رواية اسرار قدس الفصل الرابع عشر 14 بقلم زينب ماجد
رواية اسرار قدس الجزء الرابع عشر
رواية اسرار قدس البارت الرابع عشر
رواية اسرار قدس الحلقة الرابعة عشر
حسبالي لهفه كلبك تدوم..
طلعت رسم ع الرمل مرسوم
قدس : رايد تسممه ؟
– مالنا غير طريق نخلص منه ، شوفيلي شيشة الدوا مالته ودزيها الي
– اني ما ادبرها اخاف
– منين تخافين
– انت عليش تجتلو
– تغشمين روحج ؟
– ليش نجتلو اني ما احب الجتل
-خالي ارهابي وجتلو حلال
– وانت رايد تجتله لا ارهابي
– يولي خذاج وباكج مني شنهو الجرم اكثر من هذا .. حلمت بيج وجتل احلامي وخذاج
– ما ادري اني اخاف
تنهد ودحك منا ومنا : عجل لا تشغلين بالج بيها اني احلها
– شتسوي
– اني انفذ الكتلج عليه
– تكتلو
– ما راح يطلكج ولا راح يخليج الي .. اذا ما مات بعمرنا ما نصير لبعض
– والا موت
– انت عليش خايفة
– خطاب اني ما احب الموت
– روحي هسه واني احلها
ردت اندار كضب ايدي : سمعت مريضة ديري بالج على روحج
– راسي ومعدتي يوجعوني
– اني الصبح اجيبلج دوا ، روحي ارتاحي
عفتو ودخلت جوا ..
رحت قسلت بالحمام ومشيت للقرفة .. ابو وهب جان يون
اول ما فتت ، سال : وين جنتي ؟
– بالحمام
– كل هالمدة بالحمام
– بطني توجعني
– شجالج راسج معدتج بطنج .. شصايرلج يولي
– ما ادري
– تعاي جاي
– لا اريد انام
– يولي عليش تتفلتين مني ما اتكربلج هالتشوفيني مجطول لا اشيل ايد ولا رجل .. اكربي
اها .. احاجيج
– رايدة انام
– اي تعاي نامي يمي عليج مجنفة ليغادي
– مو من تجي المبردة تصير عليه هين
– قدددس تعاي ولا تخليني الح وياج .. كربي لشو
تكربت عنده
فتحلي ايده .. رجله حاط تحتها مخدة ونايم على ظهره
حطيت راسي على ايده .. حبني بخدي وحجه : عليش ما كتيلي انا متعرضيلي من الزغر وهيج صاير وياي عليش خليتيني اكتلج
– ما ادري
– شنهو الما تدرين بيه
– ما عرف شصاير وياي كبل وحت من كتلتني ما اعرف ليش لازم يطلع دم اني كتلك ما عرف وانت ما صدكتني
دحك عليه .. رجع حبني وحجه : البنية الشريفة والمحد جاربها كبل ونايم وياها من يوصلها زلمتها اول مرة يطلع منها دم .
هو يحجي اتذكرت حالي ويا خطاب من كام يجري عليه دم
حجيتلا : يعني البنية التنام ويا اثنين مو شريفة ؟
– شني هالسؤال
– لا اني اعرف مو شريفة فد يعني اذا واحد كبل يعني
– ليش تسالين هالسوال
-رايدة اعرف
– التخلي غير زوجها يكربها مو شريفة وزانية والله غاضب عليها وبيوم القيامة الله يدخل بيها شيش من نار عقاب على السوته
– واذا يعني ما متزوجة
– حتى الما متزوجة الزانية هي اي وحدة تخلي واحد يكربها بدون زواج الله يحركها بنار جهنم وينترس كبرها عكارب رحيايا ياكلنها من تموت
ضليت ساكتة
فد الصار ويا خطاب كلو جا ابالي ..ضجت حيل
يعني هسه الله ما راضي عليه ؟
حجه :بيش تفكرين
-ما افكر بشي
-انا ما بس رجلج اعتبريني ابوج اخوج واهلج من اسالج جاوبي لا تخافين .. اني اعتبرج مثل بتي كبل لا اعتبرج مرتي وانت حلوة وخوش بنية .. لا تتكاونين وياهن التاذيج منهن بس اطيني اسمها
-زين اني اريد اعرف شي ، الله يسامح واحد يكتل شخص
-الله يسامح الكل اذا تابوا وصاروا زينين
-ياهو الكال يعني اذا واحد يكتل الناس شلون يسامحه
– ضل يدحك علي ( تقصديني )
– لا
– احنا الجاي نسوي الله يرضى بيه
– شلون يرضى بيه
– هسه ما اويد ادخلج بامور اكبر منج بس اجاوبج على سوالج الله يسامح لو لا .. الله بالقران يكول ( ان الله لا يغفر ان يشرك به ويغفر ما دون ذلك )
– يعني شنو
– يعني الله يسامح الكل اذا تابوا عن الغلط بس ما يسامح اليشرك بيه ما يسامحه .. واحنا جاي نكتل اللي يشركون بالله
– يعني انتم ما تكتلون الناس
– لا احنا نكتل الكفار الهمه امريكا والمشركين اليدعون غير الله .. هم نكتلهم وهاي حلال
– هاااا واني حسبالي حرام .
