رواية اسطورة حياتي الفصل الأول 1 بقلم ونس
رواية اسطورة حياتي الجزء الأول
رواية اسطورة حياتي البارت الأول
رواية اسطورة حياتي الحلقة الأولى
يابنى انت هتفضل حابس نفسك ليل نهار كدا !!
_ انا كويس
: لا مش كويس ، يابنى دا نصيب ربنا هو اللى خلقها وهو اللى اخدها كلنا جنازات مؤجله لحد ما ربنا يريد
رد بعياط و شهيق _ اشمعنا هى تموت صغيره دى ملحقتش تعيش دى دى ديي كانت ملاك لا عملت حاجه ف حد ولا لحقت حتى تشوف الحلو اللى فالدنيا
: اصبر وارضى بقضاء ربنا
_ وماتت يوم فرحنا الحلم اللى جريت وراه عمرى كله من اول ماشوفتها وهى طالعه من الدرس ف تالته اعدادى لحد ما دخلت اولى جامعه وانا مستنيها ولما تبقى معايا تموت !!
: هون على نفسك يابنى ربنا رحمها وانت ان شاء الله هتلاقى واحده تحبها وتتجوزها
_ انا بقيت خايف احب حد يموت ماتت واحنا لسه طالعين من الكوافير دا حتى ملحقناش نتصور الجوازه اللى انا وهى كنا بنتمناها راحت
: الله يرحمها ويغفر لها ويجعلها من اهل الجنه
_________
انا محمود وكنت خاطب بنت من اجمل البنات فالكون كله جميله شكل و روح وكانت روحى فيها وماتت يوم فرحنا
كنت رايح اجيبها من الكوافير ومره واحده وقعت فالارض هى كانت دايما بتدوخ وتقع بسبب عدم نومها المنتظم والانيميا فضلت افوق فيها انا والمعازيم والاهل لحد ما وما روحت بيها المستشفى كانت روحها طلعت للى خلقها
حياتى ادمرت بقيت شخص مكتئب ما بيقتش مهتم بشغلى ولا بنفسى
انا كل يوم بروح المقابر اقرأ قران وادعيلها واروح
بعد إلحاح شديد من والدتى قررت ارجع اشوف شغلى
انا مهندس برمجه
_________
لحد ما كنت ف مره قاعد وقررت افتح سوشيال اشوف صفحاتها وكلامها وهزارها كأنها معايا
وسط كلو دا ظهر بيدچ بتعمل بورتريهات بصور اشخاص
بعتلهم صوره ليها
والحمدلله الشحن ما اتأخرش ولقيت البورتريه وصل
ومن هنا بدأت اللعنه…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اسطورة حياتي)
