رواية اسرار قدس الفصل السابع 7 بقلم زينب ماجد

رواية اسرار قدس الجزء السابع

رواية اسرار قدس البارت السابع

رواية اسرار قدس الحلقة السابعة

يذمون الچلب بعض البشر مرات
ولكن بالحقيقة فدوة يرحوله
ما ياكل ابيت ويسب راعي البيت
ما سوى الافعال الماهي معقولة
(علي المنصوري )
قدس : دفعني للفراش صرخت واني ابعدو مني
حط ايدو على حلكي كمت اخرمش بديه وابعده مني .. ضل طارح روحه فوكي يريدني اسكت .. كرب راسو مني انفاسه باذني .. جسمي كلو كشعر .
خفت منه حيل
ضليت ادفع بيه وابجي فلتت ايده من حلكي كتلو : عليك الله عوفني والله ما سويتلك شي
وكف وضل كاضب ايدي
كملت اتوسل بيه واني اكلو :عليك الله وخر فدوة عوفني
سحب ايدو مني وصار على صفحة
لميت نفسي بسرعة وكعدت خليت راسي بين رجليه وحضنت نفسي وكمت ابجي .. كام من مكانه يمسح بوجهه يروح منا يرجع منا .. يتنهد يدحك عليه واحتار بكاعه .. كعد مقابيلي من ذيج الصفحة
ودنك راسو وبجى بجي .. كامت اكتافو تهتز على كثر بجيه
معد اعرف شبيه
ولا بيه اساله ولا بيه اضل بمكاني .. بس ضليت ابجي وادحك بيه عد افهم حالو
طفت الكهرباء .. صارت صنطة
المبردة طفت المروحة .. ما عدت اشوف منو شي وانا البجى بروحي وبس اجر بخشمي .. صوت البجى مالتو اختفى
سكتت تا اسمع ردة فعل منو
ظلمة ما عد اشوف شي .. واخاف اتحرك لو احجي .. ما اعرفه هو شنهو وشعده وياي ؟
مرت لحظات من السكوت .. بس دكات كلبي من الخوف تنسمع بالقرفة
شوية وسمعته تحرك .. كام من مكانوا بسرعة وطلع من القرفة
ويا ما طلع الحاجة شافتو ولطمت على خدها : شسويت ولك
– وخري مني محد دمرني غيرج انت واخوج والله لا ادمركم
– شسويتلها احجييي ولك لا تشهرنا شسويت للبت
دفعها عنه وهي طبت للغرفة
قدس :كمت صوت الحجية وهي توشوش ومدري شتحجي وياه بس بسرعة مشى وما عدت اسمع شي .. الحاجة شافتو وهو يطلع من قرفتي لو ما شافتو .. يارب ان شالله ما شافتوا اخاف منهم .
طبت اني سويت روحي نايمة بسرعة ما تحركت
تكربت تتلمس مدت ايدها علي لكتني نايمة
طلعت من القرفة بسرعة وسدت الباب وراها
كعدت ادحك بنص الظلام وراها واريد افتهم اش صار ؟ ليش اجاني وسوا بيه هيج
وعش تصرفوا هاذ ؟ وشوراه ؟ موقفو جان غريب
ردت اكوم بوراه .. بس ما استجريت خفت
ظليت كاعدة بمكاني .. اول مرة يصير بيه هيج وشخص يحضني ويسوي بيه هيج ويكلي احبج .. هو حت ما اذاني فد بجى هواي …
ضليت اربط لجيته غاد من جان يجي الفجر وتصرفوا هذا
جان يحبني ؟ واذا يحبني عليش تزوجني خالو ؟
معدفهم اش جاي يصير
ظليت الليل كله بنص الحر والظلام افكر
ما جاني نوم للفجر .. كمت طلعت من القرفة
البيت كلو اظلم ..
الصلاة كن صارت وخيط من الفجر بين .. ادحك من بعيد
طلعت للحوش مالهم جدامو البستان .. ضليت ادحك اكو صوت مال صرصر يسوي صصصصص الصوت اليصير باليل.