-لا مو حرام اني اسوي الحرام .. هالتشوفيني اصلي واصوم وما ارضى بالحرام .
سكتت .. ضل كاضب ايدي ونايم واني صافنة بالسكف
دحكت بيه : يعني هو مو قاتل ؟
شو يكولون يكتل الناس .. ما ادري صح لو قلط
ضليت صافنة وافكر ..
اني ما اكدر اكتله .. ولا ارضى ينجال بسببي
لو ادحك على روحي وما احسبها اني واشوف وحدة اتفقت ويا واحد حتى تجتل رجلها لحد الموت خاطر تاخذ واحد يحبها راح احجي عليها واقلط واشوفها مو زينة .. شلون اسوي هيج ؟
مو كلشي بيد الله ؟
اذا الله رايد يموته راح يموت واذا الله كاتبلي اطلك منه راح يطلكني .. ما يصير اتفق ويا خطاب واخليه يكتلو .. حت لو جان هو مو زين .. يمكن يصير زين ؟
هو لا غصبني على عرس ولا خذاني بالزور من اهلي
حجه ويا امي ورادني وامي كالتي واني وافقكت
صح ما جنت اعرف هو ماخذ ثلث نسوان
بس بعد قير الله كاتبلي قسمتي هيج
اني اروح اعارض الله واجتل ريسان خاطر اخذ ابن اخته ؟
الله راح يقضب عليه ويمكن يسويني قرد
ويمكن يحركني بالنار .. اني اخاف من النار
وحت جدام الناس عيب
جدام الله والناس ما يصير وهو جاي يعاملني زين اني ما اكدر اصير حقيرة واجتلوا حتى اخذ خطاب
فد خطاب يحبني كبله
واني حبيتو .. بس اني متزوجة والو وهب ما يطلكني
شلون ياربي ؟ شلون راح تنحل
راسي راح ينفجر من التفكير
تاخرت بالتفكير يلا نمت
لشوي قاد .. دخلت اميرة حت تساله يريد ريوك ، كال الها : ما اريد بس سدي الباب
– اي بس كعد قدس خلها تخلص شغلها
– مريضة راسها يوجعها هديها نايمة
– اكلك ريسان شسالفتك وياها شو هيج بسرعة رخيت الحبل الله وصرتلها حزام .. خير
– سدي الباب اميرة خل اكمل نومتي
احس على حجيهم بس ما كعدت
انداريت انطيته ظهري وهو ضل نايم بمكانه
لشوية قاد كمت اسمع دبجة وهوسة الجهال والنسوان وحجيهن وصياحهن والكهرباء طافية وحارة .. مديت ادية ومطيت جسمي .. صحه وهم تحرك
دحكت بيه ، كال : اذا كعدتي سويلي اكلة واستكان جاي رجلي جاي تاذيني خل اخذ علاجي
– اي
كمت لحيلي .. لعبان نفس جاتلني
الدوخة اموتتني .. جاي اروح للمطبخ رجعت للحمام فرغت معدتي وقسلت ورحت للمطبخ تلكتني عفاف : صباح الخير يعروس ، شني توج ذكرتي تكعدين .. ما تكولين شغل بيت شني خداميج احنه هينا ؟
عفتها ما رديت واندرت ظهري للحاجة بالهول : اطيني بيض ابو وهب رايد ريوك
– بحلكج عظم ما تعرفين تكولين صباح الخير بس اطيني
– قير هو كالي اريد ريوك
– بس اكل كل خير ما بيجن
كامت لحيلها وهي تقلط وادعي علينا جيف طلبت اكل
واني طلبته لابو وهب حت ما كتلها الي ..
