رواية اسيل الفصل السادس والعشرون 26 بقلم اسماعيل موسى
رواية اسيل الجزء السادس والعشرون
رواية اسيل البارت السادس والعشرون
رواية اسيل الحلقة السادسة والعشرون
قاد جاسر السياره نحو المخزن الكبير على الطريق الصحراوي
خلال الطريق كان جاسر بيفكر فى فرضية ان يكون رعد جاد فى تهديده وماذا سيكون موقفه حينها! انقشعت الضبابيه من فوق عنيه، يعرف ان والده ظالم ومتجبر، لكن هل يعنى هذا ان يسمح لرعد بقتله؟
لكنه يعلم أن معظم الناس يطلقون عهود ووعود غير قادرين على تنفيذها مأخوذين بالغضب او الحميه او حتى الخداع مثل الحب!!
أوقف جاسر السياره امام المخزن الكبير، كان باب المخزن مفتوح، اخر شخص خرج لم يبالى بغلقه
كان فيه أثر دم ملتصق بالأرض ولاحظ جاسر ان آثار الدماء تبداء من خارج المخزن فى خط حتى مؤخرته
رعد مكنش قادر يمشى، معقوله هيشوف اسيل ميته؟
كل الأحلام والأمنيات إلى رتبها فى عقله قتلت مثلها
كانت امامه أكثر من فرصه ومقلهاش بحبك
ما الذى كان يمنعه؟ وهل كان عليه ان ينتظر حتى موتها ليتحرك لسانه؟
معقوله كلمه واحده انحشرت وامتنعت جوانا ممكن تسبب كل الألم ده؟
أسند جاسر رعد من ذراعه حتى وصل نهاية المخزن، هناك توجد حفره حديثه، كان واضح ان اسيل دفنت خلالها
فيه معول مرمى على الأرض، جاسر لرعد، رعد انت مش مضطر انك تعمل كده!؟
رؤية وجه ميت لا تنساه طول عمرك!!
نزع رعد بذته الرماديه، شمر أكمام قميصه ومسك المعول
انا مش هسيب اسيل مدفونه هنا، لو مقدرتش اسعدها فى حياتها على الاقل امنحها دفنه لائقه
قعد يحفر، الأرض كان رخوه، وتوغل فيها بسرعه، بعد نص متر المعول احتك بحاجه
رعد ساب المعول ونزل ايده يكمل حفر بيها، ايده ارتطمت فى عظمه، خرجها، ثم أخرى وأخرى
انفتحت الحفره كان فيها كومه من العظام وبقايا الأجساد المتعفنه
رعد وجاسر قعدو يوسعو الحفره، لكن جسد اسيل مظهرش كل إلى قابلهم عظام متيبسه لأرواح ازهقت ظلم ولم يعثر احد عليها
جثة اسيل مش موجوده، معقول يكونو دفنوها في مكان تانى؟
جاسر ___ بلاك لانسر فيه كل العبر لكن مش بيكذب
رعد ___ امال فين جثة اسيل طيب؟
جاسر بشرود السؤال ده اجابته عند شحته الفيراري يا رعد
حاول جاسر يتواصل مع شحته لكن تليفونه كان مغلق
الفيراري مش بيقفل تليفونه ابدا يا رعد انا حاسس ان فيه حاجه غلط، احتمال اسيل تكون حيه والفيرارى نقلها مكان تانى
كأن الروح ردت فيه، رعد خد نفس عميق، انا مستعد ادفع كل ما املكه للمجرم ده، ثروتى كلها بس الاقى اسيل
جاسر __ انت فاكر ان لانسر قال انه هيقابل الفيرارى فى كافتيريا عابدين؟
رعد مش فاكر حاجه، كان فى دنيا تانيه
وقت الازمات، ووقت اختيار الزوجه ستعرف مزية اصطحاب مرافق محايد لأن عينك لن ترى الا ما تود رؤيته
انطلق جاسر بالعربيه ناحيت كافتيريا عابدين وآمل صغير ينمو داخل صدر رعد ان اسيل ممكن تكون حيه
لا تفرطو فى الأحلام ولا الأمانى لأن الحياه معتاده على الصفع بلا رحمه
وحلم دون اثاث، دون قاعده، حلم واهى، مثل الفراشه التى تحرق نفسها عندما تقترب من الشمعه
