترمي فى الدولاب
شيري تبص لهند متبعاها
شيري / انا هاخد الاحمر ده بس و شكرا معلش تعبناكى
هند / مش لازم
شيري / انا مش هجوزك كل يوم مش عاجبك
هند تبتسم
هند / بصراحه اه اوى
شيري / خلاص تتهنى بيه يارب و الله لو معايا كنت جبتلك التانين كمان بس ملحوقه نستلقطهم حته بحته
هند تبتسم
شيري / يلا نحاسب بقي زمان ياسمينا طلعت عين مختار
هند / يلا
…………………….
فى محل تانى
مختار يدخل يتفرج بنت تروحله
البنت / حضرتك بتدور على حاجه معينه
مختار / جهاز عروسه
البنت / فى حاجه معينه فى دماغ حضرتك
مختار / خلينا فى الاحمرات مثلا
البنت / و المقاس
مختار / تقريبا زيك يعني
البنت / تمام اتفضل معايا
مختار يروح مع البنت خطوتين يشوف عبايه استقبال حمره كلها تطريز
مختار / عاوز من دى لو سمحتى
البنت / حاضر
مختار يمشي ورا البنت لحد كاونتر و يبص على المانيكانات حواليه البنت تجبله عبايات كتير منهم العبايه اللى اختارها و تفرد و مختار ينقي
مختار / بصي شكلى يعني مش كله لون واحد هاتى من كله … حلوه دى هاتيها مع الحمره
البنت تفضل تطلع و هو ينقي
مختار / حلو الازرق ده هى بتليق فيه اوى هاخدها … فى بجامات عرايسي
البنت / فى كل حاجه حضرتك
البنت تديله تلت كتالوجات
البنت / لانجيري و بيجامات و عبايات نقى حضرتك و انا اجبلك على ما اطبق دول
مختار يركن كتالوج اللانجيرى و يبص فى البجامات صورتين و يقفله
مختار / انا مش هعرف انقى من الصور دى نقيلى تشكيله حلوه و مش مهم السعر شكلى بقي اللوان و مقاسات شورتات بناطيل كت نص كم كلو عادى يعني و الداخلى شكلى برده
البنت / ثوانى حضرتك
البنت تمشي و مختار يقلب فى البوم العبايات لحد ما يوصل لعبايه جينز على بنطلون
مختار / حلوه دى هتعجب هند و تنفع فى البلد … لو سمحتى
مختار يلاقي البنت بعيد عماله تطلع يشاور لواحده تانيه
مختار / عاوز من العبايه دى
البنت / ثوانى حاضر هجيلك
مختار / و لو فى موديلات تانيه الاستايل ابو بنطلون ده هاتى بس غوامق الله يخليكي
البنت / من عنيا حاضر
البنت تمشي و مختار يبص فى الساعه البنت الاولى ترجع شايله علب لانجيريهات كتير تحطها قدام مختار
البنت / نقي حضرتك على ما اجيب البجامات
مختار يهز راسه و هو مبتسم و البنت تمشي و مختار يفتح و يفرد و ينقي
……………………
فى الكافيه
هند و شيري يدخلوا شايلين اكياس المحل يقعدوا
هند / خيانه اكلتوا من غيرى
عبد الله / انتو فين كل ده
شيري / دا يدوب محلين اتنين بس اللى دخلناهم
عبد الله/ محلين بس قولوا مولين بس على الوقت دا كله
هند / مختار فين
عبد الله / مش عارف قال هيبص على حاجه و هيرجع و اختفى فى نفس الفجوه الزمنيه اللى انتوا اختفيتوا فيها
شيري تفتح المحفظه و تعد الفلوس اللى معاها
شيري / المحلات هنا عندها حاجات حلوه و تشكيله كبيره وفرت وقت اللف بس الفلوس عجزت معايا جامد
هند تفتح محفظتها و تطلع فلوس
هند / انا معايا فلوس عملت حسابي و جبت معايا قولت بدل ما تعجبني حاجه و اندم خديهم
عبد الله / و انا معايا على فكره
شيري / خلو فلوسكوا معاكوا لو احتجت
عبد الله / لا خليها معاكى و اعزمى مختار على الغدى الراجل معانا من الصبح
هند / و هو مختار بياكل اكل الشارع برده
عبد الله / نعزم لسه هيستنى اما نروح و تطبخوا
هند تبص لشيري شيري تاخد منهم الفلوس
شيري / كل واحد عارف انا اخدت منه كام عشان ارجعهملكوا
عبد الله يشوف مختار جاى من بعيد بيزق عربيه مليانه شنط
عبد الله / مختار جاى هناك اهو ايه الحاجات دى كلها
مختار يدخل
مختار / كان عندكوا حق المكان هنا حلو جدا لقيت فيه حاجات حلوه اوى اما لو مريم عرفت المكان ده هتسحل امها هنا اسبوع لحد ما تدخل محل محل و تقيس كل اللى فيه
شيري / يا سيدى خليها تنبسط
مختار / المهم لقيتوا حاجات حلوه
هند / اوى لما اروح هوريهالك
عبد الله / بس ايه دا كلو
مختار / هههههههههههههههههههه و الله كان نفسي اجيب اكتر بس كل اللى فى المحل كانوا بصينلى و مركزين معايا فانسحبت فى هدوء بدل ما الهدوم تولع فى ايدي
هند / المهم جبت حاجات حلوه
مختار / لما نروح شوفيها و قوليلى رايك
هند تبتسم / تمام
شيري / اكيد جوعت يا مختار المكان هنا شكله نضيف اوى ايه رايك نطلب اكل
مختار / مفيش مشكله تحبوا تاكلوا ايه
مختار يشاور للوايتر
هند / هتاكل من بره يعني
الوايتر يدخل
مختار / المنيوهات لو سمحت
الوايتر يمشي و مختار يتكلم بهزار
مختار / مهو لو كنتى مهتمه كنتى جبتيلى معاكى سندوتشين