اطتني سويتله ريوك وخذيته
اكل شوية وشرب جاي وكال : اطيني علاجي
اطيته الدوة ٣ حبوبات وشراب واحد والباقي ابر بالليل يضربهن
اخذو وكال : ذكريني الظهر اخذه
– خوش
عفت منه وكعدت اتريك بالصينية .. خلصتها وكمت لميت الهدوم ورحت قسلتهن كلهن وقسلت الكراج
خطاب جان موجود بالبستان احسو يدحكني فد ما دحكت بيه وحاولت ما اختلط وياه .. ما عرف وين اريد ارصل بس الجاي اسوي هو الصح بعد ما ادري
شعوري مختلط
بين كلبي يهوى خطاب شاب ويحبني ويفهمني
وبين صوت بداخلي يكلي التسوينه حرام وما يصير اهد زلمة لخاطر زلمة اخر احبه .. اني الرضيت واني الوافكت بيه واني اتحمل اثمي
بس كلبي ما راضي بهالحجي
شفت حنية بخطاب ولهفة وشوك ما شفتها وحسيتها من احد ، يمكن لان اول واحد احبه بحياتي ..
فد شعوري الجاي اعيشه بهالوضع مو حلو
ما اعرف شريد وشنهو اللازم اسوي
خصوصا معدتي وراسي مدري شجالهم
لا هو مرض ويكضي بيومين ولا اله علاج
اشرب بالدوا شوية ويرد .. وكلش تاذيت من وجع راسي النملة اذا تمشي بالكاع احس خراميش رجليها براسي شلون واني بنص بيت متروج جهال وناس .. متت من هالشعور
.. ردت ادخل استراح
صاحت عليه اميرة : تعاي نظفي الخضرة
خذيتها وكعدت انظف بيها
خلصتها .. انطتني عواطف اماعين جوا ايدها وسخة كالت ( غسليهن) قسلتهن
فد احس راسي راح ينفجر
ردت ادخل قرفتي الحاجة ووهب كاعدين يم ابو وهب ما اكدر اتمدد يمهم .. تمددت بالهول
باب المجاز مفتوح
خطاب يمر .. جدامو متمددة
ما ارتحت .. كعدت لحيلي
افتح بعيوني كوا ويردن يقمضن من وجع راسي
صبن القدا
ما اشتهيت احس روحي كلش لعبانه واخاف اكل واذبه من معدتي واتاذى من شعور افرغ معدتي لا احس روحي تطلع واني ارجع الاكل .
محد منهن صاحتني من ما كعدت حتى الحاجة
ما صاحت .. كمت من الهول حتى افوت للقرفة لكيت اميرة كاعد تقدي ابو وهب .. صاحت عفاف : قدسسسس
– ها
– جيبيلنا دولكة الماي
جبتها ، حجت : ماطولج واكفة جيبيلنا الخبز بعد ع الرف
جبتو رجعت .. ما طولج واكفة الملح الملح
زكحت : شنية ابتليت وكفت كوموا انتم
صاحت : شدعواج عيني شصخرناج جبتيلنا كم حاجة .. شو ثور ومبطوح نومتج ظهاري
ما رديت عفتها ودخلت للقرفة فد حواجبي اطابكن .. صاحت الحاجة : سويلنا جاي
صحت : اهوووو شنية كله عليه .. بسسس تعبت ما اكوم والله
صاح ابو وهب : حسج يوووولي حسججج
– صيح بيهم والله راسي يوجعني ما اكوم بعد ما اتصخر
كامت الحاجة واجت تهد عليه وكضبتني : صياحج هذا ويامن يولي .. عليه
صاح ابو وهب : هديها انا اعلمها الهاطيحة حظ هديها
دفعتني وهي تكلي : اسمع حسج نوبة اللخ الا ادفنج
حجتها وطلعت
– شنية بس قدس قدس قدس ، اريد انام تعبت
– يولي مو تصيحين على الحاجة بحلج هي بعمرج احترمي
– هن ينحشنها عليه ما اكوم بعد
– تعاي جاي اكربي شبيج
صحت : ما ارييييد
عفتو وجريت مخدة نمت على صفحة
