رواية اعشقه ولكن في السر الفصل الخامس 5 بقلم مي أحمد
رواية اعشقه ولكن في السر الجزء الخامس
رواية اعشقه ولكن في السر البارت الخامس
رواية اعشقه ولكن في السر الحلقة الخامسة
كانت لسه جميله هترد لكن رد عليه صوت من الخلف وهو بيقول
ايوه في حد في حياه جميله وانا قدامك اهو
مراد بصدمه وهو مش مصدق عينه
جسور
جسور بهدوء/ ايوه يا مراد عرفت دلوقتي اذا كانت مرتبطه ولا لا
مراد بتوتر/ انا اسف ما كنتش عارف ان هي
قطعوا صوت جسور بحده وهو بيقول
واديك عرفت اتفضل روح شوف وراك ايه في الحفله
مراد/ طيب تمام كان لسه هيمشي لكن وقفوا صوت جسور وهو بيقول
قبل ما تمشي مش عايز اي حد من اللي جوه يعرف اني موجود في الحفله مفهوم
مراد بطاعه /مفهوم طبعا يا جذور عن اذنك
الكلام وخرج
جميله كانت واقفه بصله بصدمه وفاتحه بقها لكن هو قرب عليها وقفل بقها بايده وبص جوه عينيها اللي بيتوه فيهم وقال بعشق
وحشتيني يا جميله
جميله بصدمه بجد وحشتك ولا كل كلام وخلاص
جسور بضحكه رجوليه جذابه/ يا بنت وانا من امتى كنت بتاع كلام وخلاص ده انت مجرباني وعارفه اني اموت في الفعل ما بحبش الكلام
الكلام وغمز لها في الاخر
جميله بصدمه /يا قليل الادب
جسور ببرااءه مزيفه /انت فهمت ايه انت اللي دماغك شمال وبتروح دايما للي قله الادب يبقى انا ذنبي ايه
جميله ذنبك انك بحبك وما اقدرش استغنى عنك
جسور وهو بيشديها ليه ويبص لملامحها بعشق
وانا بموت وبعشق كل تفصيله فيكي
وكان لسه هيقرب من شفايفها لكن هي رجعت لورا بسرعه.
جسور باستغراب/ في ايه يا جميله بعدت ليه
جميله بخوف/ انت ايه اللي جابك هنا يا جسور
انت مش عارف ان بابا لو عرف او حد شافك هيبقى نهارك مش فايت وهيبقى نهاري انا اسود وهيمنعوني من كل حاجه وانت اول حاجه هيمنعوني عنها
جسور بثقه ما تخافيش انا بس جيت علشان انت ما جيتيش الشقه بتاعتنا النهارده مع اني كنت محتاجك قوي وكنت عايزه اشرح لك اني انا ما ليش اي علاقه باللي عامله والدي لاني شفت في عينك نظره اتهام واضحه يا جميله
جميله بدفاع عن نفسها/ غصب عني يا جاسور انا لما عمي اتكلم بالطريقه دي خفت خفت من الحياه خفت من كل حاجه حواليا وقلت لما اهلي اللي من لحمه ودمي بيعملوا فيا كده امال الغريب هيعمل ايه لكن انا عمري ما شكيت فيك انت ولا في حبك واكثر دليل يثبت لك اني واثقه فيك اني رضيت بعلقتني اللي في السر واني ابقى مراتك بس ما حدش يعرف غيري انا وانت ده مش دليل كافي يثبت لك حبي
جسور بعشق وهو بيقرب منها اكتر
لا بيثبت لي وبيثبت لي قوي كمان انك بتحبيني وشرياني زي ما انا شاريكي انا اسف يا حبيبتي
جميله وهي بتحط رصه فوق صدره
ما تعتذرش يا حبيبي انا عارفه ومقدره كل حاجه بتعملها عشان علاقتنا تكبر وتبقى قدام الناس كلها
بس غصب عني ساعات بخاف لو بابا عارف اللي انا عملته هيبقى ايه رد فعله
جسور ما تقلقيش يا حبيبتي كل حاجه هتتحل ان شاء الله طول ما احنا مع بعض
جميله عارفه ومتاكده انك هتحل كل حاجه
وهم حاضنين بعض وبيتكلموا سمعوا صوت حد جاي الجنينه في لمح البصر جسور شد ايد جميله واستخبى ورا الشجر
وكان الصوت ده صوت شريف وساره
ساره انت جايبني هنا ليه يا شريف احنا سايبين
الحفله والناس وجايين هنا ليه