عبد الله / ههههههههههههههههههه
هند / غلطتى دى معلش
الوايتر يجيب المنيوهات
هند / بص خد بيتزا مارجريتا دى دقيق و جبن و سلطه لا لحمه و لا فراخ يعني ما فيهاش حاجه
مختار / ماشي هاتيلى واحده صغيره
شيري / يا ابني الصغيره دى اخرها تاكل ياسمينا و انت اكيد جعان
مختار / والله يا امى انا هاكلها لانى فعلا جعان غير كدا انتى عارفه الاكل ده ما ليش فيه خالص و لو عليا ما حطوش في بطنى
هند / نتصبر و اوعدك اول ما نروح البيت هعوضك باحلى عشا
مختار / ماشي شوفي تطلبي ايه
…………………………
على القهوه
ممدوح قاعد مع خيلان مختار
ممدوح / يا جدعان ما يبقاش نفسكوا قصير الزن على الودان امر من السحر اصبروا
خال ١ / يا عم احنا قولنا هتروشها انما انت نايم فى الخط
ممدوح / يعني اروشها اكتر من كدا ايه طلعتلها فى الكليه و التليفون حتى امها كلمتها و بعت ورد
خال ٢ / ابعت تانى و تالت هات نمر تانيه و كلمها اللى بتاخده مش شويه
ممدوح / و هو انا مقصر
خال ١ / يا ابنى افهم كل يوم بيعدي فرصتنا ننقذ البنت بتقل و اديك شوفت الواد محاصرها ازاى
ممدوح / و انا مش متاخر بس اعمل ايه اكتر من كدا الحاجات دى بتحتاج وقت و انا مش ساكت و عشان تتاكدوا دى لسته بالمصاريف بالسحتوت
ممدوح يطلع ورقه مدبس فيها بيان اسعار
ممدوح / لحسن تكونوا فكريني ضربت الفلوس فى جيبي و لا حاجه و مدبساكوا فيها فواتير الورد و كل حاجه
خال ١ / انا ليا بالنتيجه غير كدا ما يكلش انا مش فاضي للرغى الكتير انا قايم
خال ١ يمشي و ممدوح و خال ٢ يبصوا لبعض خال ٢ يمشي
ممدوح / واحد شاى هنا يا ابني
…………………..
قدام شقه هند
هند و عبد الله و ياسمينا و شيرى و مختار طالعين السلم و كل واحد شايل شنط كتير جدا يحطوها على السلم مختار يفتح شقته
هند / انت رايح فين مش هتيجي ؟
مختار / هموت من التعب هغفل شويه لحد ما تحضرى العشا تمام
هند / تمام
مختار يدخل و لسه هيقفل الباب
عبد الله / حاجتك يا ابني
مختار يطلع
مختار / دى مش ليا دى لهند
هند / ليا انا !!
مختار / ابقي قوليلى رايك و لو ما عجبوكيش يتبدلوا عادى معايا الفواتير …. يلا تتمسوا بالخير
مختار يدخل و يقفل الباب و هند عماله تبص على الشنط الكتير
عبد الله / ما تيلا يا جدعان هنبات على السلم و لا ايه
الكل يدخل و يشيلو الشنط و هند تفتح شنطه و تبص جواها و تقفلها بسرعه و تفتح باقي الشنط و تبص فيها و تبص لمامتها تقوم تبص معاها و يضحكوا
عبد الله / ما تطلعى تفرجيني جبتوا ايه
شيري / مش وقته خش زاكر على ما نحضر العشا … خشي يا هند دخلى الحاجات دى بسرعه على اوضتك و حصليني على المطبخ
هند تبتسم و تدخل الشنط جوه و تطلع تاخد غيرهم
شيري / انت هتفضل واقف مش كفايا اليوم اللى ضاع مش كنت روحت زاكرت احسن من قعدتك معانا
عبد الله / صحيح فى الهم مدعيين و فى الفرح منسيين عجبت لك يا زمن
شيري / هههههههههههههههههههه
هند / ما تدخل يا ابني تزاكر
عبد الله / اتوزعت
عبد الله يدخل اوضته و يقفل الباب شيرى تروح تبص في الشنط مع هند
هند / ههههههههههه ايه اللى هو جايبه ده
شيري / صاحب مزاج زى ابوكى تعالى ساعديني نحضرله العشا و نبعتله عبد الله بيه و تقعدى تقيسي و تفرجيني
هند تبتسم اوى و تدخل اخر حبه و تقفل الباب و تجرى مع شيري على المطبخ
……………………
فى شقه وسام
وسام و مامتها و يوسف و اسراء قاعدين فى الصالون
الست / دا كفايا وقفه يوسف جنبنا فى المستشفي
اسراء / امال انتى فاكره ايه هو فى زى يوسف طب دا كان هيتجنن عليكي و اسالي وسام مش حصل يا وسام
وسام تبتسم و تهز راسها
الست / هى الناس بتبان فى المواقف اللى زى دى
اسراء / و بعدين يا ست الكل انا مش عوزاكى تهملى علاجك تانى عاوزين نشد حيلنا كدا و لا ايه
الست / انتى عارفه مشاكل الشغل اللى ما بتخلصش الواحد كمان اعصابه ما عدتش بتستحمل
اسراء / يا اختى خدنا ايه من الشغل الا وجع القلب الست ما لهاش الا بيتها و جوزها و لا ايه يا وسام
الست / ايه اللى رماك على المر اديكي شايفه المعاشات ما تاكش عيش حاف و الاسعار كل يوم بتزيد
اسراء / و الله معاكى حق … دا احنا لسه امبارح الحج نفسه هفته على اكله سمك و جمبرى كلفتنى فوق الخمسميه جنيه الا ما جبنا كابوريايا حتى دا حتى الوليه رفعت سعر القليه خلته ١٢ جنيه فى الكيلو بدل ١٠ و اكلمها تقولى قال ايه الانبوبه غليت تقوليش هتقليلى بالانبوبه بحالها ما عدش فى ضمير
الست تبتسم و الكل يبص لبعضه
…………………