ما حجه .. ظليت نايمة .. لشوي رادوا يكعدوني ما كعدت .. للمقرب يلا صاح : اكعدي ما يصلح تنامين المغرب .. غسلي وجهج واكعدي
كمت للحمام اريد اقسل .. الماي مكطوع
طلعت للحنفية البرا.. هم الماي مكطوع .. رحت للمبردة مال الدوانية جريت مي من البرميل مالها .. اقسل حجه خطاب
– وديتلج دوا بيد صفاوي كبل شوي اطاجياه
– توني كعدت ما ادري
احجي وعاكدة حواجبي راسي واجعني
حجه : شبيه راسج يولي دحكتج الظهر نايمة مردتي كلبي .. كليلي شبيج
– ما بيه شي
عفته وجاي امشي حجه : قدس ، شبيج وياي ؟
– مو كتلك ما بيه شي
ضل يدحك ، حجه : ديري بالج على نفسج واخذي دواج
عفتوا ودخلت للبيت
ادحك روحي .. هسه اني المن ؟
لابو وهب لو لخطاب .. كعدت ابجي بالمطبخ وحدي ، اجت سراب : ابوي يريدج
– ما بيه حيل
– ابوي يريدج دكومي
– هسه اجي روحي
راحت ظليت كاعدة وحدي بين وجع راسي وكلبي دموعي تجري .. ليش وشبيه وشريد ما عرف
لح كل ساع يدز واحد
كمتله .. ضل يسال شبيج وراسج شبيه
بقيت متمددة صاحت الحاجة خاطر اكوم اعاونهن بالعشا ما رضى هو كال : عوفوها مريضة خلوها بحالها
جابت عفاف العشا بس جان متالم حيل ما كدر يتعشى كال حطي .. لشوية قاد طلب مني اكربله الصينية .. كربتها ، كال : اكلي
كلت شوية وما اشتهيت .. كال : شربيني الدوا
جريت العلاكة ردت اشربوا .. دحكت علاكة العلاج مفتوحة والشراب عليها .. دحكت بالشراب لونو ابيض فد جان لونو شفاف
عرفت خطاب جاي يسموه
حجه : اطيني شبيج
– فد خل اجيب خاشوكة
– مو هاي خاشوكة
– ما نظيفة ما نظيفة
– ارتبكت وادية كامت ترجف ردت بس اكوم احس اذا شربته بيدي هالمشروب راح يموت جدامي واني ما اكدر اجتل بشر
جبت خاشوكة واجيت .. دخلت القرفة
سويت نفسي عثرت ووكعت الشيشة من ايدي : الثول حتى ثول ، كسرتي يولي .. عمية ما تشوفين
الرجيف كضب كلبي
تخرذلت .. ردت اعبر الكزيز دست عليه
انشكت رجلي .. وخرت منه .. صاح ي يولي شجاج انصكعتي سراااااب ، ول هيييييين
كعدت لحيلي وكمت ابجي حيل
انثبر بحالي ما عرف شيسوي كام يصيح : ول هيييين
اجته عواطف كال الها : رمي الكزيز وشوفي هالمصكوعة شجالها تصركعت وانشجت رجلها
كومتني وكال : يولي رجلج جاي نجري دم دكومي غسلي شو دكومي
جرتني وطلعتني من القرفة رحت برا اقسل
كعدت اقسل وابجي .. اجت بوراي شايلة المكرافة ولامة بيها الكزيز كالت : هسه متكليلي شبيج تراج تتعايرين هواي هي لحست كزازة شجاج
طلع خطاب من القرفة على حس عواطف .. حجه : شبيها بعدو راسها ؟
عواطف : لا بس كسرت شيشة الدوا مالت ابو وهب وذاك تصركع وهي شجت رجلها .. فوت يمعود لا تزيدها وتصير هوسه امش
ضل واكف وعاكد حاجبه
اني ما دحكت بيه .. قسلت رجلي وعواطف راحت تذب الكزاز ، كرب مني : كسرتي شيشة الدوا عمد يولي ؟
– ما اريدك تكتله ولا اريدك تفكر بيه .. عوفني بحالي وخلي كل واحد يشوف حاله
–
حجيتها ببجي وعفت رجلي وجاي اروح ، كضبني : شني هاي مالت كل واحد يشوف حاله .
