رواية الان اقول احبك الفصل السابع عشر 17 بقلم ندى سامي
رواية الان اقول احبك الجزء السابع عشر
رواية الان اقول احبك البارت السابع عشر
رواية الان اقول احبك الحلقة السابعة عشر
تاليا : هو انت ليه بتعاملنى كده !؟
الياس بصلها بتعمق شويه و بعدين لف وشو و قعد يفتكر حاجات كتير اوى و ذكريات ليه زمان مع البنت الى كان بيحبها و بعدين بصلها تانى و هى كل ده كانت منتظره رد
الياس : عشان حصلى حاجه متخلنيش اثق ف صنف البنات كلو
تاليا : ايه هى
الياس : اظن مش لازم تعرفيها
تاليا : طب وانا ذنبى ايه انت شوفت منى ايه وحش عشان تعاملنى بالطريقه دى و تبقى كاره وجودى للدرجه دى
الياس : ذنبك انك جيتى ف وقت غلط تماما
تاليا : طب مش احنا كنا صحاب زمان رجعنا صحاب تانى و صدقنى هثبتلك أن فكرتك غلط و مش كل البنات بتبقى وحشه
بصلها شويه و قعد يفكر و بعدين قال : فرصه واحده لو حاجه صغيره حتى حصلت تدل ع انك شبهم ساعتها طريقتى هترجع زى الاول و اسوأ
تاليا بفرحه و ثقه : و انا موافقه و صدقنى هغير فكرتك عن البنات .. بس مش اوى يعنى
الياس بصلها ف كملت : قصدى يعنى عشان متتشدش ليهم اوى
بصلها و ابتسم بخبث ف قالت بتوتر : مش قصدى يعنى هو .. بص اعتبرنى مقولتش حاجه
قالت كده و قامت تمشى و هو ضحك تلقائى و كمل شغل
_______________________
بعد اسبوعين
رجعو القاهره و نيروز و تاليا اتشغلو ب المذاكره عشان الامتحانات و ف الفتره دى الياس و تاليا قربو من بعض و بقول يتكلمو و يهزرو و تاليا نزلت اشترت لبس جديد غير إلى عندها و نيروز و مراد كمان رجعو صحاب زى الاول و ع طول بيتكلمو
_______________________
ف الجيم
كان مراد و الياس مع بعض و بيتمرنو و هما بيتكلمو
مراد : بس انا شايف أن فى علاقه ناس كده بتطور
الياس بفهم : متفكرش ف الى ف دماغك كتير عشان مش هيحصل بقينا صحاب مش اكتر
مراد بخبث : حيث كده بقى لو جالها عريس هتطلقها
الياس بسخريه ممزوجه بغيره : و هى دى بيجيلها عرسان
مراد : اصل انا صاحبى إلى شافنا ف المصيف ده كلمنى عنها و قال عايز يتقدم
الياس بعصبيه : انت عبيط يا مراد
مراد : الله وانا مالى طيب الواد شاريها و جاى يتقدم و انت كده كده عايز تخلص
الياس بغيره : الواد ده لو عتب باب الفيلا أو حاول يقرب منها هكون دافنو مكانو انا بقولك اهو عشان تبقى عارف
مراد بصله بخبث و عرف انو بيغير عليها و بدأت مشاعرو تتحرك و يرجع زى الاول
مراد ف سره : بركاتك يا ست تاليا الواد هيرجع زى الاول بسببك
_______________________
ف مكان تانى
_ انا مش هعيد كلامى مرتين إلى قولتو يتنفذ
– بس يا معلم الحوار ده صعب و مش بيعد نتأذى بعدو