فى شقه هند
جرس الباب يضرب عبد الله يفتح الباب جري يلاقي هند طالعه من المطبخ
عبد الله / هفتح انا خشي خشي
هند تدخل و عبد الله يفتح يلاقي دليفرى ورد
الشاب / الورد ده للاستاذه هند الجمل
عبد الله / انا اخوها
عبد الله يستلم و يقفل الباب و يبص فى الكارت
صوت شيري من جوه / مين يا عبد الله
عبد الله يدخل المطبخ
عبد الله / هو ايه حكايه ممدوح ده يا هند
هند تبص لمامتها و لعبد الله
عبد الله / البيه باعت ورد مكتوب عليه مش قادر اشيل صورتك من خيالي و لا افقد فيكي الامل
هند / والله العظيم انا عملتله بلوك و المره اللى فاتت رميت الورد بتاعه فى الزباله
عبد الله / هو كان فى مره فاتت
شيري / استني يا عبد الله اما نفهم
هند / انا قولت لمختار على فكره و مختار كلمه و قاله انى مخطوبه و ما يكلمنيش تانى و الراجل اعتزر مش عارفه ازاى بيبعت ورد تانى
شيري / استني هو ممدوح ده طويل كدا و عريض و ابيضاني كدا
هند / تقريبا انا ما شوفتوش غير مره واحده فى الكليه … و صدفه والله
عبد الله / هى كمان حصلت للكليه
شيري / دا جالى الدكان و كلمنى عليكي و قولتله انك مخطوبه دا عبيط دا و لا ايه
عبد الله / عبيط ايه دا عاوز يتربي اديني نمره الحيوان ده
شيري / بس يا عبد الله بقولك ايه علاج الندل اجتنابه … بقولك ايه اتصل بمختار شوفه صحي و لا لا الاكل جاهز خده و روح زاكر معاه
عبد الله / و ان شاء الله هنقول لمختار على التطور اللى حصل فى حوار سي ممدوح ده و لا ايه
هند و شيري يبصوا لبعض
عبد الله / انا هروح اجهز كتبي و اكلمه جهزوا الصينيه بسرعه
عبد الله يروح اوضته
شيري / تعالى هنا فهميني ايه حكايه ممدوح ده من طقطق لسلاموا عليكوا
هند / و الله زى ما قولت قدام عبد الله
شيري / امال انا ما اعرفش عنها حاجه ليه .. على العموم جدعه انك حشرتى مختار و خليتيه فى الصوره لو كان عرف من بره الموضوع كان ممكن تحصل فيه مشكله
هند / والله قولتله فى ساعتها
شيري / بصي يا هند معظم المشاكل بتحصل لما بنحاول نخبى انما الصراحه بتقوى الثقه و مختار عاقل
هند تهز راسها
شيري / عبي الصينيه يلا خلينا نشوف اللى مستنينا جوه ده
هند تبتسم و تحط الاكل على الصينيه
………………….
فى شقه مختار
مختار ماسك الباب و مبتسم و عبد الله يدخل شايل الصينيه
عبد الله / اما نشوف اخره الشحطته دى ايه
مختار / شحطته ايه يا ابني دا الباب فى الباب الاوضه دى فاضيه عسكر لو تحب و لا اقولك الشقه كلها قدامك مطرح ما ترتاح اقعد المهم تزاكر
عبد الله / هزاكر بس الاول اقعد كلك لقمه الاكل ده كلو معمول على حسك
مختار يقعد ياكل
مختار / بسم الله
عبد الله / على فكره مبسوطين اوى بالحاجات اللى جبتهالهم و وزعونى عشان يقيسوا براحتهم
مختار / الحمد لله يارب دايما
عبد الله / فى حاجه كمان حصلت
مختار يبصله
عبد الله / هند بتقول انك عارف حوار اللى اسمه ممدوح ده
مختار يهز راسه
عبد الله / بعت ورد من شويه و لما سالت هند قالت انك عارف وعرفت من ماما انه راح كلمها على هند
مختار يكمل اكل و يهز راسه
عبد الله / ايه ده !! بقولك باعتلها كارت مكتوب عليه مش قادر اشيل صورتك من خيالى
مختار يبتسم و يكمل اكل
عبد الله / انت طبيعي يا ابني
مختار / و ادى ام اللقمه سبتها اهو ارتحت كدا و هنزل دلوقت انا ادور على ممدوح حاضر .. معاك عنوانه ؟
عبد الله / امال هتسكت اذا كنت انا بغلى
مختار / طب ما انا بغلى
عبد الله / قول و الله انت كدا بتغلى
مختار / هههههههههههههههههههههه كل يا عبد الله انا جعان دلوقت
مختار يكمل اكل
عبد الله / انت بجد
مختار / انت مش حكيتلى .. اهدى بقي انت خالص و انا هتصرف تمام
عبد الله / ازاى بقي هتعمل ايه يعني
مختار / لما اكل هبقي اشوف
عبد الله / يا مثبت العقل فى النفوخ يارب
مختار / هههههههههههههههههههه
………………….
فى اوضه هند
هند بتقيس عبايه استقبال
شيري / شكلها غاليه اوى بصراحه
هند / والله يا ماما كلهم شكلهم غالي القميص الازرق ده اللى كنتى عاوزه منه الابيض ابو ٦٠٠ جنيه باين ما بالك بالعبايه
شيري / بصراحه احرجنى بس انبسطت
هند / و انا كمان انبسطت اوى والله
شيري / طب لمى الحاجات دى كلها بقي و هروح اشوفلك شنطه تعبيهم فيها عشان مفيش حاجه تروح كدا و لا كدا
هند تهز راسها و شيري تفتح باب الاوضه
شيري / انا لو منك أكلمه اشكره
هند تبتسم اوى شيري تطلع بره و هند تتصل بالتليفون مشغول
هند / بتكلم مين دلوقت
هند تبعت على الواتس
……………….