– ابعد ايدك خطاب
– تعاي هينا اكفي .. شجاي يصير وياج
– لا يشوفنا احد ابعد
– خل يشوفنا ال**** شني تلعبين علي انت شنهو هالحجي ؟
جريت ايدي منو راد يسحبني فتت للبيت
فات وراي .. اندرلتو : افهمك بعدين عليك الله روح
– تعاي جاي فهميني لا تخليني اكلب البيت فوك راسج
عفتو وجاي امشي طلعت اميرة بوجهي .. وكفت ادحك حجت : شعدج وياه
عفتهم ومشيت فتت للقرفة
دخلت ابو وهب يصيح .. كعدت وحطيت راسي بين رجلية اريد فد اخلص من كل هالمشاكل والوجع ما اريد كلشي فد رايدة اعيش بهدوء حت لو اتعب بالشقل واميرة وعفاف يشدن وياي عادي اكدرلهن المهم ما اريد اضل بهالوضع وما اعرف المن اميل كلبي بصفحة واني بصفحة
اجت عواطف شربتوا الدوا
وضل يصيح عليه خاطر اجيه ما سمعته ولا كمتله .. الليل ما عرفت انام .. وهو ساعة يون ساعة يقفى .
للصبح ما نايمة .. من كعدوا البيت اني كعدت وياهم .. جانت جاية الكهرباء بالهول الجهال مشقلين افلام كارتون .. وصوت المبردات بالبيت يون .. دكيت الباب على الحاجة .. صاحت : ياهي
فتحت الباب : كاعدة
عكدت حواجبها : شرايدة ؟
– عدي سالفة ورايدة احاجيج
– شنهي ؟
– بيني وبينج
البنات جانن متمددات بقرفتها اندارتلهن ؛ كومن شوفن امجن كضت الخبز كطعت ارواحنا من الجوع كووومن
كامن وطلعت من القرفة
كربت يمها وكعدت دموعي جرت ، حجت : شجاري لحالج يولي
– اعرف انت ما تحبيني وما تريديني بالبيت فد هذا الشي مو بيدي .. هي قسمتي جابتني هين .. من انا وزقيرونة خذتني امي من الربوني فد ما حسيت هي امي لا فد يوم نصحتني ولا علمتني فد تقلط وتصيح وتتكاون وياي
– شرايدة مني يولي
– اني حايرة وما عرف وين اروح وماكو قيرج جبير بهالبيت احجيلو ويفهم البيه تريدين تزكحين بيا تريدين اطكيني عادي ما راح ازعل فد نصحيني وكليلي شسوي
جاي احجي طبت اميرة : حاجة بس بيض
سكتت وهي اندارت لبوفيتها اطلع بيض ، اميرة ادحك عليه ، جيف ابجي وعيوني مدمعة ، حجت : شبيج
جرت البيض الحاجة ومدتلها ايدها تناولها وتكللها : انت ياهو مالتج اخذي البيض هاج وفاركي ياااله .. ولي .
سدت الباب اميرة ومشت .. اندارتلي الحاجة : شنهو العدج احجي
– اني بيوم الجتلتوني وطلعت شاردة من هين لكوني ناس رادوا يدوني لهين وخفت تحركوني وبيت اهلي بالجول ما اندلهم وين .. اطيتهم فد اسم خطاب كلت يوصلني لاهلي ، واجاني خطاب وخذاني لبقداد
قاد خفت ارجع لاهلي خاف ابو وهب كايللهم علي شردت واخوتي عسرين وخطاب كالي ( ضلي يمي اني اخذ بيت ونتزوج ونعيش اني وياج ومحد يكربنا )
رضيت فد خايفة
كربني مرة .. وطلع دم فد والله ما ادري قلط لو حرام حسبالي من كال راح نتزوج عادي وحت ما عرف البنية يطلع منها دم وهاي السوالف
– من كربج خطاب طلع منج دم
– اي فد كالي لا تخافين احنا بعد صرنا متزوجين
– اتزوجتو ؟
– لا الشيخ ما رضى يعقد الا واحد من اهلي ومن كتلو عاقد زكح بينا كال متزوجة ما يصير تعقد الا الملج عليها يطلكها واحترنا وما عرفنا الحل هو رادني اضل وياه بلا زواج فد اني ما رضيت كتله رجعني لبيت اهلي ولو رادوا يكتلوني اني راح اخلي مرت اخوي تشردني منهم فد ما جتلوني بس بسطوني اخوتي
– رجعتي عفتي لو شنهو رجعتكم
– رجعت خاطر اخلي امي اطلكني من ابو وهب وهي كالتلي اطلكج فد من مات اخوي كالت رجعي كمت ابجي احجي ما رضت حكمت علي الا ارجع ورجعت
– والرايدته مني شنهو ؟
-انا واعدت خطاب اردله وما ارد لابو وهب فد امي ردتني قصب وهو من رديت لهالساع مجنون ويريد يكتلو .. هو ورا الانفجار وحالة ريسان هاي .. ومن مات طلب مني اسممه ما رضيت
نهرتني : امشي عني جذابة خطاب ما يسويها ويجتل خاله
– والله ما عد اجذب تريدين روحي سالي
ضلت ادحك ؛ وكونج طاوعتيه
– ما رضيت هو راد يفرق الدوا مالت ابو وهب ويحط بدلها سموم فد ما رضيت وامس من ردت اشربه الدوا شفت الشراب متقير عرفت خطاب جاي يموته خفت حيل وكسرت الشيشة وحتى انشجت رجلي وهو درى اني سويت هيج .. ومجنون وما اعرف شسوي
– انت جاي تلعبين عالصوبين يولي
– والله لا اني فد محتارة وما عرف شسوي من جهة ما اريد اجتل واذي احد ومن جهة
– ومن جهة شنهو تريدين واحد غير رجلج يولي خافي ربج انت بذمة رجال تفكيرج هاذ ينهزلو عرش الله التخون زلمتها الله يحركها بنار جهنم .
