رواية الأميرة والمغترب الفصل السادس والسبعون 76 بقلم آلاء اسماعيل البشري

رواية الأميرة والمغترب الجزء السادس والسبعون

رواية الأميرة والمغترب البارت السادس والسبعون

رواية الأميرة والمغترب الحلقة السادسة والسبعون

في غرفة ايهاب
و بعدين يا سما !! الگلب طلع مأمن نفسه كويس …الراجل بيقول منقدرش نفتح المكتب الا لو فجرنا القصر كله!!هنعمل ايه دلوقت ده قصره لوحده يساوي نص ثروته!
سما بتفكير: ما تقلقش يا بيبو … ايه رأيك ادورلك عالمفتاح ده؟
ايهاب : بلاش هزارك يا سما مش فايق له…
سما : مين قال اني بأهزر!!
-يعني انا اقولك مكتب مأمن بالحماية دي كلها و مش بيقدر يتفتح غير بمفتاح و انتي فاكراه حاطط المفتاح في أي مكان ؟ ده أكيد هيبقى معاه هو و بس و اتف”جر جوة العربية
سما : ماهو فكر معايا بالعقل .. معقولة حماية زي دي هيخاطر أنه يشيل كل النسخ معاه ! افرض ضيعه ؟ يف”جر قصره عشانه يفتحه!! أكيد حاطط واحد احتياطي في مكان هنا
ايهاب : تصدقي معاكي حق !! أكيد هيسيب نسخة وحدة احتياطي و لازم تكون هنا مينفعش تكون في مكان تاني عشان لو اضطر يفتحه بشكل مستعجل…بس أكيد هيبقى مأمن عليه اكثر ما كان مأمن على نفسه ..
-دي حاجة متوقعة من واحد خب”يث زي ياسين
-طب ايه خطتك؟؟
-انت ما تقدرش تدخل كل مكان في القصر بس انا اقدر …سيب الموضوع ده عليا 😁
-بس بسرعة يا سما …لازم الاقي عقود ملكياته و عقد الجواز بسرعة و الا مش هنقدر نعمل حاجة ..انا اصلا اتصلت بمحاميه عشان يجي لي بكرة
-هنلاقيه قبل بكرة يا بيبي 😁
استيقظت فاطمة و خرجت الى صالة الجناح و في تلك اللحظة خرجت ام أحمد من غرفة أميرة
-صباح الخير يا ست يا طيبة
-صباح الخير يا أم أحمد هي أميرة ما صحيتش ؟؟
-لا صحيت ..
-طب انا داخلة أشوفها
-لا سيبيها تفكر مع نفسها شوية ..
-انتي اتكلمتي معاها ؟
-اتكلمت بس فضلت مسهمة و ما ردتش ..عموما أنا جهزتلها الحمام و جبتلها هدوم نظيفة بس بلاش تكلميها … سيبيها تقوم براحتها احسن
-طب انا هاساعدك تحطي السفرة
-متتعبيش نفسك خليكي هنا يمكن يصحى جوزك و يحتاجلك
خرج خالد من غرفته مسرعا و كانت أم أحمد ترص طاولة الفطور بينما يجلس صالح و فاتن بإنتظار سحر للبدء في الافطار
-صباح الخير جميعا
رد صالح و فاتن : صباح النور
ام أحمد -صباح النور يا ابني .. تعال تفطر
-لا يا خالتي متشكر ورايا مشاوير
صالح : ما يصحش كدة يا ابني المشوار يستنى
خالد: معلش يا عم صالح..الطريق طويل على ما اوصل
أم أحمد -يا ابني انت من امبارح ما حطيتش لقمة زاد في بطنك
-معلش يا خالتي مش جعان يالا عشان ألحق مشاوري
-مشوار ايه يا بشمهندس !! ما تستنى لما تاخذ مراتك و عيلتها في ايدك ؟! مش شايف ان العزا خلص و مش فاضل غيركم هنا؟؟
نظر خالد بغضب الى ذلك الو”قح القادم و هو يقول
-و حضرتك اللي هتقرر مين يقعد و مين يفضل ؟! ما انت ضيف زيك زينا !!
كانت فاتن ستتكلم لكن صالح اوقفها بمعنى سيبي خالد يتصرف مالناش دعوة
ايهاب : مين قال اني ضيف ؟؟ اللي ما”ت ده يبقى ياسين المنشاوي ابن خالي اللي ملوش ور”يث غير ماما …اللي هي عمته
خالد بإحتقار: كان أولى بيك و انت بتنطق اسمه ..تترحم عليه على الأقل
فاتن : صحيح اللي اختشو ماتوا…جاي يتكلم عن ورث و الراجل ترابه ما نشفش ..اما حقا’رة بجد
