رواية اكتشفت زوجي في الاتوبيس الفصل الثامن 8 بقلم دعاء عبد الرحمن
رواية اكتشفت زوجي في الاتوبيس الجزء الثامن
رواية اكتشفت زوجي في الاتوبيس البارت الثامن
رواية اكتشفت زوجي في الاتوبيس الحلقة الثامنة
سامح بانفعال: طيب يا منى انا مش هضغط عليكى
منى بتكمل هروب: سماح قالتلى انك هتتأخر المره دى
ايوه
أد أيه يعنى
مش عارف شهرين ثلاثه على حسب
منى منزعجه : ايه شهرين ثلاثه
سامح بمرارة :قال يعنى هوحشك أوى
منى بتلعثم: طبعا ما أحنا …… قاطعها سامح بمرارة أكبر : عارف أصحاب
منى : هتبقى تكلمنى
بصلها سامح وكأنه يريد ان يقتحم أعماقها : هكلمك كل يوم وكل ساعه
منى رجعت تبص للنيل تانى لكن تشعربنظراته تخترقها من كل جانب
أخرج سامح من جيبه ميدالية مفاتيح على شكل قلب دهبى خارج منه مفتاح صغير دهبى برضه:أتفضلى
منى عجبها شكل الميداليه قالت وهى تقلبها فى يدها :ايه ده
سامح :هدية بسيطه علشان تفتكرينى وانا غايب
منى :ليا انا ؟ليه؟
سامح: أقولك
: سماح قالتلى أمبارح انك كنتى سرحانه فى المحاضرة
منى متفجأة :ايه لا ولا سرحانه ولا حاجه بالعكس كنت مركزه جدا
سامح :وهو اللى مركز جدا يقعد يشخبط ويرسم قلوب
منى أحمر وجهها من الانفعال والخجل: أختك دى بتستهبل وحسابها معايا بعدين وانا مكنتش سرحانه ولا برسم حاجه
أكمل سامح وكأنه لم يسمعها: أنا قولت اديهولك فى ايدك بدل ما ترسميه
منى تلتقط أنفاسها من الانفعال: هو ايه
سامح بثقة :القلب…..
وتابع
كنتى بترسمى قلب غيران وشاور على قلبه
ثم وجه سبابته ناحيتها وأكمل :ولا قلب لسه حيران؟
منى قامت وقفت وقالت بتلعثم: انت مش قولت انك هتمشى الظهر
سامح بمسكنه: عاوزانى امشى
منى: مش انت اللى قولت الظهر
سامح بمسكنه أكتر: طيب ماشى بس كنت عاوز أستسمحك
منى: تستسحمنى من ايه
يعنى لو جرالى حاجه أبقى سامحينى
منى بسرعه :متقولش كده بعد الشر عليك
قام وقف وعلى وجهه أبتسامه عريضه :خلاص انا كده همشى وانا مطمن
وعندما تذكرت منى هذه الابتسامة أبتسمت واغمضت عنيها وأخدت المخده فى حضنها لتنام
موبايلها رن لا مش اتصال دى رساله تانيه
(لا اله الا الله)
ردت عليها بسرعه (محمد رسول الله )
على رأى الشيخ خالد عبدالله (ياواد يا مؤمن )
فى اليوم التالى فى كافتريا الكليه
منى بحنق شديد:أنتى بتستعبطى يا سماح ازاى تقولى لسامح أنى كنت سرحانه فى المحاضرة ولا برسم ولا مش برسم مش دى حاجات بينا بطلعيها بره ليه؟
سماح ببطىء شديد:وأنتى عرفتى منين أنى قولت لسامح كده هاااااا
(أوباااااااا منى مش عارفه ترد )
سماح فطسانه من الضحك :متكسفيش متكسفيش
منى بتبحث فى الارض عن لاشىء: مكسفش من ايه ده انتى غريبه اوى
سماح لسه بتضحك :اومال يعنى يا هبله مين اللى قاله على معاد وصول سيادتك الجامعه
ومين اللى قاله انتى بتنزلى فيييييييين وبتعدى منيييييين ههههههههههههههه
منى :بصى انا مش هرد عليكى بس لو سمحتى بعد كده الحاجات دى خاليها بينا