الأحلام مثل الأطفال، تحتاج رعايه، اهتمام وتغذيه، ان تخلق حلم مثل ان تربى طفل، كل شيء يقع على عاتقك انت
داخل المقهى ظل رعد وجاسر جالسين ينتظرون الآمل، الحلم الذى يتمثل فى رؤية مجرم خطير محنك
هل هناك سخريه أكثر من ذلك؟
قبل عدت ساعات
دخل شحته الفيرارى على اسيل، كان بداخله غيظ مكتوم، من السويدى ومن الحياه
طول عمره بيلعب فى الحجات الوسخه المرمرمه اول مره يشوف حاجه نضيفه، الفيرارى عارف نفسه انه انسان وسخ وليس فخور بقصة حياته، لكن دا ميمنعش انه لازم يسطر خط نضيف فيها
اسيل مش من نوعية البنات إلى عرفها طول عمره، الفيرارى لازم يدوق كل حاجه، كل أنواع الفواكه، بعد عمر طويل، بعد أن يتقاعد، الفيرارى لازم يحكى قصة وصوله لانسانه من الوسط النضيف، حكايه تضاف لقاموسه
كان فى ايده ستره مضاده للرصاص وكيس دم، البس اسيل المستسلمه الصدرية المضاده للرصاص وعلق بيها كيس الدم
قبل ما لانسر يدبح اسيل، شحته الفيرارى بتصويبه الذى لا يخطأ اطلق ثلاثة رصاصات فجرت كيس الدم واسقطت اسيل على الأرض
بعد ما لانسر مشى، الفيرارى جرى على اسيل ونزع الستره المضاده للرصاص، اسيل قعدت تسعل، حست ان قفصها الصدرى اتكسر
جر الفيرارى اسيل لصندوق العربيه، قفله عليها وانطلق بعربية متهالكه ناحيت خيمه فى الصحراء كان بيقابل فيها مجرمين يسهرو فيها ويشربو حشيش ويضربو بدره
انا أنقذت حياتك يا استاذه، انتى مدينه لي بحياتك ولازم تدفعى التمن
اسيل ادفع، ادفع
فيرارى الصبر يا استاذه مش تعرفى هتدفعى ايه؟
اسيل هديك كل الفلوس إلى انت عايزها
فيرارى بغضب انا مش عايز فلوس انا عايزك انتى
صرخت اسيل، اقتلنى انا مش ممكن اعمل كده
فيرارى بنبرة حكيم، ليه يا استاذه انتى هتخسرى ايه؟ شرفك؟ الشرف مجرد كلمه لا تربو لمنح حياه
اسيل ابعد عنى، هقتل نفسى قبل ما تلمسنى
الفيرارى، اصرخى براحتك يا استاذه، محدش هيسمعك هنا غير الديابه وكلاب الصحرا
انا مش مستعجل قدامك اختيارين اما الموت واما شرفك
شحته طول عمره انسان عادل وميحبش يجبر حد على اختيار واحد
اخرج شحته جرعة هروين وتنشقها، وبدأت آثار الهروين تظهر عليه
هجم على اسيل، لكن أسيل رفصته بقدمها، يا بنت الو… سخ
هتبوظى العده
قعد الفيرارى على جنب ودخن سيجاره بعدها كتف اسيل بالحبال
انا معايا ميعاد مع لانسر، هجيب الفلوس وارجعلك
وقتها عايز اسمح رد واحد اما الموت واما شرفك
وصلت الشرطه مخزن السويدى بعد ابلاغ جاسر عنه، كان فيه بقايا اكتر من جثه وكان الطب الشرعي موجود لاخد العينات وتحليلها فى المعامل عشان يتعرفو على أصحابها
وصل شحته الفيرارى مقهى عابدين، وكمجرم محنك وقف لحظه بعيد عن المقهى يراقب الوضع
عارف ان الشرطه مترصده بيه، اينعم هو بيدفع زى اى مجرم للمخبرين عشان يبلغوه بحركات ضباط المباحث لكن الأمر ما يمنعش برضه
قبل ما يدخل المقهى لمح جاسر قاعد داخل الكافتيريا، عرف ان فيه حاجه غلط
لف تانى ورجع، لكن الوقت كان فات، جاسر لمحه
وصرخ رعد الفيرارى بيهرب!