في شقه مختار
مختار واقف فى البلكونه بيتكلم فى التليفون
مختار / مسيره يروح يعني هيبات فى الشارع يعني مش انت متاكد من العنوان … يبقي خلاص ما تتحركش من معاك غير و هو فى ايدك … لا انا سهران مش هنام … سلام
مختار يقفل توصله رساله واتس يفتحها و هو مبتسم
///////////
هند / هو اللى بترغى معاه و سايبني ده احلى منى
//////////
مختار يضحك و يتصل بهند
مختار / السلام عليكم
هند / و عليكم السلام كنت بترغى مع مين
مختار / واحد صاحبي و اه مفيش فى عيني احلى منك
هند / شكرا
مختار / العفو
هند / على فكره انبسطت اوى بالحاجات اللى جبتها قستها كلها جميله جدا جدا جدا
مختار / الحمد لله
هند / اقولك حاجه
مختار / اكيد قولى
هند / النهرده بعد ما اشترينا اللى احنا عاوزينه ماما جابتلى حاجات من دى و سالتني ما تعرفيش مختار بيحب اللوان ايه و لا قصير و لا طويل قولتلها مستحيل ابدا ابدا اسال مختار فى حاجه زى دى لقيتك جايبلى ههههههههههههههه
مختار / حاولت انوع بس كترت من الاحمرات عارف انك بتحبيه
هند / و انت ما بتحبوش
مختار / بحبه و بحب كل الالوان المهم انا مش عارف المفروض يتجاب قد ايه فشوفوا ايه اللى ناقص و ننزل نزله تانيه نجيبه
هند / ماما قالت هتبقي تجيبهم حاجه فى حاجه مش مشكله … عبد الله حكالك اللى حصل صح
مختار / انتوا جبتوا حاجات غير اللى جبتها
صمت ثوانى و هند تتكلم و الحماسه اختفت من صوتها
هند / واحد
مختار / عاوز اكلمك فى حاجه بس من غير حساسيات اتفقنا
هند / قول
مختار / انتى ملزمه منى و جهازك ده انا اللى هستخدمه … او هتستخدميه فى بيتي يعني مهو اكيد الحاجات دى مش هتخش فيا
هند / ههههههههههههههه
مختار / ههههههههههههه اقصد يعني انا ربنا فاتحها عليا و مقدرنى فمش محتاج تساعدونى فى جهازك اى حاجه تجيبوها ياريت تحاسبيني عليها يا اما تاخدى فلوس تشترى بيها اللى يعجبك او تاخديني معاكى اللى تشوفيه يعني
هند / مش فارقه على فكره واحد يعني
مختار / ربنا يخليكي بس يعني اهو
هند / مش عارفه ايه اللى المفروض بيحصل فى الحاجات دى بس اقول لماما حاضر
مختار / فى موضوع تانى انا ما اتكلمتش معاكى فيه عشان احنا كدا كدا رايحين جايين مع بعض بس امممم مش عارف بقولك ايه انا عاوز اديكي مصروف لايدك و مش عارف انتى ممكن يكفيكي كام مش عاوز اديكي مبلغ قليل
هند / لما ابقي فى بيتك اوعدك انى انحل وبرك بس مش دلوقت
مختار / على قلبي زى العسل من دلوقت
هند / انا معايا فلوس على فكره كنت محوشاها و ماما كمان معاها فلوس و بتديني
مختار / انا مش بقول كدا عشان انتى محتاجه انا بقول كدا عشان
هند / عشان انت راجل عارفه
صمت ثوانى
هند / على فكره انا بحبك اوى
مختار / و انا كمان اقولك حاجه
هند / قول
مختار / خديهم و اعتبرهم تمن الدباديب و الورد
هند / ههههههههههههههههههه اااااه قول بقي كدا لا يا حبيبي انسي هتجيب ورد و هتجيب دباديب و هتجيب شيكولاته كمان
مختار / من عنيا حاضر
هند / تسلملى عنيك … انا ما زاكرتش النهرده بصاغ
مختار / و دا يزعلنى جدا اتفضلي يا ست هانم يا تنامى يا تزاكرى و بكره بنفسي همتحنك
هند / ههههههههههههههههه حاضر سلام
مختار / سلام
هند تقفل و مختار واقف يبص فى السما عبد الله يدخل مختار يبصله
عبد الله / ماما كلمتنى بتقول افراج
مختار / ههههههههههههههههه لو عاوز تخليك خليك انا سهران هدخل ازاكر اهو نسلى بعض
عبد الله / خليني
مختار يبتسم و يدخل هو و عبد الله جوه
مختار / هعملك بقي احلى فنجان قهوه يكيفك
عبد الله / حبيبي
…………………
فى شقه هند
هند قاعده بتزاكر و تنفخ
هند / كان مالى انا بالهم ده منك لله يا قاسم يا امين
هند تبص فى الكتاب و تزاكر تليفونها يرن برقم غريب متردش يتصل تانى ترد
هند / الو
ممدوح / طب على الاقل اسمعيني
هند / اسمعك ايه يا حيوان يا عديم الاحساس تعرف انا مش هعملك بلوك انا هبلغ البوليس و اقولهم انك
ممدوح / هند انا بحبك بجد
هند / حبك برص انت تعرفني اصلا
ممدوح / اعرفك و اعرف عنك فوق ما تتخيلى اعرف انك بتحبي اللون الاحمر و انك مش بتحبي الاصفر لانه بيعصبك و بتحبي الكعب العالى بس مش بتعرفي تمشي فيه فبتشتريه و مش بتلبسيه و بتقعدى تتمرنى كتير فى اوضتك لوحدك
هند تقفل السكه الرقم يتصل تانى تكنسل و تعمله بلوك رقم غريب تالت يتصل تروح اوضه مامتها تلاقيها نايمه و واخده ياسمينا فى حضنها تروح تلبس الاسدال و تروح تخبط على مختار و فى ايدها الموبايل بيرن مختار يفتح هند تديله الموبايل فى صمت عبد الله يطلع من اوضته
مختار / الو
صمت
مختار / الو … الو … تمام انا كمان مش بحب اتكلم فى التليفونات خليها لما نتقابل
مختار يقفل
هند / قعد يقولى حاجات عنى فعلا
عبد الله / دا الزفت ممدوح ده
مختار / تمام يا جماعه تمام سبيلى الموبايل النهرده و خشي شوفي كنتى بتعملى ايه و انت شوف انت بتعمل ايه و انا الموضوع ده عندى خلاص
هند / طب انت هتعمل ايه يعني
عبد الله / الواد ده لازم يتربي
هند / عرف الحاجات دى عنى ازاى
عبد الله / حاجات ايه
مختار / خلاص يا جدعان قولت الموضوع عندى خلاص يلا روحى زاكرى و انت خش زاكر
عبد الله / انا هروح
مختار / هتروح و تقعدوا ترغوا و لا هى تزاكر و لا انت تزاكر انت هتفضل معايا هنا … اتفضلي روحى شوفي اللى وراكى هديكي الموبايل الصبح
هند تبص لعبد الله و تبص لمختار و تمشي
عبد الله/ هتعمل ايه
مختار / دلوقت هزاكر خش يلا
مختار يزق عبد الله جوه و يقفل الباب
………………..