ولا واحد كاعد ذولة مثل اهلي ما يكعدون على وكت الا تطلع الشمس ياله
كعدت على الدجة مال الحوش ادحك للبستان واكول يمتى يكعدون نتريك ؟
ظليت كاعدة انطر لحد ما طلع الضوا
طلع وهب حط راسو بالبرميل وغسل من الحرك .. دحك علية
انداريت عنو .. عافني ومشى
كعدت كلش ضايجة ..
اتمنى لو ارد لاهلي احسن
هين ما حلو الجو وعيشتهم ما حلوه وهم ما حلوين .. اتمنى ارجع ليقادي اشوف اصخلاتي الهوش الدجيجات مالاتي اوكلهن اوردهن ماي .. اني ما اريد اعيش هنانة .
صديت اتذكر الصار بالليل وشلون اجا عليه
هزيت راسي السواه كلش عيب ما كن يستحي
اجاني صوت من وراي : ليلتج عامرة يعروس
انداريت ادحك ياهي .. طلعت اميرة
ما رديت عليها .. كربت مني : شلونها جانت الليلة
– زينة
– كلش زينة
دحكي هين انا اميرة اذا ما تعرفيني لا تجربيني .
– وشسويلج هسه ؟
– صايرة لوتي عود شني
– شرايدة مني انا لا مجربتج ولا مكربة منج
– عجل ردي منين ما جيتي وفكيني من شرج
– واني امري بيدي كلي لرجلج يردني مو انت اميرة
– تتمسخرين يولي؟
– اني فد رايدة افتهم انتم شعدكم وياي واحد يصيح رجعوها لا افجركم وواحد يصيح ما ارجعها وانت تجين عليه تكليلي ردي .. هو شكو ؟
– حلو الواحد مني تمسكن ويسوي روح بري ما يدري بشي
صاحت الحاجة من ورانا : اصباح الشر اعلى وجوهجن
اندارت اميرة وهي تكللها : الشر جدامج مربع نزلاه علينا اخوج وابنج
حجتها ومشت من عدنا
كربت الحجي وكضبتني من ردني حيل : امس شسوا بيج خطاب ؟
– ما ادري ما شفتو
جرتني حيل : اسمعي ولج هسه اكلل لرجلج اخلي هين يكضبج لا يملصو لراسج ويفكنا من شرورج .. احجي شعدج ويا خطاب وشسوا بغرفتج بالليل
– رجعوني لبيت اهلي اني ما اريد اضل هين
– وجان زين او افتكيت منج ووليتي …
عفتها ومشيت .. ياهو الجاي وجارني وصاكعني
خلصت من اخوتي العسرين قاد اجوني عايلة كلها عسرة … نطرت ابو وهب يكعد .. ليما طلع من حجرته .. حجيت وياه : ابو وهب احاجيك
– شنهو شعدج
– انا رايدة ارد للجول .. ما اريد اضل هين
ردني لاهلي
– فاركي من هين لشوف فاركي من صباح الله معبسة والوجه وتصيح ردني
– عجل حاجيهم اني والله اخاف منهم
– ياهم التخافين منهم
– الحاجة واميرة كل وحدة بيهن تجر بيه من صوب
– انا هساه احاجيهم لا تضلين تكركين
طب للمرافق
واني ابعدت ليقادي
طلعت عفاف : توها وصلت وكاعدة تتشكى والله عمي عال
تعدتني ومشت للمطبخ
خلص المرافق هو واني واكفة ناطرتو
حجه : عجل يولي انت مناطرة اخلص
غسل على المغسلة ومشى للمطبخ صاح : اميرة
– عيوني ابو وهب
– خفي حمولج عنها ليما نعرف التالي وياها ما اريد وجعان راس
– وانا شعدي وياها ؟ بالحرام ما متكربتلها ولا حاجية وياها
– احسنتي
– لا اكرب هي شكتلك مني
دار عنه اجت وراه وكضبتني : تشكيلو مني انا شسويتلج ؟
– ما سويتيلي شي اني رايدة ارجع لاهلي
– شفت يبو وهب الضاهر البت مالها رغبة بيك وما هاوية عيشتك هالجاية تتشكالك مني وتريد تخربك علي وهي التريد تخلص منك .
