رواية الاسطا ساره الفصل الثاني 2 بقلم فاطمة عادل
رواية الاسطا ساره الجزء الثاني
رواية الاسطا ساره البارت الثاني
رواية الاسطا ساره الحلقة الثانية
سارة قامت مفزوعه وطلعت على صوت الازاز اللى اتك|سر
خرجت بشويش تشوف فى ايه
اول ماخرجت لقت واحد بيدور فى الإدراج وبيفتش فى الحجات
انت مين يابن ال……
الحرامى اتفزع
سارة : انطق انت مين بدل ما اصوت والم عليك النا…..وقبل ما تكمل كان هو وصل عندها طلع من جيبه مط|وة وقرب عليها بسرعه وحط أيدها ورا ضهرها
الحرامى : هوشششش لو سمعت صوتك هع|ورك
سارة هزت راسها بمعنى حاضر
بس فجأة داست على رجله جامد ومن الوجع الحرامى وقع المط|وة من أيده
وطت بسرعه اخدت المط|وة وقربتها عليه
الحرامى : تتع|ورى يا حلوة
سارة : بقولك ايه يلا ، انا مش عايزة صداع ، امشى كده ادامى بدل قسما بالله هخلى المط|وة دى تعلم على وشك
الحرامى : همشى ، بس راجع تانى ، انتى بقى علمتى فى دماغى ومش هسيبك
سارة : طب اتحرك يا خفيف
خرج الحرامى وهى وراه واول ما وصلت عند الباب
الحقوناااااى حرامى
الحرامى : يابنت المجنونه ، ده مكنش اتفاقنا
سارة : اتفاق ايه يا ابو اتفاق ، انت فاكر نفسك جاى تقدم على قرض فى البنك ، الحقوناااااى حرامى يا ناس
“وكل ده وهى ماسكه الحرامى من قفاه ومش راضيه تسيبه ”
الناس اتلمت عليهم
الجيران : ايه يسطا فى ايه ، حاجه حصلت
سارة بعياط مزيف: حرامى يا اخويا ، دخل عليا انا واخواتي وهد|دنى والسل|اح اهو ، ودونى القسم
الحرامى : وربنا ما لحقت اهددها ، ده هى اللى ثبتتنى جوه
الجيران كلها نزلت فيه ض|رب والستات بتطبطب على سارة
سارة : انا لازم اروح القسم امضيه على عدم تعرض
والنبى يا ام احمد ، خليكى مع معاذ وميس احسن يتخضوا
ام احمد : عنيا يا حبيبتى
واحد من الجيران : انا رايح معاكى وانتوا خليكوا يا جماعه ، ولما نرجع هطمنكوا
مشيوا كلهم وفى طريقهم للقسم..
وصلوا للقسم القريب من بيتهم ، واول ما سارة شافت العسكرى
سارة : الحقونى يا حكومه ، حرامى اتهجم عليا
العسكرى : جرا ايه يابت انتى ، براحه كده علشان افهم فى ايه
سارة : بت اما تبتك ، ايه المعامله دى ، ايش حال انا المجنى عليها هنا
الحرامى بصلها اوى : مجنى عليها ، شوفى انا حرامى بقالى اد ايه ، عمرى ماحد ثبتنى التثبيته دى
سارة : اخرس بدل وعهد الله اجبلك اعد|ام
الحرام حط أيده على بوقه : اهو ، خرست
العسكرى : انتوا فاكرين نفسكم فين
سارة : عند الحكومه ، وعايزة حقى
العسكرى : ايه مشكلتك
سارة بصوت واطى : البعيد مش بيفهم ولا ايه ، احم بقول لحضرتك ده حرامى واته|جم عليا فى بيتى ، وك|سر بلكونتى
العسكرى : والمطلوب
سارة بصوت واطى برضو : قسما بالله غبى واللى حطك هنا ظلمك
ياباشا هو انا اللى هقولك المطلوب ، عايزة اعمل محضر
العسكرى : استنى هنا شويه
سارة : الصبر من عندك يارب ، مستنيه ياباشا
العسكرى خبط على الباب ودخل ، تمام يافندم
الرائد تميم : خير يا عسكرى
العسكرى : فى واحده برة قفشه فى واحد وبتقول أنه حرامى واتهجم على بيتها
تميم بملل : ياربى ، انا لسه كنت بلم حجاتى وماشى ، دخلها يابنى أما اشوف حكايتها ايه
“طبعا تميم ده هو البطل”
خرج العسكرى وبعد شويه دخل ومعاه سارة وجارها والحرامى
-تمام يا فندم
رفع وشه من الأوراق اللى قدامه
تميم :خير ، مين صاحب البلاغ
سارة : انا يا باشا
تميم بص على سارة وملامحها عجبته اوى وخصوصا أن جمالها هادى
تميم : احم ، خير ايه اللى حصل
سارة : حضرتك الراجل ده اته|جم على بيتى وك|سر ازاز بلكونتى ، وكان عايز يس|رقنى
الحرامى : والمصحف يابيه مالحقت ، ده هى اللى …..قبل ما يكمل
تميم : انا طلبت منك تفتح بوقك ده