فى شقه محمود
محمود و اسراء نايمين فى السرير بيتكلموا
محمود / انا الموضوع ده مش مريحني يا اسراء
اسراء / هو اللى هنعيده نزيده يا اخويا بناقص دلوقت اكلم اخويا اخليه يفضها سيره
محمود / ياريت اصلا مش عارف ازاى طاوعتك
اسراء / قولت هكلمه خلاص و جهز بقي بدله الفرح عشان تروح تزف بنت اخوك على حبيب القلب
محمود / و هو يعني شايفه التانى فالح اوى
اسراء / هو لحق انت اللى مش عاوز تصبر تلاقيك خايف يفلح
محمود / قصدك ايه
اسراء / قصدى انت فاهمه كويس ممدوح لو فلح و بنت اخوك سابت مختار عشانه يبقي انا معايا حق و هى بت ملعب شاغلت ابنى لحد ما لقت الاحسن منه و دلوقت رمته لما لقت الاحسن
محمود / بس يا اسراء كل ما تفتحى بقك بتعصبيني
اسراء / انت السبب فى كل اللى احنا فيه انت اللى فضلت تشجع يوسف و تعلقه بيها ان كنت انت و لا بنت الكلب مراه اخوك
محمود / اللهم طولك يا روح
اسراء / ايه نسيت لما كنت تقعد تقول هند ليوسف و تقعد تخايل عليهم و شوفوا ماسك ايدها ازاى شوفوا بيلعبوا مع بعض ازاى و هى تقعد تضحك لما علقت الواد بالبت
محمود / كانوا عيال و كل العيال بيعملوا كدا
اسراء / يعني ما شجعتوش يعني ما كنتش بقوله فكك منها و انت تشجعه
محمود / يعني اسيبلك البيت و اروح فين السعادى
اسراء / ما تسيبش خليك انا اللى سيباهالك
اسراء تقوم و تطلع بره الاوضه
…………………..
فى شقه مهجوره
مختار نازل فى ممدوح ضرب و عيسي و فاروق و اتنين رجاله واقفين
ممدوح/ خلاص والله ما هكلمها تانى
مختار ينطر ايده و يفتحها و يقفلها
مختار / الحاجات اللى قولتها لهند امبارح عرفتها منين انطق بدل ما ادفنك هنا … اقولك انا مش عاوز اعرف
مختار يشاور لواحد من الرجاله ياخد منه مسدس يشد الاجزاء
ممدوح / هقول والله هقولك كل حاجه بس سبني
مختار يرجع المسدس للراجل و يشد كرسي
مختار / انطق
ممدوح / واحد معرفه حبيبي جابلى اتنين رجاله قصدونى فى حوار
مختار / اخلص انت هتحكى تاريخ حياتك
ممدوح / ما انا بقول كل حاجه اهو الاتنين دول ادونى صوره هند و قالولى ان فى واد صايع مشاغلها و عاوزيني اطيره
مختار / و هم اللى قالولك الحاجات اللى قولتهالها امبارح
ممدوح / اقسم بالله هو ده اللى حصل
مختار يفتح الموبايل على صوره محمود
مختار / ده
ممدوح / لا
مختار يقلب فى صور العمام و ممدوح يهز راسه لا
مختار / انت بتشتغلنى ياله
ممدوح / اقسم بالله ابدا اقولك اديني التليفون اكلمهم و اخليهم يقابلونى فى القهوه و اسلمهملك تسليم اهالى
مختار / ماشي … ادوله تليفونه
عيسي يدى لممدوح موبايله
………………….
فى شقه محمود تانى يوم
حمدى قاعد مع محمود فى الصالون حامد يدخل
حامد / صباح الخير يا رجاله هو فى ايه
حمدى / هى كلمتك انت كمان
حامد / اه كلمتنى بس ما فهمتش منها حاجه قولت اجى اشوفكوا يمكن افهم هو ايه الحوار
محمود / تلاقيها عرفت راسها من رجلها اخيرا و عوزانا نساعدها
حمدى / بصراحه انا كمان مش لقيلها تفسير تانى على العموم ادينا متجمعين و يا خبر بفلوس دلوقت تيجي و نفهم منها
صوت باب الشقه يتقفل
صوت يوسف
يوسف / بابا … بابا
يوسف يفتح الصالون و يدخل و وراه اسراء
يوسف / انتوا هنا
محمود / انت ما روحتش الكليه و لا ايه .. ايه اللى رجعك
يوسف / طنط شريهان اتصلت بيا و قالتلى عوزانى ضرورى و انها جيالنا فى الطريق هو فى ايه
محمود / كلمتك انت كمان !!!!