– شحدها غير اكسر ظهرها .. فاركي وشوفيلج شغلة اتلهي بيها لا تظلين موكفة هين .. امشي
زكح بيا
كرهتو بعد اكثر ..
رحت للمطبخ عواطف حاطة السطلة بالحوض وفاتحة الحنفية .. حجت : هاج اذا تكدرين امسحي الكاع عني بين ما نكضي الريوك
خذيت السطل ومشيت لباب المجاز رشيت ماي وكمت امسح بالكاع .. بس روحي طالعة كلش ما متحملة هين اريد ارجع لاهلي كلش مو حلو العرس ما عبالي هيج
امسح وعيوني دمعت من الهضم واني افكر ما بيني وبين نفسي .. قاد اهلي كلهم ملتمين بس اني هنانة
رفعت الوصلة وانداريت خاطر اموصها بالسطلة
دحكت ابو وهب متمدد ليقاد ويدحك بيه .. نظراتو عليه تخوف وهو يدحك من جوا ليجوا عليه شلون ادنج
لعبت روحي واحتريت بالزايد فوك ما هي حارة
من شافني دحكتو.. حجه : امشي جيبيلي المخدة من غرفتج .. يلا بساع
انخمش كلبي .. هو رجلي صح
بس ما ادري ما احس اني اريد انزوج ما اريدو لعبت نفسي .
انا صح عايشة بجول
بس بعيشة المراح اعرف الهايشة يحتاجلها عجل يلكحها خاطر تحبل ومرة سالت نهلة مرت اخوي كالت : حتى المرة مت تعرس الزلمة يلكحها مثل ما العجل يلكح الهايشة خاطر تحبل .. اعرف الزواج بس اني ما هايشة .. اني اريد ارد لاهلي
صاح : مو احاجيج
توني جاي امشي اجت الكهرباء الوطنية
كام من مكانو هو وصاح : وهب كوم اترس المبردة خاطر نتريك على البرودة
حجاها ودخل للقرفة وراي .. اطيته الوسادة
كضبني كن زند ايدي : يحليوة تعاي جاي امتعج
– فد اكمل مسح الماي مطشر
– هدي وتعاليلي جاي
– لا عفية وخر هسه
– تمنعيني منج يوليي
جرني حيل .. اختنكت اريد ابجي
كتلو : لا بس اني ما اريد هيج اني حتى مو عروسة
– تريدين عرس وصفك
– اي ما هيج
تبسم ومد ايده على خدي : يلوكلج يم اخدود متروسة
قمضت عيني من مد ايدو على خدي
احس اريد ازوع ما جاي احملو ما اريدو …
فتح الباب وطلع من قرفتي
هن فارشات السفرة بالهول .. طلع جدامي
اني مسحت خدي حجه : اكربي ول يابه نتريك
– فد اقسل
مشيت شلت السطلة حطيتها بالحمام وقسلت
رجعت لكيت اميرة متخوصرة وعاكدة الحاجب وابو وهب كاعد اعلى راس السفرة ..
اشرلي اكعد صوبه
مشيت واني كارهة كربو ..
