رواية الأولى وقبل الأخيرة الفصل الاول 1 بقلم مريم سمير
رواية الأولى وقبل الأخيرة البارت الاول
رواية الأولى وقبل الأخيرة الجزء الاول
رواية الأولى وقبل الأخيرة الحلقة الاولى
_عوزاني اتجوز واحده بيحبها جن عاشق؟ احيه !
=يبني اسمعني
_اسمع أي يا امي دا مش بعيد يجبلي جنيه تلبسني أنا كمان
=اسمع المهم ، دي بنت اغني واحد في البلد ، انت متخيل أنه كاتبلها كل املاكه؟ يعني انت هتشيل الجمل بما حمل والهلومه دي كلها هتبقي ليك لوحدك
_يا ماما ..
=يبني متبقاش غبي بقي، بص خد المراد ولو عاوز تطلقها بعد كده مش مشكله
_ولو حصلي حاجه ؟
=يحصلك أي يا احمد دا انتي تودي الناس كلها البحر وترجعها عطشانه !
_امي اوي
=قوم إلبس يلا
_علي فين ؟
=علي بيتها عشان نتكلم مع ابوها
_طب نتفاهم الاول طيب
=ولا قوم بدل مصوت ألم عليك العماره اقول عاوز تسرقني
_انتي حيلتك حاجه تتسرق؟
=مهما مش هيركزوا هيضربوك علي طول
_مهو لو انتي لقياكي قدام دار مسنين قوليلي ومش هزعل
=قوم إلبس وخلصني عشان خلقي ضيق
_يماما ..
=يناس ..
حطيت ايدي علي بوقها _خمس دقايق وهكون جاهز يست الكل
لبست وجهزت وانا خايف بس مش اوي ، صحي الأسد اللهم لا حسد
روحنا ووقفنا قدام فله زي الي بنشوفهم في الافلام وانا وامي فاتحين بوقنا ، احيه هو فين ناس عايشه هنا بجد؟
دخلنا وطلبنا نقابل باباها والشغاله دخلتنا
*منورين يجماعه والله
_بنورك يحاج
*اتفضلوا اقعدوا
_الله يكرمك ، دوغري كده يحاج احنا طالبين القرب منك ، ناخد مريم ل ابننا احمد
ساعتها شوفت علي وشه فرحه مشوفتهاش علي وش حد قبل كده !
*دا احنا نتشرف بيكم والله ، احمد معاه أي بقي؟
_معاه كليه تجارة
*ما شاء الله ربنا يبارك فيه
_الله يخليك يا حاج ، موافق يعني؟
*طبعا موافق ، مش انتوا جيران اخويا ؟ اصل بشبه عليكم
_ايوه احنا
*سمعتكم سبقاكم يحاجه والله ربنا يصلح حالكم
_الله يخليك
*طب هو ينفع كتب كتاب علي طول؟
=بس انا شقتي مش جاهزة يعمي
*لا انتوا هتعيشوا معايا هنا ، معلش دي بنتي الوحيده وانا عاوزها تعيش معايا ، والاوض كتير وتاخد الأوضه الي تريحكم
=بس ..
_وماله يحاج مهو ابنك بردو
هوب طلع قالها هوب اتصل ب المأذون هوب لقيت امي بتكلم اتنين من صحابي يشهدوا هوب لقيت امي جابت هدومي ولقيت نفسي متجوز وانا لسه ملمحتهاش! جماعه متهزروش بقي !!
_الف مبروك يحبيبي
=بتلبسيني يما ؟
_ألبسك أي يحمار انت شايف انت هتعيش فين؟
=نقي بقي نقي من اولها
_لا مهو كله ب النص يقلب امك
=دا انتي ما شاء الله حسباها بقي
_متقاطعش بس ، يلا أنا ماشيه عاوز حاجه؟
=خديني معاكي بالله عليكي
بصتلي ومشيت هو في أي أنا طلبت حاطه غريبه ولا اي
_احمد
=ايوه يعمي
_اطلع اوضتك يبني
=ايدا هو انا ليا اوضه ؟
_الدور التاني الاوضه الي في الوش
=تمم يحاج
_الف مبروك ، أنا عمري مهنسالك الي انت عملته دا ، أنا متأكد انك سمعت مريم فيها أي بس والله هي طيبه وبنت حلال
اتوترت =الله يبارك في عمرك
_اطلع يلا يبني ، تصبح على خير
=وانت من أهله
طلعت ووصلت قدام الاوضه وخدت نفس عميق ، هو انا لو طلعت اجري دلوقت هيحصل حاجه؟ طب والله مهيحصل حاجه
خبطت تلت خبطات ودخلت ، قد أي أنا عريس محترم والله ربنا يحميني يا رب
لقيتها قاعده علي السرير وحاجه مغطيه وشها ! اي الجو القديم دا
_اهلا ، نحن هنا
=..
_انتي مش بتردي لي؟ مكسوفه ؟
=..
_لا متتكسفيش أنا طيب والله وهتاخدي عليا بسرعه
=..
شيلت الغطا الي علي وشها ورفعت وشها ب أيدي وركزت فيها ، ايدا في أي ! دي احلي واحده شوفتها في حياتي ! ثواني أنا كنت فاكر أن البنات كلها غفر زي بنت عمي! لا لا انا اتغشيت دا أي الحلاوة دي !
_انتي حلوة ، حلوة اويي ، طب والله الحمد لله
مسكت أيدي =شيل ايدك من عليا
_انا اسف مش قصدي اضايقك
صوتها اتغير = انت كده ضايقتني أنا مش هي
_دا شكله هيبقي مرار طافح ، إلحقونييييي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الأولى وقبل الأخيرة)