جرس الباب يضرب يوسف يروح يفتح يلاقي ولاد عمامه
الاول / فى ايه يا يوسف طنط شريهان كلمتنا و قالت فى حوار حياه او موت جينا جرى
حامد / هو فى ايه يا جدعان ما حد يفهمنا
اسراء / لو كان حد فينا فاهم كان اتكلم بس طبعها و لا هتشتريه
جرس الباب يضرب يوسف يفتح يلاقي شريهان و وراها مختار و رجاله كتير ماسكين خيلانه و ممدوح مضروبين اسراء تشوف المنظر
اسراء / يا لاهوى قطع اديكوا عملتوا فيهم ايه
شيريهان تزقها و تخش و الرجاله يزقوا مختار و خيلان يوسف فى الارض
اسراء / انا هطلب البوليس يا شويه بلطجيه يا نور
يوسف / هو فى ايه يا جدعان فى ايه يا طنط ما تفهمينا
شيري / هفهمك يا حبيبي البهوات خيلانك بالاتفاق مع ابوك كاروا الصايع ده على بنتى يشاغلها
محمود / كدب ما حصلش
مختار / يعني اخوات مراتك عملوا كدا من نفسهم
خال ٢ / اطلبي البوليس يا اسراء دول كدابين خطفونا و ضربونا
اسراء / و لا هيطلعوا منها … انتوا جايين ترموا بلاكوا علينا
مختار / اتكلم يا حيلتها قول الحقيقه
ممدوح / البهوات طلبوا منى اشاغل الباشمهندسه هند و اخليها تسيب خطيبها
خال ١ / كداب
ممدوح / لا مش كدا انت اللى اديتني كل المعلومات عن هند رقم تليفونها و عنوانها و كليتها حتى الجيم اللى بتروحه و بتحب ايه و بتكره ايه حتى الفلوس اللى اجرت البلطجيه اللى اتعرضولها قدام الجيم عشان ادخل و ابان بطل و الورد كل ده انتوا اللى دافعينه
مختار / ممدوح اتصل بنسايبك و قالهم فى حاجات حصلت بخصوص حوار هند جوله جرى على القهوه اللى خدناهم منها و مع اول قلم قالوا انك انت و الست حرمك اللى طلبتوا منهم يعملوا كدا
اسراء / كل ده كدب
يوسف / بابا الكلام ده كدب صح
اسراء / دول كدابين يا يوسف زى ما خالك قال خطفوهم و ضربوهم
شيري / يتردلك فى بناتك ان شاء الله و انت يا محمود ياللى اخوك لسه ما بردش فى تربته حسبي الله و نعم الوكيل فيك بتكرى على بنت اخوك اليتيمه بكره تبعتلها اللى يتهجموا عليها
حمدى / اهدى يا شريهان الموضوع …
شيري / اهدى ايه اهدى ايه لو بنتك .. لو بنتك يا حامد … لو اخت حد فيكوا و حصل معاها كدا هتستكتوا … ساكت ليه يا محمود ساكت ليه يا كبير العيله يا قدوتها … انا كنت هعمل كتب الكتاب سكيتي فى الاجازه عشان المرحوم لكن بعد اللى عملتوه هخليها دخله ما حدش عارف هتعملوا ايه فى بنتى حسبي الله و نعم الوكيل فيكوا حسبي الله و نعم الوكيل فيكوا يلا يا مختار
شيري و مختار و رجالتهم يمشوا و يفضل ممدوح و خيلان يوسف
حامد/ انا ماشي
حامد يشاور لابنه و يمشوا فى صمت
ممدوح / بالاذن
ممدوح يمشي و الباقي بيبصوا لبعض
يوسف / ساكت ليه يا بابا ما ترد
حمدى / هيقول ايه امك اقترحت الموضوع قدامى و اتفقنا انها فكره بنت كلب بس اخر حاجه كنت اتوقعها انك تنفذها فعلا يا محمود
محمود / هو انا عملت كدا عشانى
يوسف / تبعتلها ناس تتهجم عليها
محمود / انا ما اعرفش التفاصيل انا اللى اعرفه ان فى شاب محترم هيحاول يطير مختار لكن
يوسف / انا مش قادر اسمع مش قادر حتى ابصلكوا
محمود / انا عمرى ما كنت هاذيها و لا ارضالها الاذيه يا يوسف بس احنا جربنا كل حاجه حتى عمك اتكلم مع مختار بالزوق
يوسف / تقوموا تاجروا بلطجيه يضايقوها انتوا بتفكروا ازاى كلكوا اشتركتوا فى الجريمه دى ازاى
اسراء / قولنا لو طاوعته تبقي بت ملعب
يوسف / و اهى ما طاوعتوش ردى بقي يا ماما اتكلمى حاولتى تطلعيها وحشه ما بقاش فى اوحش منك
اسراء / انا يا يوسف
يوسف يسيب المكان و يرزع الباب وراه محمود يقعد على كرسي
حمدى / انا هروح لشريهان و احاول اللم الموضوع مع ان الموضوع ده اشك ان ممكن يتلم عن اذنكوا
حمدى يبص لابنه و يمشوا اسراء تسند اخوتها
اسراء / قوم يا اخويا قطع اديهم اللى اتمدت عليكوا منك لله يا شريهان انتى و عيالك
محمود / شوفتى اخره افكارك
اسراء / مش هرد عليك … هروح اجيب قطن و بلاستر
اسراء تدخل جوه
………………….