كعدت ادحك الريوك طاوة متروسة طماطة وفوكها بيضتين .. مد ايدو ابو وهب واكل والكل كام ياكل .. ما كلت لكمتين خلصت الطاوة .. ظليت اصفن
ادحك عفاف كامت تاكل خبز كفار و جاي وتحجي .. واميرة ادحك علي ومايلة راسها ورافعة حاجبه وتلوج بخبز وابو وهب مكعد ابن اميرة بحضنو ويلاشيه .. اندارلي : الليلة اجيب امج ونسوان اخوتج نسويلج هوسة وصفكة هين
اميرة : وحجي امس وين ولى
ريسان : راح ويا امس
– وعليش ؟
– اميرة حدج ولا تدخلين باموري
– هيج اني صفيت غريبة والامور صارت بيد قدس ؟
– مرة حالها من حالج ما جيتي ليجاي بصفكة وهوسة ؟
بعدهم جاي يحجون وما نحس الا صوت انفجار قوي هز البيت هز والجام تكسر من كل صوب
تصارخنا وكمنا على حيلنا
اللي داس بالسفرة واللي كام يتراكع بالبيبان واللي يصرخ وناس ادوس بناس وابو وهب ركض لقرفة اميرة .. طلع وسلاح بيدو يركض
دخلت بقرفتي اتخوتل وارجف من الصوت واريد اعرف اش صار ؟
عفاف تصيح على جهالها ووهب يصيح على اخته سطلة ماي بسرعة .. ركضت سراب تجيبلو الماي والحاجة والبنات طلعن يشوفن شكو
طلعن والجيران اجبلو علينا تا يعرفون اش صار
الباب مالت المجاز مطعوجة وبيها صخام اسود
كام ابو وهب يتهم خطاب هو اللي فجر بيتو وكام يصيح بين الناس : خطاب الفاين فعلها هذي من فعايل الردي هو الهدد يفجر البيت هو من امس يهددني يفخخ البيت بعيالي
ام هطاب كامت تضرب على راسها وتصيح : انولينا ول يعاااااالم انوليناااا مصيبة ووكعت على روسنا
اندارت وهي تصيح واجتني تركض : كلو من تحت راسج يبت وسام من يوم ما عتبتي باب هالدار والبيت ما طابله خاطر مكاون من طبتج علينا بشر وليجاي
كامت تحجي وادك على راسي كمت ابجي
وارفع ايدي اشكف عني وهي اطك فوك راسي .. عاونتها اميرة وكامت وياها وهي تكللها : كله من تحت راسها هالبلية هاااااي
واتكابلن عليه هي والحجية
كمت اصرخ واجر بروحي منهن اميرة ما خلت على حالي حال عود بحجة فقدت من الخوف والصار كامت تشكك بثوبي وتمد بس تريد تكضب راسي تا تتشاعف وياي من راسي
جرتني عواطف منهن وذبتني بالقرفة مالتي
كمت ابجي واناشغ من كل كلبي واصيح : يمه وينج تعاي اخذيني ما اريد اعرس بعد بس تعاي حتى جاهل صقيرون ما اريد بس رجعووووووني
ابجي بصوت عالي بالقرفة فد محد بحالي
لحد ما تعبت وسكتت .. ليقاد كمت خاطر اطلع ابو وهب طالع من البيت والشرطة اجت للبيت سألو شصار طلعتلهم الحاجة كالتلهم : وحيد ذب علينا قنبلة صوتية
حققوا بالسالفة وبحثوا ومشوا ما سووا شي
رجعت كعدت بقرفتي .. اجتي اميرة دخلت علي وفتحت الباب حيل : تعاي عسنى لا شفنا وجهج ولا صبحنا بيه .. شحجه وياج ابو وهب
– عوفيني بحالي وروحي مني يلا ما احجي وياج
– دحكي يولي من تحاجيني هيج اكسم ظهرج بالنص بالج مني تراني اعور وطكاتي يوجعن
صاحت عواطف : والبت ياهو مالتها حاطة احطاطج وياها من امس وليجاي بسج .. ما كافي علينا بلوة خطاب نوبة انت
اميرة : تسكتين مني لا اصفج وياها
اسمعي يولي يوم اكشر عليج لو رضيتي تتزوجين ابو وهب ورضيتي بيه ظلي مطنكرة وكليلو ارجع بيتي