_ انتو طلبتو مبلغ معين و انا هديهولكو و مسمعش كلمه تانى و كلامى يتنفذ ف معادو اخر يوم امتحانات سامع
– تمام انت حر
قفل ف وشه و ابتسم بخبث و قال : هنشوف بقى يا انا يا هو
_______________________
ف الجامعه
نيروز كانت خلصت الجامعه قبل تاليا ف قالت هتخرج تروح الكافيتريا إلى قدام الجامعه تشرب حاجه لحد من هى تخلص و اول م خرجت لقت مراد واقف ساند ع العربيه و باصللها و هو مبتسم
نيروز باستغراب و هى مبتسمه : انت بتعمل ايه هنا
مراد : زهقت م الشغل قولت اهرب و افتكرت انك ف الجامعه و المفروض بتخلصى دلوقتى ف قولت اعدى عليكى نروح اى مكان مع بعض
نيروز : بس تاليا بتروح معايا
مراد : لا م الياس قال هيعدى عليها هيروحو المول عشان هى كانت عايزه تشترى حاجات
نيروز : غريبه مقالتليش ليه
مراد : مش عارف .. اركبى بس عشان منتأخرش
ركبت جمبو ف العربيه و هو ركب و مشى و كل ده كان فى حد واقف بيبص عليهم و اول م مشيو مشى و بعد ساعه تاليا خلصت و خرجت لقت الياس مستنيها
_______________________
عند نيروز و مراد
راحو مطعم و قعدو و طلبو اكل و قعدو يتكلمو
نيروز : صحيح انا جبت لعبه جديده بتاعت اسئله تيجى نلعبها !؟
مراد : تمام يلا
طلعت اللعبه و قعدو يلعبو لحد م جه سؤال ل نيروز و اول م شافته بصت ل مراد بتوتر و بعدين بصت للسؤال
نيروز بتوتر : الى قدامك بيبقى ايه بالنسبالك
مراد اتوتر شويه و سكت و بعدين قال : زى م انتى اخت الياس يبقى اختى برضو
نيروز بصتلو و ابتسمت بحزن و مردتش و هو كان دورو و لسه هيتكلم نيروز قاطعته
نيروز : معلش عايزه اروح
مراد باستغراب : ليه حصل حاجه
نيروز وهى بتقوم : لا بس مصدعه شويه
مراد : استنى هوصلك طيب
قامت مشيت و هو مشى وراها و هو مستغرب و ركبو العربيه و وصلها
_______________________
عند الياس و تاليا
تاليا : بص الفستان ده حلو اوى
بص الياس مكان م بتشاور و كان فستان ابيض طويل و بكم ف ابتسم تلقائى
الياس : اول مره تختارى حاجه عدله
تاليا بغيظ : والله !!
الياس بضحك : تعالى قيسيه
دخلو المحل و تاليا دخلت تقيسو و الياس كان واقف برا
الموظفه بدلع : اتفضل حضرتك اقعد
الياس : شكرا مش عايز
الموظفه : تحب تشرب حاجه
الياس بقرف من طريقه كلامها : لا متشكر
بعد شويه خرجت تاليا و هى لابسه الفستان و كان حلو عليها اوى و لفت و هى بتوريه ل الياس
تاليا بفرحه : حلو اوى مش كده
الياس بابتسامه : اه حلو .. ادخلى غيرى عشان ناخدو
كانت لسه هتدخل لقت الموظفه بتتكلم
الموظفه : بس انا شايفه أن لو مقاس اكبر هيبقى احلى عشان الاستك إلى فوق ماسك عليكى و هو محتاج حد ارفع الصراحه
تاليا : نعم يا قمر !!
