رواية اسطورة حياتي الفصل الثاني 2 بقلم ونس
رواية اسطورة حياتي الجزء الثاني
رواية اسطورة حياتي البارت الثاني
رواية اسطورة حياتي الحلقة الثانية
شوفت البورتريه وكنت طاير من الفرحه والغريب ان انا بعت صوره بتبين وشها بس
لقيت البورتريه فيه صورتها كامله حتى فيه تفاصيل زى مثلا انها عندها وحمه ف ايدها اليمين على شكل فراوله لقيتها ظاهره فالصوره استغربت الموقف ولكن ما اهمتمتش للامر
حطيت البورتريه جنبى وانا نايم ،حلمت بيها طول الحلم بتبصلى ومبتسمه
قومت اليوم دا غير كل الايام فيا طاقه وحيويه فوق الطبيعى
صحيت اشتغلت كام حاجه تبع شغلى اونلاين وبعدين فضلت قاعد اتكلم مع الصوره كأنها هتسمعنى وعدى اليوم على كدا
تانى يوم حلمت انها بتقرب منى
تالت يوم كانت كأنها بتترجانى وبعدين همست ف ودنى وقالت رجعنى
كذا حلم متتالى ورا بعضيه وكانو بالنسبالى عادى
لحد ما فيه حلم قالت رجعنى بقولها ازاى مش هعرف ارجعك راح شكلها اتحول لكائن بشع وكانت هتخنقنى قومت مخضوض
ولكن لقيت صورتها المره دى غير كانت بتتحرك وبتبصلى
حسيت ان اننا لو حكيت لحد هبقى مريض نفسى
ف قررت انى اغطى الصوره واسكت جيت اغطى الصوره لقيتها اتحركت جامد من وسط الصوره وقالتلى مش قولتلك رجعنى ؟!!
للحظه دى من الرعب الصوره وقعت وانا جريت برا الشقه قولت يمكن تكون ادفنت عايشه ؟!
روحت المقابر وبالصدفة كان فيه واحده قريبتهم توفت وهتدفن ف نفس المقابر
سألت المسؤول عن المقابر هل سمع اى اصوات او اى حاجه
قالى لا يا بشمهندس ابدا
اتكلمت معاه انى شاكك انها تكون عايشه
& يا بشمهندس هتبقى عايشه ازاى دا حتى لو الدكاتره كانو كدابين ساعة ما قالو انها توفت اكيد مش هتبقى عايشه بعد خمس شهور جوا المقابر شكل اعصابك تعبانه
طول الطريق وانا بفكر يا ترا كله دا بيحصل ليه
لحد ما افتكرت البورتريه
كلمت البيدچ اللى طلبت منهم الرسمه
_ الو حضرتك انا كنت طالب بورتريه ولكن طلع فيها حاجه غريبه
: زى ايه يا فندم
_الصوره بتتحرك
: ايه ؟؟!!!
_ بقولك الصوره بتتحرك وبتبصلى واحيانا بتتكلم
: يافندم مفيش الكلام بس ممكن انصحك نصيحه هو اه يا فندم دا بيحصل فى حالات نادره جدا بس بما ان احنا الرسامه اللى بترسم الصور ومسؤوله عن شغلنا كله ليها قدرة واطلاع فى عالم الطاقه الروحيه ف بتقول ان لما بيحصل دا بيكون الشخص اللى فالصوره هو بيبقى حابب انك تكلمه
_ بس دى متوفقيه!!
: طيب بحيث كدا فيه رقم شيخ كويس ممكن تسأله
_ ياريت
: الرقم ***********
_ شكرا جدا
: الشكر لله
روحت وكلمت الشيخ واخدت معاه معاد
ولكن لما قابلته قال كلام صدمنى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اسطورة حياتي)