ظليت دايرة عنها وما احجي وياها عافتني ومشت … ظليت كاعدة بقرفتي بس اداور براسي مليت الكعدة وحت التفكير مليتو
ظليت ادحك فراشي واتذكر شلون اجا امس هد عليه ويبوسني .. كشعر جسمي من ذكرتو وظليت اعيد بالذاكرة واتذكره بتفاصيله : كلهم عسرين
شواي واسمع حس ابو لهب وهو يصيح : غداجن لهساه ما خلص وين صار .. فوك الضيم سم ماكو .. انعل ابو هل بيت لابو راعية طكت روحي منكم .. جلاب ولد الجلاب .. خطاب يزت صوتية علينا ويشرد لا ما اعلمو الله حك بس صبروه عليّ
ياهو اليفزعله عمامه ؟ افجرهم واحد واحد
ياهو اليطلعله ربع الكطهم واخل يطشارهم مالو والي .. بس صبرك علي يا خطاب
حجت سراب : ويمكن مو خطاب يمكن واحد غيرا
اندارلها : وعلش اتفزعين لخطاب ولج
كبل لا يكوم الها ريسان فز الها وهب وكضبها من راسها ويدفر بيها ويصيح : ادفعيله ولج ادافعييييله
يصم ايده حيل ويطكها براسها
ركضت امها وهي تجر بيه وتصيح : كسر بيدك يالنذل وخر عنها … وخر
كوم رياسان والزم براس عواطف
وسحلها بالهول سحل .. ودفرات
طب لغرفة امير جيب الخيزرانة مالتو واكضبها سراب وامها عواطف جلد بالخيزرانة لحد ما ورم جسمهن وبعد حتى ما بيهن يشكفن عن روحهن ويدافعن
سحلهن اثنينهن وذبهن بالغرفة وصاح ؛ ذني الكح …. يوم كامل مالهن اكل والله بالله اللي الكطو منطيهن كسرة خبز لا اصفو وياهن واورما ازود منهن .
يصرخ بنص البيت وفنا واحد رد عليه كلها رادت اسويها جواتها من الخوف ..مدن السفرة وصبن تمن احمر وطاسة لبن جاموس رايبة
صاح الكل انا خفت اطلع .. من اكل وما شافتي صاح : ول هيييين قددددس
فزيت من فراشي وطلعت .. حجة : دخل ينحط الزاد مرت اللخ والكيج متخوتلة بغرفتج تالله لا اكضي بيج التوبة واندمج على الساعة الجيتي بيها لهين.
كعدت بلا كلام اكل بس دموعي تكت خوف وهظيمة .. ما دحك بيه ولا كالي شبيج رغم المناشغ مالتي سمعوا .. كرهتوا بكد الدنيا
وكت الدنكت امسح كدامو حبني واردني
وهسه ما يهتملي .. هذا حيوان ما يهتم غير لنفسه ونزواتو
خلصنا اكل وكام كل واحد بصفحة
اني كمت ويا عفاف اقسل صحون القدا .. كضيت ورجعت لقرفتي لكيتو كاعد بيها : حجه الجاي وينو
– هسه احضرو
رحت للمطبخ ما اندل
رحت على عفاف دلتني وخدرتلو الجاي وخذيتو الو .. اخذه من ايدي وكال : اكعدي
كعدت .. حجه : خطاب هم حجه وياج ؟
– لا بس امس
– شحجة ؟
– كال للحاجة رجعوها لا اهدم البيت فوك روسكم .. رجعني
– اليوم امج تجي مالج غرض اكضي الجاي وانام شوية وامشي اجيب امج
–
شربه جايه وتمدد على فراشي
اشرلي ..تعاي جاي
تصنمت بمكاني ما تحركت .. زكح : احاجيج ول هيييين
تكربت من عندو بس كل كتر بيه يتراجف
صفيت يمو كام يمد ايدوا ويتحسس جسمي كشعرت واحس اريد اطركو كف ابعدو مني على كثر ما مصخت روحي
دفعتوا مني حيل متحملت وكمت بالعجل
صرخ : تعاي جاااي
– فد اروح حمام
حجيتها وركضت كعدت بالحمام كمت ابجي بجي ما باجيته بعمري .. شايب ما تطيكة روحي بنتو بكد وابنو اكبر مني .. روحي ما تحملو
بالساعة وانا لابدة بالحمام
خفت لا يسعل عني لو يكوم يعصب ويطكني مثل ما فعل بعواطف وبتها .
