رواية اسيرة الذكريات الفصل الثامن 8 بقلم نور أفدار
رواية اسيرة الذكريات الجزء الثامن
رواية اسيرة الذكريات البارت الثامن
رواية اسيرة الذكريات الحلقة الثامنة
🍁🍁الفصل الثامن🍁🍁
وتين بصدمة:حساااام !!
شو يلي عم تحاول تعمله إنت أكيد جنيت شكلك داق خلقك من حياتك وناوي تلعب بعداد عمرك
حسام بمكر :هي فركة إذن بس لسا ما شفتي شي ولا مفكرة يلي عملتيه بالجامعة لح يمر بالساهل
وتين بقوة :إنت مريض ولازمك علاج ويلي صار فيك قليل وبتستاهل أكثر
صفعها حسام بقوة لدرجة شفاهها نزفت وقال بغضب :
خليتي كبريائي بالحضيض وما عاد أقدر أرفع راسي بالجامعة بسببك
وتين وهي بتمسح شفايفها بقوة :يلي صارلك نتيجة أعمالك الإنسان بيحصد يلي بيزرعه ويلي بيزرع الخراب ما بيحصد إلا الخراب
حسام :ليه أنا شو عملت
وتين : …..
☆فلاش باك☆
بيوم التدريب العملي للطلبة في ما يتعلق بالعقاقير والمحاليل
حسام لثنين من اصحابه :بتراهنوا اني بقدر خلي وتين تجن وما تقدر ترفع راسها قدامي الطلاب وتنفذ كل طلباتي
الشبين بضحك:عم تحلم هي وتين الآغا ما حد بيقدر لها بتاكله بلا ملح
حسام بمكر :هيك لكن طيب اسمعوا
لح حط هاد المحلول بتجربتها وهيك لح تتسبب بحريق والكل لح يوجه لها اللوم ومشان على اساس انقذها من الاحراج وانقذ الموقف لح قول لها اني لح اخذ الموضوع عنها بشرط تنفذ كل كلامي وضحك بخبث
نهاية الفلاش باك
وتين :عرفت شوعملت بس يا حرام انقلب الرهان على صاحبه أنا سمعتك يومها انت وجوز الغربان لأن والحمد لله كنت نسيانة بعض المعدات و رجعت آخذها وسمعتكم وانقذت نفسي وانتوا رجعتوا خاليين الوفاض يعني بخفي حُنين بس طبعاً هالشي ما شفى غليلي وقررت علمك الأدب بالوقت المناسب واستغليت أول فرصة إجتني وصدقني هندمك على أفعالك هي أضعاف مضاعفة
بيحمر وجه حسام وما بينطق ولا حرف وبيطلع من الغرفة وبيقفل الباب
☆ثاني يوم الصبح ☆
بيصحى كريم هلى تليفون غريب
_ ألو كريم بيك لو بدك الآنسة الصغيرة تبقى بخير جهز مليون دولار وبيقفل الخط
بحاول كريم يوصل للرقم بس الطرف الثاني ذكي حرق الخط فوراً
بيجهز كريم وبروح على الفرع ليتابع إذا في أي مستجدات وللأسف ما بيكون في أي شي
بمر الوقت بسرعة وبصير موعد لقائه مع الشخص يلي من طرف معاذ بينطلق كريم لمكان اللقاء بأقصى سرعة
وبعد حوالي نصف ساعة بيوصل
كريم ببرود بدون أي مقدمات:لوين بدكم توصلوا
رَجل معاذ :انت بتعرف المطلوب
كريم :معناها هيك ما هنوصل لاتفاق
رَجل معاذ :انت حر لكن تحمل يلي جاية
كريم بينه وبين نفسه تذكر انه لما راح على مكتبه إجاه مرسوم بالعفو عن المساجين يلي قضوا عشر سنوات فما فوق من مدة عقوبتهم والعفو شامل معاذ وهيتنفذ بعد اسبوع
يعني شاء أم أبى معاذ طالع طالع
كريم بعد تفكير :تمام بس
بشرط…….
شو بتتوقعوا يكون الشرط
عطوني رأيكم بالبارت ولا تنسوا الإشتراك والتصويت
دمتم بخير نلتقي يوم الثلاثاء
❤️❤️❤️😘😘😘
بقلم نور أفدار
يتبع…
لقراءة الفصل التالي : اضغط هنا
الرواية كاملة اضغط على : (رواية اسيرة الذكريات)