الياس : اظن انتى ملكيش دعوه ب ده مدام هتاخدى تمنه يبقى ملكيش دخل ف حاجه تانيه ” وجه كلامو ل تاليا ” روحى غيرى عشان ناخدو
تاليا ابتسمت بثقه و بصت للبنت بقرف و دخلت غيرت و خرجت عشان يدفعو و لاحظت نظرات البنت ل الياس و و هما ماشيين تاليا وقفت فجاه قدام البنت
تاليا : اه سورى نسيت اقولك أن انتى إلى محتاجه لبس أوسع عشان الصراحه المنظر كده مش لطيف خالص ” كملت باستفزاز ” have a nice day يا قمر
قالت كده و خرجت و البنت بصتلها بغيظ
الياس بضحك : بس جامد والله مكنتش اعرف انك بتعرفى تردى
تاليا : ليه يعنى شايفنى خرسه .. انا برد بس بمزاجى و البت اصلا واضح محتاجه تتربى
الياس بخبث : عشان بتدلع عليا يعنى
تاليا بتوتر : لا و بعدين حتى لو انا مالى م تولعو ف بعض
بصلها و ضحك جامد و بعدين بص قدامو لقى حبيبتو القديمه و معاها واحد صاحبو من ايام زمان ف بص بعصبيه و بعدين شد تاليا فجاه و مشى من اتجاه تانى و هو متعصب و هى مستغربه فى ايه و بتحاول تكلمه مش بيرد عليها لحد م خرجو م المول و مشيو ب العربيه
_______________________
ف الطريق
تاليا : ممكن افهم فى ايه إلى حصل فجأه انا ملحقتش اجيب حاجه
الياس بعصبيه : تاليا اسكتى مش عايز اسمع صوتك
تاليا : هو ايه ده يعنى مش فاهمه هو انت عندك انفصام يبنى ساعات تبقى كويس و بتضحك و ساعات تبقى رخم و لا تطاق
مردش عليها و كان ماسك الدريكسيون جامد لدرجه ان عروقو بانت
تاليا : رد عليااا
الياس اتعصب جامد و راح ع جمب و وقف العربيه جامد و بعدين بصلها بعصبيه
الياس : انزلى
تاليا بصدمه : نعم !!
الياس بزعيق : بقولك انزلى
بصتلو جامد و هى ماسكه دموعها و نزلت م العربيه و هو مشى اول م نزلت
تاليا بدموع : انا غلطانه انى بحاول معاك .. هروح ازاى دلوقتى
_______________________
ف العربيه عند الياس
كان مشى نص الطريق و كان بيفكر كتير و لما افتكر تاليا و انو نزلها ف نص الطريق خبط ع الدريكسيون جامد و لف ب العربيه عشان يرجعلها و رجع مكان م نزلها ملقهاش ف فضل ماشى ل قدام لحد م لقاها قاعده عند موقف الاتوبيسات ف وقف قدامها و نزل الازاز
الياس : اركبى
مرتدش عليه ف قال : سمعانى !! بقولك اركبى
تاليا بعصبيه و دموع : مش راكبه روح شوف رايح فين
الياس : تاليا متعصبنيش اكتر انا مش ناقصك
تاليا : محدش جبرك تستحملنى اتفضل شوف رايح فين و انا هروح لوحدى
غمض عينو جامد و هو بيمنع عصبيتو و نزل م العربيه و تاليا بصت ع الأرض عشان متبصلوش فجأه حست بيه بيشيلها
تاليا بصراخ و هى بتضربه : ابعد سيبنى … نزلنى بقولك
مهتمش لصراخها ولا ضربها و فتح باب العربيه و ركبها و ركب هو كمان تحت نظرات الناس كلها
تاليا بزعيق : انت مين سمحلك تعمل كده انت مين عشان تمشينى ع مزاجك مره تقولى انزلى و تمشى و مره ترجع تاخدنى ها
مردش عليها ف كملت : ردد علياااا
الياس محاوله كتم عصبيتو : تاليا اسكتى دلوقتى عشان بجد مش عايز اتعصب عليكى
تاليا : وانت هتتعصب اكتر من كده ايه يعنى
مردش عليها و كمل سواقه و هى بصتله بدموع و رجعت بصت للشباك و هى بتدمع ف صمت لحد م وصلو مسحت دموعها و نزلت من غير م تكلمه و طلعت ع الاوضه ع طول
~~~~~~~~ بليل
الياس نزل من اوضتو و هو مضايق م إلى حصل انهارده و م إلى عمله مع تاليا و نزل يقعد ف الجنينه بس لقى تاليا قاعده ع المرجيحه الى ف الجنينه و بتقعيط ف راح ناحيتها
الياس : ممكن اقعد
اول م سمعت صوت مسحت دموعها بسرعه و رفعت راسها ليه ف الياس بصلها باستفهام
تاليا : لا روح مكان تانى
الياس : بس انا حابب اقعد هنا
قال كده و قعد جنبها و مكنش فى مسافه بينهم بسبب أنها كانت قاعده ف النص و هو قعد من غير م هى توافق ف بعدت عنو بضيق
الياس :…
_______________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