– وخطاب
– خطاب شنهو ولج انت مو بركبة رجل لو لا
فاتت عفاف : تعاي تريكي حاجة
– امشي غاد هسه اجي
– خير اكو شي
– انعل ابوج لابو توالي اهلج امشيييي
سدت الباب وطلعت ، اندارتلي : سمعي يولي جري عدل واحترمي روحي وحك هو الله اخلي ريسان يكصبج
– اني رايدة امشي عدل واجيتج حت ادليني شلون امشي
– ابعدي من خطاب وجوزي منه
– ولو هو ما رضى
– وانت متانية يرضالج يولي انت بركبة رجل حرام عليج يمة
من كالتلي هيج
دنجت وضلت دموعي تتجارة ، حجت : صالج مدة عدنا بالاول كرهتج وبعدني كارهتج بس جان ضني بيج مثل امج لجن من عاينتج طلعتي وحدة ثولة وما تعرفين راسج من كفاح ، اذا ما جانت الج ام تنصحج تاخذين نصيحتي لو نصحتج
– والله اخذها
– عجل ابعدي من خطاب
– واذا سوا مشاكل
– تعاي وكليلي واني انهره عنج
الما يفتح زنبيله محد يعبيله .. لو ما شاف منج وجه مرة مرتين ما عبرتي يكوم يعوفج وماله غرض بيج ويخليج الحالج
– وهسه شني شسوي ؟!
– كومي غسلي وسمي باسم الله ولا تكربين منه ولو لح انهري وكليله عيب حت لو خالك سوا ما سوا مالي غرض اني مرة ومحترمة ما ارضى اخون زلمتي وانا على ذمته ابعد مني
كومي يلا
– ماشي
كمت منها وقررت ابعد من خطاب حت لو كلبي يحبه ما يصير اضل وياه واني على ذمة ابو وهب .. ما اكدر اضل بينه وبين ريسان ، عود لو فد يوم ريسان طلكني لو مات ذاك الوكت افكر بخطاب بس هسه ما يصير افكر بيه واني متزوجة عيب وحتى حرام الله ما يرضى .