الحرامى حط أيده على بوقه : اهو ، كانت طلعه مهببه
تميم : تحبى تعملى محضر ولا مسامحه
سارة : انا عايزة اعمل عدم تعرض يا باشا ، علشان ميفكرش يتهجم عليا تانى
عملها تميم محضر بالواقعة وعدم التعرض والحرامى مضى عليه
روحت سارة مع جارها على البيت
فى مكان تانى
كان وصل تميم لبيته
كان ساكن في فيلا صغيرة فى مكان هادى
دخل تميم البيت وهو تعبان من طول اليوم
دخل اخد شاور وخرج نام على السرير بتعب وبعد دقيقتين قام تانى علشان يكلم اخته اللى بتدرس فى أمريكا
جميله : هاى تميم: اخبارك ايه
تميم : بخير يا حبيبتى ، انت عامله ايه
جميله : fine ، بس تعبانه من الدراسه والمذاكرة
تميم : هانت ياقلب اخوكى ، أن شاء الله ياحبيبتى تحققى حلمك
جميله بحزن : وحلم ماما وبابا الله يرحمهم
تميم : الله يرحمهم ، طمنينى عليكى
جميله : بخير وبجد نفسى ارجع مصر ، انت طمنى عليك ، ايه مفيش حاجه جديده عايز تقولها
تميم : زى ايه
جميله : ياعم عروسه ولا حتى تكون ماشى مع واحده
تميم بضحك : لا ياختى ولا عروسه ولا واحده
جميله : يعنى العضلات والحلاوة دى كلها وتفضل سنجل بائس كده
تميم : هو فى احلى من كده ، وبقولك ايه روحى شوفى حالك ، انا هنام
جميله بضحك : خلاص براحه طيب متزوقش
تميم : تصبحى على خير
وانت من اهله
قفل التلفون ونام بتعب
فى صباح يوم جديد
كانت سارة قامت زى كل يوم وصلت اخواتها على المدرسه وراحت الموقف تشوف شغلها
حموكشه اول ما شافها : اصطبحنا ع الصبح
سارة وهى معديه ادامه وشايفه رأسه مربوطه بشاش : ايه ده ، الف سلامه عليك يسطا
حموكشه : لا والنبى ، بريئه يابت ، صحيح تق|تلى القت|يل وتمشى فى جنازته
سارة بتلعب بحواجبها : قولتلك ده انا ماما يلا
ومشيت وهى بتضحك عليه
سارة والمساعد بتاعها: صباح الفل يا حماصا ، ايه الاخبار
حماصا : زى الفل يسطا والعربيه حملت ومستعده
سارة : فل عليك ، توكلنا على الله
طلعت سارة وساقت الميكروباص
وصلت للمكان المطلوب وجات ترجع تانى بس واحد واقف على الطريق وقفها علشان يركب
الراجل ركب جنبها أدام والتباع قاعد ورا ومش مركز
الراجل بيبص لسارة من تحت لتحت
سارة واخده بالها بس هى شافت من الاشكال دى كتير
سارة فى سرها : اللهم طولك ياروح
الراجل بدأ يمد أيده ويحطها على رجل سارة
اول ماحست بيه وقفت العربيه بسرعه
سارة : جرا ايه ياعين امك ، انت اتهبلت ولا ايه
الراجل : ايه ده انتى ازاى تكلمينى كده
سارة: واحد ابن ستين كل|ب متح|رش ، أكلمه ازاى
حماصه: ايه يسطا حصل ايه
سارة : الراجل النا|قص ، بيت|حرش بيا
الراجل : محصلش ، انا نازل
مسكته من قفاه جامد : تعالى هنا يابن الورمه ، نازل فين يلا ، انت فاكرينى سهله تلم|سنى واسيبك تمشى
الراجل : انت مش عارفه بتكلمى مين
ساره: لا يا نطع مش عارفه
حماصه : يسطا الحل انك تطلعى ع القسم
سارة : وده اللى هيحصل ، بس بعد ما أعلم عليه
مسكت فيه وفضلت تض|رب فيه والراجل حرفيا مش قادر عليها
وحماصه بيحوشها
خلاص يسطا ، يلا اطلعى ع القسم
طلعت سارة ع القسم
وصلت عند العسكرى
سارة : انا عايزة اعمل محضر
العسكرى : انتى تانى ، هو احنا مش ورانا غيرك ولا ايه
سارة : اتكلم بأدب وبعدين ماهى الاشكال الوس|خه دى هى اللى بتتحدف عليا
العسكرى بص فى وش الراجل لقاه حرفيا متشلفط
العسكرى: نهار ابوكى اسود ، انتى بهدلتى الراجل وجايه تشتكى
سارة بصوت عالى: راجل ايه ، ده نطع ابن ستين كل|ب ، متح|رش
العسكرى : وطى صوتك ده انتى مش فى زريبه
سارة : اوطى صوتى اييييه ، بقولك دخلنى للظابط
خرج تميم ع الصوت العالى : ايه اللى بيحصل هنا
انتى ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الاسطا ساره)