فى شقه شريهان
يوسف / والله ما كنت اعرف انهم هيعملوا حاجه زى دى
شيري / موضوع و خلص يا يوسف احنا لا عاوزين نعرفكوا و لا نشوفكوا حتى صدفه
يوسف / بس انا ما ليش دعوه
جرس الباب يضرب شيري تروح تفتح تلاقي حمدى
شيري / اهلا اؤمر انت كمان
حمدى / حقك عليا يا شريهان امسحيها فيا
شيري / انا نفسي امسحكوا خالص من حياتي و لو فاكرين انى هرجع فى كلامى يبقي نقبكوا على شونه فرح هند اول خميس فى الاجازه مش هستني النتيجه و من هنا لوقتها اللى هيقرب من بنتى و لا حتى يحاول يكلمها هبلغ فيه البوليس انتوا فاهمين
حمدى / يا شريهان اسمعيني
شيرى / انا كلامى خلص و سيبونا فى حالنا بقي مش عاوزه اسمع حد
حمدى يبص ليوسف
يوسف / يا طنط حضرتك ليكي حق تزعلى و انا والله
شيري / خلاص يا يوسف لو سمحت
حمدى / خلاص يا يوسف خلاص
حمدى يشد يوسف و يمشوا شيري تزعق
شيري / و ما ترجعوش هنا تانى فاهمين
شيري ترزع الباب وراهم و تدخل اوضه هند تلاقيها واخده ركبها فى حضنها و بتعيط تروح تقعد جنبها
شيرى / بقي فى عروسه حلوه زيك كدا تعيط طب دا انا طلعت عنيهم
هند تبصلها شيري تاخدها فى حضنها
شيري / تيجي نلبس نبص على الفستان و الكوافيرات تعرفى انا بقالى ياما اوى ما روحتش لكوافيره الله يعينها هحتاج شغل كتير اوى فى ايديها
هند تبتسم
شيري / نشوفلك باكدج حلوه كدا من اللى فيها كل حاجه دى هو انا هلبس ايه احنا ورانا حاجات كتير اوى تتعمل تعرفى انا هكلم انتصار اشوف وصلوا لفين عندهم و ايه ناقص نلحق نجيبه
هند / تفتكرى لو كان بابا عايش كانوا عملوا معايا كدا
شيري / دى حلاوه روح رفعوا الرايات البيضه دا اخرهم و انا فضحتهم قدام الكل ما سكتش دا انا اللى يقرب من بنتى اكله بسنانى
هند / و مختار
شيري / ماله مختار
هند / شكلى ايه قدامه هو و اهله
شيري تتنهد و تبص لهند و تبتسم
شيري / كلميه اقولك استنى انا هكلمه … استنى هو فين التليفون… اهو
شيري تتصل بمختار
شيري / ايوه يا حبيبي ازيك
مختار / الحمد لله يا امى اخبارك و اخبار هند
شيري / الحمد لله بتعمل ايه
مختار / و لا حاجه كنت بزاكر فى حاجه و لا ايه
شيري / لا مفيش حاجه بس كنت بفكر اخد هند و ننزل نبص على فساتين الافراح و كنت عاوزه اعرف هتبقي فاضي امتى
مختار يتكلم بحماس
مختار / دلوقت حالا بلبس اهو
شيري /دلوقت !!!
شيري تبص لهند و ترفع حاجبها
شيري / ممكن بس اكمنى لسه ما عملتش الاكل
مختار / ناكل بره زى امبارح
شيري / لا هو كل يوم و لا ايه
مختار / ناجلها بعد الغدى و لا ايه انا لبست
شيري / بص ايه رايك تاخد هند و تلفوا و لو لقيتوا حاجه اروح اشوفها علاطول
مختار / مفيش مشكله انا لابس
شيري / هند هتلبس اهى
مختار / سلام يا امى انا مستنيها
شيري / سلام يا حبيبي
شيري تقفل
شيري / الواد كان هينط من التليفون من الفرحه
هند / كنتى خليها بكره مليش مزاج
شيري / و هو فى غير نصك التانى اللى يعدل مزاجك
هند / انتى ما كنتيش كدا على فكره
هند تقوم من السرير و تفتح الدولاب تطلع طقم
شيري / ما كنتش ازاى
هند / بترخمى عليا اوى
شيري / ههههههههههههههههههههه هسيبك تلبسي
شيري تطلع بره و تتصل بمختار
شيري / ايوه يا مختار
مختار / لحقت تلبس ؟
شيري / لا بس كنت عاوزه اوصيك عليها انا قولت تخرجوا عشان تخرجها البت اتفلقت من العياط حسبي الله و نعم الوكيل فيهم
مختار / تمام يا امى هاخد بالى
شيري / تمام يا حبيبي … كلمت اهلك
مختار / و طاروا من الفرحه
شيري / ان شاء الله يوم الخميس ننزل معاك البلد نودى الحاجات اللى هنجبها و كمان نشوف ايه الناقص نكمله
مختار / تنوروا يا امى
شيري / و بالمره هند تبعد عن هنا شويه … اوعى يا مختار تقول حاجه لعبد الله عن اللى حصل مش ناقصين مشاكل يا ابنى
مختار / ما تقلقيش يا امى خير ان شاء الله
شيري / ماشي يا حبيبي هروح اعلقلكوا على الغدى
مختار / فى حفظ الله يا امى
شيري تقفل و تدخل المطبخ
…………………..
فى شقه يوسف
يوسف / حد يعمل كدا حد يعمل كدا
محمود / شوره امك
اسراء / و انا كنت ضربتك على ايدك
يوسف / انا مش عارف ابص فى عنيهم رقبتي بقت قد السمسمه حاسس انى هتخنق
محمود / والله قولتلها بلاش حتى لسه امبارح اسالها
يوسف / بلطجيه يا ماما بتسلطوا عليها بلطجيه
محمود / والله ما نعرف حاجه عن الموضوع ده خالص احنا ما ادخلناش فى تفاصيل كل دى حاجات تبع خيلانك
يوسف / و بعدين هنصلح اللى عملتوه ازاى
محمود / انا بقول نستني الدنيا تهدى و انا بنفسي
يوسف / تهدى ايه عمرها ما هتهدى دا انتوا قدمتوا هند و اهلها لمختار على طبق من دهب الفرح بقي فى الاجازه
محمود / انا مش عارف اقولك ايه ما انا لو روحت دلوقت الموضوع هيكبر اكتر و مش عارف اعمل ايه
اسراء / هو انتوا ماسكين فى الهايفه و سايبين البلطجى الكبير ماشي برجالته يدوروا الضرب فى مخاليق ربنا و كان البلد دى ما فيهاش قانون و لا ليها كبير
محمود / انا مش عاوز اسمع صوتك تانى
اسراء / ان كانت شيريهان بتهددنا بالوليس
محمود / بلغت عنه فى ابنك قبل كدا و روحت اتنازلت و الجزمه فوق رقبتي
اسراء / مهو لازم نشوف حد يقف قصاده القوى فى الاقوى منه و لازم نتكلم عن التهديد اللى معيشنا فيه احنا لينا حقوق و الحكومه لازم تحمينا
يوسف / انا بتكلم فى ايه و انتوا بتكلموا فى ايه انا ماشي
………………….