كمت تريكت وياهن
وخلصت شقلي خطاب ما جان موجود بالبيت
صار الظهر ابو وهب نقلو وهب لقرفة عفاف حتى اداري يكللهم : قدس هوس الله بارض الله دثو تنام ما تدري عني اضل اون للصبح ما تدري بحالي
اني هم ارتاحيت من عاف قرفتي
سديت الباب وتمددت بفراشي ، الدنيا ظهر الكل بالبيت هادي ، موجودة كهرباء فد ما مشقلين مبردات ما تتحمل بس بنكات .. متمددة وفد صوت البنكة بالقرفة .. اندك الشباج ، فزيت وكمت ادحك .. جريت البردة
شفتو خطاب وعاكد حواجبو
اشرلي اجي .. فتحت الشباك : شتريد
– تعاي للدوانية احجي وياج
– يروح احد يشوفني عوفني
– تعاي لا تخليني اندمج والله تعاي رايد احجي وياج
هزيت راسي وطلعت رحت لقرفة الحاجة جانت متمددة وحاطة الراديون يم راسها وتسمع والسبحة بيدها تسبح ، من دخلت دحكت : هاا يولي
– خطاب
– شماله ؟
– يريدني اروح للدوانية اكله ما اريد يكلي اندمج لا ما اجيتي
– ضلي هين ولا تمشين انا رايحة
كامتله واني صليت بقرفتها
مشت حاولت ادحك واسمع شكو ما سمعت شي فد امه طولت يمه
رجعت لقرفتي تمددت
ليقاد صاح عليه ابو وهب : قدددس يولي هيييين
كمتله من قرفتي رحت له بقرفة عفاف حجه : شعندج امس ويا خطاب
– والله ما عندي شي
– اميرة شافتكم وهو يحاجيج شعده وياج ولج
صاحت الحجية : اميرة ام العلوم صدكت بيها ما عدها شي ولا خطاب كارب هين ولا واصل تصدك اميرة دخيل بختك
حجت اميرة : شفتهم بعيوني امس عد ما شجت رجلها وهو يحاجيها
قدس : يكلي لا تقسلين بعد بماي المبردة مالتي فد الماي مكطوع بيش اقسل
حجه : لا تكربين منه ولو حاجاج لا تردين عليه خووش
– ماشي
حجت الحاجة : لا خوش بت وسباعية ما تتوصى انا كبل حسبالي مثل امها بس خوش بت
حجه ابو وهب : لا خوش بنية حبابة بس اوجهه لا تغلط لين من تغلط ادفعها الثمن غالي هل ما اريدها تغلط
الحاجة : لا ما تغلط ان شاءالله
اميرة : الله مثخن لبنكم انت وهالدثو هاي
– شفت سمج يكطع اللبن كلت احول عليها اخير منج
– هسه صرت انا كخة وهي اخير مني الله يرحم
– فكينا سمج ياله ..
ما رديت على حجيها
فد حجي الحاجة شجعني اتكوى اكثر وابعد من خطاب وارضى بقسمتي .. والله يفرجها
كمت للمطبخ كعدت اكشر بتيتة سلك اني وسراب ، كشرنا بالثلاث كيلوات وحمسناه .. فد ابو وهب ساءت حالتو كلش
كام يصرخ حيل .. صوت بالسما وصوت بالكاع
خابر على الطبيب كالو ( اني كتلك لازم عملية اذا تضل هذا حالك تسكط رجلك )
ضل حاير ويخبر واتفق ويا واحد من ربعه يطلع للاردن قاد هناك يسوي العملية .. واتفق وياه
كل هاي الهوسة واحنا نحضر بالعشا
صبينا وكضينا واني اللعبان نفس كلش تعبني
اجو ناس من كرابة ابو وهب مدري ربعه .. هم جاي وماي وبالهول وانحبسنا بالمطبخ ليما مشو .. طشينا
فتت للقرفة ارتاح
توني فتحت الباب وفتت بسرعة من التعب الا خطاب متمدد على فراشي ، فزيت : شعدك لا احد يشوفك عدي واشتهر عليك الله روح
-اودي عليج تودين امي
– خطاب روح الله عليك والله شافك ابو…. قاطعني وصرخ
– نعلبوهم لابو اهلهم انت تلعبين علي
دفر الدولكة برجله ،، هميت عليه اكضبوا واكلو : صوتك راح تشهرني صوووتك
ادحك ع الباب مشيت قفلته : خطاب عليك الله بس
– شنهو البس وعدج وينه ؟ من كتيلي ما راح اردله وراح اطلك منه وارجعلك .. كلتي امي ورحت لامج واتفقت وياها وساعة الاريد انفذ واخلصج واخلص وضعنا تخربين الاول والتالي وتكسرين الشيييشة
– ولو ما ما يعرفو مسموم ما اكدر اخاف
– يولي ارهابي هو يا مستشفى تلفي وتدور جتاله .. لو يفطس محد بحاله تفزعيلو ليييش لا كربتج ولا خليتج تعرفين يا شيشة حطينها اله … عليش تفزعيلا