شريف بتبرير /بصي الموضوع يا ستي انا كنت عايز انك تسمحي لي اني انا الا دير نصيبك في الشركه لو ما كانش عندك مانع يعني
ساره بتاكيد /اكيد يا حبيبي هخليك انت تدير نصيبي انا اصلا عندي ولد يعني مش هقدر اروح على الشركه ومش هلاقي حد اامن عليه لنصيبي ومالي غيرك
شريف بعدم تصديق / بجد يا حبيبتي انت هتخليني ادير نصيبك في الشركه والمصنع
ساره /ايوه اكيد يا شريف انت ليه محسسني ان انا طماعه وهاخد كل حاجه واسيبك
شريف بتوضيح يا حبيبتي ما كانش قصدي بس انا يعني اتفاجئت من قرار ان انت اخذتيه انك تخليني ادير كل حاجه
ساره يا حبيبي انت الراجل اللي في حياتنا وجميله لسه صغيره مش هتقدر تدير حاجه وزي ما انت شايف انا مشغوله اللي النهار كله بابننا فمش هبقى فاضيه لكن انت ده هيبقى شغلك والطبيعي ان الراجل هو اللي يشتغل والست تقعد في البيت لاولادها
شريف/ تسلمي لي يا حبيبتي عالثقه الكبيره اللي انت حاطيها فيه وان شاء الله هكون عند حسن ثقتك وما خيبهاش ابدا
ساره رمت نفسها في حضن شريف في حب وقالت ربنا يخليك ليا يا قلبي وتفضل طول عمرك سندنا انا وابنك امين يا رب العالمين
ساره زيها زي ايه يا بنت بتوثق في زوجها يا ترى
هو هيبقى قد الثقه دي ولا هيبقى زي معظم الرجاله اللي لما بتدي له كل حاجه بيفتري ويدور على حاجات ثانيه بره ده اللي هنشوفه في الاحداث الجايه
وفي نفس الوقت عند جميله وجسور كانوا مستخبيين تحت الشجره وبصين في عينين بعض بتوهان جميله بعدت عنه لما اتاكدت ان اختها وجوزها دخلوا القصر
جسور تعالى معايا يا جميله انت وحشاني جدا
جميله ما اقدرش اجي يا جسور علشان الحفله اللي عاملها بابا
مسك ايديها واتكلم بحب شديد ارجوكي حاولي تتصرفي
جميله بتنهيده خلاص ماشي هحاول
انت استناني في العربيه وانا احصلك
جسور فرحه تمام
خرج جسور وركب عربيته واستناها قدام الفيلا اما هي اتنهدت ودخلت للفيلا عشان تستاذن والدها
*********
وفي الحفله كان ابراهيم قاعد مع مراته نارين وبيتكلموا في امور كثير
بينما هم بيتكلموا دخلت ساره وزوجها شريف من الجنينه
ساره بابا بعد اذنك انا مضطره امشي دلوقتي عشان عارف محمد ابني بكره الصبح عنده حضانه
الاب بحنان ماشي يا حبيبتي ابقى طمني عليك لما توصلي وبكره الصبح تبقي في الشركه
ساره بتبرير الحقيقه يا بابا انا مش هقدر اجي الشركه بكره وانا مش هقدر اجيها الفتره دي خالص انا قررت ان اخلي شريف جوزي هو اللي يروح مكاني ويديرها
ابراهيم بص لها وما كانش عاجبه القرار اللي هي بتاخده لكن في الاخر ده قرارها هي وهي حره فيه فقال
براحتك يا حبيبتي الشركه مفتوحه لك في اي وقت تحبي وانت يا شريف يا ريت تكون قد الثقه اللي احنا حطيناها فيك
شريف ان شاء الله يا عمي هكون قد الثقه واكثر كمان بعد اذنك
اخذ شريف ساره ومشو اما ابراهيم بص لبنته بعدم رضا فهو عارف نظره الرجال كويس بالذات اللي زي شريف بس هيعمل ايه ما يقدرش يتكلم علشان ما يخربش بيت بنته بايده وده اللي بيعمله معظم اولياء امورنا بيشوفوا الغلط لكن مع تمسكنا احنا بيه بيسيبه علشان نتحمل اغلطنا
دخلت جميله واستاذنت من والدها ان هي تروح عند صاحبتها لان في امتحان وراهم بكره
ابراهيم يا جميلة الوقت اتاخر هتروحي وتيجي امتى
جميله بكذب هروح ومش هتاخر انت عارف الامتحان ده مهم قوي ولازم اذاكر له