سماح بتحاول تبطل ضحك: خلاص يا منى متزعليش انا والله مكنش قصدى أقوله حاجه بس هو لما سألنى على مواعيدك وانه عاوز يشوفك الكلام جاب بعضه يعنى مكنش قصدى……………………بس قوليلى بقى هو كان عاوزك ليه
منى تتصنع الامبالاه :عادى يعنى بيسلم عليا قبل ما يمشى ما أحنا بقينا أصحاب بقى
سماح بتغمزلها بخبث:أصحاب يا منمن
منى بجديه:بصى يا سماح الامتحانات خلاص فاضلها أقل من اسبوعين ممكن نركز بقى
سماح :فكرتينى عاوزين نجمع اللى فاتنا بسرعه فى مذكرات لسه مجبتهاش بيقولوا هيجى منها الامتحان
منى مستغربه على حالهم هما الاتنين: بيقولوا هو احنا مش معاهم ولا ايه ده احنا ضايعين خالص
سماح :المهم يالا نشوف البت عزة الدحاحه دى أكيد معاها كل المهم
منى: يالا
( الحمد لله المذاكرة شغاله كويس والمذكرات عمله عمايلها )
وطبعا سامح وفى بوعده وبيكلم منى كل يوم يطمن عليها ويطمنها على نفسه المكالمه لاتتعدى الخمس دقايق فى كل الاحوال وطبعا المكالمه لا تخلو من عبارات الغزل الغير مباشرة
لكن برضه منى مكنتش بتديله عقاد نافع ولما بتتزنق اوى بتغير الموضوع او بتتعلل ان فى حد جنبها
لكن كانت دايما تقوم بعملية الفحص اليومية الصباحيه والمسائيه للميدالية والقلب والمفتاح وحرف s المنقوش عليها
آخر يوم فى الامتحانات
يااااااااه يا منى هو احنا بنذاكر ولا داخلين سبق انا حاسه ان المواد كانت بتجرى ورايا
منى ضاحكة: طبعا يا بنتى بنذاكر فى شهر اللى مذاكرناهوش فى سنه
بس خلاص الحمد لله الامتحانات عدت على خير انا متفائلة
سماح بتدعى يارب خالينى متفائلة زيها كده….كملت بشغف طفولى ها ياجميل النهاردة آخر يوم مش هنحتفل بقى
منى بتضحك ايه هنعمل عيد ميلاد يعنى علشان خدنا الاجازة
سماح لا يا ماما اكتر من عيد ميلاد……ششششش أحنا هنروح السينما
منى : يا سلام مين بقى اللى قال كده
سماح بثقه:أنا هو انتى تقدرى تقولى لاء
منى : ولو قولت لاء يعنى هتعملى ايه هتعلقينى
سماح مش لوحدى مرفت وأسماء هيعلقوكى معايا ده احنا متفقين من أسبوع حرام عليكى
مش شايفاهم جاين مظبطين نفسهم النهارده ازاى
منى :أاااااااه علشان كده ووانتى بقى مش مظبه نفسك ليه ولا أه صحيح انتى مظبطه نفسك على طول
سماح بغرور:تنكرى
منى :لالا منكرش طبعا
سماح: ها يامنى قولت_______ قاطعتها رنة تليفونها
سماح مستغربة ايه ده دى ماما
منى : طب وفيها ايه مالك أستغربتى كده
سماح:مفيش أصلها مش متعوده تكلمنى وانا بره ……ألو أزيك يا حبيبتى عامله ايه
وفجأة نطت من مكانها مفزوعه:ايه بتقولى ايه سامح ..أمتى ……أزاى
منى أتفزعت هى كمان ومش عارفه ايه اللى حصل :فى ايه يا سماح ماله
سماح قفلت وبتلم حاجتها بسرعه:انا ماشيه يا منى ها سلام
منى جريت وراها أستنى يا سماح قوليلى فى ايه
سماح وهى بتمد جامد مش عارفه يا منى ماما بتقول سامح أتصاب فى التدريب ونزلوه أجازه
منى أتخضت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اكتشفت زوجي في الاتوبيس)