– خطاب اني رضيت بقسمتي وبعد ما اريد شي
دفعني : تقررين من كيفج انت يولي ، ووعودج الي وحجيج وذاك الحضن والبجي من عفتج تعلكيني بيج وتكليلي خلصني وتاليتج تعوفين وترضين بيه جاي تلعبين على الحبلين انت ياهو اليفيدج ضاله وياه
– هو من الاساس رجلي وقلط وياك ما اريد اعيد القلط
كرب مني وكضب ركبتي ؛ من فتحتيلي روحج ونمتي على صدري تسميها غلطة ؟ من بجيتي وعلكتي روحي بيج وخليتيني ايام وليالي اتمحرك لحالج واحير بيا طريقة اخلص بيها من اهلج
على كيفج تمحيني وتذبيني وتشوفين غيري
لعبة عدج اني
– خطاب وخر ايدك وروح منا ماكو شي بالزور
– بفعلج هذا ما تفرقين عن خالي بشي ، خالي كتلو رايدج وخطبج عني .. وانت كتلج رايدج واطيتيني روحج ووعدتيني ما تطين روحج لغيري وهسه تبيعيني بسهولة ؟
– شتريد تعتبرني اعتبرني مو كد الوعد مو خوش عادي اني ما اكدر ابقى وياك بالحرام
كرب مني .. رجعت للحايط ؛ يولي جاي تمشين الحلال والحرام براسي .. اليومين النمتيهن بحضني شنهو
-غلطة وما اريد اعيدها
حصرني على الحايط كمت ابجي : خطاب اطلع عليك الله
– مستعدة تتحملين هالغلطة
يحجي ويهمس باذني ونفسه بركبتي .. كزبر جسمي .. جر الربطة من راسي رفعت اديه ابعدو مني كضب اديه وحشر صدرة وحصرني بالحايط كامت دموعي تجري ؛ عليك الله عوفني
– للغلط ثمن مستعدة تتحملين هالغلط
– ما اريد فد عوفني
كام يضك وجهه ويا وجهي كمت ابعد بوجهي منه وهو يكرب اكثر دفعته عني سحبني حيل وردمني بالحايط ولك جسمه بجسمي ولازمن من ركبتي : هسه كمتي تكشين مني وتبعديني ، انا تلعبين علي يولي
– خطاب وخر بعدهم كاعدين خطاب روح
– حسبالج بقرارج هاذ اخليج تتهنين يولي مو اني الينلعب عليه انت وخالي اشوفكم نجوم الظهر والله
-وخر عني وخررر
لزك شفته بشفتي وكام يبوسني حيل
اريده ابعده مني .. اديه تكول حديد ما ينجرون كاضب ركبتي وحاط شفته بشفتي حيل .. كمت ادير براسي منا ومنا .. كام يمص بركبتي حيل ويعض .. كمت ابجي واهز بجسمي : وخر مني ووووخررر
ذبيت روحي عليه حيل ودفعته
مسح حلكه وهو يكلي : كدامج طريقين مالهم ثالث
– خطاب روح راح تفضحني
– دحكي لج ما طولج اختاريتي تعيشين بهالبيت وتضلين بيني وبينا وامشيتها براسي سوالف شرف .. اختاري لو تكملين وياي ووياه وتضلين ترضين شهواتنا اثنينا .. لو تصيرين شريفة صدك وتروحين تعترفيله انت شطيتيني بذيج الليلة
-ما اريدك كوة لو زور هي ما اريدك اطلع برا يلا
كمت ادفع بيه كضب وجهي بقوة : لا ما اختاريتي واحد من هالخيارين راح انا اعترف بكلشي كدامه واتعذر منه واكلو خالي اعذرني اني غلطت وياها وما رايد اخسرك وانت بمثابة ابوي لخاطر وحدة ما تسوة تخش بين الولد وابنو
-انتم دخلتوني اني ما دخلت
– مالت غشيمة وتتمسكنين بح خلصت وياي اذا ما اختاريتي ورديتيلي جواب راح اسوي الكلته وجربيني اسويها لو لا
– والله حرام عليك ليش جاي تسوي بيه هيج خطاب اني امنت بيك وانطيتك روحي كلت ما يغدرتني تفضحني ليش
– ياهو الغدر ياهو انا الغدرتج لو انت ؟
ولو بديتي الغدر انا اكمله وامشي وياج بيه .. والبينا زود يكمل
– والله اخاف يذبحني
– وذبحتهم من تختارين واحد خلك ذباح ارهابي عليج حيل ما يجيلج .. منو ومني .
راد يطلع كضبتوا : وين رايد تفضحني جاي تسمع اكو صوت بالهول
– ميهمني انت الدعيتيني لغرفتج وكل ليلة نكررها
قمزلي وذب بوسه بالهوى وكرص خدي ، فتح قفل الباب وطلع ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اسرار قدس)
