رواية اسطورة حياتي الفصل الثالث 3 بقلم ونس
رواية اسطورة حياتي الجزء الثالث
رواية اسطورة حياتي البارت الثالث
رواية اسطورة حياتي الحلقة الثالثة
روحت وكلمت الشيخ واخدت معاه معاد ولكن لما قابلته قال كلام صدمنى
+بص يا استاذ ياسر مش كدا ؟
-اه
+هى روحها عايزه ترجع تعيش
-هتعيش ازاى وهى ميته ؟؟
+دى مش شغلانتك انت بقا دا شغلى انا
-يعنى ايه هتحيي الموتى!
+ششش مش عايز منك اعتراض او موافقه فكر و رد عليا بس اعمل حسابك لو موافق ف 25الف جنيه هرجعلك فيها خطيبتك اقصد مراتك و حبيبتك
او لو مش حابب اخلصك من طاقة روحها اللى بتحاربك
-بس دا مش هيعتبر كفر !!
+لا ميين قال انه كفر دا علم اسمه علم الطاقه الروحيه وكلها علوم ربنا خلقها
-عندك حق
روحت البيت وكلامه زى ما يكون سحر دماغى مش بتفكر ف شيئ غير الموافقة
لقيت صورة لمياء مراتى بتبصلى ومبتسمه
وهنا حسيت انى ماشى صح كلمته وقولتله انى موافق وتانى يوم كنت عنده ومعايا المبلغ
بدأ يكلمنى فالشروط انى مقدرش المسها هى مجرد تواجدها معايا شكل وصوت بس حتى مش هقدر امسك اديها
ومن الشروط انى ما اصليش فالبيت ولا اقرأ قرأن ولا احتفظ بأى مصاحف فالبيت وما اسمحش لضوء الشمس انه يدخل البيت
وافقت و روحت البيت وانا فى قمة سعادتى وكانت معايا
رجعت زى ما هى بجمالها الطبيعي و كلامها وهزارها رجعت الورده تانى عشان تزهر حياتى
بقيت بقضى معاها يومى كله وانا قاعد بس اتأمل جمالها
ولكن مش الغريب انى ما اقدرش المسها هى كانت بتعمل شغل البيت عادى وتقدر تلمس كل شيئ الا انا
روحت شغل اسبوع وبعدت عنها لما رجعت كانت وحشانى اوى جريت عليها وحضنتها
-وحشتينى
لمياااااء روحتى فيييين
ومبقتش لاقى لمياء ف حياتى تانى
روحت للمعالج وقالى +انت كسرت العهد اللى بينك وبينهم
-همااا مين
+روحها
-والحل ؟؟
+هات 60 الف وهحاول ارجعهالك ودى هتبقى الفرصه الاخيره
ورجعتها تانى
وجالى شغل شهر اضطريت اسافر ولكن صدمتى لما رجعت لقيت امى كانت وصلت البيت وفتحت البلكونات والشبابيك و نضفت الشقه
-ماما انتى بتعملى ايه ؟؟
*برتب البيت المنتن دا
-بترتبيه ليييه
*هسيبو مبهدل كدا وبعدين ايه الحجات الميته والدم الكتير اللى فالمطبخ والحمام دا
-دم ؟؟
*فيه قطط ميته فالمطبخ والحمام
رديت بإرتباك -انا اصلا مش فالبيت بقالى شهر هو انتى ماشوفتيش حد لما جيتى
*لا هشوف مين يعنى ولا مين هيعيش وسط القرف دا
كان جه وقت صلاة المغرب وامى صلت واتأكدت ان المره دى روحها مش هترجع بقيت بعيط زى الاطفال احساس الفقد تملكنى
رجعت نمت ف شقة امى عشان ريحة الشقه كانت لا تطاق حتى بعد ما اترتبت
ولكن حلمت ب لمياء بتبصلى وزعلانه جدا فالحلم وقالتلى انت مكنتش بتقربنى انت كنت بتبعدنى وبتبعد روحك من رحمة ربنا
طب ازاى ظهرتلى وليه زعلانه وليه المعالج الروحاني قال انها استحاله ترجع ولا تظهرلى ف احلام تانى
روحت للمعالج ولكن المره دى لقيت بنت شدت ايدى وسحبتنى وراها
-انتى مين وماسكه ايدى ليه كدا اصلا
” جايه الحقك من المصيبه اللى هتودى نفسك فيها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اسطورة حياتي)
