رواية ازمة نسب الفصل الثاني 2 بقلم نشوة عادل
رواية ازمة نسب الجزء الثاني
رواية ازمة نسب البارت الثاني
رواية ازمة نسب الحلقة الثانية
-نهال: ذنبها انها كانت ظالمة زيها زى ابوها مختلفتش عنه كتير لما روحت وقولتلها انى اختها اتهمتنى انى بتبل عليها وطعنت فى شرف امى وطردتنى طردة الكلاب ومش بس كده اجرت ناس عشان تقتل.. نى وتخلص عليا
فضل بذهول: مش ممكن سارة مستحيل تعمل كده انتى اكيد كدابة
نهال: انت كل اللى عليك تقولى كدابة من غير حتى ما تحاول تكشف الحقيقة لكن انا هتوقع منك انت ايه ما انت زيك زيهم سارة هانم عرفتك عليا ع انى صحبتها مش كده؟ اللطف والود اللى بتعاملنى بيه ده مش لله فى لله لا حضرتك لما حصل والناس اللى اجرتهم فكولى فرامال العربية وعملت الحادثة وقتها ادعيت فقدان الذاكرة عشان هى مش هتسبنى بحالى وحطتنى تحت عيونها بس عشان تتاكد انى مش خطر عليها وانى مش هطالب بحقى فى الميراث
فضل: وانا بقى كنت من ضمن دايرة الانتقام بتاعتك مش كده؟!
نهال: لا طبعا انت مكنتش فى حساباتى ولا فكرت حتى فى كده لكن انت جنيت عليا زيهم بالظبط سلبت منى اعز ما املك والولد اللى جوه ده شكله هيعيش نفس مصيرى مش عارف اصله ولا فصله ولا قادر يثبت نسبه
فضل: بقولك ايه يا نهال تعالى نهرب هطلق سارة ونهرب من هنا ونروح مكان بعيد نبدأ فيه حياتنا من جديد انا وانتى وانس ابننا
نهال: مش هينفع يا فضل انا جيت هنا عشان انتقم لامى ولنفسى ومش همشى من هنا الا لما احقق اللى جيت عشانه
فضل: ومش خايفة انى اكشفك لسارة؟
نهال بثبات: انا واثقة انك مش هتقدر تعمل كده لسببين الاول انك عارف انى هفضحك واعرفها انت عملت معايا ايه والتانى وده الاهم انك حبتنى يا فضل
نظر لها ولم يجيبها وسابها ومشى …. فى شركة كبيرة وصلت سارة بهيبتها المعروفة ودخلت ع السكرتيرة: فضل بيه جوة!
السكرتيرة: لا يا هانم هو جه اخد اوراق ونزل ع طول
سارة باستغراب: طيب من فضلك اعمليلى فنجان قهوة وهاتيه ع مكتبى ولما فضل بيه يوصل بلغينى ع طول
السكرتيرة: تحت امرك
دخلت سارة ع مكتبها وبدأت تتابع الملفات اللى ع مكتبها ودخلت ليها السكرتيرة القهوة وخرجت فى الوقت ده جالها اتصال
سارة: ايوة خير عايز ايه تانى؟
………: عايز المبلغ اللى اتفقنا عليه شيك ب 10 مليون جنيه
سارة: انت بتحلم اكيد
………: بس الورق اللى معايا ده مهم اوى ولو مش مهم بالنسبة ليكى اكيد هيبقى مهم لنهال اختك وهتدفعلى اللى طلبته منك واكتر كمان
سارة بعصبية: ورق ايه اللى بتتكلم عنه؟!
…………: ورقة الجواز العرفى اللى كانت بين والدك وامينة ام نهال ده غير تحاليل ال DNAواللى بتثبت انها اختك وليها حق فى الميراث زيها زيك
سارة: المبلغ اللى انت طلبته ده كبير جدا ومش معايا سيولة دلوقتى
………….: بقولك ايه يا حلوة انا نص ساعة وهكون عند نهال اختك عشان المتابعة بتاعتها لو مسمعتش منك الاوك هقلب الترابيزة عليكى سلام
وقبل ما تجاوب قفل بوشها قامت وهى متوترة بتلم حاجتها فى الوقت ده دخل عليها فضل
فضل: انتى سألت عليا؟
سارة: اه يا حبيبى كنت عاوزة اطمن عليك لانى مش شوفتك قبل ما تنزل
فضل: انتى رايحة فين؟
سارة: فيه واحدة صاحبتى كانت سايبة معايا امانة وهى حاليا مسافرة وعايزها
فضل: طب ما انتى ممكن تبعتيها مع السواق وتخليكى عشان نشوف المشروع بتاع الكومباوند ده
سارة: حبيبى مينفعش بقولك امانة ولازم اسلمها بنفسى
فضلت سارة تدور ع حاجة باهتمام وهنا سألها فضل: انتى بتدورى ع ايه؟!
سارة: مفتاح العربية كان هنا دلوقتى
فضل: مفتاح العربية فى ايدك
بصت سارة ع ايدها واتفاجئت بالمفتاح وكان باين عليها التوتر والقلق ابتسمت وقالت: مأخدتش بالى بسبب ضغط الشغل وحالة نهال صاحبتى برضه انت عارف ملهاش حد غيرى عن اذنك لازم انزل حالا باى
مشيت سارة تحت نظرات فضل المترقبة ليها .. ركبت عربيتها وعملت مكالمة: الو انت فين؟
…….: انا عند نهال فى شقتها وووو….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ازمة نسب)