طلعت من الحمام على كيفي اتلبد
وصلت لباب قرفتي دحكتو نايم .. خذت مخدة وتمددت على صفحة نمت لان سهرانة بالليل ما نايمة ذبيت روحي ما حسيت
غير وهو صوته يصيح من قرفتي ويكلها : منهو ؟
– عمام خطاب جايين ليجاي
– وشعدهم
شلت راسي واني الف الربطة ..
مدت راسها اميرة ادحك عليه وين نايمة
عافتني وطلعت
طلعت عمام خطاب وابو وهب يتصايحون
هو يكلهم راد يموت عايلتي وفخخ بيتي وهم يكلوله : البيت بيت ابوه وخطاب رايد يفرغ البيت باسرع وكت … لباجر البيت لا ما تفرغ لا الوم ابنا لو شما سوا .. البيت بيتو والحلال حلالا .. يهدمو يفجروا .. يسوي ما يسوي انت كعدتك وعايلتك زايدة عليه
كام يتصايح وياهم وما انطي البيت وما اطلع
تكاونوا عمام خطاب ويا ابو وهب كونة جبيرة .. طلعت الحاجة توسطتهم وهم نزلوا على الحاجة مصايح .. وناس تزكح بناس
طردهم من البيت بكل عين صلفة وهم تحلفولا ما يخلوله البيت طيب … دخل ابو وهب حجي ومناقش وصياح ويا الحاجة .. وابنج وابنج
توها قربت الدنيا واذن المقرب
وما نحس الا الميزانية مال البيت اطك
وصوت جنه انفجار… فزعتا كلنا
والجهال ظلت تصرخ وتبجي
كطع صلاته وركض للميزانية لكاها واجة نار
ومصايح وجيب وتعال هو ووهب وضياء ابنه طفوهن
البيت صار كبر من الحر
نذب ماي على ارواحنا ونرد ليورا
وهب جاب واحد يفتهم بالكهرباء خاطر يربط واير السحب كايلو : هذا يحتاج تأسيس ما يصير لازم الصبح
انجتلنا من الحر
طلعنا الالات برا وفرشنا وتعشينا خبز و لبنة
وهب وابوه ما همه طالعين بس احنا النسوان والولد والزغار ظالين بالبيت
طب خطاب فزت امه لحيلها : يالردي ما تستحي اعلى طولك رايد تطردنا من البيت .. يرضاها ضميرك وضعنا هاذ
انا تعلكت عيوني بيه وامه تتكاون وياه
داير عنها ما اهتم الها .. وهو يكللها : خل اخوج يستر على روحه مني كبل لا والله ناري تاكلكم وتسويكم رماد
– نار ياهي التاكلنا احجي وياي عدل ولك انا امك
– امي الرضيتي بوضعي وسايرتي اخوج بجرمه وما وكفتي بعينه بالحرام ما انت امي ولا اسميج يمه منا وجاي وحتى البيت العشتي بخيره وسلمتي لاخوج تطلعين منه
رادت تضربه وكف ايدها وكاللها : طكة الصبح والكهرباء انذار وخلي اخوج يدير باله من الثالثة من كون ثاتبة وما تتعداه بحيل الله
كامت تضربه وتكله : رايد جتلت خالك يالنذل ما غزر بيه ارباك تبيع خالك على فرد كح…
كضبها حيل وهو يكللها : الما كدرتله امس اكمله اليوم
دفعها منو وطلع
ظليت ادحك وراه .. مشكلة ابو وهب وخطاب انا
بس شنهو الصاير وعش هيج متكاونين ماعدفتهم
ظلينا كلنا متمددين بالحوش
وكل شوية واحد فاز من فارة حشرت بين رجليه لو صرصرة صعدت عليه .. نمت
ليغاد كعدت .. الكل نايم
دحكت الدوانية بيها ضوا بس البيت اظلم
دورت ما بينهم .. وهب نايم بس ابو وهب ما هو
كمت من مكاني حتى اروح للحمام
ظلمة كلش .. دخلت للدوانية .. انصدمت بوهاب كاعد .. رفع راسه من شافني كلب وجهه وزكح بيه وصاح : شتريدين
– فد شخاطة اريد اشعل اللالة اروح للحمام
مد ايده من جيبه وزتها عليه رت
دنكت اخذها رفعت راسي ادحكلوا .. حجيت : عليش هين اكو ضوا وبالبيت ماكو ؟
اندار عليه بخزر : يولي انت غشيمة لو جاي تتملعبين بناري ؟
– عليش ؟
– امشي منا
-انا رايدة ارجع والله بس هو ما يرضى بس اكلو رجعني امي يزكح بيه ويضل يقلط ويصيح روحي ما هوت العيشة هين انا رايدة ارجع لاهلي
ضل يدحك بيه .. حجه : امشي منا
خذيت الجداحة ومشيت منه ابجي
واحجي ويا نفسي ما اريد هين ما اتحملوا اريد ارجع لعيشتي قاد والله ما اريد هيج رجعوني
خذيت الللالة ومشيت للحمام واني ابجي
خلصت حمام ورجعت للقرفة حارة كلش بس كعدت ابجي لحد ما اكتفيت وهودت ونمت .