فى محل فساتين افراح
هند تطلع بفستان
مختار / حلو
هند / مش حساه خالص
مختار / نشوف غيره
هند / مختار انا مش فى المود و حاسه انى بظلم الفساتين دى
مختار / خلاص نيجي يوم تانى خشي غيرى
هند تهز راسها و تدخل مختار يطلع فلوس و يديها للبنت اللى بتبيع
مختار / تعبناكى
البنت تبتسم
البنت / تعبكوا راحه ازاى بس نورتونا
مختار يبتسم و يروح يبص فى الفساتين هند تروحله
هند / يلا
مختار ياخدها و يمشوا
مختار / تحبي نروح فين
هند / انا تعبانه اوى يا مختار
مختار / نروح مستشفي
هند / مش عيانه … تعبانه مخنوقه حاسه انى عاوزه اعيط
مختار / اثبت لا مفيناش من عياط انا ما بعرفش اتصرف فى المواقف دى طب اعمل ايه طيب
هند تبتسم
مختار / حلو ده اثبتى على كدا بس فى احسن يعني
هند / ممكن نقعد فى حته
مختار / ممكن تعالى
مختار يفتح الباب لهند
مختار / بفتح الباب اهو
هند تبتسم و تركب يقفل الباب و يروح يركب
مختار / انا مش عارف انتى مزعله نفسك ليه داهيه لتكونى مش عاوزه تتجوزيني
هند / عاوزه
مختار / امال فى ايه بقي
هند / مفيش
مختار / لا فى قولى هما يعني كانوا حلوين اوى و فجاه اكتشفتى انهم وحشين و اتصدمتى
هند تبصله و عنيها تتلمى دموع
مختار / لا لا لا ما فيناش من عياط احنا خارجين ننبسط
هند / بابا كان حايش عنى كتير اوى مات و سابنى
هند تعيط
مختار / الله يرحمه اكيد ما سابكيش لوحدك و لا انتى شايفه انك لوحدك يعني ؟
هند تبصله
مختار / انا شفاف ؟
هند تمسح دموعها
هند / ربنا يخليك ليا بس انت مش حاسس باللى جوايا انت اهلك بيحبوك
مختار / طب ما انتى اهلك بيحبوكى بس بطريقتهم هههههههههه هم شايفيني وحش و بيحموكى منى
هند / هم مش شايفين حاجه خالص غير مصلحتهم و بس هم انانين و متخلفين واحد مادى و التانى سلبي و التالت اهم حاجه عنده فى الدنيا ابنه و بس
مختار / بصراحه انا استفدت من اللى عملوه و مبسوط ان الفرح قرب دا انا حتى بفكر ابعتلهم جواب شكر تفتكرى اكتب ايه
هند / ايموجى بيطلع لسانه
مختار / هههههههههههههههه فكره حلوه … انتى شوفتيني بالجلبيه صح
هند تهز راسها لا
مختار / بتهزرى دا انا شكلى بيبقي حلو اوى استنى اوريكي صوره
مختار يطلع موبايله و يوريها صوره ليه بالجلبيه و العبايه و العمه هند تضحك
مختار / بتضحكى على ايه يا بت
هند / شكلك واحد تانى
مختار / ليه ان شاء الله … داهيه لكون ما عجبتكيش
هند / انت عاجبني فى اى حاجه بس فعلا انت هنا مختلف
مختار / دا انا يا هند دى حقيقتى
هند / حقيقه الانسان مش فى لبسه مش هتفرق ان كنت لابس بدله او لابس جلبيه فى الحالتين انت مختار الزيني
مختار / مش دايما صح … لا هو كل واحد بيشوف التانى بعين مختلفه
هند / قصدك بيقولوا على اللى بيلبسوا جلاليب فلاحين يعني
مختار / لا لا انا اقصد العادات مختلفه الثقافات مختلفه القوانين مختلفه
هند / اسمع ان الصعيد شداد و صعبين بس جدعان
مختار / حقيقي
هند / هو انت شديد و صعب ؟
مختار / ههههههههههههههههههههه انتى رايك ايه ؟
هند تبص على ايد مختار متعوره مطرح البوكسات اللى ضربها لممدوح
هند / ايدك
مختار يبص على ايده
مختار / هتروح
هند / انت ضربته جامد
مختار / صعب عليكي و لا ايه قسما بالله حوشت نفسي عنه بالعافيه
هند / صعب عليا ايه ما يولع انا عليك انت ايدك اتعورت
مختار / هتخف مش حوار يعني تعرفى ان جسم الانسان عنده قدره على التعافى لوحده
هند / ابتدينا حصه الاحياء بقي بقولك ايه سوق يلا وديني حته على النيل كدا و هاتلى ورد و فرفشني انا طول عمرى بكره الاحياء
مختار / لا دينا قوت قلبك ما شاء الله
هند تبص الناحيه التانيه و تضحك
مختار / فوقى يا اختى احنا مش العيال السكميكي اللى بيخافوا دا احنا جامدين اوى
هند / يعني هتجيب ورد و لا لا
مختار / هجيب طبعا
هند / هههههههههههههههههههه
………………………..
فى شقه هند
عبد الله قاعد بياكل و بيتكلم بسرعه
عبد الله / احلى قرار اخدتوه والله احلى خبر فى الدنيا كدا اللحق اجيب البدله و احجز الحلاق و لا انا هحلق هناك ما تعرفيش فى حلاق حلو عندهم و لا هيعملوا ايه هبقي اسال مختار اكيد هيظبط الدنيا انتى ساكته ليه
شيري / هو انت مديني فرصه ارد دا هند نفسها ما اتحمستش زيك كدا
عبد الله / هى فين صحيح
شيري / على ما افتكرت تسال على اختك داخلى من الباب ماما فين الاكل جعاااان
عبد الله / طب والله كنت جعان جدا
شيري / هند خرجت مع مختار هيشوفوا الفستان
عبد الله / و ما روحتيش معاهم ليه
شيري / بعملك الاكل
عبد الله / لا يا ماما كنا كلنا اى حاجه بس روحتى معاهم
شيري / قولت اسيبهم ياخدوا على بعض شويه
عبد الله / يلا عقبالى
شيري / ههههههههههههههههههه دا انت مشكله
شيري تسيب عبد الله بياكل و تقوم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