ابراهيم كان لسه هيرفض لكن نارين مسكت ايده
وقالت وافق بقى يا حبيبي خليها تروح عشان تذاكر انت عارف ان دي السنه الثانيه ليها وعايزينها تجيب مجموع حلو زي كل سنه
ابراهيم خلاص روحي بس ما تتاخريش وابقى رن عليا لما توصلي
جميله بفرحه انطت وحضنته وقالت شكرا يا احلى بابا في الدنيا مش هتاخر السلام
وخرجت وراحت مع مع جسور اللي كان مستنيها قدام الفيلا
********
اما عن عيله مراد فاستاذنوا علشان يمشوا
والد مراد نستاذن احنا بقى يا ابراهيم الف مبروك
ثاني
ابراهيم بحب الله يبارك فيك خليك قاعد شويه
ابو مراد لا احنا يا دوبك نلحق نمشي
ابراهيم طيب على راحتك ابقى سلم لي على مراد والمدام
ابو مراد يوصل
وخرج والد مراد لقى مراد ووالدته واخته الصغيره في العربيه وكان باين عليه الضيق
ولد مراد ممكن اعرف ايه اللي خلاك تمشي من غير ما تسلم على عمك ايه قله الذوق اللي انت فيها دي
مراد بضيق ما فيش يا بابا حسيت بتعب فقلت امشي فيها حاجه دي
ولد مراد لا ما فيهاش حاجه اتفضل امشي ولد ما عندهوش ذوق
ساق مراد العصبيه من غير ما يرد على ابوه وهو كل ما يتذكر كلام جسور اللي قاله ان في علاقه هو وجميله حاسس نفسه كانه عايز يروح يقتل الاثنين ليه اخترته هو ويا ترى ابوها عارف بالعلاقه دي ولو ما اعرفش هيبقى في امل ان هو يدخل في حياتها
كل دي اسئله ملهاش اجابه غير عند القدر اللي مخبيه
***
وفي فيلا صغيره في منطقه سكنيه راقيه
كان جسور وجميله في عالم غير العالم طايرين مع بعض ما كانش مسموع غير صوت انفسهم العاليه وهم في جوله من جوالات عشقهم وبعد مده
بعد جسور عن جميله وهو بيتنفس بصعوبه من هول المشاعر وبصلها كانت وشها احمر من الكسوف كل مره بيبقوا فيها مع بعض كانها اول مره بتقتله وبتسحره بجمالها وخجلها اللي بيزيدها جمال
جسور بهمس حار/ بحبك يا جميله وهفضل احبك على طول
جميله وهي نايمه على صدره/ وانا بموت فيك
ونفسي الناس كلها تعرف بالحب ده
جسور بعشق/ ان شاء الله عن قريب يا جميله الكل هيعرف اني جميله الابراشي حرم جسور الابراشي شرعا وقانونا
جميله امتى بس احنا يبقى لنا فتره كبيره مع بعض وانت ما اخذتش اي خطوه لقدام انا خايفه قوي يا جسور
جسور بحنيه ما تخافيش طول ما انت معايا ما تخافيش
جميله الوقت اتاخر انا لازم امشي كل ما اجي عندك بنسى الوقت وانسى كل حاجه واكيد اهلي هيقلقوا عليا دلوقتي وخصوصا اني ما كلمتش بابا زي ما قلت له
بعدت عنه وكانت لسه لها راحه تقوم لكن هو شدها ورمى الجاكيت من ايديها وهمس قدام شفايفها باغراء وقال
دلوقتي يا جميله انا لسه ما شبعتش منك
كانت لسه هتعترض لكن هو قبل اعتراضها داخل شفايفه في قبله عميقه بيحرك فيها مشاعرها فما لقيتش حل غير انها استسلمت للمشاعر اللي بتحسها معاها هو وبس وراحوا لعالمهم الخاص
*********
وفي القصر ابراهيم
تحديدا في غرفه المكتب الخاصه بولد جميله
كان بيراجع اخر الصفقه باهتمام شديد لكن فجاه سمع صوت جاي من بره فطلع من اوضه المكتب عشان يشوف مين ولكن اتصدم لما لقى شخص ملثم
ابراهيم انت مين وبتعمل ايه هنا
وكان لسه راح يزعق ويلم البيت لكن الملثم ضربهبب بالمسدس في كتفه وقع غرقان في دمه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اعشقه ولكن في السر)