ايهاب بقولك ايه يا فاتن .. ما نسيب الطابق مستور احسن ما اوري للناس اللي هنا الحقا’رة شكلها ايه !!
نظرت إليها نظرات جعلتها تنكمش في مكانها و نظر صالح إليه بغضب و قال
-تقصد ايه بالكلام ده !!
ايهاب بخبث: اسأل مراتك 🙄
– و الله عيب عليك …الراجل اندفن من ساعات بس و مراته وضعها مزري و انت بتتكلم عن ورث ؟؟ انت طينتك ايه يا جدع انت؟
قالت سحر و هي التقدم نحوه بغضب و تنظر اليه بإحتقار
أم أحمد :بتفهمي مين في ايه يا سحر با بنتي ؟
قال على رأي المثل :راحوا رجال العز و الهيبة و جوم ناس ما بيستحوش من العيبة
ايهاب بحدة : بقولك ايه يا ست انتي!! انا لحد دلوقت ما وصلتكيش بكلمة بس لحد هنا و كفاية .. .. احنا مش محتاجين مدبرة قصر و لما نحتاج هنبقى نجيب وحدة على أعلى مستوى …تقدري تمشي معاهم من غير مطرود
خالد بتحد صريح : محدش فينا هيتحرك من مكانه و مش سايبين أميرة لوحدها فاهم !! و ابقى ورينا هتطلعنا ازاي !!
خالد معاه حق …انا مش متحركة من هنا من غير ما اتطمن على أميرة و هي بنفسها اللي تقولي اطلعي انا بقيت كويسة
قالتها سحر و هي تقف الى جانب خالد و تنظر الى ايهاب بتحد
-طب ايه رأيك بقى يا حلوة انك هتاخذيها في ايدك و انتي ماشية
التفتت سحر لتجد تلك البغيضة تخرج من غرفتها بإتجاههم
و هي تبتسم بخبث و هي تكمل :
و بالمرة تاخذي خالتك و جوزها ضيوف في بيت اختها
قالتها و هي تنظر الى فاتن بإزدراء ثم عادت لتنظر الى سحر بتحد
: لأن القصر ده عمليا بقى ملكنا احنا….و ياريت بالمرة تشوفي لينت خالتك اي مستشفى مجانين كويس احسن حالتها بقت صعبة اوي يا حرام و لا هتعرف تقولك اطلعي و لا انزلي 😁
ضحكت بخبث و أكملت
-اه انا نسيت حاجة مهمة
نظرت الى ام أحمد و قالت بتهكم
-ما تنسيش قبل ما تمشي تنقلي حاجتنا الجناح اللي فوق لأنه بقى جناحنا من النهاردة أصل الاوضة اللي تحت دي صغيرة اوي ..
و نظرت الى صالح و فاتن بتقزز و أكملت و هي تسير إليهما بأصبعين : و جهزي الجناح اللي هوما فيه …عشان ماما جاية بعد بكرة و هتقعد فيه …عايزاه يلمع …و دلوقت يالا كل واحد يشوف طريقه منين …يالااااا
-ايه اللي بتقوله الحقي”رة دي ! هي اتجننت!
قالتها سحر لخالد و هي تنظرالبها بحدة
خالد:لا انت زودتها بصراحة …و انا صبري ابتدى ينفذ
ايهاب : انا اللي صبري نفذ و كمان شوية هألاقي نفسي مضطر اتعامل معاكم بطريقة مش هتعجب حد
صالح: يا سلام !! ورينا هتعمل ايه ؟
فنادى ايهاب بصوت عال: بييييتر !!
فجأة ثارت الفوضى في المكان فور وصول بيتر و احتدم النقاش و علا الصياح و تحول الى صراع و اصبحت ردهة القصر كأنها حلبة مصارعة ديوك .. و كثر تبادل النظرات الحارقة و التراشق بالكلمات بين الجميع و الح”قيرين ايهاب و سما
ايهاب : باااااس ….يالا انت و هو مش عايز كلام كثير كل واحد فيكم يلم هلاهيله و يورينا عرض كتافه…العرض خلص …سمعتو الهانم قالت ايه من هنا للمساء مش عايز اشوف حد فيكم هنا
-هانم مين ؟؟؟ الهانم الوحيدة هنا في القصر تبقى انا
انصدم الجميع و اولهم ايهاب و سما و هم يرون تلك الواقفة بشموخ و هي تنظر إليهما بنظرة جامدة خالية من اي تعبير !! بينما تكمل بثقة
-البيت ده بيت جوزي.. لو فيه حد هيتفضل يبقى انتو …و لو عايزين تفضلوا يبقى أهلا و سهلا بس بشرط تفضلوا بأدبكم زيكم زي غيركم و ما تنسوش مين صاحبة البيت ..