رواية الأميرة والمغترب الفصل الأول 1 بقلم آلاء اسماعيل البشري
رواية الأميرة والمغترب الجزء الأول
رواية الأميرة والمغترب البارت الأول
رواية الأميرة والمغترب الحلقة الأولى
مبسلمش على حد يا حنان يا ريت تبلغي اصحابك بكدة
قالتها أميرة بحدة
اقتربت حنان منها وهمست بإحراج : ايه الموقف البايخ اللي حطتيني فيه قدام اصحابي ده !!
أميرة -حطيتك فموقف بايخ لإني رفضت أحضن راجل؟
حنان بغضب: انتي ف كندا مش ف مصر ! ايه التخلف ده هوما هياكلوكي مثلا ؟؟
أميرة بحدة: ربنا موجود ف كل مكان مش ف مصر بس و ده اسمه ديني مش تخلف يا حنان لو عايزاهم يحضنوكي انتي براحتك انا لا
كانت شلتها تتسائل عما يدور بين الفتاتين فهم لا يفهمون شيئا من لغتهم
فتدخلت سحر اخت حنان و بنت خالة أميرة لفض المشكل: آسفة يا جماعة أميرة لا تسلم على الرجال .
ثم نظرت إلى أميرة لإنقاذها من هذا الموقف فنظرات حنان لها كانت تحرقها بسبب هذا الموقف السخيف
سحر – يالا يا أميرة اوريكي محل المستحضرات معاد درسي ابتدا مش هاقدر ادخل معاكي .
انصرفت أميرة و سحر مسرعتين من امامهما و انعطفتا على اول محل على يسار الشلة
توقفت أميرة قائلة : معاكي حق اللي اسمه دانيال ده شكله واحد و”اطي
سحر : ايوة لاحظت نظراته ليكي … و آسفة على تصرف حنان
أميرة : مش مشكلة …المهم روحي انتي هأدخل المحل اللي هناك ده الاول لفت نظري شال لونه حلو و بعدين ارجع اشتري كريم ترطيب
سحر : اللي تشوفيه يا أميرة …هتلاقي محل الكريمات بعديه بمحلين و تلفي على يمينك …خلي بالك من نفسك
رجعت سحر من حيث أتت و ما أن كادت تصل حيث كانوا يقفون حتى سمعت حنان تعتذر لهم
حنان : آسفة جدا على هذا الموقف المحرج أميرة ليست متفتحة مثلنا لقد وصلت للتو من البلد.
شون : ما المشكلة ؟
دانيال: لم ترد أن تسلم علينا ألم تفهم؟
شيري : لماذا لم تقل هذا ببساطة !!
جاكلين: من الواضح انها لا تتكلم الفرنسية يا شيري
حنان : جاكلين معها حق هي لا تعرف الفرنسية .
مرت امامهم سحر و هي تنظر إليها بنظرة غريية و الى رفقتها بإحتقار
في سيارة حنان
فاتن : الله ! انتي جيتي لوحدك اومال فين أميرة مش كانت معاكي ؟
حنان بحدة – لا مكانتش معايا يا ماما
فاتن بتعجب – اومال راحت فين دي متعرفش حد هنا !
حنان بعصبية- مش عارفة و مش عايزة اعرف !! 😤
فاتن : مالك ايه اللي حصل تاني ؟؟
– إسألي بنت اختك الغبية عملت ايه ؟؟ خلتني ف نص هدومي قدام صحابي !
– ليه ؟؟؟
– جايين يسلموا عليها عادي لما عرفوا انها معاي قامت رجعت لورا و قالتلي بكل وقا’حة قوليلهم مبسلمش على حد .. لما كنت هموت مكاني….يعني هي متربية احسن مني مثلا !! تخيلي بتقولي قدامهم لو عايزة تحضنيهم انتي براحتك انا لا
– ملوش لزوم افورتك دي يا حنان أميرة مش متعودة على العادات هنا دي كل الحكاية .
– اعملي حسابك دي آخر مرة تطلبي مني اطلع معاها لمكان يا ماما فاهمة !!
– ماشي … طب استني أتصل بيها اشوفها فين عشان ترجع معانا
– مش مستنية حد و ان شاء الله عنها ما رجعت !! 😡
انطلقت بسيارتها و الغضب يتآكلها من الداخل و يتدافع من عينها و هي تتوعد في سرها لتلك التي وضعتها في موقف مخز امام نفسها قبل اصدقائها
– بقى عاملة لي فيها الخضرة الشريفة و انا تربية الشو”ارع مش كدة؟؟ حاضر يا أميرة ان ما وريتك !!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الأميرة والمغترب)