شوية وكعدت هم محد منهم كاعد
رحت للدوانية خطاب ما هو دخلت للبيت اسمع سراب تبجي وتكل لامها : مكان الطك من يجيسه العرك ينلجم متت يمه شلون والله متت
وامها تكللها : حيل وابو زايد خاطر تتعلمين ما تدخلين بشي مالج خص بيها دحكي من وراج من امس ولهسه لا اكل لا ماي لا هوى الله متت عساني لا خلفتج ولا دافعت عنج .
دحكت شنو هالبيت هذا ؟
سجن ؟ لو زنزانة تعذيب الوضع بيه ما ينطاق
جاي احجي .. دخل خطاب للبيت بيده دولكة ماي ثلج
اني كاعدة بالهول ادحك بيه .. دك الباب على قرفة عواطف حجت : ياهو
– افتحي الباب انا خطاب
كامت فتحته، انطاها الماي حجت : ابو وهب وينه ؟
– ما ادري عنه .. شربوا وانطوني الماي
سراب : لا تورط روحك بينا ابوي لو شافك تسكينا يبليك ويبلينا
– خل يفض نفسوا من البلاوي الراح اكتها على راسو تا يلحك يبليني
مشى للمطبخ جاب خبز وانطاهن واخذ دولكة الماي .. حجيت من يمي : انطيني ماي
وكف هز راسه ومد الدولكة كمت بسرعة تا اشرب ماي بارد كلبي جمر من الحر انام واكعد مفجوعة من الحر .. خذيت طاسة الماي من ايده .. عافني ومشى رفعت الطاسة اشرب .. دحكت اميرة صارت جدامي
شربت وكملت شرب
اجت اميرة : سكيتيهم ماي
– مو اني السكيتهم خطاب
– هاي الطاسة بيدج وخطاب ما هو
– دوحي اني طالعة روحي من الحر روحي
عافتني ومشت
نزل ابو وهب من فوك .. صبحت عليه : صباح الخير يبعد روحي
ما رد عليها اندارت تكله : شكلها البت الجبتها ما تسمع حجايتك
اندارلها : شلون يولي
– اطت خبز وماي لعواطف وبتها واذا ما مصدكني دحك وشوفهن جاي ياكلن
بسرعة فتح الباب على عواطف لكى الخبز بيدها لافته وتاكل ..
اندار صاح : قدسسسسسسس
– ما اني والله خطاب هو السكاهن اني فد اطاني ماي
كضبني من شعري : وخطاب شعدج وياه ويسكيج ماي
صرخت على لفت شعري بيده وكتله : فد اطاني ما سوى وياي شي … شعري يممممممممه
جرني من شعري ولطخني وجهي بهالحايط اجت الضربة بوجهي من صدمة الوجع اختفى صوتي .. بعدني ما مستوعبة الطكة … جراني للقرفة ودفعني بيه وهو يكلي : تكسرين كلامي ولجججججج ابالج ناسيلج من منهتيني منج امس ونمتي غاد عني …
كمت اصيح بيدو جرني من ثوبي وشكا عليه ويصيح ؛ تمنعيني منح بت الحوووول …