انطلق الفيرارى بعربيته باقصى سرعه ورعد وراه بعربيته الحديثه
يعرف الفيرارى انه لو قدر يزوغ منهم محدش هيقدر يعرف مكان الخيمه
ورعد يدرك ان اخر امل له فى الحياه هارب قدامه
رواغ الفيرارى بضراوه لكن رعد ثبت، كان هيعمل اكتر من حادثه بس واصل القياده
وصل شحته الطريق الصحرواى كان بعد شويه عن رعد لكن قادر يشوفه
من سوء حظ رعد ان الفيرارى اختفى فجأه من قدام عينه
وقف رعد فى المكان إلى شحته اختفى فيه
مكنش فيه غير درب ممهد داخل الصحراء
من غير تفكير رعد انعرج داخل الدرب وساق بكل سرعته
وصل الفيرارى الخيمه قبل رعد وجاسر ورجالته إلى ماشيه وراه، اسيل كانت مقيده زى ما سابها
قعد الفيرارى بسلام وهدوء قدام اسيل، بص فيها بتركيز، يدرك ان نهايته ممكن تكون قريبه
عارف انه لازم يهرب وينجو بحياته ويغادر الخيمه، لكن جواه كان فيه تحدى، تحدى اكبر من حياة الاجرام إلى عاشها طول حياته، وسأل اسيل بعد ما خرج مسدسه، قلت أيها يا استاذه؟
شحته الفيرارى ولا الموت؟
وكان شحته الفيرارى فى داخله اذا وافقت اسيل على عرضه وقبلت بالفيرارى المجرم لن يفعل بها شيء، سيكون ارضى اخر جزء فيه، ان شخص شريف ممكن يقبل بيه، ورغم انه مجرم مجرد من المشاعر والرحمه كانت كلمة من اسيل سترضيه، ان يتخلى شخص شريف امامه عن شرفه ويرضى ان يتلطخ معه فى الوحل
اسيل بعيون ميته، اقتلنى!
أبتسم شحته الفيرارى بمراره، البنت دى قتلته قبل ما يقتلها
صوب مسدسه على اسيل وصرخ اللعنه على الشرف انا كمان انسان شريف وعمرى ما نكثت بوعدى
الشرف لا يقبع فقط داخل الأنثى، الشرف ليه صور كتيره
سمع رعد صراخ فيرارى داخل الخيمه من بعيد قبل أن يصل إليها
اخرج مسدسه وأطلق رصاص عشوائى على الخيمه، رصاصه لم يكن يعلم انها أنقذت حب حياته
عندما صوب الفيرارى مسدسه رصاصة رعد مرت جنبه وجات فى كتف اسيل
طلقت الفيرارى الدقيقه، الفيرارى لا يخطأ التصويب ابدا ولا مره فى حياته
طارت فى الهواء بعدما سقطت اسيل على الأرض
تسحب الفيرارى خارج الخيمه ورد الرصاص برصاص
الفيرارى مش هيموت كأى مجرم عادى، لازم يقتل واحد واتنين وعشره قبل ما يموت
لكن الفيرارى كان مات قبلها، مات لما اسيل رفضته
احاط رجال رعد بالفيرارى، وتلقى طلقه من الخلف اخترقت ظهره، ثم طلقه أخرى وأخرى حتى تخرم جسمه
دخل رعد الخيمه لقى اسيل واقعه على الأرض، الدم سايل من جسمها، حضن رعد اسيل بقوه، ارجوكى متموتيش انا بحبك، بحبك يا اسيل
فى المشفى طمن الأطباء رعد، الرصاصه فى كتفها ومفيش خطر على حياتها
بعد ساعات فاقت اسيل، المحاليل الطبيه كانت موصوله بكل جسمها، كان عندها ضعف وفقر تغذيه
رعد كان قاعد جنبها بيبكى وجاسر جنبه، جاسر حمد لله على السلامه يا اسيل
فتح رعد عنيه، اسيل، اسيل، انت حيه؟
اسيل انت شايف ايه يعنى يا مدير؟
ضحك رعد، مفيش مدير بقا ولا يحزنون، انتى حبيبتى ومراتى ووالدة اطفالى
اسيل حيلك، حيلك انت طموحاتك كبيره جدا
رعد كبيره عليا؟
اسيل بخجل لا
صفحة الكاتب على الفيس بوك باسم اسماعيل موسى
انسحب جاسر من الغرفه، الشرطه قبضت على والده، الجثث إلى عثر عليها كانت لمنافسين ليه فى السوق
وكانت عائلتهم وجهت اتهام رسمى للسويدى بقتلهم، لكن عدم العثور على الجثث ابطل كل التهم
دلوقتى الادله مثبته، حتى عينات بقايا عظام والد رعد كانت موجوده داخل المقبره الجماعيه
حكم على السويدى بالإعدام شنقا، لكن ببعض الاتصالات ودرزينة محامين اخد حكم بالسجن المؤبد
تزوج رعد باسيل بعد ما خرجت من المستشفى، تزوجها ودراعها لسه مربوط على صدرها، أصر رعد على إتمام الزفاف
وبعد عدت أشهر كانت حامل بطفلهم الأول
تمت
لقراءة الرواية كاملة اضغط على : (رواية اسيل)
